Торгууд нутаг I Батчулууны Базарсүрэн I Төгөлдөр хуур Энхтөрийн Цэндсүрэн

Торгууд хөвүүн билээ л, би... Хүүхэд ахуйд хөгшин аав минь цагаан алчуураар толгойгоо ороочхоод л алхаж явдаг сан. Одоо аав минь хааяа нэг толгойдоо цагаан алчууртай харагддаг. Нэг тийм дулаан, ээнэг... ❤
"Торгууд нутаг" дуу чухам хэзээ зохиогдсоныг эрээд олсонгүй. Төрсөн өдрийнхөө тоглолтыг Торгууд түмний үүсэл гарал хийгээд хэрхэн эх нутгаа тэмцэн нүүж явсан, одоо хаана аж төрөн суудаг тухай яриагаар эхлүүлсэн юм. Үүх түүх, удам судраа өөрийн хэмжээнд судлах юм сан, чадал хүрвэл бичих сэн гэж их хүсдэг дээ.
Монгол орны баруун урд хязгаар, уулс, үүлсийн дундах энэ буйд сумын нэр нь Булган. Сарьдаг өндөр уулсаар хүрээлүүлсэн энэ нутагт аав минь, аавын минь аав, аавын минь аавын аав гээд бүгд энэ нутагт хүй цөглөсөн гэдэг. Олон ястны өлгий Ховд аймаг цаашлаад Монгол орныг бүтэн болгож буй нэгэн эд эс нь. Буйдхан ч гэлээ Булган сум минь хэлтрээд ойчвол бүрэн улс минь өрөөсөн булан нь унасан бяслаг шиг болно. Бүрэн бүтэн байх гэдэг бидний хувьд хамгийн эрхэм хүсэл билээ.
Булган сумын төв, Улаанбаатар хотоос 1855 км, аймгийн төвөөсөө 385 км алс. Баруун талаараа Хятад улстай, зүүн болон хойд талаараа өндөр уулсаар, урд талаараа говь, алтайн салбар уулсаар хүрээлэгдэн оршдог. Түүхийн шаргал хуудсыг 249 жилийн өмнөх рүү эргүүлбэл Ижил орчмын их тал 1771 оны 01 сарын 05-ны өдөр дурайна. Дорныг чиглэсэн Европ-Азийг дамнасан нүүдэлчдийн түүхэн дэх хамгийн богино хугацаанд, хамгийн олуулаа хийсэн Торгуудын их нүүдэл. 4000 км урт холын аянд 33000 өрхийн 170.000 хүнтэй их нүүдэл. 1630 онд торгууд аймгийн тэргүүлэгч Хоо өрлөгөөр удирдуулан Тарвагатайгаас, Ижил мөрний савд нүүдэллэн нутаглаад 141 жилийн дараа эх нутаг руугаа эргэн нүүсэн юм. Тэр жил Ижил мөрөн бүрэн хөлдөөгүй учир Ижлийн баруун эргийн дөрвөд, хошууд голдуу 11198 өрхийн 57000 хүн Увш ханы удирдсан гол хэсэгэйгээ нийж чадаагүй гашуун түүх бий. Гэвч тэд хожмын Ижил мөрний Халимагууд хэмээгдэж Европ тив дэх монгол угсаатны түүхийг нэр төртэйгөөр бичиж яваа юм.
Дүн өвлөөр тэмээдээ ачаалж, хүнд хэцүүг туулсаар эх нутгаан тэмцэж ирсний хойч үе нь бид. Хэний ч санаанд багтамгүй их нүүдэл. Эр зориг, эх орноон тэмцсэн гал халуун хүслийн ундарга байсан бизээ.
***
Миний суваг:
/ vajra.mn
/ vajra.mn
Ном болон аялалтай холбоотой:
/ vajra.traveler
/ vajra.travel

[@lulumgl]

Ардын дуу, уртын дуу төгөлдөр хууртай ямар тансаг хосолдог юм бэ! Сайхан дуулжээ 🎉🎉🎉

[@oyunjargal.m364]

Saihan nutagaa ymr ih sanaj bainaa🥹 bayrlalaa😊udahgui ochndoo nutagtaa 2024;08;04 🇰🇷

[@Eldev-OchirTumur-Ochir]

Сайхан дуулжээ

[@ghilyanadordzhieva7675]

Ачта!

[@user-mc3ij4en6p]

Нутгаа бүүр саначихлаа баярлалаа

[@ganchimeggurragchaa7601]

Ямар баялаг ертөнцтэй хүн юм бэ Сэтгэл нь тал шиг сүү шиг Үр дүн чухал уу, Арга зам чухал уу гэвэл 2-уулаа чухал гэж бардам хэлээд өөрөө тэрийгээ батладаг хүн юм шиг ээ

[@seanpyo]

역시 바츠라 노래 좋다.