ازاي تعلمي النرجسي يبطل طرق العقاب المبتذلة اللي بيستخدمها معاكي؟
HTML-код
- Опубликовано: 5 сен 2024
- ما عليك سوى الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawtharsanad.com/
رقم واتس اب الحجز 00971568496791
لينك الواتس اب wa.me/message/...
الصمت أداة مهمة جدا واساسية من أدوات النرجسي اللي بيسيطر بيها على ضحيته ومن اكتر الحاجات اللي بتأثر تأثير سلبي على الضحية لانه بيسيبها طول الوقت قلقانة ومتوترة ومش فاهمة في ايه
مواجهة الصمت العقابي اللي بيمارسه النرجسي تحدي مش سهل لازم قبل ما تواجهيه تفهمي انه شكل من اشكال التحكم العاطفي وان العيب مش فيكي ولا انتي السبب او انك تستحقي ده
وبعد كدة هنبدأ نوصله بأكتر من طريقة ان الطريقة دي غير مجدية ومش هتنفعه في حاجة عشان يبطلها
طيب هنعمل ده ازاي ؟؟
اول حاجة لازم تعرفي انه من اهم الأسباب اللي بتخليه يعمل صمت عقابي محايلتك ليه طول الوقت ، مالك ، ايه اللي مزعلك، ايه الي حصل ،رايحة جاية تحايلي فيه وتراضي فيه وهو مش بيرد عليكي وممكن كمان يزود العقاب ويدخل الاوضه ويقفل عليه وميسمحلكيش تتملي في جماله ، وطبعا هو بيعمل كدة عشان هو متأكد تماما انك هتتجني عليه اكتر وهيوحشك ويصعب عليكي وتقفيله عالباب تحايليه يفتح وكل ده بيمده بالوقود النرجسي وبيشبع رغبته انه يحس بالاهتمام المبالغ فيه وانه سلطان عصره وزمانه وبيبقى مسيطر عليكي سيطرة تامة
يبقى انتي اول حاجة لازم تعمليها هتاخدي قرار تبطلي محايلة وسؤال مالك وفي ايه عمال على بطال
لو انتي في بداية الجواز في حاجة ممكن تجربيها غالبا هتنفع طالما لسة في بداية العلاقة، اول ما يبدأ الصمت العقابي تروحي تقوليله الناس الكبار لما بتواجههم مشكلة بيتكلموا فيها فإذا عندك مشكلة ممكن نتكلم فيها ، ممكن يقول لك مش عايز أتكلم ، قولي له مش لازم دلوقتي ممكن نتكلم بكرة خد وقتك واهدأ ، وسيبيه واخرجي من المكان ، بس لازم تكلميه بثقة وثبات انفعالي وكأنك بتكلمي طفل صغير لازم يحس بقوتك في الكلام وثقتك بنفسك ، وتاني يوم لو مجاش يتكلم روحي فكريه انكم مفروض تقعدوا زي الناس الطبيعيين تتكلموا ، في المرحلة دي بيبقى هو لسة بيجربك، بيشوف حدودك، بيشوفك هتقبلي ايه ومش هتقبلي ايه ، فبيجرب الصمت العقابي زي ما ممكن يجرب الضرب والشتيمة او طرقة تانية، لو كنتي ثابتة وقوية من البداية هتعرفيه حدوده وهيقف عندها
طيب لو الطريق دي منفعتش هتعملي ايه؟
هتتجاهلي الصمت ده تماما ، يعني كأن مفيش حاجة وانتي مش واخدة بالك انه مش بيكلمك ، هتتعاملي عادي وتكلميه عادي ولا كانه مقموص ولا حاجة، المهم ان فعلا التجاهل او بمعنى اصح تجاهل الصمت مش تجاهل الشخص يعني تتعاملي عادي جدا كأن مفيش حاجة واذا قالك صريح متكلمينيش قولي له براحتك وسيبيه وتجاهليه هو شخصيا ، دة حيخليه يحس انه قارف نفسه من غير فايدة لا وقود اخد ولا اللي عايزك تعمليه عملتيه ، ( واذا كان ضعيف ومش عنيف ممكن تمنعي عنه العلاقة الحميمة لما يعمل لك صمت عقابي ، واذا هو مانعها انتبهي ماتمنعيش الخدمة اذا مش عايزاه يروح لحد غيرك لان احنا متفقين لو قطعتي وقود وخدمة وعلاقة حميمة حيستبدلك )، طيب ده لو هو عامل الصمت العقابي وهو قاعد معاكي في البيت لكن لو سابلك البيت خالص وراح عند اهله في الحالة دي متعبريهوش غير بكام رسالة في اول كام يوم وبعد كدة تجاهليه برضه بنفس الطريقة واتصالاتك تكون لاسباب قهرية لو حد من الولاد محتاج حاجة ضرورية، واهم حاجة متنسيش ان الحاحك ومحايلتك بتديه وقود وهو دة اللي هو عايزه وعمره ماحيبطل صمت عقابي لو انتي مبطلتيش تحايلي.
