【熊館】熊仔頭：『多謝睇左十年！有緣再見』

FHProduction會交俾其他成員繼續無厘頭落去
多謝你地一直肯睇，BYE BYE你條尾

[@kaying219]

等幾耐都等

[@TRAVEL_PIG_HK]

多謝您給了我10年的快樂 10年的感動 你係我第一個訂閱嘅channel 由我同老婆分手 睇到復合 再睇到結婚 到宜家有埋BB 真心多謝你陪伴咗我無數既日子 希望你可以好好照顧返自己 等你拍電影 無論你帶咩拍嘅電影 我都一定會支持❤

[@jadenl_1119]

@@FrogHeat 周街宣傳煩唔煩啲？

[@YameowHK]

有情人一定要行到最後，祝福你..

[@judoAnDrunningismylife0416]

感動🫂🫂🫂

[@samuelcheung-hk]

🙂🙂🙂

[@CLS-Gujo]

@@jadenl_1119 三四個RUclips Channel都見到佢 係到sell 自己

[@darosaanthony3564]

因為掛住熊仔頭，所以撳入嚟再睇多次,本身想問你幾時出返嚟,但而家寧願你繼續keep住開心,唔好再拍片,由中學開始睇你,到而家就三張,好開心RUclips有你,熊仔頭多謝你

[@yukilei5385]

多謝熊仔頭十年既陪伴，我好少留言
但呢條片一定要留言...
由中學時，同男朋友一齊睇你既片一齊笑
到十年後既依嫁，當時男朋友係依家老公
依然一齊睇緊你既片
堅持住同一條路真係唔簡單
多謝你陪伴住我地一齊長大，一齊感動，一齊開心
期間有一段時間你消失左，仲以為再冇機會出新片，幸好你有回來
雖然今次你又要消失一段日子，依然會唔捨得你，但如果拍片令你唔開心壓力大
我寧願你消失係幕前，但係係一個開開心心既熊仔頭...（當然希望你可以休息過後，重新整理心態，開開心心回來😊）

[@Sohok.c]

自己談唔上係忠粉
但真係你好多作品
笑嘅喊嘅感動嘅懶浪漫嘅
真係陪伴咗我好耐
十年真係唔容易
好好休息
Respect & Love FHproduction

[@stupidbird01]

+1, take care 熊仔頭

[@ydnew7838]

睇到你模仿梅艷芳告別嗰一幕，真係好心up，係代表住一個時代嘅落幕。不知不覺，原來都睇咗你啲片有六年。人唔係完美，難免有啲風波，但你拍嘅片仍然都係咁好睇，咁打動人心。唔只係你多謝我哋，其實你哋都陪伴左我哋好耐，更加係代表住好多人嘅青春時代。雖然都好可惜，好唔捨得熊仔頭，但你已經帶俾咗我哋好多好多珍貴嘅嘢。正正係因為你哋堅持冇除頭套，先保留到你哋嘅特別，呢啲我哋都會記得！都開心你可以唔使再死頂，希望你可以好好唞吓。有乜嘢嘅，照顧返好自己身體先再講！

[@gelamlai6822]

❤❤❤我發覺我好out，自問都睇咗RUclips 十幾年（我今年44歲）竟然你最後一條片（暫時），係我睇你嘅第一條片，天啊，點解會咁，跟住一路睇返轉頭，FH嘅，熊館，family ，一日拖，電影，乒乓...............等等，我竟然錯過咗你哋十年，嗰一刻個心有少少唔舒服，覺得對你哋唔住，點解喺我土生土長嘅地方，留意唔到你哋，我而家可以做嘅，係睇返十年嘅片，每條都CLSS❤❤❤希望幫你哋出一分力，希望你哋感受到我對你哋嘅支持，睇你哋嘅片，啟發到我做人嘅一d態度，多謝你哋，多謝FH，多謝熊仔頭，多謝
一個獨居hk中年佬上
3 Sep 2023

