【哲學係咁傾】ep. 38 愛的藝術｜誰又懂得怎麼愛｜嘉賓：劉保禧
HTML-код
- Опубликовано: 23 окт 2022
- 討論愛情哲學，哲學家問的第一個問題往往是「甚麼是愛？」，但弗羅姆的名著《愛的藝術》卻改由「怎樣去愛？」這問題入手，最後才慢慢回過頭來側顯愛的本質。
弗羅姆認為現代人太着重「墮入愛河」的體驗，使我們往往認為愛是一種不由自主、我們只能被動回應的變化，卻忽略了其實愛更加是一種我們能主動學習、培養的能力，而且只有這種主動去愛的狀態，才能達至愛的初衷--克服人自身的疏離感，所以是一種更有價值的愛。
今集《誰又懂得怎麼愛》，我們和大家說說怎樣去愛！
主持：
楊俊賢（柏林洪堡大學／倫敦國王學院博士生）
李敬恒（明愛專上學院人文及語言學院高級講師）
甘朗賢（香港大學專業進修學院助理講師）
嘉賓：
劉保禧（香港中文大學通識教育部講師）
==========
特別鳴謝眾籌的贊助者與一直支持我們的會員。
日常動態 ➤ IG：bit.ly/2IljkYo
睇片自毒 ➤ RUclips：bit.ly/3m19Foo
閱讀文章 ➤ Website：bit.ly/3GosY5d
支持荼毒室、同我哋哲學互動 ➤ Patreon：bit.ly/3m4dGIS
拒絶愛情都十幾年了。以前覺得愛情有啲雜質，唔係自己想要咁樣，但學識少，唔知何解，唔知原因。見得多唔好的愛情，之後就慢慢遠離。今集好正，解決左唔少困惑，都知道左自己問題，受益良多。感謝！雖然錯過左好多，雖然仲有好多其他問題，雖然識自愛又肯分享愛的人好難搵，但想戀愛了。
@ALex, 努力試試做與找啦, 支持。👍💪
祝福你！
拒絕愛情係痛苦到極點，希望可以重新出發🙏
男神劉保禧終於上嚟喇❤🎉🎉
呢集真心正，係因為可以用哲學嘅角度反思愛。有好多人窮一生，都只係追求浪漫愛，而且仲要係十零二十時嘅浪漫愛，為此而保持美貌及身形，但不願意承認青春在急速地離自己而去，而且仲想留返響回憶中／想像中嘅自己
好精彩。 我一直思考點解要有另一半。理性話比我聽唔需要，但情感上一直有渴求，我一直好辛苦。係呢條片我搵到答案了。🥲 茶毒室救贖左我
現在快將步入年老時，才會發現愛是多麼的神奇，即使是一些年輕時不能理解的愛情，都會是一幕幕另類的好風景。最常體會到的就是，即使孤單難過，都是一種棲美。只要心裡有愛，便不會是痛苦。
劉保講野係有一種魅力😍好想sit佢既堂😭轉眼間已經grad咗兩年
由愛的藝術引申到人要自愛。懂得愛自己，方能愛別人！多謝提醒
呢集好正 多謝你地
唔知嚴叔同大家討論完之後有冇得着呢？
博愛
超好睇嘅一集
㊗️願大家明白自愛与他者建立有愛和尊重的連結。
我所說可能留於口號式體會, 大家都係直接睇呢條片or 睇Art of loving。😅
多謝, 四位出席者介紹！
👍👍👍👍👍
好精彩❤
終於有劉保神了
A great talk indeed, very very insightful !!!!
