فعلاً أنت راجل محترم، ومتابعك من فترة قريبة لمعرفة تفاصيل أكتر عن البورصة وتفاصيل الدخول فيها، وتقريبًا سمعت أغلب الحلقات المهمة.. يمكن ده أول تعليق لي على أي قناة؛ لكن فعلاً الحلقة دي أفضل حلقة، وطريقة شرحك وإيصالك للمعلومة بشكل عام متميزة، بل رائعة ومشوقة (أنا شخصيًّا بحب أستخدمها أثناء الشرح لجذب انتباه الطلاب)، والأهم من ده كله: كلامك في الحلال والحرام عن بحث واطلاع جيد، مع التذكير بأمر الزكاة، والخوف من الله والدار الآخرة. وفقك الله وسدد خطاك، ولك خالص تحياتي واحترامي. ✍️ متابع من هيئة التدريس بجامعة الأزهر.
نوهنا عليك يا استاذنا الفاضل متغبش علينا بفيديوهاتك عشان الواحد بيرتاحلك نفسيا عاوزين تركيز اكتر علي فيديوهات المبتدئين ف البورصه مجرد فيديو او 2 ف نفس الموضوع مش كفايا
شاكر افضال معاليك يا مدير ومنتظر من حضرتك تعمل فيديو عن نصاب الزكاة في الأسهم وطرق حسابها وأي معلومات تانية تتكرم علينا بإضافتها شاكر مجهودك مرة تانية وبتمني لك التوفيق ديماً ❤
استاذ حسن المحترم مجهود رائع و علم نافع ربنا يجعله في ميزان حسناتك رجاءاً رجاءاً تعمل لنا ڤيديو عن كيفية حساب الزكاة في الأسهم لأن سألت فيها كتير و كل جهه لها رأي غير الاخري تحياتي و تقديري
الصراحه انا تابعتك من فتره قريبه لاكن مشاء الله عليك قمه ف المهنيه واسلوبك جميل وسلس بطريقه عظيمه والاهم من كل دا جانبك ف انك بتوعي الناس اللي لسه فيها تخوف من مصدر المكسب حلال ام حرام ❤ من الناس القليله اللي نحسبها ع خير باذن الله ❤ كنت اتمني تعمل فيديو تشرح فيه منصة trading view وازاي نتعامل عليها بس يكون شرح بسيط لاننا مش زيك اكيد ف العلم دا ❤😂
شكرا للفديو يا غالي ويارب يجعله في ميزان حسناتك لكن عندي سؤال في أراء كثير من العلماء ان الاسهم المختلطه حرام مهما كان نسبه الدخل المحرم ثانيا ممكن تعمل لنا فديو عن أسهم الشركات الحلال 100٪ من نشاط لتعاملات ماليه والف شكر لك يا محترم❤
والله حتى الشركات اللي نشاطها كله حلال فانت بردو معندكش تحكم في كل تفصيلة في الشركة وما تضمنش بكرة هيعملو ايه ..... الا لو كنت بتمتلك حصة اغلبية وليك سيطرة سددوا وقاربوا
ياريت تقولي علي طريقة اعرف ازاي اطلع نسبة التطهير علي الاسهم بتاعتي يعني لما ادخل علي القوائم المالية للشركة ايه الكلام اللي موجود فيها أطلعه واقسمه علي القيمة السوقية للشركة وبكده اطلع نسبة التطهير
حد فاهم هو بيقول ايه مش بياع والا كفتجي عايز يبيع توصيات وخلاص ... ياريت تعمل سلسلة تكون مدروسة في التداول من البداية واهم شي تكون مدروسة يعني ليها مسار تعليمي وممكن تاخد الكورسات الأجنبية كمثال في التحضير والإعداد هتكون مميز فيها وخاصة أن أغلب الا بيعملوا كورسات مش فاهمين يعني ايه بورصة كله داخل يعمل سبوبة