طبعا معظم الحالات اللي متعودة تحايل هي برضه اللي غالبا بتروح تصالح وتعتذر على حاجة هي أصلا معملتهاش ، اوعي تصالحيه اذا انتي مش غلطانة، واوعي تعتذري لو مغلطتيش، لانك لو عملتي كدة عمره ما هيبطل صمت عقابي، لانه بيستمتع بانك تصالحيه وتعتذري ويهينك شوية عشان يصالحك، ولو هو من النوع اللي لو اعتذرتي له يهينك ماتعتذريش بشكل مباشر ومتستنيش انه يقبل الاعتذار ويستحسن في الحالة دي الاعتذار يكون في رسالة وتكلميه بعدها كأن مكنش فيه حاجة حاصلة واقفلي الموضوع على كدة ، واذا استمر في الصمت متكرريش الاعتذار ، ولا تحاولي تصلحي
خليكي متأكدة ان الصمت العقابي ده مجرد تلاعب مش اكتر ( وتقدري تعرفي أسباب استخدامه للطريقة دي لو شفتي حلقة " ليه النرجسي بيستخدم معاكي الصمت العقابي" ودي حلقة مهمة لازم تسمعيها )وانه هيرجعلك تاني بعد ما يخلص الفيلم الهندي بتاعه، المهم هو من ضمن أسبابه انه يختبر حدودك ويجربك زي ماقلت لك بس في النهاية بيرجع، انتي لما تعرفي انه راجع كدة كدة مهما طول حتبقي هادية وحتخلصي من قلق هو كدة خلاص سابني ولا حيرجع لا اتطمني تماما هو حيرجع لان انتي مصدر الوقود الأساسي له ومش حيقدر يسيبك الا اذا لقى مصدر جديد وممكن بعد مايزهق منه يرجع لك برضه ( انا عارفة ان كتير بيقولوا مش عايزينه يرجع، بس برضه في حالات تانية كتير بتبقى خايفة من الطلاق ومش عايزاه ) المهم انك لما تعرفي انه راجع حتهدي وتبطلي تزني وتحايلي فيه وتسيبيه يتفلق عشان يبطل الصمت العقابي
لازم تتحكمي في اعصابك ومتدخليش معاه في خناقة لانك هتخرجي منها خسرانة ، انتي هتثوري وتغضبي هياخد منك وقود ، هيقلبك ويصالحك من غير اعتذار وحقك هيضيع والموضوع يخلص على كدة ويكلرر الصمت العقابي تاني عشان انتي حلوة وبتتعصبي وبتديله الوقود اللي هو عايزه
متدخليش حد بينكم ولا توسطي حد عشان يصالحك لانك كدة بتديه وقود وفي نفس الوقت بتديه سبب يعاقبك لما يرجع لانك طلعتي اسراره برة ، وكمان خدي بالك اذا مش عايزة تطلقي وعايزة تستمري في الحياة معاه ابدا متفضحيهوش ادام حد لانك لو نفذتي وفضحتي فتحتي له السكة انه يبقى ظاهر ودة معناه انه حيهين ويؤذي على الملأ وممكن يتجوز وممكن يسيبك
#صحةـنفسية #القوة #الاكتئاب #النرجسي #النرجسية
بعد ثلاثين سنه زواج من نرجسي اعتبر الصمت العقاب اجازه من النرجسي في بدايه الزواج كنت ازعل واعصب اما الان أعصاب هادئه والحمدلله ❤
اقسم بالله زيك بالضبط والحمدلله
سبحان الله الدنيا صغيره
للاسف لما لقاني مش فارق لي خصامه بقى ع طول يعمل غضب نرجسي على كل حاجة تافهة.. لله الأمر
مثلي بالضبط بعد 30 سنة بعتبرو استراحة
الصمت العقابي حاجة حلوة جدا على الاقل بتستريحي من كلامه المؤرف
انا زوجي نرجسي ظاهر مابيعمل صمت عقابي بيقلل ادب بدالو
