Pa Gjurme-Vogëlushja shkon me gomar në shkollë, nëna: Sëmundja po e torturon, nuk e kuroj e dot

#pagjurme #odetadume #reportTV Emisionin "Pa gjurmë" me moderatore Odeta Dume mund ta ndiqni nga e hëna në të premte në orën 16:00 në ekranin e Report Tv
Fati i trishtë i dy të miturve nga fshati Kuqar i Këlcyrës… të cilët nevoja i ka kushtëzuar për të shkuar në shkollë si gjithë bashkëmoshatarët e tjere …. për të mësuar… e per tu shkolluar……e ndërsa u duhet të përshkojnë rrugën 45 minuta me kafshe… i vetmi mjet transporti që kanë.
Nëna e tyre Albina Rrapo detyrohet çdo mëngjes të lërë punët dhe të përcjellë fëmijët e saj 7 dhe 10-vjeçarë për në shkollë. Gjendja në të cilën kjo familje prej 4 anëtarësh jeton është mjaft e rëndë. Kryefamiljari Florenc Rrapo trajtohet me kemp dhe nuk punon. Gjithashtu edhe vajza 10 vjeçe trajtohet me kemp për shkak të një problemi në këmbë që ka shfaqur që në lindje.
Për këtë problem vogëlushja i është nënshtruar një ndërhyrje kirurgjikale në Turqi në vitin 2020 ndërsa ende ka shqetësime të cilat e pengojnë të ecë.
Të vetmet të ardhura për këtë familje janë kempet e dy pjestarëve, ndërsa me to sigurojnë bugën e gojës.
Si të mos mjaftonin këto vuajtje për këtë familje, gjithashtu edhe shtëpia ku jetojnë nuk është e tyre por u aka lënë për disa kohë një i afërm. Ky i fundit i ka kërkuar që të dalin nga shtëpia, por frika e familjes Rrapo nga Këlcyra është se pasi të dalin do të mbeten në mes të katër rrugëve.
Me tërë këto halle të rëna mbi supe, dhe e sfilitur nga jeta, 37-vjeçarja Albina Rrapo kërkon ndihmën e emisionit “Pa Gjurmë”.

[@enversulejmani7498]

Urime per emisionin. Bashkia Sherbimi social ku jane. Eshte detyre per ta sepse paguhen nga Shteti, nga taksat e popullit.

[@rb-fd6ic]

Me vjen shume keq per kete familje por lind pyetja: zonja pse s’punon? Ndonjehere me duket sikur qyli u embeltohet disa njerezve.

[@ermalhatellari2643]

Mos paragjyko zotri apo zonjë!Ndoshta ka 1 lopë ore pula kjo zonja.Mund të punoj me këto.Gjynah😢