SHOLICHILIKDA YANGI TEXNOLOGIYALAR OMMALASHMOQDA

BMTning Oziq-ovqat va qishloq xo‘jaligi tashkiloti (FAO) ma’lumotlariga ko‘ra har yili dunyo bo‘yicha 160 million gektarga yaqin maydonda sholi ekilib, 750 million tonnadan ortiq hosil olinadi. Aytish mumkinki, sholidan olinadigan guruch mahsulotiga talab juda yuqori. Lekin sayyoramizda suv resurslarining borgan sari kamayib borishi soha olimlarining oldiga sholining tezpishar va resurstejovchi navlarini yaratish, mahsulot yetishtirishda ilg‘or innovatsiyalarni yaratish vazifasini qo‘ymoqda.
Bu borada Qishloq xo‘jaligida bilim va innovatsiyalar milliy markazi tizimidagi Sholichilik ilmiy-tadqiqot instituti olimlari ham ilmiy izlanishlar olib bormoqda. Xorijdan serhosil navlarni olib kelib mahalliylashtirish ustida ham amaliy ishlar olib borilyapti. Misol uchun 2023-yilda chetdan 521 ta, 2024-yilda esa 316 ta sholi navlari olib kelinib, ilmiy muassasaning tajriba maydonlarida sinovlari o‘tkazilmoqda.
So‘nggi yillarda Janubiy Koreya Respublikasining O‘zbekistondagi KOPIA markazi bilan hamkorlikda o‘tkazilgan bir qator ilmiy-tadqiqotlar o‘zining ijobiy natijasini berdi. Sholini ko‘chat usulida ekish vegetesiya vaqtini 1 oyga qisqartirgan holda bir maydonda bir yilda 2 marotaba hosil olish imkonini berdi. Ko‘chatni mexanizatsiya usulida ekish esa ham vaqtni, ham xarajatlarni tejashda muhim omil bo‘ldi.
O‘tgan yili ushbu yo‘nalishda ijobiy natijaga erishgan olimlar bu yil tadqiqotni kengroq maydonda turli iqlim sharoitlarida o‘tkazmoqdalar. Namangan va Andijon viloyatlarida hamkor tashkilotlar vakillari ishtirokida o‘tkazilgan dala seminari ham ayni mavzuga bag‘ishlandi.

[@ZulayhoMasharibova]

Болалигимизда отамиз икки хил шоли экар эдилар.
Биттаси доим сугориларди. Иккинчиси бошида сугорилиб, кейин худди жухори каби вакти вакти билан сугорилар эди