اغتيال السادات.. لماذا تجاهل الجيش تحذير المخابرات الحربية من خالد الاسلامبولى
HTML-код
- Опубликовано: 18 окт 2022
- حلقات مقترحة
خطة المشير
• كيف أطاح المشير أحمد ا...
خيانة عظمى
• أمريكا تتعرض لخيانة أه...
العراق وحرب اكتوبر
• العراق وحرب اكتوبر
الجزائر وحرب اكتوبر
• ماذا قدمت الجزائر لمصر...
من هزم التتار
• التتار
مصر وغزو الكويت
• غزو الكويت
للأسف الشديد مصر مكنلهاش حظ فى حكامها.. طول الوقت بيعاملونا كأننا عبيد.. صحيح حققوا شوية انجازات.. لكن لسه أخطاءهم كتير.. السلطة عمت الرئيس لدرجة انه اتوهم بكرسي الحكم.. فتخيل نفسه اله واحنا فى نظره بقينا شوية عبيد.. حتى لما ربنا بيوفقه فى قرار ولا إنجاز بيزلنا بيه.. يا راجل ده حتى فى خطاباته بيتكلم عن مشروعات لسه هيعملها كأنه هيحكمنا مليون سنه.. مش عارف ان نهياته هتكون ايدنا بعد 3 أيام..
هو ده نص الحوار اللى دار بين خالد الاسلامبولى ورجالته.. قبل اغتيال الرئيس السادات بأيام قليله فى العرض العسكري الخاص باحتفالات نصر أكتوبر سنة 81.. وهى دى حكاية النهاردة.. حكاية اغتيال الرئيس السادات اللى بنعرضها لأول مرة بكل تفاصيلها.. من أول إبر ضرب النار اللى اتهربت للعرض العسكرى.. مرورا بالتصاريح المزورة اللى اطبعت لرجالة خالد الاسلامبولى.. لحد علاقة الرئيس مبارك - واللى كان نائب للرئيس وقتها - بعملية الاغتيال.. أهلا بيكم فى حكاية جديدة من حكايات المواطن سعيد..
لكن قبل ما نبدأ خلينا نلفت انتباه الجميع ان واحد من أهم المصادر اللى اعتمدنا عليها فى جمع المعلومات.. هى كتاب اغتيال رئيس للكاتب الصحفى عادل حموده.. وأهميه عادل حموده هنا هى انه الصحفى الوحيد اللى انفرد بالكلام مع خالد الاسلامبولى ورجالته.. ده غير انه كان حاضر العرض العسكرى لحظة الاغتيال.. وحضر جلسات المحاكمة.. واطلع على كل أوراق القضية.. سواء اعترافات المتهمين أو حيثيات المحكمة أو دفاع المحامين.. والأهم.. انه وجه كل الأسئلة اللى ملهاش إجابات لحرم الرئيس.. السيدة جيهان السادات.. وقارن كل المعلومات اللى جمعها بمعلومات نشرتها كتب تانيه لمحققين تانيين فى اسرائيل وأمريكا.. وفى النهاية نشر كل المعلومات دى فى 311 صفحة.. الكتاب اسمه اغتيال رئيس ومتاح فى مصر للى يحب يطلع عليه..
فى شهر أكتوبر سنة 1980.. المخابرات الحربية استدعت ظابط اسمه خالد الاسلامبولى علشان تحقيق صغير المفروض انه كان روتيني.. قعد الملازم أول خالد الاسلامبولى.. أو خالد أحمد شوقى الاسلامبولى علشان نكون اكثر دقه.. وقعد قصاده ظابط فى المخابرات الحربية اسمه المقدم مجدى.. أو ده الاسم اللى اتقال لخالد وقتها.. غالبا مفيش ظابط مخابرات حربية بيقولك اسمه الحقيقى..