بغض النظر عن ان معظم اللي هنا هيبقا جاي وعاوز حد يقولو ان البورصة حلال بما فيهم حضرتك لإن ده شغلك ، وبغض النظر بردو عن اني بشارك في البورصة من خلال ثاندر في قسم الشريعة لكن بردو الواحد مش مرتاح ومش بيتبع هواه وخلاص الحمداله اسأل الله الثبات ، لكن من وجهة نظري ان طالما الشركات حتى اللي تبع الشريعة تحتوي على نسب معينة من المحرمات فلا يجوز تولث المال بها حتى ولو كانت هذه النسبة 1٪ ودي حاجة انا مكنتش اعرفها غير من حضرتك بالمناسبة ولا يجوز استخدامها في الزكاة او غيرو من الاعمال الخيرية لإن الله طيب لا يقبل الا طيب وطاهر فا مروحش انا اتبرع بمال ملوث اصلا !، واما عن المضاربة فا حضرتك اجازت بها ومن رأي الشخصي بعد بحث طويل فا المضاربة بالذات اللي ملقتش عليها خلاف في حرمانيتها لإنها بتضر اقتصاد الدول وده حرام بلا شك (غرضي النصح وليس الجدال ولو كلامي فيه حاجة غلط مستعد اسمع واتعلم من غيري)
@@aishamagdy8612 للأسف مفيش شركات نشاطها حلال 100٪ لإن زاي ما استاذ ابراهيم قال الشركات اللي نسبة نشاطتها الحرام متزدش عن 10٪ بتدخل قسم الشريعة فا الحل هو ان الواحد اولا يشتري السهم من قسم الشريعة ويكون بنية الاستثمار طويل المدى على الاقل 6 شهور عشان ميبقاش مضاربة. تعرف نسبة نشاط الشركة الحرام وتطلع النسبة دي من ارباح الفلوس اذا وُجد ارباح وليس من رأس المال الاساسي وهنا وجب التنويه ان الفلوس اللي تخرج دي مش صدقة ومش هتتقبل كا صدقة لإنها فلوس ملوثة ! لكن فقط لتجنب الإثم والوقوع في الربا ، يعني مينفعش متتصدقش في حياتك اليومية عشان انت مفكر نفسك بتتصدق بالفلوس دي لإن ببساطة دي مبتتحسبش صدقة فا انا هتصدق في حياتي اليومية عادي للإنه فرض عليا الكلام ده بقولو بعد بحث طويل عميق عشان اكون مرتاح نفسيا مع الاسهم
هل الدعوم والمقاومات ثابتة ولا بتتغير بحبث اكون عارفها مسبقا قبل ما ادخل فى السهم سواء بالبيع أو الشراء واذا كانت بتتغيير كيف اذاكر السهم قبل ما ادخل لإجراء اى عملية عليه بحيث اعرف متى اشترى ومتى ابيع
يعني انا اخليني مع ثاندر ولا مع مؤشر ٣٣ ؟ و ايه الحل لو اشتريت و هي فالشريعه و كام شهر و طلعت بره ، و ياريت تعملنا فيديو عن ذكاه الأسهم ، و جزاك الله كل خير 🤍
المفروض انك كدة كدة بتعمل ابديت لمحفظتك كل فترة بتراجع كل أسهمك وتشوف هتخلي ايه وتشيل ايه حسب متغيرات السوق واهدافك وإن شاء الله هتكلم عن زكاة الأسهم في أقرب فرصة
استاذ حسن في شركات مش موجودة في ثندر هل هيا مش مدرجة في البورصه ولا ثندر الي مش ملم بيها زي شركة المقاولون العرب مثلا وليه مفيش في ثندر باب للبورصه العالمية
المفترض تنزية الدين عن المعاملات سواء التجارية او السياسية .. سياتي يوم نجد باءع الجبن الاسلامي والحلاوة البوذي وهكذا .مش عشان نسوق سلعة نلصقها بالاسلام ... هذة فتنة لابد من اجتنابها .. من هنا اطالب هيءة البورصة بانشاء مؤشر مسيحي
السلام عليك استاذ حسن ... عندي سؤال ... هل اختيارى لشركة سمسرة فى الاوراق المالية لها عائد او فائدة على قيمة ودائع المضاربين او المستثمرين مثل ثاندر ... مثلاً حرام ام حلال ؟
سلام عليكم ازيك يا مدير عندى سؤال لو انا دلوقتى اشتريت سهم وانا بفكر فى استثمار طويل والسهم طلع وعمل نمو وليكن مثلا 20 % هل ابيعه ولا اعمل ايه انا شوفت الفيديو بتاع امتى تبيع السهم بس موصلتش لاجابه لان خايف مبعش السهم وينزل تانى
على حسب الاستراتيجية بتاعتك لو بتشتغل مضاربة وتحليل فني فالمفروض تبيع عند المستهدف او عند ضعف زخم الصعود ولو بتشتري بغرض الاستثمار والاحتفاظ يبقا تبيع فقط لو كان الصعود مفاجئ وغير مبرر والسهم لا يستحقه
