كي ذقتها مافهمت والو😋بيتزا بدون عجين فقط بالبطاطا المبشورة قمة في البنة كل مكوناتها في كوزينتك👌

مواقع التواصل الاجتماعي
Tiktok
www.tiktok.com...
Instagram
...
Facebook page
www.facebook.c...
#بيتزا_بالبطاطس
#بيتزا_ساهلة
#وصفات_جديدة
#أفكار#سهل_وسريع
#وصفات_منزلية
#بيتزا_بدون_عجين
#أكلات_سريعة
#بسبوسة_بحبة_بيض
#وصفات_شتوية
#وصفات_مبتكرة
#وصفات_إقتصادية
#شاف_صلاح_الباتني

[@user-lj9xm1qw1d]

الوصفة:
كيلو بطاطا مبشورة نعصروها مليح من الماء تعها ونشلوها مليح بالماء حتى نتخلصو من كمية النشويات ونعصروها مرة أخرى ونضيفلها 3حبات بيض،فلفل أسود،كمون،ملح،فرماج رابي، 3سنات ثوم، حبة بصل مرابية نعصروها من الماء ونضيفهم للخليط أو ندير ثوم وبصل بودر ندهن صينية الفرن بالزيت ونحط ورق الطهي وندهنو أيضا بشوية زيت باه متلصقش البطاطا نفرغ الخليط ونفرشو فكامل الصينية 30على 40 ندخلو للفرن تطيب على 180درجة.
الصوص:4حبات طماطم مرحية،شوية طماطم مصبرة، شوية هريسة، ملح،فلفل أسود،فلفل أحمر، ثوم وبصل بودر، معدنوس نقليوهم في شوية زيت ونضيفلهم نصف كأس ماء نخلي الصوص طيب على نار هادئة
نخرج الصينية بعدما طيب ونفرغ فوقها الصلصة ونزينها بفلفل حلو وحار وزيتون أسود ونرجعها للفرن تتحمر شوي
صلصة الجبن:كأس حليب ،كأس غير ربع كرام فراش،3ملاعق كبار جبن،شوي من فروماج رابي،ملح،فلفل اكحل نخليها على نارهادئة حتى يذوب الفرماج
نفرغ الخليط ونغطي بيها بيتزا البطاطاوفرماج رابي ونرجعها للفرن نشعلولو غير من فوق
وفي الاخير نزينها بتونة الزيت والطماطم
😊شهية طيبة😊

[@timataima2788]

يعطيك الصحه

[@user-lj9xm1qw1d]

@@timataima2788 شكرا ليك 🌹❤️

[@user-nn6re8gz5h]

اللهم في هذا الصباح احفظنا من شتات الأمر ، ومس الضر ،وضيق الصدر ، وتقلب الدهر ،أسأل الله أن يلبسكم لباس الصحة والعافيه وان يغفر لي ولكم ولوالدينا وجميع المسلمين.
صباح الخير 🌺🌸

[@user-qm2cb1vo3s]

آمين يارب العالمين 🤲

[@habiba7041]

اللهم.امبن.يارب.العالمين.لنا.ولكم.ولجميع.المسلمين.يارب

[@hamdanben8254]

صباح الخير ليكم كامل الحمد لله على نعمة الغيث ياربي اجعله غيثا مباركا ورحمة للناس ربي لك الحمد حتى ترضى ولك الحمد إدا رضيت ولك الحمد بعد الرضا ،🤲🤲😊😊

[@ommohamed4830]

انا جربت وصفتك نتاع كورات الدجاج مع البطاطا المرحية وصلصة الجبن بصراحة ولادي عجبتهم بزاف وطلبو مني نعاودهالهم هذا ثاني جربها اليوم للعشاء ديما نحيرو واش نطيبو شكرا شاف بارك الله فيك علي مجهوداتك .