المهم.. اسمك.. ملازم أول خالد أحمد شوقى الاسلامبولى.. سنك 23 سنة.. وظيفتك.. قائد سرية مدفعية باللواء 333.. وحدتك معسكر الهايكستب.. عمرك اتأخرت فى يوم عن تنفيذ مهمه اتكلفت بيها؟.. أبدا يا فندم.. ليك أصحاب؟.. أيوه يا فندم.. جوه وحدتك؟.. أيوه يا فندم.. ومن بره وحدتك؟.. أيوه يا فندم.. قولى أسماءهم.. هنا حس خالد ان ظابط المخابرات الحربية زنقه.. لأنه لو قاله أسماء أصحابه خارج الجيش.. غالبا هيتشدوا وهيتعصروا لحد ما يجيبوا أخرهم.. لكن مكنتش دى أخطر مشكله بتواجه خالد الاسلامبولى فى اللحظة دى.. أخطر مشكله انه لو قال أسماء أصحابه أول واحد هيتشد فيهم هو أخوه محمد.. واللى معروف بانتماءه لجماعات متطرفة..
فرد خالد بثبات انفعالى وقاله على كام اسم بعيد خالص عن دايرة أخوه محمد.. لكن برده ظابط المخابرات الحربية مكنش تلميذ.. فلحقه بالسؤال التانى.. تعرف عبدالله السماوى؟.. وهنا خالد اترعب.. ظابط المخابرات جبهاله صريحه.. السؤال ده معناه ان خالد متراقب من المخابرات الحربية.. ودى حاجه بدون ما ندخل فى تفاصيلها كده.. تقلق وتخوف..
طيب هو مين عبدالله السماوى ده أصلا؟.. ده سيدى المواطن كان زعيم من زعماء جماعة التكفير والهجرة.. وخالد الاسلامبولى كان على علاقه بالناس دى بسبب انتماء أخوه محمد ليهم بالأساس.. أخوه محمد كان عضو فى الجماعات المتطرفة.. وخالد كان الأخ الأصغر لمحمد.. المهم رد خالد على ظابط المخابرات الحربية وقاله لأ معرفوش..
طيب هو ليه أنكر إذا كان شاكك ان المخابرات الحربية بتراقبه.. لأنه قال لنفسه ان المخابرات لو فعلا بتراقبنى وماسكه عليا حاجه.. مكنتش هتسألنى بالشكل الروتينى ده.. الاستجواب كان هياخد شكل مختلف.. خصوصا وان وجود علاقة بينى وبين زعيم من زعماء جماعة التكفير والهجرة.. كفيل بإنه ينهى حياتى العسكرية تماما..
فيدخل ظابط المخابرات على السؤال التالت.. هل سبق لك التردد على مسجد أنصار السنة المحمدية؟.. وهنا بقى خالد مكنش ينفع يكدب.. لأن ده المسجد اللى بيصلى فيه.. وبالتالى لو المسجد متراقب يبقى المخابرات الحربية عارفه ومتأكده ان خالد بيصلى فيه؟.. ولو كذب فى السؤال ده.. يبقى أكيد كذب فى الأسئلة اللى قبله.. فرد بكل صراحه وقال أيوه بصلى فيه باستمرار..
حضرتك هنا تقولى طيب وايه المشكلة لما يصلى فى مسجد أنصار السنة المحمدية؟.. ايه الجريمة اللى ارتكبها يعنى؟.. أقولك الصلاة فى حد ذاتها طبعا مش جريمة.. لكن المسجد ده تحديدا كان بيعتبر ملتقى أعضاء الجماعات الاسلامية.. وبالتالى هنا مكنش المسجد هو اللى متراقب.. لكن أعضاء الجماعات اللى بيصلوا فيه هما اللى كانوا متراقبين..
فدخل عليه ظابط المخابرات بالسؤال اللى بعده.. قابلت حد من اعضاء الجماعات الاسلامية فى المسجد قبل كده؟.. فقاله خالد لو هما بيصلوا فيه يبقى أكيد قابلتهم ولو صدفه.. لكن محدش فيهم قالى قبل كده انه من جماعات اسلامية..
