الشاعر الوحيد الي روحه طيبه يتابع رد خصمه ويررد ابيات خصومه ويلعب في الصفوف ما فيه شعار يتصرف مثل السواط وهذا ان دل يدل على ثقته بنفسه وهذا الاسلوب يتميز به السواط منذ بداياته حتى قبل الفديو والتصوير نسمع صوته وهو يردد ابيات خصمه ويقول الله الله يطرب للشعر الجزل والمعاني الجزله
بالعكس السواط لم يظلم جماهيريا ابدا ترى من القاب السواط كان يطلق عليه ( صاحب الجماهير الجارفه) ذكرها ملفي المورقي عندما سألوه عن السواط السواط جماهريا هو الاول . لكن في الـ ١٥ السنه الاخيره او اكثر حورب اعلاميا ليسلطو الضؤ على غيره ، من باب الشلليه ايضا السواط واحمد الناصر في المغتره مكافأتهم الشعريه غير عن بقيه الشعار ، وهذا من الاسباب اللي اثارت الحسد في نفوس بعض الشعار تجاهه مما دعى بهم الى الإلتفاف حول الاعلام ومكاتب الشعر لمحاربة جارالله رحمه الله
وجد روحي يا ابو تركي انشهد انه جبل و ما فيه شاعر يجي مثله بنقض البيوت ، وابو بندر شاعر بكل ما تعنيه الكلمه من معنى ، عسى الله يرحمهم ويبيحهم ، لا هنت يا ابو خالد ابيض وجه
هذا البيت 12:12 ينطبق على كثير من شباب الوقت الحالي (علومك يوم أفكر في علومك مالها عداد ،، ولوحللتها ماهي بمبيوعه ومشريه) ، الله يرحمهم بواسع رحمته وجميع أموات المسلمين ،
السواط يعشق المحاوره عشق كبير وهوايه وهذا جعل منه شاعر جماهيري اضافه للكاريزما الكوميديه احيان في بعض ابياته وحماسه وتفاعله مع الاخر جعله مميز ٠مستور شاعر ايضا من الوزن الثقيل وله كاريزما يتميز بها فكل شاعر يقابله يستخدم معه اسلوب معين حسب وزن الشاعر المقابل له حقيقه هو اخر جيل العمالقه رحمهم الله جميعا
ياقو بيت السواط الي يقول : ليا شبيت نارك جالها الهمال و الراعاد يطفي ضو نارك ثم تسكب دمعك شويه . اشهد بالله شهادة حق ان السواط شاعر من اقوا شعار المحاوره الي مرم علا الجزيره العربيه
راجعت نصف التعليقات واجادو في مدح الشاعرين ويستحقون ذلك واكثر .ولكن مع الأسف همشوا او تناسوا اهم مقومات الملعبه بعد الشعر النظيف القوي .وهم ابطال الصفوف اشهد بالله انهم اللي اعطا الملعبه جمالها وذوقها رحم الله من مات وعافا ووفق الاحياء منهم
الله يرحمهم جميع.... كلهم شعار كبار.. ولكن السواط عندي له محبه خاصه كان جدي الله يرحمه يشغله ولايطفي محاورات السواط وقتها كنت صغير يمكن استمر على هذا ٢٠ سنه وكان يمدحه بالحيل وسبحان الله صار له محبه عندي غير طبيعيه الله يرحمهم جميع.
