#MM
HTML-код
- Опубликовано: 24 авг 2024
- #MM #700萬種生活 // 90後跌落樓梯意外發現漸凍人症 被母嫌棄 前女友離開歷大起大落人生 打機識網友變死黨 齊打War Game 網上識女友開IG記錄日常 肌肉萎縮暴跌30磅 自理三餐起居飲食
第一次見Kenny是在將軍澳一家海傍餐廳,衛衣運動鞋和背包都是湖水綠色的,架著一副時興的文青眼鏡,一身鮮色打扮格外精神,電動輪椅利落地在餐桌中穿梭。餐廳屬自助形式,他點餐後二話不說駕著輪椅往餐廳自己取餐,後來認識久了,也慢慢習慣他總在別人伸出援手前,已自行完成大小二事,「我不喜歡麻煩到別人,所以所有事都盡量自己搞定。」
5年前,Kenny因為一場跌倒在樓梯的意外,確診患上漸凍人症(肌肉萎縮症)。漸凍人症被稱為世上五大絕症之一,是一種因染色體基因突變,令運動神經元退化,無法醫治的疾病。患者肌肉會日漸萎縮,嚴重者會吞嚥困難,呼吸功能退化,無法說話,身體機能亦會慢慢衰退而癱瘓,一般患者平均壽命約有5年。
根據腦內科醫生估計,香港漸凍人症患者約有萬多名,這令患者失去活動能力,軀體彷彿漸漸冷凍起來的病,在Kenny 25歲時突然降臨在Kenny身上,令他經歷了如戲劇般的人生。「醫生說肌肉有病變,但至今仍未確認是哪一個種類,但確知的應不是遺傳。確診那一天我呆住了,回家後蓋著被子放聲大哭,在想為甚麼會是自己。」
自中學起父母常不在身邊,多年來Kenny跟比他小一歲的弟弟一起生活。「現在很多時候只有我自己一人,弟弟早上9時至10時已經出門工作,到半夜才回來。我跟弟弟各有各生活,我都不想阻礙他,加重他負擔。」旁人眼中這病症需要別人貼身照顧,而Kenny至今起居飲食都是自理。因為肌肉日漸萎縮,筋骨關節變得軟弱無力,Kenny在家中長備一張方便他走動的「碌碌椅」,但因為廚房、洗手間的門檻仍未拆掉,他得扶著牆壁和傢俱勉強用雙腳走進去。「試過家中沒有人時跌倒在地上動不了,被迫要跪在地上慢慢爬回房間,弟弟要上班也沒辦法,唯有當是練習,有甚麼意外都能自己處理。」
Kenny現在一年大約覆一次診,有時醫生上門家訪,但現階段暫時沒有藥物或特別的物理治療,「醫生說物理治療幫助不大,病程都是會一直惡化。」17歲就輟學出社會工作的Kenny,多年來做過酒樓、茶記、日式放題、西餐等不同餐廳,練得一手好廚藝,喜歡美食更喜愛烹飪,原來希望儲錢開餐廳。然而這幾年開始無法工作,每月靠7,000多元傷殘基金及綜援生活。「交了水電、煤氣費、寬頻費、電話費,當一天吃兩餐 一天100元,一個月都3,000多元。加上Netflix、Disney+ 等雜費,每月花費千多二千元,可能有些花費不是必須的,但對我來說每天家中渡日,沒有娛樂每天只能躺床上過日子。」
Kenny形容小時候有頗快樂童年,小學曾跟弟弟到美國讀書,姨媽和媽媽每半年輪流去一次照顧他們。「在美國基本上就是玩樂,去滑雪、去拉斯維加斯,最後因為我在美國發生車禍醫藥費太貴,所以回港。」Kenny回憶起回家後再沒見過爸爸,母親後來也改嫁建立另一家庭,中學起已自立生活,龐大的孤單感有時令他胡思亂想,他笑說,小時候看《一公升的眼淚》(一套關於漸凍人症的日劇)想像如果自己有這個病,會否令身邊人關心自己多點,誰也沒想到會一語成讖,但卻並沒換來他曾滿心期待的關注和照料。「初期我坐輪椅時,媽媽會覺得為甚麼我要外出,經常說我阻住地球轉,其實都算是打擊。為甚麼跟劇中情節差這麼遠?」
患病前Kenny最愛打War Game,自小喜歡槍械的他本來有不少珍藏,自從再走不動,就將槍和裝備全賣走,跟自己興趣漸行漸遠,平日只能在網上玩槍戰遊戲排解寂寞。然而在情緒最低落時,他在遊戲世界認識到一班網友,由Online打機到開深宵頻道傾偈,到相約打邊爐,更成立了他們War Game發燒友的「大型約炮群組」。「打機時他們會說:明天載你去打War Game!我說我又玩不到,載我過去幹甚麼,他們總會說見見大家嘛。我們他們想我跟其他朋友接觸多點,不想常躲在家自己消沉。」Kenny笑言。而這次拍攝,我們亦特地聯絡了他們常去的Red Zone War Game場,特別準備了個可讓輪椅人士使用的場地,讓Kenny享受一場久違的槍戰。