السلام عليكم استاذ حسن في سؤال هو لو حد اشترى سهم معين وفضل معه 3 او اربع شهور مش يومين تلاته والكلام ده وباع كده يبقي مضارب ولا لا ممكن يبقي زي التاجر يشتري حاجه رخيصة او بالجمله وبيع بالغالي او اغلى شويه الفكر ده صح ولا لا في الاسهم
والله فيه علماء كتير بيحرموها .... زى الشيخ على جمعة ومبروك عطية لكن دار الافتاء حرمتها فقط إذا كان الهدف هو التلاعب بالأسهم لكن انا مشكلتى مع الفتاوى اللى بتحرمها انها مش بتديك تعريف واضح للمضاربة .... واقصد بالتعريف هنا هو المدى الزمني اللي يتقال عليه مضاربة
لو سمحت ياستاذ حسن عندي سؤال مثلا انا دلوقتي سجلت ف ثاندر وهعمل ايداع واشتري اسهم اي اللي يثبت اني اشتريت اسهم ازاي اعرف وهل دا من خلال البورصة ولا من خلال مصر للمقاصة لان ثاندر ممكن تبعتلي اي ورقه عادي ع اعتبار انها اثبات وشكرا لحضرتك
فعلاً أنت راجل محترم، ومتابعك من فترة قريبة لمعرفة تفاصيل أكتر عن البورصة وتفاصيل الدخول فيها، وتقريبًا سمعت أغلب الحلقات المهمة..
يمكن ده أول تعليق لي على أي قناة؛ لكن فعلاً الحلقة دي أفضل حلقة، وطريقة شرحك وإيصالك للمعلومة بشكل عام متميزة، بل رائعة ومشوقة (أنا شخصيًّا بحب أستخدمها أثناء الشرح لجذب انتباه الطلاب)، والأهم من ده كله: كلامك في الحلال والحرام عن بحث واطلاع جيد، مع التذكير بأمر الزكاة، والخوف من الله والدار الآخرة.
وفقك الله وسدد خطاك، ولك خالص تحياتي واحترامي.
✍️ متابع من هيئة التدريس بجامعة الأزهر.
دى شهادة كبيرة أعتز بيها يا دكتور ❤
وأشكرك على تشجيعك وكلامك الطيب ربنا يجعله في ميزان حسناتك .... ويرزقنا وإياكم الإخلاص في القول والعمل
@@Elforsa_Felborsa
اللهم آمين.
أعز الله مقامكم، ورفع قدركم.
يا اخي انت راجل محترم وفاهم وانا احترمك جدا وبحب اشوف فيديوهاتك وبدأت احب البورصة من شرحك
كتير عليا والله الكلام دة ☺️
أشكرك على ذوقك وكلامك الجميل دة
يا مستر حسن ممكن رقم تواصل مع حضرتك
الشركات المختلطة لا يجوز شراء أسهمها مهما كان النسبة قليلة. و هذا قول جمهور العلماء
طب أنا عندى رأس مال كتيير💰 و عاوز أستثمره📉 ... أحطه فين❓ ... بشرط التوافق مع الشريعة الإسلامية🕌 ⚠️
الصراحة انت كفيت ووقيت واتكلمت فمناطق محدش بيتكلم فيها بارك الله فيك استاذى الفاضل
تسلم يا كبير ❤
راجل محترم وأسلوبك كويس وراقي تحياتي ليك ❤
اسلوب ممتاز وطريقة عرض رائعه ومجهود يحترم لحضرتك
تسلم دة من ذوقك ❤️
حبيبنا والله . ايوه كدا ي رجل. لا تغيب عنا . اطال الله عمرك ونفع بعلمك . ورضي عنك ورضاك
تسلم يا كبير ❤
فيديو ولا اروع ...جزاك الله خيرا وربنا يرزقنا واياكم الرزق الحلال ..وياريت فيديو شرح زكاة الاسهم وربنا يجعله في ميزان حسناتك
آمين يا رب
حاضر بإذن الله
نوهنا عليك يا استاذنا الفاضل متغبش علينا بفيديوهاتك عشان الواحد بيرتاحلك نفسيا
عاوزين تركيز اكتر علي فيديوهات المبتدئين ف البورصه مجرد فيديو او 2 ف نفس الموضوع مش كفايا
حاضر بإذن الله
انا شغال على كدة فعلا