تفوق السواط في هذي المحاورة ولا هي غريبة له محاورات مع عبدالله المسعودي قمة في الروعة ولكن السواط ظلم اعلاميا بشكل كبير وشخصيا انا اشوف انه من كبار الشعراء في زمن العمالقة المسعودي وبن تويم وبن تويم والحساني وهلال السيالي ومريسي الحارثي والمالكي ومطلق ورحم الله الجميع وجعل الله مثواهم الجنة ومستور الله يرحمه عملاق ولا يقلل ذلك من مكانته ولكن الملاعب حظوظ يوم لك ويوم عليك
مستور بدايته شدت القاف / مطلع السواط قوي ولقا اللي ينجح القاف معه محاوره قويه قويه من اقوى محاورات القلطه مع اول خمس محاورات | لو بصنفها إن لم تكن من افضل ثلاث محاورات
جار الله السوط ضلمه الإعلام حيل رحمة الله عليه برغم من انه شاعر من عملاقة الشعر وعاصر جميع الشعراء ومن ضمنهم عبدالله المسعودي ومحمد الجبرتي رحمة الله عليهم جميعاً
صدقت بيض الله وجهك اسأل الله ان يرحمهم ويغفر لهم ووالدينا ووالديكم والمسلمين اجمعين محاوره شيقه وممتعه وياليت نحصل من يبين بعض الابيات ويشرح لنا المعنى
الله يرحمهم ويغفر لهم هذي المحاورات اللي يقال عنها كاملة الدسم شعار فطاحلة لحن جميل صفوف حية حماس وتفاعل جمهور وضوح صوت وكلمات ليت كل المحاورات زي كذا بصراحة قمة المتعة 👍👍👍
عسى الله يرحمهم جميعاً ويسكنهم فسيح جناته مع والدي رحمه الله كان يقول بالشعر والنخوه ماتلقى اطيب من عتيبه ❤ فعلاً قبيله عظيمه جداً بتاريخها الماضي والمعاصر فسطروا اروع معاني النخوه والشهامه العربيه والفروسيه وحافظوا على ارث الجدود في الشعر
11:36 تعدّل و اعتدل قدام لا نفرشك بالمجلاد تبا تعطي كرا والا تبا درب اليمانيه يعني تبينا نشد معك والا نرخي ، كانت عقبة كرا مضرب المثل في الصعوبة بعكس طريق السيل
@@الاستيف ياشيخ توكل بس مالك يومين تسمع محاوره مطلق افضل من مستور في اشياء كثيره مستور شاعر وقوي لاكن مو زي مطلق انا اشوف مطلق افضل شاعر عتيبي حاليا وسابقا
السواط :
سلامَ الله عليكم من هجوسٍ عِرفَها يزداد
وانا اللّيله مِعي رمحُ ومِعي حَربه وجَنبيّه
تهَيّض يا العصيمي واِعرِفَ المِصدار والمِيراد
تبى عِلمَ الهوى لكَنّ غَشّتك الهواويه
مستور :
هلا يا مرحبا بك يا مِسَلّم والسّيوف اِحداد
عسى سَيفك وجَنبيّتك في عِلباكِ مَثنيّه
احَرّفها واصَرّفها والبّسها ثياب اِجداد
لكنّ انته تِسَرّيها مع الدّار الخلاويّه
السواط :
تقول وتِعتِزي لكنّ لا يجمِد عليك اِجماد
ورى ما تِنتِبه للدّاب الاسود واخته الحَيّه
ترَيّح يا عِميلي واشرَبَ الدّلّه مع البرّاد
ترى ما كِلّ رَجّالٍ يجِيب اِلْنا الامارِيّه
مستور :
تحَرّص يا العتيبي لا يبان النّقدِ لَلنّقاد
بعَد جِيت الطّبيبَ اللّي يبى ينجِض لِكَ الكَيّه
انا مِزهِب لِكَ البندق وانا لازِم لِكَ المِرصاد
يقولون العرب فالنّاجضه ما هي كِما النّيّه
السواط :
انا عَمّك وانا هَمّك ولا ترتاحِ فالمِقعاد
وانا رَجّالَ افندي ما خطَبتَ اَلاّ الافنديّه
تراني مِحترِص لا بدّ صيّاد الفهودِ اِيصاد
تراكم كلّكم في وسطِ جَيبي يا الحَراميّه
مستور :
سِمِعت الاوّله والعِلمِ يا ابنَ العَمّ لا ينعاد
انا بنصَحكِ وانتِ اختار في هذي وهذيّه
لِيَا قلت اِلْك عانَ الدّرب تركبها بغَيرِ اِشداد
مِرارِ اِطّيح في حفره ومَرّ اِطّيحِ في ضِيّه
السواط :