[@blackbrother6775]

same here

[@Yannnn._.1117]

講真，我唔可以話係忠粉
但係熊仔頭可以話真係我嘅童年
我由2歲開始睇，睇到12歲
本身已經有幾年冇再睇
結果嗰日係連登見到呢條片
真係忍唔住喊咗出嚟
我嘅童年都要畫上句號
不過真心多謝熊仔頭呢10年嘅努力同堅持
最後都老土啲講句
無論發生咩事，我哋一定會支持你

[@jayyeung4232]

多謝你俾我地支持咁耐，希望你做你自己，將來會點將來先算，加油熊仔

[@candyday9446]

2023第一喊比你搞到😢 熊仔頭你健康觀眾就開心咖啦！
10年！邊個唔會做錯事？
你好勁可以今年由衰再彈反起身 最近啲片都好好睇
你宜家就乖乖哋休息啦😢❤️

[@siuyanchannel]

真心，最近啲片真係好睇👍🏻保重喇，MK啲講句，天下無不散之筵席，身體最緊要💪🏻

[@felixchu7916]

多謝你熊仔頭呢10年俾咗咁多歡樂我哋。我由讀大學開始睇你啲片，到經歷畢業，搵工，而家準備結婚，你嘅片就一直陪伴著我成長。見證著FH高高低低，你哋嘅成長，雖然好唔捨得你，但都衷心祝你身體健康，最緊要開開心心。加油熊仔頭！

[@wakuwaku3781]

有冇人好似我咁 睇睇下最新嘅FH片 再睇返依條片🙌🏼睇左十年啦 宜家都二十幾歲 小學開始睇你 FH繼續加油🤛🏿🤛🏿

[@Renne2008]

中學睇到大學睇到依家出埋嚟做野，你真係陪咗我過咗差唔多二分一嘅人生🙏🏻希望有緣再見🥹

[@irisleung4373]

就算你唔再係熊仔頭，你都係一個好好嘅人。多謝你帶俾香港人依十年，同大家一齊完成咗「唔督爆頭套下嘅你」依件咁無可能發生，又真係發生咗嘅事。因為你就係青春，青春就係值得珍待。

[@sking3014]

Cant stop crying.... thanks for your honesty and memories. All the best wishes....

[@KL-ib2ul]

多謝你一路以來既片, 帶過比我地既歡樂, 希望未來日子你可以尋回自己的快樂💕祝福你

[@jackarati]

多謝熊仔頭，小學睇到就快考DSE。你係我最鍾意既RUclipsr,係無可取代既存在。記得我係學校成日搞你D Gag, 唱 “You are brilliant, you are so smart.” 幾個人係度傻笑，呢D都係你帶俾我地既快樂。你其實係我地班細路既周星馳（當然星爺係無可取代）。我成日都諗：如果我見到熊仔頭會講乜呢？依家我知道了，熊仔頭，多謝你比左十年我地，同埋你真係好好笑，好有才華。 我睇你既片有笑有喊，每次見到你出片都好開心，希望可以喺下次見到健康，開心既你。

[@bt9590]

我中學睇到變左中年

[@RKYYYY000]

由12歲睇到22歲，中間經歷咗中學、大學再到依家出咗嚟社會做嘢，我成個成長嘅過程都有你啲片陪伴住，由最初喺床上鳩up講笑話，覺得好有共鳴，之後見住你開始拍微電影，印象最深刻就係「一天」，真係好震撼到我，原來短短時間都可以拍到起承轉合加埋感情落去，之後到近期個channel開始多咗好多人，咩方向都拍吓。基本上係同你哋channel 一同成長，加油，第一次留言，等住你返嚟！無論幾耐都等！

[@shuktingho324]

多謝呢十年你帶比我地既所有野
你既片陪伴左我地好多時刻
你都攰啦 比自己抖下放個大假
記得放完假叉足電好返黎啦
大家都會陪住你 等你
最後 一定要好返 好好保重自己保重身體
仲有好多奇蹟等緊你去創造❤