يا رب يا مالك الملك يا فعال لما تريد أسألك تغوره من دنيتي و حياتي و تنقذلي اللي باقي من عمري يا رب أتوسل إليك بحق لا إله إلا الله
آمين يارب بحق الأيام المباركه اللى احنا فيها يستجابلك ويستجابلى
ربنا يفرجها عليكي ي حبيبتي
آمين آمين إحنا واياك يااارب🤲
امين يارب العالمين
آمين رب العالمين للجميع ان شاء الله
اللهم من أراد بنا خيرا فوفقه لكل خير واعاننا على إكرامه ومن أراد بنا شرا فاشغله بنفسه واصرفه عنا وعوضنا عنه يارب من يجبر بخاطرنا
جعله مخروس طووول العمر يا رب
خرس اصلي يااا رب☝️🤲
واخلص منه ومن قرفه شو بكرههه☹️😑
آللهم آمين يارب العالمين 😂
امين يارب
اللهم امين
😂😂😂
المشكلة انه اثناء الصمت كل يوم بيعمل مشكلة وبيخلى البيت حريقة على طول كول و يهين الاولاد و حاجة اخر قرف يا ريت كان صامت و فى حالة لكن طول اليوم مشاكل بلا هدف عشان اصالحة 😢
نفس حالتك وايضا عند الصلح لايقبل ويجب ان اكرر الصلح والاعتذار الف مرة حتى جنابه يرضى😢
انسان حقير هتنتظري منة اية غير الحقارة والوضاعة
و انا نفس الشئ. حسبنا الله ونعم الوكيل
ايوه مش بيقدر عليا يقوم يتسلي علي الولاد ينادي عليهم بالدور واحد ورا التاني كل ٥ دقايق يشتمهم ويطلب طلبات سخيفه ويقرفهم😢😢
بعد 50سنة مع نرجسي خفي الصمت العقابي راحة ما بعدها راحة ياريت يدوم.كنت زمان اتضايق لكن الحمدلله ربنا عافاني
انا اعتبر الصمت العقابي هدنة وفرحة لي وكاني فراشة في فترة الصمت العقابي والله بعد مافهمت صمت عقابي عن طريق فديوهاتك يااستاذة
الفديو اضحكني ودخل مسرة الى قلبي بعد ماقولتي حرمك من طلتو البهية هههه😂😂😂
بعدما كان يمارس عليا لمدة عشرين سنة .اصبحت اتقنه واحبه واجعله يندم انه قرره. كان يستعمله لفرض اموره. الان استغله لارتاح من الخدمة والعلاقة.
ازاي 😊
احكي كيف عملتي😢
@@semomohamed3048قصدها تستغل الصمت العقابي عشان ترتاح من خدمته ومن العلاقه معاه ومن قرفه .. يعني الصمت العقابي بأه حاجه كويسه بتستغلها لصالحها وترتاح
@@semomohamed3048تعاملي مع الصمت العقابي كانك مش متضايقة ولا همك صمته كانه الهواء وعامليه عادي واجباتك في البيت عادي اطلعي من البيت لو كنت مخنوقة امشي شوية شمي الهواء او حطي فيلم حلو واستمتعي ولا تعبريه وكانه مافيش حاجة حصلت لو كلمك كلميه عادي لا تلوميه ولا تعبري صمته وحيتربى واعتبري فترة الصمت فترة راحة ونقاهة واهتمي بنفسك شعرك وأيديك ورجليك وكانه مش موجود
تجاهل الصمت ده لاحظته في النرجسي نفسه، لما بدأت أراقب ردود أفعاله،،، لما بيضايقني واخد موقف واعمل أنا صمت، وهو بيكون مش عايز أو مصلحته تقتضي أنه يتواصل معاايا، بيعمل نفسه أنه مفيش حاجه وتلاقيه بيتكلم عااادي