سِمِعت الاوّله والثّانيه ماني غريب اِبلاد
وانا ماني حَوَنشِي نِعنبُوكم يا الحَوَنشِيّه
اكَبّسها والَبّسها وامَلّي بطنها بالزّاد
وافصّل ثوبها ها ثمّ الحّفها السّداريّه
مستور :
ترى هذي غريبه عِندنا ما جَا لَها نشّاد
على راسِك تِوَقّع قِنبِلتك الهِندروجيّه
بغيتك تعرف المعروف يا حامد ويا حمّاد
يا ابو تكبيرِ كيف اِطّيرَ انا لازِمكِ بايدَيّه
السواط :
انا ما بدّعي بالزّور لكنّ سدّد الاقساد
عليك اِديون واجد وانت قِدّامك فِداويّه
تعَدّل واعتِدِل قِدّام لا نفرشك بالمِجلاد
تبى تِعطِي كرا واًلاّ تبى درب اليمانيّه
مستور :
علومِك يوم افكّر في علومك ما لَها عَدّاد
ولو حَلّلتها ما هي بِمَبيوعه ومَشريّه
سِقى الله ديرة المَيّاسَه اللّي جابها المِقداد
وانا ماني براعي اِرعِيّةٍ ما هي بِمَرعِيّه
السواط :
علومي ثابته ماني سِواتك مِخلِفَ الميعاد
تعَرفَ الزّيدي اللّي ظاهِرٍ من بطنِ زيديّه
لِيَا منك بنَيتَ الجَدرِ ماني لَلجَدر هَدّاد
ما احِدّك لَلمشاكل يا عتيبي من عتيبيّه
مستور :
صِحيح اِنّك من اِزيود اليمن وٍاعجِل على المِعواد
يقولون العرب ما عَصّبت راسِك عتيبيّه
انا عَمّك لِيَا طال النّهار وصارِ قدحِ اِزناد
بعَد ضيّعتها ما بين حَرّ الشّمسِ والفَيّه
السواط :
انا جَدّي عتيبي تعرِفِه غصبَ عَنَ الحسّاد
عساكِ اِبقِنبله تِحرِقكّ يا شيخ الحسُوديّه
لِيَا شَبّيتِ نارك جا لَها الهَمّال والرّعّاد
يطفّي ضَوّ نار ثم تسكِب دمعك اِشوَيّه
مشكور مشكور يابو نايف على المجهود اللي بذلته وقدمت لنا ابيات المحاورة
خليتنا ندخل جو ونتابع بتركيز عالي وقمة الاستمتاع
تحياتي لك 🌹🌹
مستور مصيبه ف الشعر الله يرحمهم
@@يوسف-ج8ذ
*العفو يا الشيخ ومرورك يشرفني*
شكراً أخي على المجهود الرائع..
@@محمدحمدان-ب1م
*العفو يا ابو حمدان الله يسعدك*
الشاعر الوحيد الي روحه طيبه
يتابع رد خصمه ويررد ابيات خصومه
ويلعب في الصفوف
ما فيه شعار يتصرف مثل السواط
وهذا ان دل يدل على ثقته بنفسه
وهذا الاسلوب يتميز به السواط منذ بداياته
حتى قبل الفديو والتصوير
نسمع صوته وهو يردد ابيات خصمه
ويقول الله الله
يطرب للشعر الجزل والمعاني الجزله
اذا قال الله الله دمره 😂
جارالله السواط مظلوم اعلاميا وجماهيريا ولكن من يعرفون الشعر يعرفون انه فحل وصاحب معاني وخفة دم .. رحمهم الله جميعا
اعلامياً يمكن بس جماهيرياً لا
بالعكس السواط لم يظلم جماهيريا ابدا ترى من القاب السواط كان يطلق عليه ( صاحب الجماهير الجارفه)
ذكرها ملفي المورقي عندما سألوه عن السواط
السواط جماهريا هو الاول
. لكن في الـ ١٥ السنه الاخيره او اكثر حورب اعلاميا
ليسلطو الضؤ على غيره ، من باب الشلليه
ايضا السواط واحمد الناصر في المغتره مكافأتهم الشعريه غير عن بقيه الشعار ، وهذا من الاسباب اللي اثارت الحسد في نفوس بعض الشعار تجاهه مما دعى بهم الى الإلتفاف حول الاعلام ومكاتب الشعر لمحاربة جارالله رحمه الله
كيف جماهريا ياخي جماهيره كثير وشاعرولايختلف عليه اثنين
غير صحيح السواط شاعر علم وشاعر له جماهيره كبيره ولا همه الاعلام او غيره
تستاهل لايك
السواط مرووق على الآخر 👌🏻
والصفوف حماس وترتيب غير طبيعي 👍🏻 ✅
ماهي صفوف هالوقت اللي كلها مبزرة❌
صدقت
الصفوف ملكية
قسم بالله السواط خطير رحمة الله عليهم أجمعين.