[@kwoklungli4850]

大家都等緊你架🥺仲有你公司嗰班兄弟姊妹啊🥺🥺

[@ptpyzero]

真心真心多謝你熊仔頭
輕鬆🐻，星爺，軒公，都是我的最愛
多謝你將距地柔合在一起
謝謝你，簡單生活，身體健康

[@user-kq3rl8lg2z]

熊仔頭, 我真係好耐冇再為別人的事落淚, 但係我睇睇下真係喊咗出呢, 我記得你啱啱出channel的時候, 我常常都睇你啲片有冇更新, 或者常常重睇, 坦白講我都曾經係你嘅忠實fans, 抑鬱症都係一個陪伴咗我好多年的病, 最嚴重嘅時候, 我有半個身已經置身海水内, 呢樣嘅我冇同半個朋友分享過, 同你分享咁多, 係想同你講, 雖然你未必會有一日100%冇事, 但係人係有能力可以靠自己的力量, 大幅改善自己的情況, 今年是一個收成期, 好多朋友同我講, 我真係開心咗好多, 然而, 最有趣嘅, 係幫助我走出了這個病的人, 只係得一個, 就是自己。每個人走出的方法可能也不一樣, 我唔敢講我幫到你任何嘢, 只可以分享少少, 當你自己嘅人生觀、生命觀有轉變嘅時候, 加上你嘅生活模式、方法有轉變嘅時候, 就係情況有起色嘅時候, 另外就係認識自己, 當你對自己的定義有了新的詮釋嘅時候, 你可以透明理性分析自己的思想和行為, 推測到自己情緒出現問題的原則, 從而避免了一些情緒爆發的機會。唔好意思, 少少篇幅, 我講到好抽象, 不過希望可以對你有少少, 或者很微小的幫助也可以, 也希望未來有機會和能力幫助到同路人。坦白講, 這幾年少咗好多睇你嘅影片, 因為家庭和生活, 多了花時間陪伴家人和留意世界、香港發生的新聞, 少了睇娛樂節目。
另外, 我好想感謝你, 你的影片曾經都幫助我消磨咁一啲孤單和寂寞的時間, 祝福你能夠有一天, 輕鬆地與這個症共存, 大幅改善到自己身心的生活素質。

[@po159357456]

多謝你，你幫到我。🙏🏻💚

[@manleeyeung7607]

需然我吾識你，但都感受到你既情況，身同感受！

[@higigi1888]

加油，我都係睇醫生食抗抑鬱藥幾年先好返，唔好放棄自己，會好返㗎！

[@daisychan8938]

多謝你依十年帶歡樂帶正能量比觀眾
FH係你同藍仔頭，同樣冇左你都唔得
快樂係一個選擇，但真係好難選擇快樂
當拍片能重回快樂，先慢慢回來
幾多年都等，ciao
願你尋找到生活，尋找到快樂

[@chomanlau3202]

點解會睇到喊曬…
多謝你既片 多謝你比我地既歡樂.
好好休息 一定一定會再見！
一定要健健康康❤

[@user-ms2ex1ss5u]

我今年先開始睇
好多謝你熊仔頭既分享
祝你早日康復❤

[@sophiamok9468]

多謝你熊仔頭
人生有幾多個十年？
呢十年真係經歷左好多好多野
好感恩 一直有熊仔頭既片陪伴
我永遠都記住個句
「無人話你唔得 係你自己話自己唔得」
你除左想拍片好睇 多人睇 你真你帶左好多好多價值比我地
感謝你❤
好好休息 好好享受生活！
我地永遠都等你

[@Beagoodman2015]