[@tawfikboulenouar4608]

الله يعطيك الصحة وصفاتك هايلين وسييت المقارونة تاعك بلصلصة الحمراء وصلصة الجبن جات هايلة وليتارتولات تاوعك بلشيكولا خرجو يهبلو نشكرك مدابيكم تتفكرو الناس المصابة بلأمراض اصحاب السكر والكوليسترول والله يوفقك متابعتك ام ياسر

[@27Om-mohamed]

غاليتي ماذا ستخسرين اذا دعمتي قناتي ذات محتوى الطبخ مرحبا بيك عندي و ربي يحفظك ويفرحك ان شاء الله⁦❤️⁩⁦❤️⁩⁦❤️⁩⁦❤️⁩⁦🤲🏻⁩⁦🤲🏻⁩🥰🥰🥰🥰⁦

[@user-nf9wl5mq5q]

سبحان الله والحمد لله ولا اله الا الله والله اكبر

[@user-qd4lh2zj1n]

وصفة ولا اروع ماشاء الله ويعطيك الصحة شاف 👍👍👍👍

[@MiraMira-kf8lg]

عليه افضل الصلاه والسلام

[@hayetnour9712]

تشهي لكن للاسف مكلفة بزاااف😢

[@27Om-mohamed]

غاليتي ماذا ستخسرين اذا دعمتي قناتي ذات محتوى الطبخ مرحبا بيك عندي و ربي يحفظك ويفرحك ان شاء الله⁦❤️⁩⁦❤️⁩⁦❤️⁩⁦❤️⁩⁦🤲🏻⁩⁦🤲🏻⁩🥰🥰🥰🥰⁦

[@JannatRahmanpourlacuisine]

لي طاحت عنها على تعليقي وفرحتني بأبوني نقلك روحي ياختي الله يقلل غمك وفرج همك الله يرزقك برنوس الستر و يكبر شانك ويعلى مقاملك كما فرحتني ربي يفرحك وربي يرزقك بذرية الصالحة لكل محروم يارب العالمين

[@KhadodjaAmine-bh7ko]

جوعتنا صباح ربي

[@aminabourenane4723]

جربتها وجاتني بنينة عجبتني

[@hakimsama9848]

ضرك نجربها يعطيك الصحة شاف

[@Ayssemrinad-yp3vx]

اللهم صل وسلم وبارك على سيدنا وحبيبنا ونبينا محمد وعلى آله وصحبه أجمعين

[@user-wo4gb8zv1e]

عليه افضل الصلاة والسلام

[@nassahsamra9254]

وصفة في الواعر يعطيك الصحة شاف 👏👏

[@27Om-mohamed]

غاليتي ماذا ستخسرين اذا دعمتي قناتي ذات محتوى الطبخ مرحبا بيك عندي و ربي يحفظك ويفرحك ان شاء الله⁦❤️⁩⁦❤️⁩⁦❤️⁩⁦❤️⁩⁦🤲🏻⁩⁦🤲🏻⁩🥰🥰🥰🥰⁦

[@youcefroji808]

وزيد الطونة طماطم وتاع الزيت وقول الاقتصادية

[@karimakarima]

باينة تجي مليحة انا كونت ندير الباطاطا مقلية دوائر كانت تجي شابة

[@27Om-mohamed]

غاليتي ماذا ستخسرين اذا دعمتي قناتي ذات محتوى الطبخ مرحبا بيك عندي و ربي يحفظك ويفرحك ان شاء الله⁦❤️⁩⁦❤️⁩⁦❤️⁩⁦❤️⁩⁦🤲🏻⁩⁦🤲🏻⁩🥰🥰🥰🥰⁦

[@أمأسماء-ح9ز]

مليحة في رمضان باينة بنينة يعطيك الصحة

[@marwaaya7378]