وهنا ولأن ظابط المخابرات الحربية مكنش فعليا يمتلك حاجه ضد خالد.. قفل التحقيق ونصحه بشكل أخوى انه يبعد عن الجماعات دى ويركز فى مستقبله وحياته العسكرية.. وقاله بالنص.. ان الناس دى ممكن توقعك فى تصرفات تندم عليها اللى باقى من عمرك.. فرفع خالد ايده وأداله التحيه العسكرية وانصرف..
اوصف اللى حصل فى العرض العسكرى بكلمة واحدة
زود من التاريخ والتاريخ العربى برضه
محتواك فااخر جدا ♥️♥️👏
لية مصر مينفعش يحكمها مدني”و كل الروساء عسكريين و موجودين في السلطة 70 عاما”و لسة دولة فقيرة”تعليم صحة دخل فرد زبالة”و الحال اسوء و مفيش اي مدني بيحكم البلد لية
استاذ احمد في صناعه كامله بتنهار وفي 3 مليون واحد حرفيا بمعني الكلمة هيتشردو. بسبب شويه حراميه 10 أفراد. بيضيعو صناعه أمن قومي
حكم العسكر فاشل”التجربة خير دليل”العسكر بيحكم منذ 70 عاما”احنا في عنق الزجاجة الخ”في النهاية”هي هي بلد فقيرة”تعليم صحة دخل فرد مش موجودين😂”و الغريبة في مؤيدين له
ليه العسكر هم بس الي بيحكموا معن فاشلين و الدليل 70 عاما في السلطة،،،ليه الجيش مينفعش يترك السلطة و الاقتصاد،،ما نجرب النظام المدني،و نبعد الجيش عن الاقتصاد للقطاع الخاص
قال تعالى: ﴿ مَنْ قَتَلَ نَفْسًا بِغَيْرِ نَفْسٍ أَوْ فَسَادٍ فِي الْأَرْضِ فَكَأَنَّمَا قَتَلَ النَّاسَ جَمِيعًا وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا ﴾ [المائدة: 32]
حسبي الله ونعم الوكيل في اللي قتل الرئيس الإنسان الجميل رئيسي محمد انور السادات
قال تعالى: "مَن قَتَلَ نَفْساً بِغَيْرِ نَفْسٍ أَوْ فَسَادٍ فِي الأَرْضِ فَكَأَنَّمَا قَتَلَ النَّاسَ جَمِيعاً وَمَنْ أَحْيَاهَا فَكَأَنَّمَا أَحْيَا النَّاسَ جَمِيعاً
السادات عميل كافر
احسن انا كنت مش بحبه يستاهل الوقف مع إسرائيل يستاهل الطاغي 🙃
يسطا يعني واحد حبس كل فئات المجتمع إسلام سياسي رجال دين مسلمين ومسحين وعلمنياين يسارين متوقع يعني يحصله ايه بعد ده@@JJJJJletr
لعنة الله عليه اول واحد طبع مع اسرائيل😮
ممتاز اخوك من سوريا و بوجه سلامي لمصر 🇸🇾🇪🇬
ياخي استمتع لما اسمع لغة عربية كاملة من البداية إلى النهاية بدون حشر كلمات انجليزية
لم يفعل هاذا الشيء إلا "المواطن سعيد" فقط 👏
لو كل المدرسين اللي في مصر عندهم إبداع حضرتك في الشرح،،، مش حيكون في مصر حد جاهل
ربنا يوفقك،،،، اتمني لقناتكم الاستمرار والمزيد من المتابعين
ههههه دا فلاح
🤣🤣 اية يا عم انت مسحور ولا اية مش للدرجة ديه دة بيحكى حكاية
فعلاً عندك حق
شكرا يا رانيا متشكرين اوي حلو جدا
@@khalidksa9562 ومالهم الفلاحين تحبى اعدلك عظماء مصر من الفلاحين
تحية خاصة الى الشعب المصري العظيم
Big fan from Iraq 🇮🇶 🙏
انتا انسان محترم وسردك للأحداث شيق جدا ورائع
عظيم جابتك جاهل 🇸🇩
@@user-nv9pr1bf8x ❤٠٦٦😂
عدم تركيز أرجوا التوضيح 😂
اسمع الحلقة اكثر من مرة فعلا اسلوب جميل فى الشرح ولا تشعر بالملل .. تحياتى أ. احمد سعيد
تحية من العراق الى مصر وشعبها العظيم❤
مليون تحيه لشعب العراق الباسل الشجاع ❤😂😂🎉
كان السادات في طريقه لاحداث تغييرات كبيرة في نظام الحكم اولها ابعاد مبارك ووضع آليات ديمقراطية تسير عليها البلد فكان هذا ردهم , ورغبة السادات في عودة النظام الديمقراطي السائد قبل انقلاب يوليو يشهد به الشيخ الشعراوي الذي سمع هذا الكلام من السادات نفسه .