تحيه من زهران
يازين المحاورة اللي فيها السواط .. نفسه زينه ويعطي المحاورة حماس يا مال الجنه ... الله يرحمهم ويغفر لهم يارب
وجد روحي يا ابو تركي انشهد انه جبل و ما فيه شاعر يجي مثله بنقض البيوت ، وابو بندر شاعر بكل ما تعنيه الكلمه من معنى ، عسى الله يرحمهم ويبيحهم ، لا هنت يا ابو خالد ابيض وجه
محبه للشعر ولشعر القلطه والشعراء القدامى ،، ناس خلدهم التاريخ والحمدلله ع اليوتيوب اللي عيشنا معهم بوقت كنا صغار ورجعنا نشوفهم واحنا كبار رحم الله المتوفين وجعلهم بالجنه واطال بعمر الباقين😢🤍
على المطبخ بس
@@lL-is1nb
كلمتك هذي لا تقدمك مع الرياجيل ولا تنومس بطاريك ياشين الضعافة واصحابها
@@شخبطشخابيط-ك7س على شحم بس
الشاعر جارالله السواط من عمالقة شعر المحاوره يتميز بقوة المعنى وسرعة البديهة ويميزه عن غيره من الشعار التواضع الجم
الله يرحمهم رحمة الابرار
جارالله خفيف دم بالفطرة
الله يرحمك يا السواط مظلوم لكن يظل شاعر كبير جدا
السواط لاقبله ولابعده رحمهما الله جميع
لن يجود التاريخ بأمثال هؤلاء العمالقه .....عتيبه ملح الشعر والعلم والسلم والمرجله......الشريف الهاشمي
ما عليك زود يا نسل الاشراف ون جات للفخر انتوا من ال البيت الله يرزقنا شفاعة محمد
الله ما اجملها من محاورة :
لحن من أجمل الألحان
نقض وفتل عالي المستوى
و صفوف بنها تناغم وتوافق في الاداء
و شعار أقوياء رحمهم الله جميعا
دايم محاورات العتبان مع بعضهم فخمة
لان ما فيها عنصرية لكن اذا تقابلوا قبيلتين يحسبون الفايز اللي يقلل من قبيلة خصمه والسبب فالغالب الجمهور وضعاف الشعراء
لا غرابة فهم مصدر المحاوره بعيدا عن الدخلاء على الموروث
@@zezo5430المحاوره عباره عن قبيلة فلان ضد قبيلة فلان او سياسه والسياسه قليل تلقا لها محاورات
السواط كان يلعب ويستمتع ويتابع الشاعر الآخر رحمهم الله
جعلهم في الجنة الباردة جميع، ونعم بهم كلهم من فحول الشعر.
يااااارب وكل مسلم ومسلمه
الله يرحمهم جميع جار الله محبوب جعل عضامه للجنه انا من جماهيره وانضلم اعلامياً.
هذا البيت 12:12 ينطبق على كثير من شباب الوقت الحالي (علومك يوم أفكر في علومك مالها عداد ،، ولوحللتها ماهي بمبيوعه ومشريه) ، الله يرحمهم بواسع رحمته وجميع أموات المسلمين ،
ممكن شرح
@@alinsari3747 واضحه
يعني هروج كذب على تأليف على شويا إخراج مع خيال علمي وكيس مليان 😂😂
الله يرحم ابويا كان يحب المحاورات وطول اليوم مشغلها فيديو الين حفظناها 🤣 الله يرحم من مات منهم دعواتكم للوالد
الله يرحم والدينا ووالديك والمسلمين الأحياء منهم والأموات
الله يرحم جارالله عزالله شاعر مصيبه وداهيه وفطن وخلاقه عاليه الله يرحمه ويغفرالله
افضل شاعر السواط عملاق
السواط يعشق المحاوره عشق كبير وهوايه وهذا جعل منه شاعر جماهيري اضافه للكاريزما الكوميديه احيان في بعض ابياته وحماسه وتفاعله مع الاخر جعله مميز ٠مستور شاعر ايضا من الوزن الثقيل وله كاريزما يتميز بها فكل شاعر يقابله يستخدم معه اسلوب معين حسب وزن الشاعر المقابل له حقيقه هو اخر جيل العمالقه رحمهم الله جميعا
حقيقه العتبان متمكنين فالشعر
ياقو بيت السواط الي يقول :
ليا شبيت نارك جالها الهمال و الراعاد
يطفي ضو نارك ثم تسكب دمعك شويه .