صح اخي راني معاك البيتزا تشهي وشهيتني معاك في هذا الصباح بصح مع كل احترامي المكونات مكانش في كل كوزينا مانيش راح نقولك الاسعار نتاع كل حاجة درتها في هذي البيتزا رانا كامل علابالنا بلي كلشي نار برك نقولك بدل العنوان باش ماشي ننصادمو ونتخلعو كي نشوفو المقادير راهي النسبة الكبيرة لي تبعك من الطبقة المتوسطة ال ضعيفة وربي يرزق كل واحد وربي يعاونك ومتكونش كيما لي يكتبو عناويين كاذبة غير باش يطلعو المشاهدات وربي يوفقك وينجحك هذي فقط نصيحة نتمنا ماتزعفش

[@27Om-mohamed]

غاليتي ماذا ستخسرين اذا دعمتي قناتي ذات محتوى الطبخ مرحبا بيك عندي و ربي يحفظك ويفرحك ان شاء الله⁦❤️⁩⁦❤️⁩⁦❤️⁩⁦❤️⁩⁦🤲🏻⁩⁦🤲🏻⁩🥰🥰🥰🥰⁦

[@zak.363]

مممم بنينة وصحية نجربها مشاء الله على افكارك الرائعة بارك الله فيك ❤❤❤❤❤❤

[@meriemmirou9972]

يعطيك الصحة خويا صلاح... مليحة في رمضان پيتزا ڨراطا تغيير مليح والله

[@timataima2788]

باينا الوصفة هايلة يعطيك الصحة
ممكن يوم مقدرتوش ديروها ممكن يجي وقتها ، ممكن يوم تخدمي طماطم تخبيها ممكن منديرش لصوص 2 الصراحه منحبش حليب عطاكم فكرة وكل وحد وش يحب يغير
ممكن غير بطاطا مع صلصه الطماطم

[@wrdess4434]

باينة تجي بنينة شكرا على الوصفة راهي شهي شهي بيتزا روعة يعطيك الصحة والعافية الهناء

[@27Om-mohamed]

غاليتي ماذا ستخسرين اذا دعمتي قناتي ذات محتوى الطبخ مرحبا بيك عندي و ربي يحفظك ويفرحك ان شاء الله⁦❤️⁩⁦❤️⁩⁦❤️⁩⁦❤️⁩⁦🤲🏻⁩⁦🤲🏻⁩🥰🥰🥰🥰⁦غاليتي ماذا ستخسرين اذا دعمتي قناتي ذات محتوى الطبخ مرحبا بيك عندي و ربي يحفظك ويفرحك ان شاء الله⁦❤️⁩⁦❤️⁩⁦❤️⁩⁦❤️⁩⁦🤲🏻⁩⁦🤲🏻⁩🥰🥰🥰🥰⁦

[@FatiFatoch-im4oz]

الله يبارك وصفاتك تشهي

[@amdjadabbas1939]

ماشاء الله شاف وصفاتك مضمونة ربي يوفقك ان شاء الله

[@seffarinesrine1639]

درتها اليوم العشا جات روعة يعطيك الصحة شاف بارك الله فيك

[@chaimachaima9696]

البطاطا طايبة نورمال

[@noorbadro5583]

بالبطاطا المبشورة فقط هههه؟ هذا فروماج رابي و هذي كرام فراش و هذو 2 انواع نتاع ليصوص و كمية كبيرة نتاع الفرماج و و الرحمة ف بيتزا العجين شاف و زيد تدي وقت كبير ف البطاطا

[@asmasouma6535]

😂😂😂😂😂😂

[@ratiba6435]

🤣🤣🤣

[@lulaciline4593]

واالله غير صح معجبتنيش

[@liladz2931]

وإقتصاديه تاني هههههه😂😂😂😂

[@meriemachoub]

Sahla khlass konti kadra matatfarjij w matgolich haka ana 3ajbatni wjatni sahla wmafiha waloo ya3tik saha chafff

[@timataima2788]

إن شاء الله تزور تلمسان ممكن يوما ما مناسبة عمل ، كلما نكون فالبيس يخرجلي فديوا لتحطه ، بالتوفيق والنجاح

