Totò: SARCHIAPONE E LUDOVICO - Le videopoesie di Gianni Caputo
HTML-код
- Опубликовано: 7 апр 2017
- Le più belle poesie Napoletane - Totò: SARCHIAPONE E LUDOVICO - Le videopoesie di Gianni Caputo
Teneva diciott'anne Sarchiapone,
era stato cavallo ammartenato,
ma... ogne bella scarpa nu scarpone
addeventa c' 'o tiempo e cu ll'età .
Giuvinotto pareva n'inglesino,
uno 'e chilli cavalle arritrattate
ca portano a cavallo p' 'o ciardino
na signorina della nobiltà .
Pronto p'asc'i sbatteva 'e ccianfe 'nterra,
frieva, asceva 'o fummo 'a dint' 'o naso,
faville 'a sotto 'e piere, 'o ffuoco! 'A guerra!
S'arrevutava tutt' 'a Sanità .
Ma... ogni bella scarpa nu scarpone
c' 'o tiempo addeventammo tutte quante;
venette pure 'o turno 'e Sarchiapone.
Chesta è la vita! Nun ce sta che ffà .
Trista vicchiaja. Che brutto destino!
Tutt' 'a jurnata sotto a na carretta
a carrià lignammo, prete, vino.
"Cammina, Sarchiapò ! Cammina, aah!".
'0 carrettiere, 'nfamo e disgraziato,
cu 'a peroccola 'nmano, e 'a part' 'o gruosso,
cu tutt' 'e fforze 'e ddà sotto 'o custato
'nfaccia 'a sagliuta p' 'o fà cammenà .
A stalla ll'aspettava Ludovico,
nu ciucciariello viecchio comm' a isso:
pe Sarchiapone chisto era n'amico,
cumpagne sotto 'a stessa 'nfamità .
Vicino tutt' 'e ddute: ciuccio e cavallo
se facevano 'o lagno d' 'a jurnata.
Diceva 'o ciuccio: "I' nce aggio fatto 'o callo,
mio caro Sarchiapone. Che bbuò fà ?
lo te capisco, tu te si abbeluto.
Sò tutte na maniata 'e carrettiere,
e, specialmente, 'o nuosto,è 'o cchiù cornuto
ca maie nce puteva capità .
Sienteme bbuono e vide che te dico:
la bestia umana è un animale ingrato.
Mm' he a credere... parola 'e Ludovico,
ca mm' è venuto 'o schifo d' 'o ccampà .
Nuie simmo meglio 'e lloro, t' 'o ddico io:
tenimmo core 'mpietto e sentimento.
Chello ca fanno lloro? Ah, no, pe ddio!
Nisciuno 'e nuie s' 'o ssonna maie d' 'o ffà .
E quanta vote 'e dicere aggio 'ntiso:
"'A tale ha parturito int' 'a nuttata
na criatura viva e po' ll'ha accisa.
Chesto na mamma ciuccia nun 'o ffà !".
"Tu che mme dice Ludovico bello?!
Overo 'o munno è accussi malamente?".
"E che nne vuo sapè , caro fratello,
nun t'aggio ditto tutta 'a verità .
Tu si cavallo, nobile animale,
e cierti ccose nun 'e concepisce.
I' so plebbeo e saccio tutt' 'o mmale
ca te cumbina chesta umanità ".
A sti parole 'o ricco Sarchiapone
dicette: "Ludovì , io nun ce credo!
I' mo nce vò , tenevo nu padrone
ch'era na dama, n'angelo 'e buntà .
Mm'accarezzava comm'a nu guaglione,
mme deva 'a preta 'e zucchero a quadrette;
spisse se cunzigliava c' 'o garzone
(s'io stevo poco bbuono) ch' eva fà ".
"Embè ! - dicette 'o ciuccio - Mme faie pena.
Ma comme, tu nun l'he capito ancora?
Si, ll'ommo fa vedè ca te vò bbene
è pe nu scopo... na fatalità .