حلقة أكتر من ممتازة .. ومشكور عليها فعلاً☺👍
هذه مشيت الله أن يكتفي المنتصر يوم انتصاره بالشهاده وانشاء الله الجنه مقامه اللهم ارحم السادات
قناة تعرف منها تاريخ بلدك اللى للاسف اغلب الاجيال متعرفهاش لا من المناهج ولا من الاجيال اللى عاصرت
تحياتى لحضرتك دائماً مبدع فى طرحك للمواضيع 🌺🌺🌺
كل ده مستحيل يكون صدفه
الحلقة المفقودة من الأحداث هو المدبر الرئيسي و هو المستفيد الأول من عملية الإغتيال و الذي عرقل نمو مصر لمدة 30 سنة و شق عصا المسلمين و فرق الدول العربية .
ليست بمفقودة أنها امريكا واسرائيل والسوڤيت وارجع بالتاريخ
عاوز تعرف مين مات علي الباطل ومين مات علي الحق .. شوف مين الناس بتترحم عليهم الي اللحظة الحالية .. الله يرحم الجميع ويهدي الجميع ويحفظ مصر واهلها
والله عندك حق، الله يرحم الزعيم بطل الحرب و السلام السادات ❤️🦅
الان الناس تترحم على السادات
الله يرحمه ويسكنه فسيح جناته .....اسد جسور ....بطل الحرب والسلام 😢😢😢
قانون غبي مثل قائله
الناس ترحمت حتى على زنادقة و كفار و شخصيات جدلية
بجد حلقة تحفة بتفكرنا بالاحداث اللى عشناها واكيد هما بس نفذو ارادة الله
كلامو صحيح ولو كنا في مصر نعيش الحرية حتسمع صوت الشعب
حلقة رائعة كنت منتظرها و بشده ❤
اللهم احفظ مصر بحفظك..اللهم ارحم شهداء الوطن..تحيا مصر
يارب احفظ مصر وشعبها ❤❤
الله يعطيك العافية ويحمى مصر وشعب مصر وكل البلاد العربية من الفتن والتضليل ...
انا اطلعت على مضمون حادثة الاغتيال من خلال كتاب خريف الغضب للكاتب محمد حسنين هيكل
شكرا لجهودك وزادك الله من المعرفة والعلم ...
