خالد ال بريك & سامي العرفج | زل قيض ولاح برق وهل ديم وسال وادي - المواتر مستعده 2024 حصرياً

كلمات الشاعر ::
سامي العرفج
اداء المنشد ::
خالد ال بريك
تصميم ::
لطام الدوسري
…
طلب التصميم اتواصل وتساب مباشر👇🏻:
‏iwtsp.com/9665...
-
سنابي حياكم الله .
‏www.snapchat.c...
. . . . .
الكلمات ::
المولع مع طلوع سهيل لا هب البرادي
من يرده عن هواه وعن غرامه من يلده
ما تقول الا ان صدره مودعه فوق الهوادي
بعد صف الموس طيره ما بقى ليلٍ يعده
زل قيض ولاح برق وهل ديم وسال وادي
والنوادر مستعده .. والمواتر مستعده
والطيور الندر اللي فعلها ماهوب عادي
مستهده مستهده مستهده مستهده
وابن يحيى كل عامٍ لا تحزّم للهدادي
قلت حي الله من يقول الظفر ما عنه صده
جعلها يابو علي للسيل من دهم الغوادي
كل سهباً جاء لكم فيها قنوص وكل خده
ما بها الا جرة البالون .. والطلاع بادي
مثل مبدا الذيب في جو الفياح المجرهده
وانت لا ذِكْرت لك الجره وبشرك المنادي
من طناخة راسك اليا من حصل عمرك تمده
والملام اليا نقلت الجثل مزبور الثنادي
كان ما عديته اطراف الفياض المستلده
اكفخ اكفخ يا طويق المجد والضلع السيادي
يا خوي عدالة الميل و جليس اهل الاشده
تستحق الاسم ياللي ماخذن منه السنادي
وافلح امن اسماك باسم المشمخّر اللي نوده
ياطويق اطلع مطاليعك يابو الطلع الوكادي
واردم وبيض الدواغر جولها محدٍ يرده
اشهد انك صاقرن يابو علي سقم اللبادي
لا لقيت الخرب حط الخرب بالخرج وتعده
لا اعتلى وكره تقول انه على وسق الشدادي
وان عطى عمره يجز العظم والمنحر يقده
كم علق من فواتٍ تغدي اللحاق غادي
لو يشوف اطيارها اللي معه حرٍ ما يهده
ماهي مسوح وملاويحٍ وشارات ومقادي
وهذا وده هذا هاته .. هذا هاته هذا وده
إلا وجد وفوح كبد وشيب عين وعز حادي
لا عطاه سبوقه اللي لا عطى جزّال مده
والله اللي ما عليه تلحق طيور الهدادي
مير عنه ان ستّل الجنحان رد العلم رده
عاذرن مثله لا جاء به غطرسة ولا تمادي
اسمه لحاله يجمل كيف اجل طلعه وهده
ويابن يحيى ما اندر من طويق غير اهل المبادي
اخوياك اللي ليا جاء اللازم ادناهم يسده
كل ما ضحو ضحى المقناص ماخلوه هادي
كلن يوثق مخاضيب الكفوف المستبده
مشلهبٍ من كثر ذبحه وداغره السوادي
والتعب مخلوف والفنجال من يمناك عده
شاشينٍ والدلال تفوح وارسل يالمنادي
والسماء عقبانها حامت وجاء للشمس حِده
ومن قصر له ثوب قولوا له لا شابن الدوادي
صب فنجال افرط السبق لابن يحيى ومده
ومن بدا في راس رجم ومن نزل في بطن وادي
يدرك ان الشرد مزبنها ورا القفر المصده
ومثل من يعرض له طيورٍ على بدر العَرَادي
من يعرض الشور قدامي وانا معي ام خده
والدليله لا غدو نص العرب ماهوب غادي
والعسيف اللي ما يدهج قفر والله ما نشده
. . . . .
من فضلك : اشتراك 🔔 Subscribe - لايك Like
فعل الجرس 🛎 ليصلك كل جديد
تصميم : لطام الدوسري
______________________
للتواصل والاستفسارات :
الحسابات الرسمية لـ قناة لطام الدوسري .
‏SNAPCHAT : g-rii2
‏Whatsapp : ‭[phone]
#خالد_ال_بريك #لاح_برق

[@g-rii2]

سنابي حياكم الله .
‏www.snapchat.com/add/g-rii2?share_id=jCqhTuWfQSqRrGwjaoALJQ&locale=en_AE

[@Altamimi-bd2si]

صح لسانك يبو عرفج

[@user-kr3ii4zt1ynasser]

انشهد لله🫡👏👏👏👏❤

[@ttt5805]

🎉🎉🎉🎉❤❤مشاءالله تبارك الله كفو كفو والله يا خالد ال بريك ❤(١٠_١٠)🎉

[@قناهابوالجوهره]

الله عليك ❤