"Bijtë e Humbur" poezi nga Reshat Arbana
HTML-код
- Опубликовано: 9 сен 2024
- #fjalaweb
Një piskamë tokën ka lëkundur
Kërkon shqipja djemtë e humbun
Nana thrret, djali s'përgjigjet
Zemra e nanës flakë po digjet
Kur nane lokja i bzane t'birit
Shkrep rrufeja n'kupë t'qiellit
Rete e zeza nisin terbohen
Breshën lotësh mbi dhe lshohen
Thirrja e nanës t'rrënqeth mishin
Duhma e saj thellë djeg shpirtin
Thirrja e nanës t'futë gjallë n'dhe
Bir i nanës, fol mor ku je?
O shqiptar, që aq shumë vuajte
N'emër t'zotit po t'baj një lutje
Nëse ndodhesh ndokund gjallë
Thuja nanës bir, veç një fjalë
Fol me nanën pash t'madhin zot
Mos e len t'mbytun n'lot
Se i shkoi moti veç me vaj
Krue loti n'sytë e saj
Ditë e natë mendja n'ty
Loti i mallit, pikë gjaku n'sy
I bjen gurit dhe e ban copa
I bjen votrës e çahet toka
N'qofsh gjallë bir, ngjoma thirrjen
Mos i'a kthe nanë lokes shpinën
Ktheje bir kryet prej mëmëdheut
Fol me nanën
Fol mor burr i dheut...
Mos harroni të bëni subscribe kanalin tonë për më shumë video të ngjashme!