新媒體創作係極度唔容易嘅路，你哋堅持咗十年，有dchannel你依家見到佢嘅風光無限，又有幾多個可以堅持到一個十年。所有嘅channel重點唔係最後點，而係你哋曾經帶咗啲咩比大家。多謝你陪伴我哋呢十年。我會永遠記得你頭套之下嘅獨特嘅，又可歡樂，又可感性嘅聲音。
公仔頭希望將所有你覺得失敗同唔好嘅事放底，你個channel係太畀人哋快樂，但我都好希望你快樂。如果你好番或者你吖休息夠，唔洗擔心，所有鍾意你嘅人，一直都會喺度。
我係喊住打上面呢段嘢，後會有期

[@kin4614]

祝康復🙌🏻
感謝你陪我渡過左讀書嘅時光💪🏻

[@nadeko0910]

唔知唔觉睇左呢个channel10年了...多谢你呢十年带离咁多欢乐比我地，多谢熊仔头

[@raft-fishing-angus]

熊仔頭，多謝你呢十年嚟帶俾我地嘅共鳴、歡樂。
新年快樂！今年最大嘅願望係希望你會跨過障礙，好好休養返嚟繼續無厘頭
再打落去真係會喊出嚟，等你
漏咗，就算唔再拍片，都祝你可以活得快樂、精彩！

[@ryancheng2160]

由當兵睇到當爸爸
多謝你呢十年帶俾我既歡樂
人生轉換跑道未必係壞事
最緊要身體健康心靈安康
加油
就算唔再返嚟拍片都要做返個開心嘅人
（講埋啲老套野跟你學😂）

[@woodstockforest4587]

加油! 及早康復。Bless you.

[@leungmm3689]

我真係由第一條片開始睇 仲會一條片睇幾次 今次就當放慢腳步好好審視所有野 無野緊要過身體同開心 期待你重新出發❤ 熊仔頭世一 ❤

[@kevin_NTL]

由大專睇到依家3張野⋯你都真係帶過唔少歡樂既回憶比我地。
好好休息，調整好心情再諗下將來條路想點行
由心底講句：多謝你
祝福你能夠幸福快樂

[@ckck6806]

唔係睇足10年但係都真係睇咗唔少時間🫡你真係我童年回憶嚟的。好多謝你帶咗咁多歡樂比我哋🫶🏻要好好休息，養好身體呀🫶🏻

[@yht915]

多謝你帶比我地開心既回憶！真係睇左好耐！😢好吾捨得！😢希望你心理同生理的問題都可以快啲好返！

[@kwokkiko6024]

結尾好正!祝早日康復!

[@huiyichoi8636]

好多謝熊仔頭同FH十年黎帶比香港人既歡樂同回憶！真係好唔捨得😢！熊館係好有深度的訪談節目，個種節奏，同嘉賓的配合，唔係每個人都咁易做到。無必要執著除左拍片仲識做啲乜，做到自己鍾意又開心既事已經足夠！希望熊仔頭你早日康復，搵到自己方向同定位，就算兼職拍下vlog等大家知道你近況都好呀~ 大家都支持你架💪💪有緣再見！！

[@TINTIN-1379]

百般滋味在心頭。
記返起8，9年前膽粗粗搵過熊仔頭你幫手，拍一小段影片送贈好友，你二話不說答應咗，講真呢件事我記成世。今日睇到呢條片，無特別不捨，因為相信你必定回歸，你仲有好多野未做，btw好老套都講返句：休息係為咗走更長遠既路！
熊仔頭，將來見

[@terry14371437]

加油！去到邊都應該會有你嘅熊仔頭身影，十年你帶比大家嘅喜怒哀樂影片，每個人都會有共鳴，多謝你！！希望日後有機會再睇到你嘅作品，祝生活愉快，工作順利，各員工身體健康，工作如意！！

[@user-pq8vx4pk4v]

加油❤早日康復！我都睇左你十年了😢支持你，等你翻黎。

[@robbielam0107]

我係台灣人，呢兩年先睇到你哋嘅片，有歡樂，有感動，到依家嘅不捨，不嬲都欣賞你夠貼地！同埋真係好好笑唔係懶搞笑🤪廢話唔講咁多！等你好返！江湖再見！無論要等幾耐，我哋都會等落去❤