[@user-zn7hf4vu3n]

ان شاء الله كي اليوم

[@user-xb5nu8kf1h]

صباح الخير شاف وصفاتك رائعه جدا وخياليه 🤩😍😋🤤❤️يعطيك الصحه ربي يحفظك ويسترك ونقول لك الصراحه اولادي بزاف تعجبهم الوصفات نتاعك وتحياتي من مدينه تيزي وزو 🙏👍❤️

[@user-wz5hm3eh4p]

تشهي يعطيك الصحة شاف

[@27Om-mohamed]

غاليتي ماذا ستخسرين اذا دعمتي قناتي ذات محتوى الطبخ مرحبا بيك عندي و ربي يحفظك ويفرحك ان شاء الله⁦❤️⁩⁦❤️⁩⁦❤️⁩⁦❤️⁩⁦🤲🏻⁩⁦🤲🏻⁩🥰🥰🥰🥰⁦

[@SidAli-mx8mu]

ماشاء الله عليك كل يوم وصفة روعة

[@-zj4ge]

ماشاء الله نحب بزاااف وصفاتك شيف كامل روووووووعة 🤩 تسلم ايدك خوي 🌹👏
لاتنسو الدعاء لإخواننا في فلسطين 🇵🇸 اللهم اطعم جائعهم واشفي مريضهم وارحم شهدائهم 🤲

[@somyasomya8357]

فكرة رائعة يعطيك الصحة ❤❤❤

[@user-st9ii5zm5j]

باينة بنينة نجربها ان ساء الله

[@27Om-mohamed]

غاليتي ماذا ستخسرين اذا دعمتي قناتي ذات محتوى الطبخ مرحبا بيك عندي و ربي يحفظك ويفرحك ان شاء الله⁦❤️⁩⁦❤️⁩⁦❤️⁩⁦❤️⁩⁦🤲🏻⁩⁦🤲🏻⁩🥰🥰🥰🥰⁦

[@user-hc2xb3uu1n]

شاف على حالك ياصلاح
الله يعطيك الصحه وصفه جديدة على كيف كيفها المزيد ان شاء الله

[@talibouBendjelloul]

السلام عليكم ورحمة الله وبركاته اللهم صل على محمد وال محمد عليه أفضل الصلاة والتسليم ربي يحفظك تحيا الجزائر و فلسطين

[@latiflatif9714]

بنينة و تشهي نجربها ان شاء الله

[@27Om-mohamed]

غاليتي ماذا ستخسرين اذا دعمتي قناتي ذات محتوى الطبخ مرحبا بيك عندي و ربي يحفظك ويفرحك ان شاء الله⁦❤️⁩⁦❤️⁩⁦❤️⁩⁦❤️⁩⁦🤲🏻⁩⁦🤲🏻⁩🥰🥰🥰🥰⁦

[@yakoubsaddek5053]

يعطيك الصحة وليت معتامدة وصفاتك يااااسر ❤

[@hakimasamira5531]

يعطيك الصحة شاف وصفة ولا أروع تشهي 👍👌

[@27Om-mohamed]

غاليتي ماذا ستخسرين اذا دعمتي قناتي ذات محتوى الطبخ مرحبا بيك عندي و ربي يحفظك ويفرحك ان شاء الله⁦❤️⁩⁦❤️⁩⁦❤️⁩⁦❤️⁩⁦🤲🏻⁩⁦🤲🏻⁩🥰🥰🥰🥰⁦

[@doudoudida9637]

اللهم صل وسلم وبارك على سيدنا محمد وعلى آله وصحبه أجمعين وسلم تسليما كثيرا يعطيك الصحة بالتوفيق ان شاء الله

[@imenimen5586]

فيها هاد الخير تجي بنينة بسيف عليها

[@retimsaadjiji]

اللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين مرحبا بك

[@AssilAssil-cy5kn]

فكرة رائعة بارك الله فيك شاف

[@27Om-mohamed]