اانا كان اي شيء بسيط يطلقني اي شيء بسيط بيطردني ويهددني باولادي رغم انه مهمل غير مهتم بيهم وداءما ميحمدش ربنا غير سعيد من اول يوم زواج كافحت كثير لانجاح العلاقة رغم انني اجمل واذكى منه ومستواي العائلي احسن منه لكن كرهت اليوم ليشفت وجهه فيه وندمت على حياتي لضيعتها معاه وخمسة اولاد خسارة فيه اتمنى يروح في ستين داهية عشان ارتاح ❤❤❤❤❤
بفضل فيديوهاتك و زيادة ايماني بربي و بعد ثلاثه سنه في اجراءت الطلاق من النرجسي عذاب ما بعدو عذاب و في وجود اطفال و في غربه لا مال و لا عمل ولا أهل ولا اصدقاء
قدرت ان اشتغل على نفسي و اتعافى و أعمل و اصرف على نفسي و رجعت علاقتي باهلي و أصحابي و الان في الخروج من هذه البركه الغذره الى جنة الحريه و الامان و الاطمىنان
الحمدلله والشكر لله ولك الاستاذه كوثر سند❤❤❤
والله مثلك في الغربة وبعاني مع النرجسي الخاين ...عملي الأعصاب
أنا ما بصدق يكون في صمت عقابي علشان ارتاح منه ومن الهبد بتاعه شوية
وبعامله بنفس معاملته يسكت أسكت يضحك أضحك يكشر أكشر اول ما يبدأ قلب الترابيزة استخدم معاه النرجسية وأعلي عليه وأسيبه بعد كدا يهبد مع نفسه لغاية ما التون بتاعه ينزل
وذلك مع خدمته في الحدود الواجب المطلوب مني
ولك الفضل يا دكتورة بعد ربنا سبحانه وتعالى انك رجعتي لي ثقتي بنفسي❤
ياريت يا دكتورة تعملي حلقه عن موت النرجسي فجاه وايه هو احساس زوجته واولاده لو كان الزواج فتره كبيره
اضن ان معاناتك تشبه معاناتي
يا بخت مراته و عياله 😂😂... هم زعلانين ولا ايه 😂
يابختهم انت بتسألى
المفروض دى نعمة تخبيها 😅 ، عقبالى
@@read55😂😂😂😂😂
@@shassan7😂😂😂😂😂
أنا عملت صمت عقابي من يومين ارتحت،منا،من،قرفو..الله يجعل كيده في نحره
تماما مثلي
حرفيا الحلقه دى حصلت معايا لمده ١٧ سنه جواز للاسف بعيط وبنحايل ربنا يحفظك يا ماما كوثر انتى امى بجد
انت. شمس. الصباح. التي. تضيئ. بيوتنا. جزاك. الله. خير
حسبنا الله ونعم الوكيل على كل نرجسي
ماهى فتاوى المشايخ اللى مش فاهمة اللى دمرت لنا حياتنا وماينفعش الزوجة تنام والزوج غضبان عليها حتى لو غلطان تخليها هى احسن وتروح تقولله مش هايجيلى نوم الا لما تبقى راضى عنى
عشان الملايكة ماتفضلش تلعنها
و من كتر الخناقات والمشاكل بتبقى الزوجة مش عارفة المرة دى هى الغلط ولا هو وشككها فى نفسها بقينا بنصالح احتياطى عشان ربنا مايغضبش علينا
واهى النتيجة سودة
اي والله صح ..فتوى باطلة
الفتاوى كلها للرجال الاسوياء
@@user-wx8fg9jp9z الفتوى بتكون عامة ، محدش بيخصص فى فتواه الشخصية السوية
ياحبيبتى الإسلووووب هوه الفارق تقدرى تاخدى رضا ربنا بهدوووء بس احنا فى الدنيا ابتلاءات عشان نجاهد ونصبر والنجاح مش من اول مره
مادمتى نيتك طيبه وناويه خير ربنا مش هيضيعك أبداً بس انتى إلجائى لربنا أتصرف معاه إزاى إلهمنى يارب رشدى انى اتصرف اللى يرضيك
@@monamokld8 مفيش غير ربنا اللى بلجأله ، ١٧ سنة دعاء وتضرع وبكاء واستخارة