الحياة قصيرة وهو ده اللي جاعتلك . والله انت راجل محترم جزاك الله خير الجزاء ❤
❤ تسلم يا كبير
جزاك الله كل خير
ياريت حلقه عن زكاه الأسهم
وإياكم
حاضر ان شاء الله
شاكر افضال معاليك يا مدير
ومنتظر من حضرتك تعمل فيديو
عن نصاب الزكاة في الأسهم
وطرق حسابها وأي معلومات
تانية تتكرم علينا بإضافتها
شاكر مجهودك مرة تانية
وبتمني لك التوفيق ديماً ❤
كلك ذوق يا مدير ❤
حاضر ان شاء الله هعمل فيديو عن زكاة الأسهم
يا أبو على متغبش عننا كتير
عشان بتوحشنا بمحتواك ❤
حبيبي تسلم ❤
انا حاليا بنزل فيديو اسبوعي وبعد كدة هحاول ازود ان شاء الله
الله يبارك لك و يجازيك خير ❤❤
❤
ياريت فعلا تجمعلنا أراء زكاة الاسهم في فيديو ليها
+1
حاضر هحاول بإذن الله
ارجوك اعمل فيديو عن زكاه الاسهم وربنا يجعلة في ميزان حسناتك يااستاذ حسن يارائع
حاضر بإذن الله في أقرب فرصة
@@Elforsa_Felborsa
ياريت يا فندم
جزاكم الله خير
ما شاء الله تبارك الرحمن
ازداد أحترامي ليك ربنا ينور بصيرتنا لما يحبه ويرضاه في زمان قل فيه من يتحري الحرام ..تحياتي
اللهم آمين
ربنا يخليك ❤
استاذ حسن المحترم
مجهود رائع و علم نافع
ربنا يجعله في ميزان حسناتك
رجاءاً رجاءاً تعمل لنا ڤيديو عن كيفية حساب الزكاة في الأسهم
لأن سألت فيها كتير و كل جهه لها رأي غير الاخري
تحياتي و تقديري
أشكرك على ذوقك
حاضر بإذن الله هتكلم عن الموضوع دة لأنه فعلا مهم
حلقة جميلة مبدع كالعاه❤
أشكرك ❤
يا ريت حلقة زكاة الأسهم
جزاك الله كل خير ياريت فيديو عن زكاة الأسهم بارك الله فيك
أشكرك ❤
حاضر إن شاء الله
الصراحه انا تابعتك من فتره قريبه لاكن مشاء الله عليك قمه ف المهنيه واسلوبك جميل وسلس بطريقه عظيمه والاهم من كل دا جانبك ف انك بتوعي الناس اللي لسه فيها تخوف من مصدر المكسب حلال ام حرام ❤ من الناس القليله اللي نحسبها ع خير باذن الله ❤
كنت اتمني تعمل فيديو تشرح فيه منصة trading view وازاي نتعامل عليها بس يكون شرح بسيط لاننا مش زيك اكيد ف العلم دا ❤😂
أشكرك على كلامك الجميل دة ويارب اكون دايما على قدر المسؤولية دى
انا بالفعل ناوي اشرح تريدينج فيو لأنه مهم جدا
بارك الله فيك
وأشكرك ❤
يا ريت تعمل فيديو عن حساب زكاة الأسهم من فضلك
بحاول بس الاحداث مش مدياني فرصة 😅
فديو جميل جدا
تسلم ❤
من فضلك عايز طريقه او موقع عن طريقه اعرف عمليات البيع والشراء التى تتم على سهم واحد بعينه وليس اجمالى العمليات
مباشر وتيكر تشارت وتريدينج فيو
جزاك الله عن فهمنا خيرا
وارجوا أن تشرح لنا زكاة الأسهم
وكيف نحسبها؟ ولك جزيل الشكر
وخيرا جزاكم
حاضر إن شاء الله هعمل فيديو عن زكاة الأسهم وطريقة حسابها
ياريت فيديو عن زكاة الأسهم يا محترم
حاضر هعمله بإذن الله ❤
الله يبارك فيك يارب
وإياك ❤
شكرا للفديو يا غالي ويارب يجعله في ميزان حسناتك لكن عندي سؤال في أراء كثير من العلماء ان الاسهم المختلطه حرام مهما كان نسبه الدخل المحرم
ثانيا ممكن تعمل لنا فديو عن أسهم الشركات الحلال 100٪ من نشاط لتعاملات ماليه والف شكر لك يا محترم❤
والله حتى الشركات اللي نشاطها كله حلال فانت بردو معندكش تحكم في كل تفصيلة في الشركة وما تضمنش بكرة هيعملو ايه ..... الا لو كنت بتمتلك حصة اغلبية وليك سيطرة