اشهد بالله شهادة حق ان السواط شاعر من اقوا شعار المحاوره الي مرم علا الجزيره العربيه
صحيح إذا وجد شاعر معاني مثل مستور والمسعودي اما كثير ممن لعبوا معه يردونها سخرية وتريقة فتضعف المحاورة
بيوت السواط في هذي القلطه تفوق على العصيمي جداً وكان ماسك في المعنى جيداً
السواط افضل شاعر بعد مطلق الثبيتي ولا يهون مستور العصيمي
ابيات قوية واسلوبه سهل ممتنع
الله يرحمهم جميعا
راجعت نصف التعليقات واجادو في مدح الشاعرين ويستحقون ذلك واكثر .ولكن مع الأسف همشوا او تناسوا اهم مقومات الملعبه بعد الشعر النظيف القوي .وهم ابطال الصفوف اشهد بالله انهم اللي اعطا الملعبه جمالها وذوقها رحم الله من مات وعافا ووفق الاحياء منهم
خشمك
كل رد اقوى من الثاني رحمهم الله جميعاً
جارالله السواط استاذ الله يرحمه وشاعر عتيبه الاول ومستور شاعر دفاع من الدرجه الاولى افضل محاوره فالمغتره تألق فيها جارالله السواط
شعار عتيبه كلهم لهم الاوله لا تبدي احد عن احد وتظلم الباقيين مثل مطلق وغيره
@@Nhj511 عتيبه كلهم بالمقدمه مليون نعم بهم
تحية من المغرب
رحم الله الشاعرين
اخي معقولة مغربي وتستمتع بهذه الأمسيات أحييك ❤️❤️❤️
@@عزالفهيدي طبعا استمتع
❤❤❤❤❤❤❤🇸🇦
@@عزالفهيدي نعم صحيح
@@سعودالعطوي-ي6ق شكرا
مستور يالربع ماجا في الشعار مثله.. ماشاء الله عليه.. يمشي المحاوره زي ما يبغى
الله يرحمه
انا مابدعي بالزور لاكن سدد الاقصاد عليك ديون واجد وانت قدامك فداويع يعني بيوتي مشت عليك م نقضتها لي ورديتها صح ومستور رد علومك ماهي واضحه وقاله السواذ علومي ثابته
اسد المحاورة اذا هاجمة شاعر لة اسلوبة ينصحة ويطلب منة يغير الموضوع مانفع معة يهددة بكشف الاوراق مانفع معة يعطية الصالي لين يبرك
@@khalidalotaibi1508 مين هو العصيمي ؟
اقول تريح
السواط عقله 😂😂😂😂😂😂
الله يرحمهم جميع.... كلهم شعار كبار.. ولكن السواط عندي له محبه خاصه كان جدي الله يرحمه يشغله ولايطفي محاورات السواط وقتها كنت صغير يمكن استمر على هذا ٢٠ سنه وكان يمدحه بالحيل وسبحان الله صار له محبه عندي غير طبيعيه الله يرحمهم جميع.
٦٤
جارالله السواط مدرسه كبيره جدا بالشعر رحمك الله ياجارالله السواط ❤
السواط علم من أعلام شعر المحاورة رغم تهميشه من البعض
ما احد همشه ولو تشوف لقاء حبيب العازمي في قتاة تراث الجزيرة يقول السواط شاعر عتيبة الاول
فعلا والله مهمش والجماهيرية كلها راحت لنصيب شعراء غيره من عتيبه مع انه من الاوائل
@@امم-ي8د انتم تبحثون عن الفتنة الله يهديكم
ما لك لوا .. اللي يهمش ابو بندر ليته يكب الشعر عنه
رحم الله الشاعرين جارالله السواط ومستور العصيمي رحمة واسعة واسكنهم فسيح جناتة وجميع اموات المسلمين
جارالله متسلطن الله يرحمهم ويغفر لهم ويتجاوز عنهم ويسكنهم الجنه ويحرمهم على النار
في يوم عرفه 1444/12/9 اسال الله ان يغفر لهم ويرحمهم ويسكنهم فسيح جناته
رحم الله الشاعر الكبير جارالله السواط
طاروق اكثر من رائع الله يرحمهم جميعاً شعراء عمالقه
اللهم اغفر لهم وارحمهم وتجاوز عنهم واجعل قبورهم روضة من رياض الجنه
انتهت المحاوره مع ذاك الجيل
الله يرحمهم جميعا جارالله جارنا في الطايف في الشهداء الجنوبيه رجل خلوق ودين ابو بندر
محاورة مكتملة الاطراف
شعار متمكين من اعلام المحاورة
صفوف محترفين
جمهور منصت وذواق.