[@antonyha0413]

睇你打既字，完全唔覺你係台灣人，勁啊

[@kennisko]

你d口語打得咁撚好嘅

[@GG-jc4ue]

作為十年老觀眾
重要第一次comment
想同熊仔頭講返句 多謝你
休息是為了走更遠的路
希望在前方見到健康快樂的你
（無人話你唔得 係你話你自己唔得）

[@melodylai6118]

Thank you for all these lovely production of videos. I hope you rest well and find happiness again! All the best and take care.

[@katherinewong7227]

熊仔頭多謝你，呢10年帶俾我快樂，細個嗰陣一唔開心就打開你啲片嚟睇，係你片陪伴我成長

[@chingsze6953]

感謝你呢10年既付出 由中學一出片就睇 條條片睇n次 到以家畢左業幾年 感謝你帶比我地既快樂 香港人既共鳴 以家系時間到你搵返屬於你既快樂 返吾返尼吾緊要 系時間為下自己著想 祝你平安健康 開心快樂就足夠 ❤️

[@cyyuvincent]

多謝熊仔頭陪咗我十年❤

[@uselflove6492]

我係呢一年先睇，FH好睇好好睇! 好好休息，再耐性去感受個過程，可能好痛苦，終有一日會過到，祝福你🙏

[@bluebunny7416]

多謝你呢十年嘅努力，同埋帶比我哋嘅回憶！

[@sherylkong3990]

真係由你地開台睇到而家，好多謝你地一直陪左我地咁耐，帶左咁多歡樂俾我地，記得要好好照顧自己，養好身體，等你ready再番黎搵我地啦，加油，保重

[@kaying612.]

十年。
雖然你打機好衝 有時好雷，
btw你每次都會話比多次機會你，
就連隔住個電話都feel到個份堅持，
無論打機定拍片
真心好欣賞你個份試完再試既決心，
係個種會打動到人既嘗試，
令到人好想一齊努力，
一齊試 唔得再黎過！
唔知係咪香港人既個種貼地
好多日常生活身邊發生既事或者故事 好感同身受 將自己代入去角色又係另一種感覺 唔同既故事各種喜怒哀樂，
會有一種好奇心驅使人想追落去，
多謝你既感染力 你永遠都諗大家要啲咩 今次諗下自己，
辛苦你了 好好休息 召喚峽谷見。
謝謝你熊仔頭我既童年。

[@channel-fy3gu]

打機好衝 有時好雷

[@lokmeiting1001]

老土都要講 休息係為左行更長既路！多謝你哋啲片陪伴我哋成長 疫情後更加明白健康同快樂既重要性 加油呀 希望你會揾到自己既快樂 就好似我哋都喺你哋啲片度揾到快樂一樣 感謝你哋既付出！

[@raymondzee873]

多謝你啲片，好好睇，take care 熊仔頭

[@kwoktszlam4379]

原來不知不覺睇左熊仔頭十年 由讀書時期睇到出黎做左野幾年 多謝你不斷嘗試做唔同既突破 拍左好多好搞笑又好感動既片 好多片都會重覆睇幾次
一直都記住你果句「冇人話你唔得 係你自己話自己唔得」
好多謝你帶俾我地既歡樂 依家到你要搵返歡樂啦！保重 love you♥️熊仔頭

[@nikowong5385]

讀書時期一直睇你啲片，到出黎社會做野都一直有睇，多謝你!
早日康復，再繼續帶歡樂比大家，加油呀!!