سددوا وقاربوا
❤
ياريت تقولي علي طريقة اعرف ازاي اطلع نسبة التطهير علي الاسهم بتاعتي يعني لما ادخل علي القوائم المالية للشركة ايه الكلام اللي موجود فيها أطلعه واقسمه علي القيمة السوقية للشركة وبكده اطلع نسبة التطهير
في الايضاحات المتممة
هتجيب الجزء بتاع الايرادات وتشوف تفاصيلها ايه
ما شاء الله عليك قلبت الموضوع من كل جوانبة .. بس للاسف لم تذكر .. مامدي تاثير المؤشر الجديد .. هل سيكون ايجابي ام سلبي علي المدي الطويل
أشكرك ❤
تأثيره إيجابي طبعا لأنه هيجذب شريحة جديدة من المستثمرين
اذا سمحت ممكن فديو كمان عن صناديق الاستثمار بس بتفاصيل إلى هو يعنى ايه تراكمى و دورى و كده و هل فى صناديق استثمار مصريه بتوزع كبونات؟
فعلا صناديق الاستثمار محتاجة فيديو تاني
حد فاهم هو بيقول ايه مش بياع والا كفتجي عايز يبيع توصيات وخلاص ... ياريت تعمل سلسلة تكون مدروسة في التداول من البداية واهم شي تكون مدروسة يعني ليها مسار تعليمي وممكن تاخد الكورسات الأجنبية كمثال في التحضير والإعداد هتكون مميز فيها وخاصة أن أغلب الا بيعملوا كورسات مش فاهمين يعني ايه بورصة كله داخل يعمل سبوبة
هي فكرة جميلة ومفيدة بس للأسف محتاجة وقت ومجهود وتفرغ
ومع ذلك هحاول لأن الحاجات دي هي الباقية ❤
الفكرة مطلوبة لان ناس كتير محتاجة تفهم الصح، إذا احتجت مساعدة في تحضير منهج قوي التحليل الغني كلمني اساعدك أن شاء الله @@Elforsa_Felborsa
ازاى اتاكد ان الشركه لا تقترض من البنوك الربويه أو تستثمر جزء من أموالها فى أذون الخزانه والسندات المحرمه .؟
كل دة بيكون موجود وواضح في القوائم المالية للشركات
@@Elforsa_Felborsa انا مش متخصص ازاى اجيب القوائم المالية للشركه ؟
بغض النظر عن ان معظم اللي هنا هيبقا جاي وعاوز حد يقولو ان البورصة حلال بما فيهم حضرتك لإن ده شغلك ، وبغض النظر بردو عن اني بشارك في البورصة من خلال ثاندر في قسم الشريعة لكن بردو الواحد مش مرتاح ومش بيتبع هواه وخلاص الحمداله اسأل الله الثبات ، لكن من وجهة نظري ان طالما الشركات حتى اللي تبع الشريعة تحتوي على نسب معينة من المحرمات فلا يجوز تولث المال بها حتى ولو كانت هذه النسبة 1٪ ودي حاجة انا مكنتش اعرفها غير من حضرتك بالمناسبة ولا يجوز استخدامها في الزكاة او غيرو من الاعمال الخيرية لإن الله طيب لا يقبل الا طيب وطاهر فا مروحش انا اتبرع بمال ملوث اصلا !، واما عن المضاربة فا حضرتك اجازت بها ومن رأي الشخصي بعد بحث طويل فا المضاربة بالذات اللي ملقتش عليها خلاف في حرمانيتها لإنها بتضر اقتصاد الدول وده حرام بلا شك
(غرضي النصح وليس الجدال ولو كلامي فيه حاجة غلط مستعد اسمع واتعلم من غيري)
الله يبارك لك
بما أن حضرتك بحثت في الموضوع ممكن اعرف ازاي اوصل للشركات الحلال ١٠٠٪ بالكامل مفيهاش أي نسبة حرمانية
@@aishamagdy8612
للأسف مفيش شركات نشاطها حلال 100٪ لإن زاي ما استاذ ابراهيم قال الشركات اللي نسبة نشاطتها الحرام متزدش عن 10٪ بتدخل قسم الشريعة
فا الحل هو ان الواحد اولا يشتري السهم من قسم الشريعة ويكون بنية الاستثمار طويل المدى على الاقل 6 شهور عشان ميبقاش مضاربة.