有男神劉保就點都like左先❤❤
好有意思嘅一集！好聽！好有啟發，自愛-真係好重要！好多人都未做到，包括自身！
唔理咩話題，有劉保必like！
無敵小保禧🎉🥳👍
多謝您地呀🤍 呢集真係解答左好多我一直以黎對愛既疑惑 知道自己係點樣同可以點樣多左
推薦另一本講愛嘅書The Four Loves《四種愛》by C.S. Lewis，其中講到物愛、情愛、友愛、愛情、仁愛
我們都寂寞，尋找愛係一種自然多於理性嘅行為。現今社會，未婚未有另一半嘅人士唔算少。佢地或者曾經有尋找另一半愛情嚟使佢地生命完整。但唔成功嘅結果係唔係仲要令佢地係呢條路上受傷？抑或呢種孤單寂寞轉為另一種愛呢？即係我嫁咗比份工或人生有個朋友真係好極。愛的千貌，情人愛只係其中一種，莫困於情，止於愛。
最重要都係另一半是否同頻或合得來，另一半未必能完整生命，但是是一個讓自己多一個面向更了解自己和有所學習的對象。在人生課題上，有些人希望有位同學可以同修一起面對，當然同時要負上互相照顧的責任。有些人當然什麼都沒有想，只想有人陪伴又不想付出不停苛索逃避課題。
尋找愛嘅動力當然係感性，但我哋又何必抗拒同迴避我哋渴望親密之愛嘅需求？問世間，有幾多個人識自愛，尊重同接受自己係獨立個體，並且推己及人？識得自愛嘅人就算搵唔到真命天子，我覺得都係一種成功，佢哋知道他們是誰，又知道佢哋需要點樣嘅愛，於是佢哋拒絕都成為理性嘅選擇，人有理性先至有選擇，然後滿足。我認為人天生就渴望愛同被愛，而且都幾難諗到從來獨來獨往嘅孤兒識得愛人，包括愛自己，正如作者認為愛可以練習實踐，而我認為人從練習實踐愛而學識愛，因為愛唔可以透過文字同語言令人學識。當然愛有千種面貌，但工作係死嘅本身就唔可以培養愛人嘅能力，只係冀望自己嘅能力fulfill工作要求，一旦做唔到就唔愛自己，呢個唔係大部分人嘅困境咩？愛朋友愛親人都得，但總有啲更親密嘅愛只有愛人之間可以實踐，呢啲轉移唔到朋友同親人上，會錯晒。話唔需要愛情嘅人要靈魂拷問自己係咪shut down咗想實踐呢種面向嘅愛嘅需求，如果冇咁就算，係有嘅話唔該承認返。其實愛情唔係對方令你完整，而係你實踐唔同層面嘅愛而使你完整，有人係接受唔到呢種身法，人畢生追求完整，缺失是但一樣嘢就係唔完整，咁自己就係唔好，之但係人梗係有限制，不過要接受。我認為知道自己唔完整都好都可以對自己好，接受自己係值得被愛嘅人，正因為咁先唔可以對愛情喪失信心，否則你拒絕有人係如此愛你嘅可能。以上係幾浪漫，feel good
@@evang4934 非常同意，好多人都唔敢承認自己想人愛，我有過一d朋友同我講話自己一個更加開心，過一兩個月就拖住個女仔出嚟，所以佢哋話自己一個人仲開心係呃緊自己，人係群居動物，而且多一個伴可以開發自己更多可能性，我哋每個人係靠身邊嘅人去映照自己嘅唔同面向出嚟，因為一個人只識用自己角度睇自己，多一個親密嘅人會令你更了解原來有一d唔同嘅面向而且更深入，尤其喺你愛同被愛嘅時候嘅可能性係更加多。
有啲人揀嫁咗俾份工，係因為佢面對唔到/唔願意面對自己好想控制人嘅心態，唔願意接受自己其實都有不足嘅地方，並接受自己嘅本相
@@jasonyu6649 的確係，以前遇過唔止一個女上司都係單身未婚或已離婚，同通點係佢哋唔介意經常OT，佢哋成日唔想你準時收工，想你陪佢哋OT或下班後食飯，因為冇伴侶同家庭嘅生活的確係比較寂寞，加上中年女人大多已經成家或有子女，姊妹都唔會得閒經常喺工餘後陪佢哋，於是佢哋咪OT多d，或搵我呢d當時未婚嘅後生女同事嚟搞，佢哋係煩，但我又明白佢哋面對緊d咩難題。
最高質嘅陣容
自愛👇🏻is there any different？
「愛是恆久忍耐，又有恩慈；愛是不嫉妒；愛是不自誇，不張狂， 不做害羞的事，不求自己的益處，不輕易發怒，不計算人的惡， 不喜歡不義，只喜歡真理； 凡事包容，凡事相信，凡事盼望，凡事忍耐。」
哥林多前書 13:4-7
唔知邊個講過：愛 是一個人的事，有冇咁Q！
宗教吸引之處可能在於直接 說出/建議 實際行動。
個人認為今集係講自愛 (如: 經文中的建議行動、口號去實現它。) 的價值和因由, 有了 "自愛" 引至 可能得到"被愛"。
懂得偷食的愛😂😂
呢集好好睇 本身本書已經好好睇，經今集主持講解完又再讀透左好多 thx！
好正, 呢一集學好多野, 同埋開頭已經好吸引我聽曬落去,唔似其他集數我分2,3日睇, 可能係內容親民又易明, 獲益良多!!!!!!!!!!!
勁有深度既探討，大家都有唔同學派加上自己既理解
原來愛係咁理性同咁闊
精彩，謝謝你們的努力。
睇第二次, 差D正到LIKE咗第2次
無白水
無尷尬
27岁的我，经历一场极其痛苦的失恋，看这本书得到解救
好mind blow
愛係既一且二呢個講法，令我諗起量子糾纏
希望可以做多啲關於愛既分享❤
因為愛，所以愛。
當劉保 講到李安納度 "某程度上現實生活都貫徹緊鐵達尼72小時"
笑到HIHI
不過好似最近個年齡都有隨佢年歲有少少增長🤣
但睇完之後有種感覺
如果全世界人都要符合左果4個面向
再審視點愛人
人類應該好快會絕種...