٤٢ دقيقة ومفيش لحظة زهق أو سرحان
رائع كالعادة ❤️❤️
والله العظيم انت من احسن الشخصيات اللي انا بتفرج عليهم بارك الله فيك ❤❤❤❤
الله يحفظ مصر لأهلها لكل مابينها تحيا مصر وجيش مصر وأبناء مصر
لأول مرة .استمع لأحداث غاية فى الأهمية .. ويشرد ذهنى تأملا فى موهبة المتحدث فى تناول وتسلسل التخطيط ببراعة ولسان منطلق ...واحتواء تحليلى مذهل وغاية فى الروعة وعدالة التقييم المنصف لكل الأطراف......اللهم ارحم الجميع ...ونعوذ بك من الشيطان .....تحية تقدير للمعلق الموهوب
س
أصعب شئ الخيانة
نعم صحيح ، مثل خيانة الفاسادات عندما ذهب الى الكيان الصهيوني و اعترف بهم
بالظبط المجلس العسكري بعد حرب اكتوبر اصبح خائن للوطن
السادات خان صحابه في الثورة وراح السيما فعادي حيتوقع ايه من الناس
@@Green6969الان العرب بيهرولون للتطبيع مع اسرائيل
رحمة الله شهيد الوطن البطل السادات
بجد البلد خسرت اعظم من انجبت مصر❤
الله يرحمك يا سادات
قائد مصري منتصر
حلقة بجد من أجمد الحلقات وفيها أبعاد عميقة جدا
حلقه مميزه نشكرك على مجهودك الرائع الطيب👌❤️
الله يرحم البطل الشهيد السيد الرئيس محمد السيدات
رفع راية النصر ورد الكرامة لمصر
تعظيم سلام تشريفه له
اي كرامة وهو قام بالتطبيع مع الصهاينة وهو اعتراف بإسرائيل دبلوماسيا
هو ليس تطبيع بل معاهدة السلام مع اسرائيل من اجل حفظ النفس وعدم موت المسلمين ؟؟؟ اما التطبيع الحقيقي مع اسرائيل هو الذي تقوم به السلطة الفلسطينية من تطبيع مع اسرائيل من اكل وشرب ولقاح وغيره من المساعدات والشعب الفلسطيني يقتل
بحييك بجد حلقة اكثر من رائعة
شابووووووو استاذ احمد
اللهم على شأن مصر واحفظها وانصرهاوارزقها وأهلها وجيشها وسماءها وارضها واكفها شر الفتن ما ظهر منها و ما بطن وصل الله وسلم على سيدنا محمد وعلى آله وصحبه أجمعين
ونسيت كمان أن عاطف السادات أخوه الصغير مات يوم 6 أكتوبر1973 بداية حرب و نصر أكتوبر
ربنا يرحمهم جميعا
الف رحمة و نور عليه و على خالي صديقه و كل شهداء مصر و سوريا و الأمة العربية و الإسلامية
سلام سلاح
الله يرحمه بطل الحرب والسلام
مؤامرة من النوع الرفيع
نحن في انتظار الحلقات القادمة بفارغ الصبر..... متابعة من الجزائر 🇩🇿 👏👏👏👏👏👏👏
الله ينور بجد انا شفت و قرأت كتب كتير في الموضوع دا كتاب هيكل و غيره و أفلام وثائقية مشفتش تفاصيل بهذه الدقة و الموضوعية شكرا جزيلاً
ربنا يحفظ مصر من الإرهاب ومن أي شر وسوء
بجد مصدوم ومذهول من كمية السبهلله والاهمال في الدوائر الامنية وقتها
وما زال في اهمال وفساد
هو قال تحس أن القدر كان عايز كدة
@@user-rl4sl7qe3yمعتقدش خالص الحقيقة هي الاهمال المصري المعتاد و اللي بنشوفه كل يوم
@@YaraelgerzawYامال تعتقدي ايه السبب؟
حلقة رائعه يا استاذ احمد. تحياتي لك ⚘️👍🏻
ربي احفظ مصر ❤
تحيا مصر❤❤❤
احب الحلقات الطويله ❤
انت تعبت كتير وقرأت كتير عشان تعمل حلقه مميزه زي ده
استمر يا استاذي ولك جزيل الشكر وربنا يجعله في ميزان حسناتك
ممتاز ورائع ومافيش وصف اقدر اوصفه لحضرتك ❤
حلقه ممتازه يااستاذ محمد ❤
القدر لا يشاء بل الله هو الذي يشاء
لا تنسو الصلاة والسلام على الرسول صلى الله عليه وسلم.