Chi pe na mano, chi pe n'ata mano,
ognuno tira ll'acqua al suo mulino.
So chiste tutte 'e sentimente umane:
'a mmiria, ll'egoismo, 'a falsità .
'A prova è chesta, caro Sarchiapone:
appena si trasuto int' 'a vicchiaia,
pe poche sorde, comme a nu scarpone,
t'hanno vennuto e si caduto ccà .
Pe sotto a chillu stesso carruzzino
'o patruncino tuio n'atu cavallo
se ll' è accattato proprio stammatina
pe ghi currenno 'e pprete d' 'a città ".
'0 nobbile animale nun durmette
tutt' 'a nuttata, triste e ll'uocchie 'nfuse,
e quanno avette ascì sott' 'a carretta
lle mancavano 'e fforze pe tirà .
"Gesù , che delusione ch'aggio avuto!"-
penzava Sarchiapone cu amarezza.
"Sai che ti dico? Ll'aggia fa fernuta,
mmiezo a sta gente che nce campo a ffà ?"
E camminanno a ttaglio e nu burrone,
nchiurette ll'uocchie e se menaie abbascio.
Vulette 'nzerrà 'o libbro Sarchiapone,
e se ne jette a 'o munno 'a verità . Животные
Il mare cancella ipassi degli amanti divisi ma non cancella l'amore . Triste e bella Poesia interpretata facendo comprendere il senso della Vita che vi è racchiuso.
Sono tante le poesie splendide raccolte in "La Livella",, spesso in forma di apologo con gli animali come in "Sarchiapone e Ludovico" un cavallo e un mulo che discorrono dei sentimenti dell'umanità, descrivendoli nella forma dell'egoimo, dell'invidia e dell'avidità.
Ma soprattutto, è la mancanza di pietas a caratterizzarli, non solo contro gli animali ma verso i propri simili e persino i propri cari, nel momento in cui non hanno più alcuna utilità, in vecchiaia.
A riprova, Antonio De Curtis fa dire al mulo, animale povero e destinato a una vita di stenti, rivolgendosi al caavallo, animale nobile ma decaduto al ruolo di animale da soma, perché divenuto vecchio
" A prova è chesta, caro Sarchiapone: appena si trasuto int' 'a vicchiaia, pe poche sorde, comme a nu scarpone, t'hanno vennuto e si caduto ccà". C'è tutta la morale di Totò, uomo nobile d'animo e di blasone, Principe degli uomini e di sangue.
Maestro di Vita
Bravissimo, bellissima interpretazione!!!
Molto bella grazie 🌹
Bella ma una triste verita
E'di una modernita'unica!Denuncia tutti i difetti dell'uomo che spesso e'al di sotto delle bestie...E quanta vot...ha oarturit 'na criatur viv e po'l'ha ccis...dovremmo riflettere molto...questo una mamma "ciuccia"non lo fa!!!Bravo Toto'!!!
Ogni scarpa addeventa scarpone... Ahinoi : (
Straordinario Toto' e straordinaria la tua recitazione. Grazie per questo regalo, anche se Toto' ci racconta la vera triste realtà e sempre bellissimo ascoltare i suoi racconti intrisi di umanità e tristi verità.Una curiosità: Hai un' ottima pronuncia, sei napoletano?
Grazie di cuore Olga per le gentili parole che hai per me.. Sono napoletano, sì.. sul mio canale è molto presente la poesia napoletana... Mi piacerebbe poter dare un contributo per la tutela e la conoscenza di quel meraviglioso patrimonio che ci hanno lasciato in eredità i nostri grandi poeti poeti conterranei.. Io ci provo interpretando con il cuore i loro versi..
e ci riesci bene a interpretare i grandi autori. Io sono di Taranto ma spesso io e mio marito veniamo a visitare Napoli che riteniamo una città oltre che bella piena di tantissime opere grandiose e personaggi straordinari tra attori, pittori, scultori e artisti di ogni genere oltre alla grande cordialità dei napoletani.