دكتوره هو بيعمل صمت عقابي ويروح لمراته التانيه ويسبني انا والولاد من غير فلوس لاسابيع كنت بكلم اخواته اخد منهم وهو برضه مريح دماغه اخر مزهقت وديتله الولاد يقعدو معاه وعملت انا صمت عقابي ارجو الرد
ربنايعينك ويقويكي ويحبب فيكي خلقه❤
صح مش هيطلق ...مستنى المعاش😏
طيب ويلي وصلت من سنتين لمرحلة الالقاء والتخلي والهجر وهو عم يخون بعد ما استنزف عمرها وطاقتها
هي عاملة حالها مو فارق معها بس هو عم يتفنن بايذاءها وتحطيمها شو تساوي لتوقفه عند حده لانه التجاهل بكل اشكاله ما نفع معه عامل حاله شيخ وسيد والناس مصدقته مع انه حقيقته بشعة ونجسة كتير
سورة البقرة وقيمي،اليل،ودعي
جزاك الله خير استاذه كوثر وربي كانك عايشه معانا سبحان الله...الله يعلي قدرك ومقدارك في الدنيا والآخرة
يارب ينقم من النرجسيين ويرد كيدهم في نحورهم
والله لو شافني حضرتك مبسوطه وبضحك لازم يقلب وشه ويستفزني لازعل واتضايق ولو شافني اصلا متضايقه وساكته لحالي تلاقيه بيضحك ويكرر وبردو يستفزنى
أحلى فترة الصمت العقابي راحة منه ومن مشاكله 6أشهر صمت عقابي ..احلى راحة
ربنا يسعد قلبك و ايامك. جزاك الله خير الجزاء ❤
الصمت العقابي فى البداية يكون صعب لعدم فهم الشخص النرجسي بعد فترة وبعد فهم شخصية النرجسي لاضرر من صمته بل بالعكس انا بعتبره فترة انسجام وراحة منه خالص واجعله يوجعه هو انا لاااااا
اتجاهل واتجاهل وهو يصعد الاستفزاز حتى اذا رٱني قوية اتجه لاولادي القصر نقطة ضعفي التي لا أستطيع تحملها وهنا اضعف واغذيه بالوقودين حسبنا الله ونعم الوكيل
ياريت والله .
الصمت العقابي حتا برمضان ،ربنا يهدهم يا اختي 😅😅😅
صح كلامك حضرتك انا ما فهمت جوزي إلا بعد ما سمعت فيديوهاتك حاليا بستخدم منع الفلوس كعقاب لتجاهلي وصمتي انا لدرجه انه بيطبقه على اولاده في سبيل انه يشوفني متعصبه وغضبانه عشان ولادى
حياتي كلها صمت عقابي 😅 مبيتكلمش معايا كويس الا لو كان ليه طلب وبس ومجرد ما ياخده خلاص يرجع للصمت تاني طول الوقت كده لدرجه ان اما بيكلم عادي بقلق وبقول استر يارب عايز ايه المرادي 😢 حياه بلا حياه الحمد لله
نرجسي،وفوقها،بخل رهيب الله ياخذه اخذ،عزيز مقتدر
ندمت على السنوات التي كنت أعتذر منه وهو مخطأ في حقي
الله ايعوضك كل خير ماتزعليش،خلي حقك،عالله❤
صمت العقابي اصبحت احبه بل العكس افعل ماريد فيه
انا زوجي نرجسي ظاهر مابيعمل صمت عقابي بيقلل ادب دائما وبيسب وبيشتم
ههه في بعض المرات بتمنى اني الصمت العقابي اطول عشان ارتاح من الثمتيل شوية
كل الاحترام لحضرة جنابك الدكتورة القديرة كوثر سند .!؟
مايسمحلكيش تتملى فى جماله 😅😅😅😅
الله يبارك في عمرك يا دكتورة
الحقيقة انوبسمع فيديوهاتك من زماااان تقريب السنة
ومؤخّرا من شهر وجاي بحس أن كلامك بيلامس الواقع عندي . .
بتفاصيل كثيرة . .