面對就業Kenny亦有不少困難,近年他曾經做過協助製作發聲書的Freelance工作,但這類技術不高的兼職不常有,所以他上網自學剪片,報讀課程學習3D繪圖,希望未來有機會在家亦能做到簡單工作。「因為我讀書不多,中四未畢業,所以可找的工種少之有少。」去年他跟女友開了專介紹輪椅人士吃喝玩樂好去處的Instagram專頁,生活開始有些新衝擊,「像迪士尼樂園,我們去完發現原來很多設施輪椅人士都玩得到。讀者跟我們說看了介紹才知道,多謝你介紹,我覺得好開心,感覺真的幫到人。」
Kenny跟女友在Facebook認識,當時他在一個輪椅人士的帖文留言講述自己經歷,女友瀏覽看到留言後私訊他,二人開始打開話匣子,後來更成為情侶,一起經營90後輪椅情侶的專頁,記錄日常生活,近日更開始拍片放IG,希望日後有機會經營RUclips Channel。「始終我的病不是先天的,是後天發病,有時都頗想念以前仍能自由走動的日子。可能是天注定,盡量叫自己接受,平常心面對。我自己比較負面,但很想給別人正能量。」
策劃:Phoebe 王秋婷
拍攝:蔡政峰 鄧欣 張志孟 潘志恆
剪接:蔡政峰
監製:甄俊宇
#漸凍人症 #漸凍人症狀 #WarGame #肌肉萎縮
#90後 #迪士尼樂園 #打機 #王秋婷 #MM_Phoebe #MillMILK
___
立即成為 MM Member 啦,每月只需 HKD 40 咋!傳送門:
/ @mm.millmilk
*建議使用電腦或手機瀏覽器登記,因為目前無法經 RUclips APP 登記成為付費會員
____
MM Website: www.mill-milk....
MM Instagram: / mm.millmilk
MM Facebook: / mm.millmilk
____
CHUCKY|@chuckyching
/ chuckyching
PHOEBE|@phoebe.unprofessional.journey
/ phoebe.unprofessional....
ELAINE|@elaine_wow
/ elaine_wow
京|@phaedruslam
/ phaedruslam
KAREN|@karen__yukiu
/ karen__yukiu
SAM|@midwin_
/ midwin_
阿朗|@mm_longgg
/ mm_longgg
NATALIE |@nataliewwong
/ nataliewwong
APPLE | @apple.hiufung
/ apple.hiufung
Kenny故事源自一位社工介紹我認識的輪椅朋友Gary,他原本在外國讀書,志願是當記者,但大學時突然患上罕見病,令他全身只有右手能動,意識清醒,但無法活動和說話,平日只可用iPad 打字跟家人朋友溝通。他很喜歡看MM,更有心地寫下一些題材希望我們有機會拍攝。Gary其中一個常看的專頁,正正是Kenny和女友開的輪椅情侶IG Page。謝謝Gary無形的牽線,希望這故事能道出你一點心聲。
這不是個單純的正能量故事,裡面更多的是殘酷無情、怨恨無力、有對命運的叩問,但也有情義和幸福。
人生總有好多面,逆境不一定要自強,軟弱不一定要有勇氣,低谷不總會有奇蹟,但再悲傷的人生都會迸發出能量,令人有活下去的力氣,絕地反擊,感染到人。
謝謝Kenny願意分享有血有肉的經歷,希望你繼續享受喜歡做的事,繼續用VIP卡在War Game場橫掃千軍,繼續拍片分享自己故事,期待你有日RUclips亦有片出,因為我知你已經唔怕再對住鏡頭講嘢!🤣
Kenny和女友的IG: 102225.couple
90後輪椅情侶
另外要謝謝red zone安排無障礙設施,本身我哋都冇諗過做到,如果有輪椅人士想打War game,都可搵佢哋😀
amazing thank you Phoebe! you have done a great job !!!