راح الجمهور المنصت وجاك جمهور الموال
وهذا مانفتقده في وقتنا الحالي مع الاسف 💔
تحياتي من الاردن ورحم الله الشاعر العملاق
❤🇸🇦
الله يرحمهم جميع شعار كبار لكن السواط لا يخلو من الفكاهه المضحكه وشاعر كبير ولازم يضحك الجمهور غفر الله لهم والاموات المسلمين جميع
تفوق السواط في هذي المحاورة ولا هي غريبة له محاورات مع عبدالله المسعودي قمة في الروعة ولكن السواط ظلم اعلاميا بشكل كبير وشخصيا انا اشوف انه من كبار الشعراء في زمن العمالقة المسعودي وبن تويم وبن تويم والحساني وهلال السيالي ومريسي الحارثي والمالكي ومطلق ورحم الله الجميع وجعل الله مثواهم الجنة ومستور الله يرحمه عملاق ولا يقلل ذلك من مكانته ولكن الملاعب حظوظ يوم لك ويوم عليك
اشھد بربي انھم شعار كبار اللھ يرحمھ ويغفر لھم ويسكنھم فسيح جناتھ
اكثر واحد سمع هذه المحاورة انا
الله يرحمهم فعلا متعه
مستور بدايته شدت القاف / مطلع السواط قوي ولقا اللي ينجح القاف معه محاوره قويه قويه من اقوى محاورات القلطه مع اول خمس محاورات | لو بصنفها إن لم تكن من افضل ثلاث محاورات
جار الله السوط ضلمه الإعلام حيل رحمة الله عليه برغم من انه شاعر من عملاقة الشعر وعاصر جميع الشعراء ومن ضمنهم عبدالله المسعودي ومحمد الجبرتي رحمة الله عليهم جميعاً
الله يرحمهم ويغفرلهم من اجمل المحاورات
الله يرحمهم الله يرحمهم جعل قبورهم روضه من رياض الجنه
عسى سيفك وجنبيتك في علباك مثنيه 🌹🤩✋👍👏
غفر الله لهما
رحمهم الله جميعاً وأسكنهم فسيح جناته
انا اشوف ان ماهم في حاجة تقييم في حاجه دعوه الله يرحمهم ويغفر لهم ووالدينا والمسلمين عامه
ماأجمل كلامك الله يسعدك نسأل الله حيث كنت
@@سميرهالعسيري-و3م جزاك الله خير
صدقت بارك الله فيك لله يرحمهم وجميع موتى المسلمين
صدقت بيض الله وجهك
اسأل الله ان يرحمهم ويغفر لهم ووالدينا ووالديكم والمسلمين اجمعين
محاوره شيقه وممتعه
وياليت نحصل من يبين بعض الابيات
ويشرح لنا المعنى
@@lamaandtowlinplay1370 جزاك الله خيرا
سؤال إللي يسمع هالمحاورة الثقيلة الفاخرة ويستمتع بمعانيها وشلون يتقبل إللي نسمعه هالأيام
الله يرحم الشعار و الحاضرين الأحياء منهم والميتين
الله يرحمهم ويغفر لهم
هذي المحاورات اللي يقال عنها كاملة الدسم
شعار فطاحلة
لحن جميل
صفوف حية
حماس وتفاعل جمهور
وضوح صوت وكلمات
ليت كل المحاورات زي كذا
بصراحة قمة المتعة 👍👍👍
الله يرحهم جميع ويرحم من مات من اموات المسلمين
كل واحد منهم بحر صفاق معاني ودفن ومفردات محاوره 17 دقيقه من أولها الى أخرها فخمه رحمة الله عليهم مع العلم أنا ماني عتيبي ولكن الحق لازم ينقال
عسى الله يرحمهم جميعاً ويسكنهم فسيح جناته مع والدي رحمه الله كان يقول بالشعر والنخوه ماتلقى اطيب من عتيبه ❤ فعلاً قبيله عظيمه جداً بتاريخها الماضي والمعاصر فسطروا اروع معاني النخوه والشهامه العربيه والفروسيه وحافظوا على ارث الجدود في الشعر
ماعليكم زود ياشمر
يسلم رأسك يا بعد حي شمر ونعم بكم مليار في مليار يا السناعيس الطنايا ماعليكم زود يا كريم إبن كرام
والله انا زهراني والله الشاعر السواط شاعر كبير
الله يرحمهم ويغفر لهم ويسكنهم فسيح جناته شعار كبار عتيبه اهل الشعر
شاعران من فحول الشعراء رحمهما الله تعالى
اللهم اجعل مثواهم الفردوس الاعلى شعار كبار لكن ابو تركي له منزله خاصه رحمة الله عليهم
السواط اكثر شاعر لعب مع عبدالله المسعودي والجبرتي الله يرحمهم جميعا.