لكن للأسف ما وجدت الحل بالنسبة للتعامل مع الضحية الثانية للنّرجسي ويلي هو ردات فعل الولد الضّحية
وبصراحة اكتر ماكتير عندي معلومات عن كيفية التعامل مع اليوتيوب 🤔😟😥
إذا في طريقة وصّلك مشكلتي عالخاص ؟
ولعلّ وعسى تفيديني بنصيحتك 🙏🙏🙏
مع كل الشكر ورمضان كريم🌷
انا فضحته وفعلا بقى بيهيننى وبياخد تاره منى وراح اتقدم لواحدة ههههههه بس انا الصراحة بايعاه وعايزة اخلص منه بس ابن اللذين مش عايز يطلق ، ايه الاشكال اللى اتفرضت علينا دى
لطفك يا رب
دكتورة لما المح بالطلاق يختفي نهار كامل ويرجع في الليل وهو محمل بالفواكه واللحوم ويعطيني فلوس وكأن شيئا لم يكن هذا عملتو طبعا بعد التشافي وبعدما عرف انو انا استغنيت عنه ماديا واشتغلت وجمعت فلوس ويعرف ومتأكد استطيع أأجر بيت واخذ اولادي شئ مرعب بالنسبه له الوحده لكن تحتاج ايمان بالله وتوازن وثبات عاطفي هذا الامر اخذ مني ثلاث سنوات شغل على نفسي وصحتي العقليه وبعد مرار وصعوبات الله وحده يعلم مالاقيته في الفترة المظلمه لبداية التشافي لكن الحمد لله على فضله ونعمه شكرا لكي وبارك الله بجهودكم ❤❤❤
والله ياريت تعليميني ازاي اتشافى تماما علما انا الي بصرف على البيت بس مع هذا لاأعرف كيف اتعامل معا حتى الغرفة سبتها لي وانام مع بناتي ولما يحتاجني اروح ادي واجبي كزوجة امام الله ولكن مع هذا لاعرف التعامل معا 😔😔😔
@@user-ur4js8dg5d حبيبتي انتي في بداية الطريق تحتاجين وقت انوي التشافي نية خالصه لله اكتبيها على ورق وردديها بعد الصلاة وتابعي سلسلة التشافي لكوثر سند وكثير من الڤديوهات على التيكتوك تلقائيا ستجدين نفسك تتعافين وراح تتوضح الرؤيا امام عينك وتكتشفين ان الي حولك اغلبهم نرجسيين ورح تنعزلين وتنصدمين بس لاتخافي هذا بداية الطريق صح ياخذ وقت لكن ستكتشفين كم انتي قويه تقدرين تصلحي نفسك واولادك وتشافيهم همه ايظا ورح تقتربين من اولادك كثيرا سمي بأسم الله وتوكلي
فديو رائع رائع وانتي رائعة يااستاذة ❤
الله يفتح عليكى ❤
انا شيفاه راحة نفسية 👌
شكرا استاذة كوثر ❤️🎉
الله يسعدك يادكتوره 👍🏻
باختصار الحل الجذري منعدم تماما والحياةمع النرجسي حرب ضروس كبرى طاحنة تاتي على الاخضر واليابس يعني لاتوجد راحة لا في اول الحياة معه ولا آخر العمر والعمر يجري والعمال بعد سن معينة من العمل يطلبون الاحالة على المعاش للراحة اما النرجسي فتبقى تحمل الاحمال الشاقة مع النرجسي العمر كله كل واحدة تنظر الامل في تغيير الامور لما يتقدم بهم العمر لما يكبروا اولادهم لما يزوجوهم ويصبح لهم احفاد ومع ذلك تبقى تكافح وتلاعب النرجسي هو عايش حياته بطولها وعرضها وهي تبقى تفكر كيف تتحايل عليه وكيف تواجه صمته المفروض تلاعب احفادها والنرجسي مازال يعيش سن المراهقة الذي لاينتهي عنده وكلما يتقدم به العمر يزداد شراسة يبقى ينتظر الوقود والاهتمام فهل هذه حياة يضيع العمر وهي عايشة على امل لعل ولعل ولعل ولاخياة لمن تنادي
عملت كل ده لقيته راح يدور على عروسة فالنت يتجوزها
الحمد لله حفظته
لما بيعمل الصمت العقابي بيكون بيكمل البنات وهو مسرور جدا وفارش ريشو
شكرا أستاذة على الحلقة الرائعة
