ليش الدم والغربة | الملا محمد باقر الخاقاني - محرم الحرام ١٤٤٦ هـ - ٢٠٢٤ م - حسينية غريب طوس

ليش الدم والغربة
أداء: الملا #محمد_باقر_الخاقاني
كلمات: الشاعر #عباس_الشبلاوي
الذاكر: السيد مهدي البكاء
مجالس شهر محرم الحرام لسنة 1446 هـ - 2024 م
ليالي العشرة الأولى من شهر المحرم
عزاء هيئة غريب طوس عليه السلام - العراق - البصرة
مونتاج: مهدي نبيل
اخراج: مرتضى نبيل
مكساج: إياد الشغانبي
مخطوطة: محمد الصادق
غلاف: علي الشبيب
إشراف عام: أحمد الخاقاني
النشر الشبكي: علاء بركات العاملي
للإستماع على المنصات الصوتية على الرابط التالي
l.bayat.me/F4X5...
اللَّهُمَّ عَجِّلْ لِوَلِيِّكَ الفَرَج
جميع الحقوق محفوظة للقناة الرسمية للرادود الحسيني الملا محمد باقر الخاقاني على اليوتيوب
#MajalesAlKhaqani
للتواصل مع الحسابات الرسمية للرادود الحسيني الملا محمد باقر الخاقاني:
RUclips :
/ mbalkhaqani
facebook :
/ mbk1440
instagram :
/ mejales_alkhaqani
telegram :
telegram.me/Ma...
Tiktok:
/ mbalkhaqani
WhatsApp channel: whatsapp.com/c...
القصيدة مكتوبة كاملة:
ليش الدم والغربة
الشاعر عباس الشبلاوي
ليش الدم والغربة ليش . سؤال بحزنه عيش
وابچي وإترِك الدنيا لأهلها . دنيتك ياحسين
عيش بهم للخدره ضاع . وطن اخذ الضياع
وخوفة الظعن خاف على دمعك . لاتنشفه السنين
إنسى كلشي وبكربلا اختلي
وإسمع بگلب صوت ابن علي
من نده ألا من نصير الي
وحق جدي عطشان .
نادى ولصوته انهد گلب النسوان .
من الخيم صاحت ياحسين
أخذ گلب اخته الخوف . عن نواظرها حسين تحجبه سيوف . والعطش ما خلّه الها عين
الغربة اخذها حال . وبضميرك . ابچي اميرك . وغربة الدلال
من وگف غريب . ماله ناصر . گلبه حاير . بهمّه والعيال
الغربة اخذها حال . للحنت ظهره خيامه . الغربة اخذها حال
دمعك اليطيح قربة للخيام
ياخذ بإديك لديرة الغرام
واترك اليگول للحزن ختام
عن جرح ظماك ونوح وعطش هلك ياحسين
فَوَرَبِّكَ لَنَسْأَلَنَّهُمْ أَجْمَعِين
.
وادي الدم للمنذبح . اليطبله بلا جرح .
خلّه يصحى ويحاسب ضميره . الغفلة تقسي القلوب
خلّه يمد للخيمة ايد . يضيع الظل بعيد .
وماعطش دمع غربة امامه . الطريح بلايه ثوب
تدنّى للعطش واعرف الألم
ياهضم امس مر على الخيم
وابچي غيرة يم طلعة الشيم
لخيمهن وصلت خيل . والمنادي يصيح صوته بنار الويل
احرِقوا بيتَ الظالمين
اركضن مابين الگوم . وزينب بركضتها شافت تل دموم
شمّـته وصاحت ياحسين
وامحمداه . صاحت اخته . من لگتـّـه . فايض بدماه
هذا أخي الحُسين . عاري ياجد . مترّب الخد . مرمي بالعراء
منسلب رداه بالشمس حسين حبيبك منسلب رداه
وَبـَنـاتُكَ يجدي انسبن
عالترب حفاة بالبر اركضن
جدي والدلال فارگه الظعن
صاحت السماء لهول الجرح نعت بالانين
فَوَرَبِّكَ لَنَسْأَلَنَّهُمْ أَجْمَعِينَ
.
افطن للينعى الخيام . نعي الغربة سهام .
لاتعبرك من الينعى چلمه . ترى الطف كله آه
تل هنا وهنا عليل . انجبر فوگ الهزيل .
يركب بهضم عمته وخواته . رغم حنيت گفاه
لاتدوّر بكربلا الاشد
واحد الجرح والصور عدد
لاتهوّن بوحده منها ابد
اشارة الحر تكفيه . من يشب صيوان وين يروح البيه
حاچي گلبك وبحرگة شوف
نهار وصوت يصيح . يسوى ماي وجوه موش دموع تطيح
" خَرَجَتْ زَيْنَب " بالطفوف
تحچي بأنكسار . للشرف ظل . بين اهل ذل . بيّن بنهار
دورت الخيول . فوگ اخوتي . يابلوتي . بيّه وكتي دار
ماضي خدري صار . ياهلي وصرت أجنبيه وماضي خدري صار
شافت الهزيل وحادي بيها جاي
دنّگت تگول مو اليّـه هاي
ياهلي اليرف هذا مو لواي
طلعت النساء وهضمة گلب زينب الها دين
فَوَرَبِّكَ لَنَسْأَلَنَّهُمْ أَجْمَعِينَ
.
لا ياخذ گلبك بلاء . الحزن بس كربلاء .
وماكو غيره يستاهل بواچي . الرافع ابنـه ويصيح
إن كانَ ذنبٌ للكبار . فما ذنبُ الصِغار ؟
خذه من الخيم يطلبله گطره . ورجع بيده ذبيح
ورد جابه من خيمة الشيم
طلب گطرة له وارتوى بسهم
شهگ واحتضن والده بألم
تخيّل حيرة هاي . وابچي سكته ولا تدوّر بالطف راي
واندب الحاير ياحسين
يرد للخيمة شلون . وابنه مذبوح بحضنه يرده شلون .
وأم اله تناطر بالونين
بالخيم رباب . تتاني ابنها . يرد حضنها . وتنطر بعذاب
وحاير الحسين . ابنه بيده . انحز وريده . ما روى بشراب
دوهنه المصاب . للخيم ياخذ رضيعه . لو يظل مصاب
تخيل الحُسين من يرد جريح
شايل الرضيع والدمع يسيح
وموقف الرباب لو درت ذبيح
لذبحة الرضيع ليوم الفرج نظل نادبين
فَوَرَبِّكَ لَنَسْأَلَنَّهُمْ أَجْمَعِينَ