رحمة الله تغشاهم، بكل أمانه مستور العصيمي والسواط كلاهما من فحول المحاوره
لاينعاد ذكرني ببيت للمرحوم مستور مع حبيب
طاروق فندق مسره
لاتكرر علي العلم عشرين مره
سلمت يالكنق محاوره رائعه ورحمهم الله
حبيب :
يـَ العصيمي بعيرك باركٍ فـَ المجره
منت قادر تقوده منت قادر تسوقه
الرّسن ما يسرّه والعصىٰ ما تضره
مير نزّل شِدادك واسفِط البشت فوقه
مستور :
بارك اللِه في شقران لله دره
لو تضيّع حقوقك ما يضيّع حقوقه
لا تردّد عليّ العِـلم عشرين مره
ان بغيت الشّـرا والبيع معروف سُوقه
حبيب :
حاول اِتكَـلّم الجزّار خلّـه يمره
وِاقسِمه بـَ التّساوي بين برقا و رُوقه
يا زمان الشّقا خليتني في مغره
لين قلبي بغىٰ دمّه يفـجّر عروقه
مستور :
ما غدىٰ له مع الايّام مثقال ذره
لا تقابل رفيقك بـَ العهود وتبوقه
مِعكِ يـَ العازمي في داخل الجيب صِره
ما دريت اِنّي ادري بـَ اليدَين السّروقه
حبيب :
بين فندق شهار وبين فندق مسره
واحدٍ مِنسدح حتىٰ العشا ما يذوقه
ما بقىٰ اَلاّ مِـنِ اِرقِبـتِي تِـتِـلّ الازره
اَثرِ رِجلَيكِ دايم لـَ المشاكل سبوقه
مستور :
اِمسَحَ الدّرب مع وادي ومع راس حَـره
لا تِـخِيل السّحاب اللّي تلامَع بروقه
اَخِرَ الوقت يـَ ابنَ العَـمّ ما مِنكِ سَـره
وِش يِخيط السّتار اللّي وِساعٍ شقوقه
حبيب :
العصيمي هـٰذا ما يِحتِرك من مقره
لَـينِ ياتِـيهِ ضيف الله ويشرب غبوقه
ابيضَ الوجه دايم يكفي النّـاس شره
طِـشّ برقع عِـدوّ الصّـيد واطلِق سبوقه
مستور :
كم عطانا مِـن الايّام حِـلوه ومره
وانت لا حَـفّت الايّام ما فِيكِ طُـوقه
اَبعِـدَ الرّجلِ عَـنّا لا نشوف اِلْـكِ جِـره
ويش سوّيت يا راعَ الذّلول السّبوقه
حبيب :
ينجب الذّيب ذيب وينجب الهِـرّ هِـره
مير وِدّك تسوق الرّيل وَالاّ نسوقه
جِـرّ عَـنّا خشبك اللّي علىٰ الدّرب جِـره
لَـوّ اسافر لـِ بِـيدَهـ وَانسِـدِح فـِ اِمعَـشُوقه
يحلو محاورات العتبان بينهم دايم متميزه فتل نقض معنى مفردات 👌
يا فن القلطه عندك محاورات مفرح الظمني واذا عندك تقدر تنزل محاورته مع الثبيتي الي يقول يا ثبيتي ودي انشدك عن قوم الفزع؟
السواط عالمي الله يرحمه ويرحم اموات المسلمين
السواط
ياسلام يالسواط عز الله يقدحها من راسه 👌🏻
الله يرحمهم جميعن
بيت السواط من ذهب
تبا كراء ولا درب اليمنيه
الله يرحم ابوي كان ينبسط إذا شاف جار الله السواط
الله يرحمهم جميع ويغفر لهم ويتجاوز عنهم
@@خالدالعطاوي-ء آمين
حتى أبوي الله يرحمه والله
@@اناالخليجي-ع1ن الله يرحمه🌹
مشكور يا راعي. القناه.
