ازاي النرجسي بيدمرك عن طريق رابطة الصدمة

ما عليك سوى الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawtharsanad.com/
رقم واتس اب الحجز 00971568496791
لينك الواتس اب wa.me/message/...
ازاي بتتكون رابطة الصدمة وازاي تتعافي منها ؟رفض الأبناء لرابطة الصدمة مع الاباء
ازاي النرجسي بيشكل لك رابطة الصدمة وهل هو عنده العلم والذكاء اللي يخليه يعمل دة بوعي وبقصد ولا دي تصرفات تلقائية ؟ وازاي تقدري تتخلصي من رابطة الصدمة
أولا حقول لك رد العلم على نقطة هو بيشكلها بشكل واعي وهو للدرجة دي ذكي وخطير؟ العلم قسم النرجسيين لنوعين في الموضوع دة قال لك اول نوع دة غير واعي والدراسة بتقول ان النوع دة هو المنتشر او العدد الأكبر من النرجسيين ودول بيكونوا بيتصرفوا نتيجة لاليات دفاع نفسية وانماط تعامل اتعلموها طبعا من النرجسيين اللي كانوا في حياتهم سواء اب او ام او اجداد او أقارب مسئولين عنهم ،
النوع التاني ودة النوع الواعي ودول بيكونوا بيخططوا للحفاظ ع السيطرة والقوة داخل العلاقة ودة من ضمنه استخدام رابطة الصدمة لربط الضحية بيهم بشكل اكتر احكاما
طيب ازاي النرجسي بيشكل رابطة الصدمة ازاي بيكونها أصلا؟ احنا عرفنا رابطة الصدمة في الحلقة اللي فاتت وقلنا ان رابطة الصدمة تشير إلى العلاقة النفسية القوية التي تتطور أحيانًا بين ضحية ومعتديها خلال فترات الإساءة المتكررة. شوفوا حلقة امبارح الموضوع مشروح فيها بالتفصيل طيب ايه بقى خطوات النرجسي معاكي وازاي بيقدر يكون الرابطة دي اللي بتحتاجي لشهور عشان تفكيها
أول حاجة قال لك التبادل العاطفي المتقلب ودة شرحناه امبارح بالتفصيل السخن بارد وحب واهتمام وبراهم برود واهمال وممكن إساءة فتتكون دورة الامل اليأس
تاني حاجة هو في اول العلاقة بيقنعك انه بيحبك اكتر واحد في العالم وبعدين يقنعك ان محدش أصلا بيحبك غيره وان اهلك مش بيحبوكي وان ملكيش حد في العالم غيره ودي اسمها الاعتمادية العاطفية يبين لك ان هو المصدر الوحيد للتقدير والحب والقبول وخصوصا لو اهلك نرجسيين فهم بيسهلوا عليه المهمة جدا . ودة بيخليكي كل تركيزك على ارضاؤه والتمسك بوجوده عشان تحصلي على احتياجاتك العاطفية
ثالث حاجة التلاعب بلعبة الذنب والخوف ودول اخطر حاجة بيلعب بيكي النرجسي عن طريقهم لو سيبتيه حيموت او لو سيبتيه حينتقم منك وهو اضعف مايكون ولا يعرف ينتقم ولا يعمل لك أي حاجة ولو سيبتيه مش حيموت أصلا وحيروح يلاقي لك بديل لكن انتي بتكوني مقتنعة تماما بالكلام دة لانه بيزرعه في دماغك ودة بيزود الرابطة بيه
رابع حاجة بيهدم ثقتك بنفسك بالاهانات والتحقير والانتقادات الهدامة والمقارنات بفلانة وعلانة ولما توصلي لانعدام الثقة في نفسك تتخيلي انك مش حتقدري تعيشي من غيره
طيب انتي ازاي تقدري تتخلصي من الرابطة المسيئة دي بنفسك من غير مساعدة ثيرابيست ولا أي حاجة؟