عندي استفسار انا زوجة نوجسي من ٢٠ سنة لكن من ٤ سنوات وقت انه نرجسي وكنت لا اعمل الان اعمل من حوالي خمس شهور حصل من فترة خلاف تافه عمل صمت عقابي و خلال هذه الفترة ساعدت في قسط جامعة لوحدة من بناتي وهو كان كامل راتبي لاني راتبي ضعيف المهم الشهر الماضي ما ساعدت لاني كنت محتاجة فلوس وخاصة انه بطل يصرف على البيت وترك اغلب المصاريف على و انا عندي اربع اولاد من يومين حصلت مشكلة مع بنتي في مدرستها وطلبوا ولي الأمر و بدل ما يعاقب البنت يلي غلطت كان ردوا اني لازم اترك الشغل لاني ما عرفت ربيها واعطاني مهلة لاخر الشهر دخلت اخوه يلي بيسمع كلامه كواسطة لكن ما في حل وانا مقيمة بي بدبي وعلى كفالته
مع العلم انه قبل كان يعاريني بالفشل لاني كل اقدم على عمل ما يحصل نصيب فيه ما الحل ارجوك بسرعة
مع العلم انه بيضرب وبشدة
انتي ليست لديكي مشكلة واحدة في عدة مشاكل حليها وحدة وحدة واول وحدة الضرب انتي قلتي ساكنة ببللد القانون فوق الجميع روحي فتحي محضر وعلمي اول درس بس طاول عليكي وضربك
لازم تعملي له محضر .. وممكن تستغلي المحضر وارفعي قضية طلاق وخدي حقوقك انتِ وعيالك وانقلي الكفاله وعيشي مستقله حتى لو بمرتب قليل .. طمنينا عليكي
ان شاء الله انا بدي استعين بالدعم الاسري بدبي لكن بدي اكتر من راي حتى كون أقوى وعندي معلومات كافية كيف اخد حقي لانه متلاعب
روحي اشتكي عليه بالشرطه ولا تخلي يضربك@@rayanasaleh3100
@@rayanasaleh3100الله يعينك
لو منع الفلوس اعمل ايه
😢
هدديه ان لو ما دفع هتكلمي اهله واصحابه في الشغل او الشارع هتخدي منهم فلوس وتعرفيهم ان مش بتصرف علي اولادك تهديد فقط ما تعملي كده طالما هتكملي معيشه معاه
@@wafyaaahmedahmed8491 مش هيخاف برضه
قولي له أنك حتكلمي كبار العائله أو أمام المسجد اللي عندكم وتشوفي هم حيعملو ايش معاه وهو حيخاف من الفضيحه ويتعدل
كيف أحمي ابنتي عمرها 3 سنوات من أمها نرجسية خفي
شكرًا
هو مكلفش اي حاجة ابوه اللي كان بيدفع
الله يرحمه
عشرون سنه زواج و هده الأيام كل مرة يبحت في هاتفي اد كنت اتكلم مع رجال ما هو الحل و عامل صمت عقابي
اعملي باث ورد وخلي عندك حزم مش من حقك تفتح موبيلي في كلام بيني أنا واخواتي ممنوع تشوفه حجات خاصه بيني وبينهم كمان عندك صور ل اخواتك وصديقاتك بشعرهم ما ينفع تشوفهم
@@wafyaaahmedahmed8491 يبدا بالصراخ و التكسير اي حاجة قداموا افتح الموبايل و اعطيه له لم يجد فيه اي حاجة ويبقى يصرخ الله ياخد فيه الحق
ده مع اي شخص نرجسي من العيلة ..الطريقة دي ؟؟
تعبت نفسيا ومعنويا 😢😩💔
هو يحب ويعشق يدخل طرف ثالث .... الطرف الثالث اللي من جهته لاتقبلين ابدااااا حتى لو كان من اهلك لانه يختار ناس تشبهه لانه بكذا يشتتك عن الموضوع ... بس مثل ماقالت الدكتوره الله يسعدها ويحفظها اذا اضطريت طرف ثالث جيبيه انتي واللي تشوفيه انتي ..... شكرا دكتوره على كل شي ❤❤❤❤
الصمت العقابي بيكون فترته قد إيه
حسب تفاعلك معاه وحسب الشخص معاكي شووفي كل فديوهات صمت العقابي الاستاذة متكلمة كتير عن الصمت غير هاد فديو ❤
@@GofranMohamed-pn4ufلو بيكون أسبوع مثلًا هل ده يعني إنه نرجسي ضعيف ؟
👍👍👍
انا من رأى لو كانت فى البدايه يغور فى ستين داهيه وتسيبه وتشوف حياتها نفسها بدل ما يضيع العمر ويسرق فى نكد وغم وهم وصحة ضايعة وندم بعد فوات الأوان
كل كلمه قولتها بتحصل معايا بعدما قررت انفصل بسبب خيانته وكشفتها وانه اتجوز عرفى واشترى شقه تمليك وبيقسطها اديته وقود ايجابى كتيىر مكنتش اعرف التعامل معاه بيوصل لكده كتر الموده والحب بيقلبه عليكى حتى