انا اول ماشفت ٤٢ دقيقة طرت من الفرحة ♥️♥️♥️
عظيم
حتى انا و الله 🤣
@@abdullahalshehri7050 لو+زغغتغغت+ظظظننننغغغ)ظظظ(هههههههههههههههههههههههههههههه
وانا كمان والله
+1 😄
حلقة جامدة اوي كالعادة ، و احلي ما فيها المدة الطويلة ٤٢ دقيقة عظمة 👏👏👍👍👌👌👌
للأسف الشديد الفتن و الإقتتال بين المسلمين هيا من تعطل نهضة امة محمد و عودة المسلمين أسياد العالم. اللهم اللف بيننا و ازرع الحب في قلوبنا و الرحمه و الموده اللهم امين. و سلطنا علي الصهيونية لابدتهم الشامله. و الله الموفق و المستعان
ألف رحمة ونور علي روح البطل السادات
بطل الحرب والسلام.
أشكرك جدا أستاذ أحمد على هذا الفيديو العملاق الطويل نسبيا فى مدته السريع جدا فى استقبالنا لمحتواه
رحم الله الرئيس السادات بالنسبالي شخصيا اهم رئيس في تاريخ مصر الي الان
تحياتي لحضرتك واحد من اهم الكُتاب كلام سهل وسلس وممتع 🌹بتوفيق
إيه رأيك في الخضوع لليهود وعار كامب ديفيد نسميه الخليفة
الرئيس أنور السادات رحمه الله كان ريس بيحب بلدة ويحب شعبه وبيحب أبناء شعب مصر وخوفه. على مصر وشعبها ومفاوضات التنازل وذهابة الى تل أبيب لمعاهدة السلام لمصلحة رجال وشباب وأبناء شعب مصر والمحافظة عليهم وعلى مصر والحفاظ على مصر ومن الخراب الحرب وموت الرجال والشباب وخراب الأسرة المصرية ولكن كان الريس بيحب شعبه وخوفه على أبناء شعبه وضحى بعمرة وحياته من أجل شعبه ولكن الغدر والخيانه من أبناء الشعب كانت خيانه كبيرة وخسارة كبيرة فى قتل الريس السادات الف رحمة ليك يااشجع الرجال واقوى الرحال فى الجنة ونعيمها الف رحمة الرئيس المؤمن محمد انور السادات @@user-gu6iv8ub7v
من أعظم مطالب الدنيا: "كفاية الهم"
ومن أعظم مطالب اﻵخرة: "غفران الذنب"
وهما مضمونتان بالصلاة على النبيﷺ❤
محتوى رائع وطريقة سرد جميلة رغم بشاعة القصة، بالتوفيق أيها المواطن ...
مشالله على المحتوى الرائع كل توفيق متابعة من الجزائر 👏🏼🇩🇿
تحيه لحضزتكم من مصر الي بلد النليون شهيد ❤❤
42 دقيقه يا جدع ايه العظمه دى يا سعيد 👍🇪🇬
ممتاز . كلام أقرب للصحة . وموزون .
وضحت لي أشياء كتير أخ سعيد
الله يوفقك... أعداد أكثر من رائع و معلومات قيمه و أسلوبك أكثر من رائع
اللهم اغفر له وارحمه واسكنه فسيح جناته ويلهم مصر الحبيبه الصبر والسلوان علي أعظم رجل محترم
الإهمال دا كله الي حصل والتساهيل الي حصلت مع خالد ده أكبر دليل على أن عمره خلص ودا سبب موته تعددت الأسباب والموت واحد هما كانو سبب بس
نعم صحيح .. الله اراد ان يتوفى بالعرض العسكري لذلك تهيئت الضروف لهذا القدر .
الله يرحم بطل الحرب وللسلام عاشق مصر وناسها وترابها
ممتاز جداً جداً بارك الله فيك.