[@user-uk3vs5si5x]

加油💪🏼祝你身體健康，開開心心過每一日

[@CMcakesss]

頂 睇到我都眼濕濕🥹，加油呀！熊仔頭，等您好返再衝過❤️

[@Timlam00]

創業難 守業更難 由男人有話兒開始睇 其實你地好犀利 係咁多youtuber入面都係留意住你地 中間你地上埋電台做主持 高低起跌都冇放棄過 一直陪住我地呢代人成長 希望熊仔頭你有機會再返嚟啦😢 多謝你地

[@user-iq1hd9vu1p]

多謝你陪左我地10 年 作為一個youtuber 會注重自己view數 怕拍得唔好 比唔到歡樂比觀眾 而搞到自己抑鬱 聽到都心痛。已家最緊要係新體健康 期待你歸來再帶歡樂比觀眾

[@chichu9354]

真正愛你嘅人只想你開心快樂😊多謝你帶咗10年歡樂回憶俾我,你啲笑位我笑到而家^_^希望你快啲好返我哋又可以再見

[@user-sr6vx8xn8z]

多謝你熊仔頭，雖然未到忠粉但FH啲片真係俾左好多回憶我，感受到你對拍片既熱誠，呢十年辛苦啦，之後就做自己覺得開心既野啦，用心感受呢個世界

[@GrootKH]

估唔到睇咗10年 好多謝你咁多年帶畀大家咁多歡樂

[@KenLam3333]

多謝你陪左大家咁多年 永遠支持 ❤❤

[@leooel713]

祝早日康復！ 呢十年間你不單帶給我有歡樂，仲有好多淚水，你好多片都有中到感人point

[@sybchan3008]

謝謝你給別人快樂的用心, 祝你快快好番, 身心靈健康!

[@toukahim2309]

多謝你比左十年既快樂我地，希望你做到自己既野，永遠支持你！

[@Lest6]

十年既起起跌跌，大家都一路睇在眼內，多謝你陪伴住大家既成長，祝身體健康，早日康復。

[@zeroyuen9030]

其實我都係今年先睇你 鍾意你既idea 好貼地同真實 永遠感受到呢個香港 多謝你 好好休息期望你返嚟再拍落去

[@nothingdk6621]

多謝你帶給我們的回憶, 希望有朝一日, 你可以回歸大家眼前, 但係要以一個純粹, 無任何負擔的拍片人, 隨心再次拍片俾大家睇~

[@kumi3621]

好多謝你 陪咗我哋十年❤

[@marcowu9411]

多謝你咁多年嚟帶俾我嘅歡樂，好希望你能夠早日醫好個病返返出嚟拍多啲好片俾我地睇❤

[@charis6545]

睇到最後，居然流左眼淚。
多謝你熊仔頭，有緣再見。

[@raymondma82]

好好把握自己人生
多謝你為大家付出拍左咁多好睇嘅影片！

[@GlenNgai]

小弟80後, 由後生開始睇你地到依家. 好慶幸你地仲堅持緊努力緊. 祝你地來年繼續越做越好, 越做越上力.

[@iloveLuffy520]

多謝你付出呢10年！願你搵番自己既開心！！繼續做自己想做既事！！！

[@29580046]

淚目！
願新的生活平安健康！🙏

[@user-tt7vv5xy7o]

多謝你陪伴我哋十年
希望你可以好好休息,開心返
心理生理都可以好轉

[@koeis_p]

It has been an amazing 10 years. Thanks for everything you have brought to the viewers.
Hope you all the best and see you in the nearest future❤

[@kenniefu886]

多謝你哩十年既努力
要加油努力令自己健康返
去做你想做既事
點都撐你撐FH!!!!