تعرف نسبة نشاط الشركة الحرام وتطلع النسبة دي من ارباح الفلوس اذا وُجد ارباح وليس من رأس المال الاساسي
وهنا وجب التنويه ان الفلوس اللي تخرج دي مش صدقة ومش هتتقبل كا صدقة لإنها فلوس ملوثة ! لكن فقط لتجنب الإثم والوقوع في الربا ،
يعني مينفعش متتصدقش في حياتك اليومية عشان انت مفكر نفسك بتتصدق بالفلوس دي لإن ببساطة دي مبتتحسبش صدقة فا انا هتصدق في حياتي اليومية عادي للإنه فرض عليا
الكلام ده بقولو بعد بحث طويل عميق عشان اكون مرتاح نفسيا مع الاسهم
بارك الله فيك وربنا ينور بصيرتنا
هل الدعوم والمقاومات ثابتة ولا بتتغير بحبث اكون عارفها مسبقا قبل ما ادخل فى السهم سواء بالبيع أو الشراء
واذا كانت بتتغيير كيف اذاكر السهم قبل ما ادخل لإجراء اى عملية عليه بحيث اعرف متى اشترى ومتى ابيع
بتتغير طبعا
والتحليل بيتعمل كل فترة مش مرة واحدة وخلاص
والمذاكرة هى التحليل الفني والاساسي
استاذى الفاضل ما راي حضرتك فى منصه دو تريدر للتداول فى مصر هل موثوقه ام ثاندر افضل
هي موثوقة لكنها اضعف من ثاندر
❤❤❤❤❤❤❤❤❤❤❤
يعني انا اخليني مع ثاندر ولا مع مؤشر ٣٣ ؟ و ايه الحل لو اشتريت و هي فالشريعه و كام شهر و طلعت بره ، و ياريت تعملنا فيديو عن ذكاه الأسهم ، و جزاك الله كل خير 🤍
المفروض انك كدة كدة بتعمل ابديت لمحفظتك كل فترة بتراجع كل أسهمك وتشوف هتخلي ايه وتشيل ايه حسب متغيرات السوق واهدافك
وإن شاء الله هتكلم عن زكاة الأسهم في أقرب فرصة
السلام عليكم لو عايز استثمار طويل الاجل اشترك في صناديق استثمار ثاندر ولا اركز علي كام سهم واشتري واسيبهم افضل
هو طبعا الاسهم افضل بس للي عنده خبرة وعارف هو بيعمل ايه
لأن الصناديق مش بتخاطر وبتشتغل في المضمون فبيبقا مكسبها اقل
استاذ حسن في شركات مش موجودة في ثندر هل هيا مش مدرجة في البورصه ولا ثندر الي مش ملم بيها زي شركة المقاولون العرب مثلا
وليه مفيش في ثندر باب للبورصه العالمية
مش كل الشركات بتطرح اسهمها في البورصة
وثاندر فيها حساب للبورصة الامريكية عادي
التصدق ب١٠٪ تكون من توزيعات كوبون الارباح ولا الارباح الرأسمالية؟
التوزيعات
بعد اذنك ايهم افضل ف التداول ثاندر ولا اسطول ولا مباشر خصوصا وانا بتداول من خلال ابلكيشن من التليفون
كأبليكيشن ... ثاندر
منورنا يا عم حسن انا من الاقصر ولهجتك قريبه خالص لينا ممكن تقولنا انت منين
+١
بصرة 😆
يعني ايه نسبة الأصول السائلة تكون ٧٠% ؟
دى اللى هي النقدية وما في حكمها
يعني العملات والاوراق المالية القصيرة الاجل
المفترض تنزية الدين عن المعاملات سواء التجارية او السياسية .. سياتي يوم نجد باءع الجبن الاسلامي والحلاوة البوذي وهكذا .مش عشان نسوق سلعة نلصقها بالاسلام ... هذة فتنة لابد من اجتنابها .. من هنا اطالب هيءة البورصة بانشاء مؤشر مسيحي