غاليتي ماذا ستخسرين اذا دعمتي قناتي ذات محتوى الطبخ مرحبا بيك عندي و ربي يحفظك ويفرحك ان شاء الله⁦❤️⁩⁦❤️⁩⁦❤️⁩⁦❤️⁩⁦🤲🏻⁩⁦🤲🏻⁩🥰🥰🥰🥰⁦

[@ranimdjena5500]

صلى الله عليه وسلم تسليما كثيرا

[@ghaniaimloul6894]

يعطيك اصحة فكرة مليحة ❤❤

[@27Om-mohamed]

غاليتي ماذا ستخسرين اذا دعمتي قناتي ذات محتوى الطبخ مرحبا بيك عندي و ربي يحفظك ويفرحك ان شاء الله⁦❤️⁩⁦❤️⁩⁦❤️⁩⁦❤️⁩⁦🤲🏻⁩⁦🤲🏻⁩🥰🥰🥰🥰⁦

[@chacrawiSalah-lb5xt]

مشاء الله باينه روعه ربي يحفضك

[@user_tm8sdu1oc]

لي طاحت عينها على تعليقي و فرحتني بأبوني روحي ربي يرزقك المال و البنون و الصحة و الهنا ان شاء الله يفتح عليك كل ابواب الخير و العطاء و البركة و العافية يارب🤲🏻❤️ ‏ ‏‪1:32‬‏

[@maazouzmaazouz4080]

يا اخي كلش بنين في بنين لازم تجي بنينة الله يبارك المهم نصيحة لوجه الله نقص من الفلفل لكحل برحمة والديك لخاطر يهلك المعدة وبتوفيق إن شاء الله

[@user-hc9fe6vd2b]

ديرنا الفخاره بلحم تعيش باغيا نديرها بصح نوثق في وصفاتك نتا فرات

[@mohsenben2214]

هي باينة بنينة بزاف لكن مكلفة من ناحية المكونات. ماعليش نسجلوهل لشهر رمضان اذا حيانا ربي.

[@kheddarnadia2137]

توب ماشاء الله يعطيك الصحة

[@makhloufameur9782]

هي في الحقيقة باينة بلي شابة بصح مرفهة بزاف ماهيش في متناول الجميع

[@user-ho6tb3if4i]

الله يعطيك الف صحة والعافية

[@roseetoile9891]

Bravo chef toujours top yaatik saha

[@27Om-mohamed]

غاليتي ماذا ستخسرين اذا دعمتي قناتي ذات محتوى الطبخ مرحبا بيك عندي و ربي يحفظك ويفرحك ان شاء الله⁦❤️⁩⁦❤️⁩⁦❤️⁩⁦❤️⁩⁦🤲🏻⁩⁦🤲🏻⁩🥰🥰🥰🥰⁦

[@soumiarahal8733]

والله ياشاف صراحة كنت من متتبعيك لكن قلت حاليا وليت دير حوايج مكلفة للاسف قبل كنت اقتصادي وغير مكلف ماذابيك ترجع كما كنت

[@assmaferroudj5111]

يعطيك الصحة شاف

[@user-oi9jj8qs9k]

نجربها انشاءالله❤

[@routinat.oumilyas]

يعطيك الصحة 👍

[@BilalRozov-wb5kg]

شاف ديرلنا وصفات بالسمك بانواعه وسلام عليكم

[@NourGh-kb8mq]

اقتصاديه خيرااات

[@timataima2788]

منحبش لحليب باش. نعوضه

[@wrdess4434]

صباح الخير احلى لايك مشاءالله تبارك الرحمن الله يبارك فيك متواضع الله يسعدك ويوفقك ويرزقك ❤❤🎉🎉🎉🎉🎉🎉🎉🎉

[@adminanni5106]

صحية روعة

[@arijearidje2040]

الله يبارك تشهي 😋😋😋👍

[@27Om-mohamed]

