nccp tammurriata nera live 2012

Concerto della Nuova Compagnia di Canto Popolare a Vitulazio, in data 06 ottobre 2012
Brano scritto nel 1944 da Edoardo Nicolardi e musicato da Giovanni Ermete Gaeta, più noto con lo pseudonimo di "E.A. Mario".
Io nun capisco 'e vvote che succede
e chello ca se vere nun se crere.
E' nato nu criaturo, è nato niro,
e 'a mamma 'o chiamma Ggiro,
sissignore, 'o chiamma Ggiro.
Seh, vota e gira, seh
seh, gira e vota, seh
ca tu 'o chiamme Ciccio o 'Ntuono,
ca tu 'o chiamme Peppe o Ggiro,
chillo 'o fatto è niro niro, niro niro comm'a cche...
S''o contano 'e cummare chist'affare
sti cose nun so' rare se ne vedono a migliare.
'E vvote basta sulo 'na guardata,
e 'a femmena è rimasta sott''a botta 'mpressiunata.
Seh, 'na guardata, seh
seh, 'na 'mpressione, seh
va truvanno mò chi è stato,
c'ha cugliuto buono 'o tiro
chillo 'o fatto è niro niro
niro niro comm'a cche..
E dice 'o parulano, embè parlammo,
pecché si raggiunammo chisto fatto ce 'o spiegammo.
Addò pastin' 'o grano, 'o grano cresce
riesce o nun riesce, semp'è grano chello ch'esce.
Meh, dillo a mamma, meh
meh, dillo pure a me
conta 'o fatto comm'è ghiuto
Ciccio, 'Ntuono, Peppe, Ggiro
chillo 'o fatto è niro niro, niro niro comm'a che...
Seh 'na 'uardata seh
seh 'na 'mprissione seh
và truvanno mò chi è stato
c'ha cugliuto buono 'o tiro
chillo 'o fatto è niro niro
niro niro comm'a cche...
'E signurine 'e Caporichino
fanno ammore cu 'e marrucchine,
'e marrucchine se vottano 'e lanz,
e 'e signurine cu 'e panze annanz.
American espress,
ramme 'o dollaro ca vaco 'e press
sinò vene 'a puliss,
mette 'e mmane addò vò iss.
Aieressera a piazza Dante
'o stommaco mio era vacante,
si nun era p''o contrabbando,
ì' mò già stevo 'o campusanto.
E levate 'a pistuldà
uè e levate 'a pistuldà,
e pisti pakin mama
e levate 'a pistuldà.
'E signurine napulitane
fanno 'e figlie cu 'e 'mericane,
nce verimme ogge o dimane
mmiezo Porta Capuana.
Sigarette papà
caramelle mammà,
biscuit bambino
dduie dollare 'e signurine.
A Cuncetta e a Nanninella
'e piacevan'e caramelle,
mò se presentano pe' zitelle
e vann'a fernì 'ncopp'e burdelle.
E Ciurcillo 'o viecchio pazzo
s''è arrubbato 'e matarazze
e ll'America pe' dispietto
ce ha sceppato 'e pile 'a pietto.
Aieressera magnai pellecchie
'e capille 'ncopp''e recchie
e capille e capille
e 'o recotto 'e camumilla...
'O recotto,'o recotto
e 'a fresella cu 'a carna cotta,
'a fresella 'a fresella
e zì moneco ten''a zella.
tene 'a zella 'nnanze e arreto
uffa uffa e comme fete
e lle fete e cane muorto
uè pe ll'anema e chillemmuorto.
E levate 'a pistuldà
uè e levate 'a pistuldà,
e pisti pakin mama
e levate 'a pistuldà.