السلام عليك استاذ حسن ... عندي سؤال ... هل اختيارى لشركة سمسرة فى الاوراق المالية لها عائد او فائدة على قيمة ودائع المضاربين او المستثمرين مثل ثاندر ... مثلاً حرام ام حلال ؟
وعليكم السلام
يفضل الرجوع لمتخصص في الفتاوى
السلام عليكم.. أستاذنا الغالي.. عندي سؤال : هل يوجد توزيع أرباح من مؤشر الشريعة؟
فيه توزيعات من الاسهم نفسها .... لكن المؤشر مش بيوزع حاجة
سلام عليكم ازيك يا مدير
عندى سؤال لو انا دلوقتى اشتريت سهم وانا بفكر فى استثمار طويل والسهم طلع وعمل نمو وليكن مثلا 20 % هل ابيعه ولا اعمل ايه
انا شوفت الفيديو بتاع امتى تبيع السهم بس موصلتش لاجابه
لان خايف مبعش السهم وينزل تانى
على حسب الاستراتيجية بتاعتك
لو بتشتغل مضاربة وتحليل فني فالمفروض تبيع عند المستهدف او عند ضعف زخم الصعود
ولو بتشتري بغرض الاستثمار والاحتفاظ يبقا تبيع فقط لو كان الصعود مفاجئ وغير مبرر والسهم لا يستحقه
هل المضاربه اللحظية حرام
السلام عليكم استاذ حسن
في سؤال هو لو حد اشترى سهم معين وفضل معه 3 او اربع شهور مش يومين تلاته والكلام ده
وباع كده يبقي مضارب ولا لا
ممكن يبقي زي التاجر يشتري حاجه رخيصة او بالجمله وبيع بالغالي او اغلى شويه الفكر ده صح ولا لا في الاسهم
هي تعتبر نوع من المضاربة بردو اه
بس بمخاطرة اقل وفايدة اكبر ليك و للسهم
@@Elforsa_Felborsa الف شكر استاذ حسن و ربنا يبارك في حضرتك♥
@@Elforsa_Felborsa معلش سؤال بس استاذ حسن هي تبقي ازاي او يعني ايه فايدة اكبر ليك وللسهم
زكاة الاسهم من فضلك
حاضر بإذن الله
أنا مش فاهم ، يعني الشركات الي بره الشريعه ممكن تكون حرام ولا ايه ؟!
كل مؤسسة لها المعايير بتاعتها
لكن المؤشر دة حسب معايير البورصة المصرية نفسها
هل المؤشر ده علي ثاندر
موجود اه
@@Elforsa_Felborsaأسمه ايه؟
يا استاذ حسن هل المضاربه نفسها حلال او حرام
والله فيه علماء كتير بيحرموها .... زى الشيخ على جمعة ومبروك عطية لكن دار الافتاء حرمتها فقط إذا كان الهدف هو التلاعب بالأسهم
لكن انا مشكلتى مع الفتاوى اللى بتحرمها انها مش بتديك تعريف واضح للمضاربة .... واقصد بالتعريف هنا هو المدى الزمني اللي يتقال عليه مضاربة
لو سمحت ياستاذ حسن عندي سؤال مثلا انا دلوقتي سجلت ف ثاندر وهعمل ايداع واشتري اسهم اي اللي يثبت اني اشتريت اسهم ازاي اعرف وهل دا من خلال البورصة ولا من خلال مصر للمقاصة لان ثاندر ممكن تبعتلي اي ورقه عادي ع اعتبار انها اثبات وشكرا لحضرتك
الاسهم المتسجلة باسمك في مصر للمقاصة تبقا بتاعتك .... مش متسجلة تبقا لا تمتلكها بشكل رسمي