Amy Lo盧慧敏期待MIRROR開騷 男友Ian陳卓賢將愛犬變NFT：拭目以待我嗰隻（

Amy Lo(#盧慧敏)出席活動，身上珠寶價值不菲，足夠買樓有餘，她說平時都有留意珠寶，但好少收到珠寶做禮物：「如果要收藏珠寶就要努力啲工作，我大部份都係自己買，因為好知道自己鍾意咩大小、顏色、形狀。」又會為媽咪物識靚首飾。
男友Ian@MIRROR（#陳卓賢）下月9日生日，Amy透露正忙着拍戲，太專注工作，會加緊安排慶祝活動。MIRROR將於7月開演唱會，Amy戥12位成員高興：「我自己都係其中一個好興奮，始終係對香港樂壇、娛樂圈又好，係一件好值得高興嘅事。」但她未獲通知有飛入場：「我相信佢哋會製作做Blu-ray，咁樣就可以睇好多好多次，所以我都唔介意嘅。」
早前報道指Ian將雞髀變成NFT，Amy說：「大家要拭目以待我嗰隻喇！」不過由於IG設定有小問題，頭像不能換做新圖片。