[@barryleee]

真的欣賞你對每條片的認真, 休息過後, 再戰!!! 會等你回來~🤗

[@hobbitghost5458]

多謝熊仔頭唔經唔覺追咗10年 希望你可以揾返開心嘅自己 每一個經歷都會令你成長 學識唔同唔嘅嘢 加油啊熊仔頭❤

[@Msmiyavii]

多謝你拍左好多好既作品比我地睇，我雖然唔係睇左你好耐，但真係幾鐘意FH啲片，會成日想重溫，有歡笑有淚水。希望你今次可以好好休息養返好身體，一定要健健康康咁先係對父母最大既安慰。呢條片唔係完結，即使你以後唔再返黎拍片，都係一個新開始，我地有緣再見。新一年祝你同祝每一位健健康康，能夠搵返屬於你既快樂，開心常在，加油！

[@keungMAK]

千言萬語在心中，一切盡在不言中。感謝你地一班台前幕後呢十年嘅付出

[@hk854foody7]

我由Year1睇到而家，最鍾意你頭幾年幾片，最pure最搞笑，希望你保持初心，我地會等你出山的，加油❤

[@vincent._fung]

雖然只係睇左十年 但永遠支持！❤

[@River_Cheung]

多謝熊仔頭十年嚟嘅努力
希望你可以搵到拍片以外嘅樂趣
你係一個好值得欣賞同尊重嘅創作人
雖然想繼續睇到你拍熊館
但更加希望睇到你能夠搵返生活中嘅快樂
唔容易嘅 但加油！支持你！！

[@Dorami_Doraemon]

不經不覺 睇土咗十年
你嘅片真係令人好有共鳴
作為觀眾，我鍾意任何一面嘅你
好好休息啦，開心最緊要
相信你喺邊度都可以發光發亮

[@sinrenee605]

睇到喊，回憶勇上心頭，多謝你熊仔頭 ：）我的青春回憶

[@Tiffmomento]

真係由中學睇到依家，以前瘋狂睇瘋狂loop，好有心嘅大道理，每條片都有唔係廢片!!! 休息返好返，記得出返黎繼續拍片俾我地睇! 你拍片係生活，我地睇你啲片都係生活呀!! 我地等你!

[@chanhoyin93]

睇左十年
多謝你帶左咁多歡樂比大家
好好休息
希望有一日可以再見到你拍片!

[@jansenwong1389]

好好休息呀熊仔頭，都多謝你比左十年我地，知道你一路走過嚟都唔容易，但每次有唔開心都會睇你既片，希望你都可以快啲搵翻你快樂既泉源

[@joeyyeung3577]

又睇左一次 好掛住熊仔頭

[@wrongbetssy9368]

多謝你，男人有話兒嘅時候已經開始睇。希望你可以好好咁樣養病，早日康復，搵翻自己，重新出發。你嘅努力無白費到，陪伴左好多人成長，真係好多謝你。

[@eagletong8743]

多謝你係呢十年裡面帶俾我咁多快樂同感動！保重身體！有緣再會！

[@hay8630]

加油啊，我地一定會等你回來。希望你現在可以好好休息，快d康復
多謝你一路以來帶給我們的歡樂❤
加油💪🏼我們一定會再見❤

[@wcw5517]

辛苦喇, 有缘再會。梅姐呢shot, 好掂呀,濕鳩哂, loop左幾次。

[@YukanMan1017]

多謝你，🐻仔頭。雖然我follow你地只要短短幾年時間，但係我一直覺得你地啲片真係高質嘅❤雖然我自己而家都有抑鬱症，為左工作同生活變得好辛苦…但係晚晚訓覺前睇下你啲片反而可以令我安心入睡。希望你可以好好休息，恢復好再考慮如何重出江湖！FH Production加油😊

[@Marcooooo1101]

多謝熊仔頭陪左大家十年🥹，無論點我哋都支持你❤，希望你在未來在生活不同道路上仍可以繼續加油💪🏻

[@aror9357]

大約係7~8年前,一次緣份之下睇到"男人有話兒",睇完當刻覺得好正,之後就一口氣追哂你既片.每次見你有新片都要第一時間揾個靚位,享受你帶俾我既共鳴同快樂.多謝帶大家既歡樂,要身體健康,期待你強勢回歸既一天

[@kazman8182]

好好享受返呢10年錯過咗嘅生活，期待你下條片❤

[@janet8862]

我都係最近先開始再睇返你地～ 內容真係有質素同好睇！ take care!!!!