بعد ما كشفته وجتله البيت عندى اكتر من مره
وطلبت الطلاق مرضاش وطلب اخويا عشان يطلق
كمت اخويا اللى مبيجيش عندى اصلا من ٣ سنين
حضر وم مقلتلوش على الطلاق خالص
كان عاملى صمت عقابى بسبب انى كاشفه
وبيقفل الباب عشان بحرمنى من طلعته البهيه زى ماما كوثر ما بتقول
ترددت انى اطلق لكن وقتها كنت تعابانه جدا وكان بيتلاعب جدا لدرجه انه كان قالب معايا وكشر وجاله تلبفون بيضحك ويهزر تعبت حضر اخويا اتفاجا جوزرى ومتكلمش معاه خالص ياباه وقعد يكوى هدومه وقاله اختك عايزهتطلق وانتى رامى عليكى اليمين من قبل كده مرتين عايزه تطلقى قولته لازم يبقا فى تفاهم بينا مفيش تفاهم قالى تانى عايزه تطلقى قولت اه رمى اليمين ومشى كان كل ده وهو واقف ماسك الباب
بس ومن ساعاتها وهو بيتعامل معايا انه مطلاقنى بقاله شهر ورافض تدخل اى حد ورافض يروح للمأذون وببقولى هاردك وقت ما يجيلى مز
👏🏻👏🏻
❤❤❤❤
❤❤❤❤❤❤❤❤❤❤❤❤❤❤❤
اخخخ يا دكتورة أنا بفضل الله ثم مقاطعك تعافيت لمدة سنة وحاليا قبل اسابيع حصلت لي انتكاسه ما ادري ايش سببها سبحان الله حسيت اني صرت اعتماديه على خفيف وقمت اعطيه شوية مشاعر وربي انه مايستااااهل أبدا لا طيبه ولا مشاعر والمشكله قال لي انك لا تحاولين تصيرين طيبه هذي الكلمة خلتني اتألم لاني بعد عشرة ١٧ سنه يظن ويشعر ويحاول اني أصير سيئة ويستخرج اسوأ مافيني … والله يادكتورة ختّمت مقاطعك واحس ابغى انهي علاقتي معاه ودي ينقلع لان كل ما فهمته واستوعبت انسى انه نذل ويقلب احاول كم مره اذكر نفسي وأنسى مع الاطفال وحاجاتهم ومافيه دعم أبدا البيت كله فوق راسي 😢💔لاحول ولاقوة إلا بالله العلي العظيم
بس الانتقامي مش بيتراجع وبياخد رد فعل تصاعدي يعني اي حاجه بيعملها بيكون ليا وقفة وبوصل له للانفصال وبعد كده يتحايل يرجع وبعدها يزود الجرعه غضب وشتيمة أقذر من اللي كنا هننفصل بسببها وممكن هو اللي يهدد بالانفصال بعدها وهو عارف ان انا أصلا مستبيعه
السلام عليكم ورحمه الله وبركاته دكتورة ارجوكي قوليلي أعمل إيه.... انا انفصلت الحمد لله و تخلصت من النرجسي البخيل الخبيث ربنا ينتقم منه يارب.. المشكلة هنا أنه رافع رؤية على بناتي بقالي سنتين أسبوعياً بيشوفوه وكل مرة خناق وكذب وقرف كبير وبالنسبه للشرطة هو ليه ناس فيها وانا اتبهدلت كتير ف مش هالجألها تاني المهم بناتي يتصرفوا إزاي معاه هما كبار ١٥ و ١٣ سنه طبعاً بيخوض في عرضي قدامهم و تشويه سمعه كبير وحتى هما برضوا بيتعبهم جداً جداً بنتى كانت بتحضر معاها كل فيديوهاتك والحمد لله بقت شخصية تانية بفضل الله ثم حضرتك ياريت تعملي حلقة عن الرؤية واللي بيحصل فيها وازاي نتصرف الناس اللي في النادي يحكمهم القوانين اللي هي أنهم جهة إستقبال مالناش دعوة في الأمور اللي مابينكم دي خالص اشتكيه في الشرطة ده ردهم ... وانا طبعاً عملت كده زمان اتحبست واتكلبشت وركبت البوكس وبهدله كبيرة
والله لو شافني حضرتك مبسوطه وبضحك لازم يقلب وشه ويستفزني لازعل واتضايق ولو شافني اصلا متضايقه وساكته لحالي تلاقيه بيضحك ويكرر وبردو يستفزنى
والله لو شافني حضرتك مبسوطه وبضحك لازم يقلب وشه ويستفزني لازعل واتضايق ولو شافني اصلا متضايقه وساكته لحالي تلاقيه بيضحك ويكرر وبردو يستفزنى
والله لو شافني حضرتك مبسوطه وبضحك لازم يقلب وشه ويستفزني لازعل واتضايق ولو شافني اصلا متضايقه وساكته لحالي تلاقيه بيضحك ويكرر وبردو يستفزنى