حلقة اكتر من روعة ، شكرا لمجهودك يا استاذ احمد
هناك جزء كبير جداً مفقود من الرواية وايظاً لماذا لم تتطرق الى اسم ممدوح ابو جبل ضابط المخابرات الحربية الذي امن ابر ضرب النار للمجموعة ولم يحاسب او يحقق معه
لان سارد المعلومات صاحب الفيديو مؤيد لفكره الاغتيال . وشايف انهم ابطال زى مبيقول .. فطبيعى يتغاضى عن سرد الحقيقه المطلقه .. وهييرد بس الى يساند وجهه نظره 👍
@@adeljaco5539 انتا شوفت الفيديو للآخر
اللة يرحم الرئيس المصري الأصيل محمد أنور السادات
فيديو عظيم جدا اشكر القائمين عليه , رحم الله البطل محمد انور السادات عاش من اجل السلام ومات من اجل المبادئ.
حلقة راءعه كالعاده أستاذ أحمد بس ياريت نركز على حرب روسياو أوكرانيا
الدقيقتين الى اتكلمت عليهم على السادات فى اخر الفيديو بكل حلقاتك والله من العظمه .. الواحد كان سامعك و باصص على صوره السادات - الله يرحمه - و صدره بيضيق من الحزن - رحم الله السادات بطل الحرب و السلام - الى عمله معملهوش حد قبله ولا بعده. اتحمل مسئوليه كبيره و رفع مصر كل مصرى لحد الان .
😂😂😂 والله عمال يعمل زي فيلم تايتنك لما في الفيلم اطفال ونساء وكبار ال سن ماتوا ماحدش اهتم الى فقط للبطل، وبالضبط ده عمال يروي القصة مع موسيقى حزينة وطول الحلقة بقول انا عمال بنقل لحصل ( تحت قناع التطبيل ) تكلم في الحق وقول عملوا هاولاء المجرمون ان كان السادات او مبارك او حتى الخسيسي ده عملوا ابشع جرائم الحياة وانا اكيد ضد قتل الفراعنة والطغاة
@@Aboyassin00 البطل السادات لن يجود الزمان بمثله وهو شهيد تكلم بأدب
انت من أبرع وأبدع المتحدثين
ربنا يحفظ مصر ❤ ربنا يرحم السادات ❤
حلقه اقوي مما انت تتوقع يا استاذ سعيد .
رحمه الله علي الرئيس السادات شايفاه افضل رئيس حكم مصر رغم اخطائه . ومدعيين الاسلام حسبي الله ونعم الوكيل فيهم في كل زمن
مدعين الإسلام هم السادات و السيسي و ضباط القيش المصري
و الا لماذا يطردون كل صاحب لحية من الجيش
حلقة تحفة كالعادة وأسلوب رائع ف السرد 🌹🌹
سبحان الله .. كمية صدق عجيبه ..
اللهم احفظ مصر ..
الطريقه فى تسلسل الأحداث أكثر من رائعه
حلقة جميلة جدّا .. شكرا يا سيدي مواطن سعيد 🌹
جميل جابتك انت و مصر و السيسي 💩
حلقة ممتازة جدا جدا
اقسم بالله. انا بشغل فيديوهات بالساعات.انا بقعد لحد منام علي الفيديو دا بالذات والله العظيم ❤
حلقة مبكية على إخواني اللي بجهل ماتوا
بداية من القاتلين اللي فاهمين الدين غلط ومش فهمين شروط وموانع التكفير وضل سعيهم ويحسبون أنهم يحسنون صنعا
وجهل الرئيس في عدم أخه بالأسباب من قميص واقي ودفاع وبسجن من ليس له ذنب بخطأ منه
الحمد لله الذي جعلني أنتمي للجماعة الصحيحة لا لجماعة تكفير بغير حق ولا جهاد بغير حق .. ربنا يرحمنا برحمته
امين تحياتي سوري لا اهل مصر العظيم تحيا مصر وشعبها
الله يرحم شهداء مصر جميعا ليوم الدين
فيلم هندي . تم تدبير اغتياله من داخل الجيش ( عملية داخلية من أجل مصالح سياسية) .