قالك ياستي بقى اول حاجة انك تفهمي ان فيه إساءة بتحصل وان فيه تعدي حاصل عليكي وان بيتم استغلالك واذيتك ، وفي نفس الوقت تفهمي الرابطة دي اتكونت ازاي ديناميكية التعامل اللي اتسبب في الرابطة عشان تبدأي تتجنبي التفاعل مع الطريقة اللي بتزود الربط
ازاي يعني ؟ يعني دلوقتي انتي فهمتي ان طريقة السخن بارد اللي بيعملها النرجسي معاكي هي اللي بتزود ارتباطك بيه فانتي تبدأي تتجنبي التفاعل معاه لا السخن ولا البارد يعني لما يقول كلام حلو او يعمل أي هوفرينج استقبلي منه الفايدة ومن غير ماتصدقي ان دة حب دة نظام مكسب مكسب هو بيديكي حاجة قصاد حاجة يعني الهوفرينج دة بيعمله عشان عايز حاجة او عشان حيتبعه إساءة فتزيد الرابطة بينك وبينه فانتي لما تجمدي او تحيدي مشاعرك معاه مش حتتأثري بالهوفرينج ولا بالاساءة وعشان تقدري توصلي لكدة حتى لو ماتعافتيش تماما ممكن توصلي عن طريق التركيز الكامل للذهن ومراقبة افكارك ، يعني لما يعمل لك هوفرينج وتلاقي مخك بيقول لك ماهو طيب اهو وكويس هو بس اللي عصبي تردي عليه وتبدلي الفكرة انه لاطيب ولا كويس هو بيشتغل مكسب مكسب هو حيقل بتاني بعد وقت فوقي نفسك بانك تركزي مع افكارك وتبدلي الغلط منها فورا وخصوصا انك فهمتي وعرفتي الحكاية ، ولما يدخل في الإساءة حتقدري تعملي نفس الكلام لازم قبل ماتتفاعلي تراقبي افكارك اللي بتثير مشاعرك فتنفعلي مع الموقف ، فكري الأول وانتي برضه فاهمة انه قاصد يضايقك وانتي مش مفروض تديه اللي هو عايزه ، الموضوع حياخد منك وقت بس بالتدريب حتقدري تتخلصي من الرابطة الناتجة عن التقلب العاطفي
طيب بالنسبة للرابطة المتكونة نتيجة الاعتمادية العاطفية فدي لها طريقتين الأولى انك أصلا تتخلصي من الشخصية الاعتمادية لانك لو اتخلصتي منها مش حتعتمدي أصلا على حد عاطفيا انتي حتمنحي لنفسك الحب والقبول ودة بيخلي الناس أصلا تحبك وتقرب منك وتقدرك نتيجة طبيعية وتلقائية لتقديرك لنفسك وكمان نتيجة طبيعية لقربك لربنا لان احنا اتفقنا ان افة الشخصية الاعتمادية بتتلخص في الإخلاص اخلاص النية لله فلما توصلي لاخلاص النية لله خلصتي من الاعتمادية العاطفية وقربتي من ربنا وربنا حبك وكفى ، واذا حبك الناس حبتك فانتي محتاجة تشوفي سلسلة الشخصية الاعتمادية وخصوصا اخر حلقتين فيها
طيب تالت حاجة محتاجة تعالجيها عشان تكسري رابطة الصدمة انك تتخلصي من الشعور بالذنب تجاه النرجسي والخوف من النرجسي ودول برضه عندنا فيهم حوالي اربع فيديوهات وحدور لكم على كتب في موضوع الذنب دة واعملكم سلسلة عن الخوف والذنب ان شاء الله
اخر حاجة بقى الثقة بالنفس ودي انتي لازم تعالجيها مش عشان النرجسي ورابطة الصدمة وبس دي عشان انتي وعلاقتك بنفسك ، ثقتك بنفسك حتفهمك حدودك واستحقاقك وبشكل تلقائي حتلاقي نفسك رافضة أصلا الرابطة باي شكل من اشكالها
#صحةـنفسية #القوة #الاكتئاب #النرجسي #النرجسية