الله الله ابداع مابعده ابداع الله يرحمهم رحمةٍ واسعه
11:36
تعدّل و اعتدل قدام لا نفرشك بالمجلاد
تبا تعطي كرا والا تبا درب اليمانيه
يعني تبينا نشد معك والا نرخي ، كانت عقبة كرا مضرب المثل في الصعوبة بعكس طريق السيل
هل تعلمون يا أحبائي أن جارالله السواط من أقدم شعراء المحاورة.. أقدم من مطلق وصياف ومستور بل والعجيب أنه أقدم من عبدالله المسعودي أيضًا.
طيب يعني وش نسوي
@@ابوترف-غ5ق
قم أرقص لي هذا اللي لازم تسويه
شكرا على المعلومه
@@Wleed-s هههههههههه
بيض الله وجهك معلومه قيمه
رحمهم الله . روعة فعلا
الله يرحمهم جميعًا ويرحم جميعا اموت المسلمين شعار كبار ومتميزين
حي والله هالصفوف 👏🏻👏🏻👏🏻
كل شاعر عتيبي تطلع مبدع قوي
مستحيل تحصل شاعر عتيبي ضعيف
من روائع المحاورات
جارالله السواط شاعر محاوره من اقوى
الشعار ومن الطراز الأول
الله يرحمكم ويرحم اموات المسلمين
كبار شعار جزيرتنا العربيه والحجاز
رحمكم الله جميعا.عصر الملاعب الذهبيه
جزالة شعرية وفتل ونقض ومعنى وجمهور متذوق
أجيال صنعت المحاورة وذهبت معها
الله يرحمك يا جار الله انشهد انك شاعر و معنى و تحمس الحفل
الجمهور والشعار متواضعين
الله يرحم الشاعرين ويرحم من راح من الجمهور
هههههههه شكلك مافهمت المعاني تبي لعب مكشوف
جمال الإبداع
السواط فحل واعتبره رقم ١ في قبيلته
الله الله السواط شاعر عتيبه الاول
@@هذالالدلبحيالعتيبيوالله مااحطه في افضل عشره من الشعراء صاحي انت وين راح مطلق ومستور وخلف صاحي انت السواط مايدري وين ربي حاطه الله يرحمهم جميع
فحل عندك لكن مستور اقوى شاعر
@@الاستيف ياشيخ توكل بس مالك يومين تسمع محاوره مطلق افضل من مستور في اشياء كثيره مستور شاعر وقوي لاكن مو زي مطلق انا اشوف مطلق افضل شاعر عتيبي حاليا وسابقا
@@So_2w ظلمت نفسك مستور تفوق على المسعودي خل مطلق وقسم بالله ماني عتيبي
الله يرحمهم عمالقة المحاورات ابداع في المحاورات
تألق وإبداع من الشاعر السواط رحمه الله
الله يرحمهم السواط مدرسه شعريه ولا يهون مستور
حتى مستور مدرسه شعريه كبيره
اول مشاهد
حي عينك
السواط الله يرحمه يلعب بطرب
الله يرحمك ياجارالله شاعر علم
زمان كان مافي وسايل تواصل وترفيه وتلفزيون قليل ومحدود الجمهور مايصدق يجي محاوره ويستمتع
المحاورة في 1406 وقت التلفزيون وتصوير كاميرات الفيديو
وليست في التسعينات الهجرية
جار الله سواط افضل شاعر عندي وصياف انا من شمر ❤
1:50
الله يرحم ابو تركي ويغفرله
ادّرج على المكرفون لن البيت الثاني جاهز
الله يرحمهم كلهم شعار كبار
عمااالقه