غاليتي ماذا ستخسرين اذا دعمتي قناتي ذات محتوى الطبخ مرحبا بيك عندي و ربي يحفظك ويفرحك ان شاء الله⁦❤️⁩⁦❤️⁩⁦❤️⁩⁦❤️⁩⁦🤲🏻⁩⁦🤲🏻⁩🥰🥰🥰🥰⁦

[@KadijaFatima-mg6hb]

اللهم صلى وسلم على سيدنا محمد

[@lokmandz3774]

الله يبارك تشهي يعطيك الصحة والعافية

[@27Om-mohamed]

غاليتي ماذا ستخسرين اذا دعمتي قناتي ذات محتوى الطبخ مرحبا بيك عندي و ربي يحفظك ويفرحك ان شاء الله⁦❤️⁩⁦❤️⁩⁦❤️⁩⁦❤️⁩⁦🤲🏻⁩⁦🤲🏻⁩🥰🥰🥰🥰⁦

[@lokmandz3774]

@@27Om-mohamed لقد دعمتكي اختي بالتوفيق

[@dinalinda9170]

تسلم الايادي شاف

[@BilalRozov-wb5kg]

شاف ممكن بيتزا القرعة فالمقلاة

[@oumyoucef_cuisine]

يعطيكم الصحة شاف و ماتنساونيش خياتي بعدما تتمتعو عند الشاف جوزو عندي خياتي مرحبااا بيكم 🌹 راني دايرة عدة وصفات موسمية اقتصادية و شتوية روووعة ❤ ماتراطوش

[@bibibobo430]

يعطيك الصحة

[@fayzabouchoul1492]

رائعة

[@ilwizezizo8017]

Ya3tik seha chef

[@habiba7041]

تسلم.الايادي.الله.يبارك.ياخي

[@user-nf6ur9nw3r]

يعطيك الصحة تشهي

[@27Om-mohamed]

غاليتي ماذا ستخسرين اذا دعمتي قناتي ذات محتوى الطبخ مرحبا بيك عندي و ربي يحفظك ويفرحك ان شاء الله⁦❤️⁩⁦❤️⁩⁦❤️⁩⁦❤️⁩⁦🤲🏻⁩⁦🤲🏻⁩🥰🥰🥰🥰⁦

[@sousousouhila-ij9tr]

تهبل الله بيارك

[@AyoubAyoub-zr4wf]

صراحتا وصفاتك اكل شابيين بصح هذي جربتها لبارح معجبتنيش

[@appletn4707]

هو يقصدالعجينة الي بالقرينة نبدلها بالبطاطا رابي

[@ilefaloufa2879]

لازم يا شيف وصفاتك يكون فيها الفرماج ويا ريت تبدل القفاز الاسود

[@tadabir_tyartia]

لبنات ادخلو عندي كاين بقلاوة بدون الة توريق ساهلة ماهلة هايا ارواحو نديرلكم معاها أتاي😅 ❤❤❤

[@khireddinekhireddine4832]

رأع عجبتني ريح نجربها ونقلك رأي

[@razikakhelaf9051]

ياشاف قولنا طبق بطاطا Royal هههههه ماشي اقتصادي

[@wahibawahibou7193]

سلام يااخ صلاح نقص اشويا من الاجبان شكرا👍🏻

[@mebarkayamami9722]

هو عطاه ربي خلي يكثر وكل واحد يدير على حساب ميزانيتو

[@malakgaw2224]

وصفة الله يبارك بصح مكلف

[@ilwizezizo8017]

❤❤❤❤❤

[@user-id9vn8wq8v]

هههه أنا كي شفت العنوان يقول كل المكونات موجودة في دارك فرحت قلت دوك نوض نديرها ،حتى لقيت معندي لا كرام فراش لافرماج لا التون لا الزيتون ،عندنا غير البطاطا والطوماطيش 😂😂😂😂😂

[@27Om-mohamed]

😅😅😅ضحكتني ههههه

[@27Om-mohamed]

غاليتي ماذا ستخسرين اذا دعمتي قناتي ذات محتوى الطبخ مرحبا بيك عندي و ربي يحفظك ويفرحك ان شاء الله⁦❤️⁩⁦❤️⁩⁦❤️⁩⁦❤️⁩⁦🤲🏻⁩⁦🤲🏻⁩🥰🥰🥰🥰⁦

[@NaciraNaima-nh2hg]

Baina mliha .