好呀
個開頭有d失焦 但愈傾落去愈好
四位，都好令仔！
想起一首詩
《致橡樹》 舒婷
我如果愛你--
絕不像攀援的凌霄花，
借你的高枝炫耀自己：
我如果愛你--
絕不學癡情的鳥兒，
為綠蔭重複單調的歌曲；
也不止像泉源，
常年送來清涼的慰籍；
也不止像險峰，
增加你的高度，
襯托你的威儀。
甚至日光。
甚至春雨。
不，這些都還不夠！
我必須是你近旁的一株木棉，
做為樹的形象和你站在一起。
根，緊握在地下，
葉，相觸在雲裏。
每一陣風過，
我們都互相致意，
但沒有人，
聽懂我們的言語。
你有你的銅枝鐵幹，
像刀，像劍，
也像戟；
我有我紅碩的花朵，
像沉重的嘆息，
又像英勇的火炬。
我們分擔寒潮、風雷、霹靂；
我們共享霧靄、流嵐、虹霓。
彷彿永遠分離，
卻又終身相依。
這才是偉大的愛情，
堅貞就在這裏：
愛--
不僅愛你偉岸的身軀，
也愛你堅持的位置，足下的土地。
好靚仔啊
講到酒神精神嗰度就諗起新世紀福音戰士嘅A.T.Field，嗰種心靈嘅隔膜，同碇源堂嘅補完計劃有不某而合之處，定係庵野秀明都對呢方面嘅思想好有研究
可以做一集講關於西田幾多郎既「善與研究」嗎？／
聽完尾二個節先知原來dominance and submission嘅心態性格係同人嘅疏離焦慮有關
請問大概在幾分鐘？
是一種人生修鍊吧。重點是實踐的過程，但最後能否找到一個行到最後，卻取決於很多其他因素。
原來嗰日係書局圍爐嗰位係Roger? 唔怪得咁熟口面。
請勿忘記
軟弱只會惹人感慨
不要忘記我們始於會有人寵愛
《把妹達人》係從功能主義去講如何去愛
你哋啲衫係咪有sponsor借，
點解可以咁靚嘅😌
點樣同一個眼盲嘅人 形容什麼事顏色?
唔好意思distract咗但 34:48 條聲咩事lol
會唔會叫 The Craft of Loving 貼切D
RUclips premium 想download落嚟搭車睇，但係話影片無法下載，請問係你哋嘅setting定係RUclips 嘅問題？🙇🏻♂️
我down到wo 我估唔關setting事
Fucking Good Episode👍🏻
關於最尾一節自愛與愛他人仲有少少疑問。我理解係Fromm認為自愛係愛他人嘅基礎，但似乎佢無講如何從自愛擴而充之到愛他人？如果係咁，自愛與愛他人就算唔係對立，但批評一個人只懂自愛都依然可以成立？
定只係時間唔夠所以未觸及到呢？
愛的基礎建於懂得自愛, 缺乏愛的人很難自愛, 更難去愛人. 自愛不等於自私, 真正愛自己的人必然愛及他人, 待他人好也是待自己好. 雖然別人不一定待你如你對他的好, 但你對人不好, 就別期望那人對你好. 愛一個人亦希望對方能自愛. 這是成熟的愛.
愛人如己
真係好撚諷刺😢
多謝咁多位嘅講解，好好聽。
但真係頂唔順樣樣野都懶資本主義。前資本主義社會 / 社會主義共產主義社會嘅人同人之間嘅關係就唔係交易？就比較 「懂得去愛」？其實所有動物本質上都係一樣，以他者為手段以滿足自己嘅需要，而大部份人類行為亦逃唔出呢個本質。我唔反對弗羅姆所講嘅高層次嘅愛，係值得追求，但或者可以反思吓係唔係有太多左派嘅既定位場，萬能key樣樣野都懶資本主義。
唔好套曬今日我哋對「左膠」嘅hate, 就忽略咗資本主義對世界人嘅矮化、量化及功能集合嘅體會
因為事實上某種我哋見到嘅現代愛情觀係資本主義所創，咁都唔鬧得？
@@chungkinto4645 我就係唔認同所謂「現代嘅愛情觀」係資本主義所創。當然我地仲要去定義愛情。
絕大部分動物嘅行動從來都係 reciprocal, 其實就係交換。點樣證明係由資本主義先開始係咁？
喂，師兄，互酬模式唔等於快速轉換呀。現代愛情嘅弊病唔係互酬呀，係快速轉換、冇耐性、冇一種共同嘅概念呀。
仲有呀，你點會將互酬等於資本主義，我冇呢種指向喎
講緊理性的愛而不是感性的愛
或者可以話係用理性分析感性嘅愛
4條佬講 the nature of love，古怪又神奇，more like the antidote of fight club，一點都不浪漫 🙏🏻🙏🏻
入面就係同你講愛唔淨係浪漫
罰你再睇過
無女主持😢
Didn’t age well 🫵🏾
可唔可以直接講到底乜嘢係愛
如果將愛作名詞看待, 個人覺得係個人感受。而將愛作勳詞解, 可能你留心地再睇這條片或看Art of loving 。😅🙏