لله ما أعطى ولله ما أخذ وله ما أعطى وان لله وانا اليه راجعون الله يرحمه رحمه واسعه واسكنه الفردوس الاعلى من الجنه يارب العالمين وصبر أهله وذويه الصبر والسلوان بطل الحرب والسلام
This is such a genius script, for the full 42 it kept my attention an enjoyed every second. Bravo for the content creator behind the scene!
يا هلا فيج وبيج وعليج ياالعجيب بلزاف 🌹🌹🌹
الحلقة بالعربي و عن احداث عربية و موجهة للجمهور العربي بس هشام ما يقدر الا يرد بالانجليزي سبحان الله
💩
@@misharyalmuwallad4880
عشان يوريك انو متفتح و متعلم و بتوع مدارس هاي كلاس
@@misharyalmuwallad4880 learn English to fit in the new world.
حلقة اسطورية
مبدع جدا جدا❤❤٠ورحم الله السادات
حسبي الله ونعم الوكيل فيهم
اسلوب راقي
عرض وشرح قوي وجداب
سرد جميل للاحداث والقاء ممتاز شكرا لك
حلقة روعة كالعادة ❤️
والله انا مبسوط انك طولت الحلقه ياريت دايما تطول الوقت لان فعلا الواحد بيستمتع بكلامك موفق دايما
استاذ احمد سردك للحدث مشوق جدابارك الله فيك
من الاردن .............. رحم الله الزعيم انور السادات
اللهم امين
ما شاء الله عليك عرفتنا الموضوع بتفاصيله 👍👍 شكرا لك
مستحيل كل هذه الاحداث والتسهيلات تكون صدفة مستحيل
من اغتاله هم العسكر ولكن تحت تربية وعناية اسرائيل
صديقي في عالمنا هذا توقع كل شيء
😊
😊
😊
والله كل ما بتكون الحلقة اطول بشعر بسعادة ❤
اتبسطت اوي لما شفت الحلقة 42 دقيقة زيها زي حلقة التتار كبيرة ❤❤❤
ڜ
اغتيال الشهيد السادات بطل الحرب و السلام رحمه الله عليه كان خيانه ونداله وكان يجب محاكمه كل الحرس الخاص بالرئيس السادات والضابط المسؤل عن العرض ومن معه وحسني مبارك وابو غزاله والنبوي اسماعيل واعدامهم مع القتله الخونه لان السادات كان رجل دوله من الطراز الأول ونظيف الي د وصاحب فكر عميق
ة أنا كمااان 😊
حلقة رائعة وثبات احييك عليه
حكاية جميلة, ولكن لا تدخل للعقل خاصة طريقة تمرير السلاح وكل مرة يُفتش خالد الإسلامبولي ما يتفتش مرة فتشو شاحنة غير شاحنته ومرة ضابط نادوه قبل ما يشوف صديق خالد ......إلخ مسلسل او فيلم هذا لكن في الواقع لا، وكل هذا والمخابرات المصرية نايمة على ودانها يعني؟
رحمه الله عليه كان من أولياء الله الصالحين
حكايه قتل السادات كانت متسهله وفيه ايادى خفيه ساعدت خالد ورفاقه فى كل شى من غير مباشر
لدرجة وقت ما كانوا فى الخيمة فيه ظابط كان بيلف على الخيم علشان يعمل شيك على كل السلام الموجود ويعرف ان مفهاش الابر والمشكلة الظابط دا كان يعرف خالد وعبدالحميد معرفه شخصيه ولو شاف عبدالحميد كان راح يبلغ عليه لانه عارف انه مستقيل
فعدى هذا الظابط ودخل كل الخيم ما عدا خيمة خالد وكان بداخلها حسين عباس وعطا طايل وعبدالحميد