[@user-qv4kr6tk2l]

صحن.هاذا.منين.شريتو

[@user-si3ig1cn3l]

وهذي ناكلوها بالخبز او بلا خبز ههههههه

[@razemleila2974]

صباح الخير شاف صلاح
راني جربت صاربلي لكن جانى مرمل بزاف 👌✨️j'ai bien aime
على كل حال شكرا جزيلا على وصفات top
اتمنى لك التوفيق والنجاح في حياتك يارب

[@user-jr6tx4ek2v]

طيب بطاطا

[@bensalemfawzia9733]

❤❤❤❤❤❤❤❤❤❤

[@user-yd1nj7rp6e]

بطاطا رولي ماشي رولي 🫠

[@ouacilamoueddaazzem499]

Merci pour tous

[@wahibazerkaoui5094]

شكرا علي الأفكار نديرها للعش

[@mirabahri7503]

انا سييتها مي معجبتنيش خصارا دوزان فيها

[@dzkoka7815]

😅😅😅😅😅

[@OumkalthoumBenchafai]

شاف وصفاتك رووعة ومن المتابعين الاوفياء لكن سمحلي الوصفة تاع اليوم ماعطاوهاش خساير بزاف على والو وش دارهالي انا صعيبة فالخدمة والنتيجة ماتجيش كيما البيتزا لأنو هاذي تتكل بالمغرف ماتقدرش حتى تهزها كفاه سميتها بيتزاا

[@user-zn7hf4vu3n]

ياصاحبي وش تعرفو تعلقو ومتحسوش بتعب الناس كارثة

[@user-fg5rw1gh2q]

المكونات :كيلو بطاطا نقشرها ونرحيوها ثم نضغط عليها للتخلص من الماء الذي فيها ، نضع البطاطا المرحية في صحن فيه ماء ثم نعيد ضغط عليها وتصفيتها من الماء نتركها ترتاح نصف ساعة ثم نضيف إلى البطاطا 3حبات بيض + فلفل أسود +كمون +ملح+فرماج رابي +كمية قليلة من بصل وسنات ثوم مرحي نخلط المكونات ،نحضر سنية الطهي ونضع فيها الخليط (نضعها في فرن درجته 180 ،
تحضير صلصة طماطم :نضع في طجين زيت نضيف 4حبات طماطم مرحية +ملعقة أكل طماطم مصبرة +كل أنواع التوابل +قليل من البصل والثوم المرحي واتركها تطهو في نار هادئة ،بعدها نضيف قليل من الماء ،
في الأخير نخرج طبقة البطاطا من الفرن بعد نضجها ونضيف لها من فوق صلصة طماطم الناضجة+زيتون بنوعيه
أخيرا تحضير لكريمة: في كسرون نضع كاس كرام فخاش +كاس حليب +كمية من فرماج رابي ورشة ملح وفلفل أسود نخلط المكونات حتى النضج
نضعها فوق الطبق شهية طيبة 😋

[@user-sd6zo1es2c]

,🇵🇸😪🇵🇸😪🇵🇸😪🇵🇸😪

[@TahaOppo-zq2qm]

بطاط تع تسعلاف فرنك للكيلو وبيض الفين وخمسيى لاحبة وطماطم وطرشي بل منحكي وفرماج من كول انواع وزيد لها طون
ويحي عليا ربي ربي ربي زعم كيفه مجيش بنين رهي غير شطاطح بطاط بادرسة مامتشبعش خاليا ياهدي اه اه