多謝呀 好感動 好有愛
笑著流出眼淚
想問下KENNY IG係咩呀? 謝謝
多謝MM 多謝Phoebe
多謝你哋分享這一個故事。漸凍人係一種無情而且令人無奈無助嘅一種病。本身冇藥醫,政府冇咩資助同埋支援,很多時候也是靠著病患/ 家屬/ 一眾義工自發自助,肌腱會係其中之一。
佢哋身體一直會轉差,仲有越嚟越多儀器會插上身,仲有因食唔到嘢而有嘅胃造口…對患者及其家屬身心嘅壓力真係外人好難了解…
希望政府及各界人士多關注社會上這一羣需要幫助的人,令他們可以更能融入社會,也希望真的有一天有藥物可以控制病情😢
A truly inspired episode for all of us to learn how a physically disabled young men facing uncertainty with optimism. A lot of respect for Kenny and his selfless girl friend. Thanks MM and Phoebe in planning this wonderful episode for all of us!
Kenny啲friend係真正朋友,祝福Kenny同女友開心,多謝Phoebe同MM拍呢集,多謝你哋關心幫助比社會遺忘嘅人,💜
未來已經屬於他們. 總有一天,我們也會變老。 我已經 40 多歲了。 那麼誰會支撐這個世界……如果不是他們……作為一個團隊在一起 ?
現在是時候接過接力棒了. 當然,如果這是他的計劃……那麼他必須想辦法結婚生子. 有一個好的5年計劃,是一個好的開始. 我們不知道我們能走多遠. 但首先邁出第一步很重要...
"一位社工介紹我認識的輪椅朋友Gary,他原本在外國讀書,志願是當記者"
@@MeiinUK 患難見真情,識到咁好既朋友同女朋友真係好難得
mm 依d片好睇過平時d on9同事片
Kenny唔知點解留唔到言,我幫手轉達一下:
我叫Kenny呀
多謝大家支持呀
我會努力剪片,但係剪得慢俾少少時間
我會努力整多啲片,拍多啲片俾大家睇多啲資訊 希望會幫到大家啦
萬分多謝大家🙏🏻
我youtube 會呢個帳號出影片
Ig就102225.couple
🤣你冇幫佢貼多次youtube帳號...
斷估
輪椅日常KeNNY
@KeNNY-uk2ih
期待你的作品😊
我唔係漸凍人症,而我係一個強直性脊椎炎嘅病患者。
我曾經試過發高燒體溫104度入急症室,但我唔係發燒感冒,而係我全身關節都在發炎令我體溫非常高,我明白慢慢發現自己身體活動能力轉差嗰種感受,而我本來嘅婚姻都係因為呢個病而破裂,當時嘅太太選擇離開,但我覺得「我哋好艱難咁做到一啲平常人做到嘅嘢」,其實呢一份用力,我係可以感染到其他我身邊嘅人。
Kenny,一齊加油💪🏻
你都要加油呀!
一齊加油😁😁😁
加油💪🏻!!
加油
要安好 Raphael🫂
啲網友好有愛,另外都要祝KENNY同女朋友永遠幸福快樂
我有個朋友都係漸凍人,他已七十歲,應該係四十多歲開始發病,噚日我見過他!他說叫我留言~提Kenny 一定要每日企下,練下條腰力💪🏿
Kenny有一班咁好咁善良嘅朋友真係好好,好難得。Kenny加油,做RUclipsr或者經營social media都可能可以幫補到生活,而且你又有興趣😊 可以參考吓台灣有個RUclipsr叫 chairman椅人。
我未婚夫一年前亦都確診咗漸凍症,想響呢度分享一下呢個病嘅資料,好讓大家多一啲認識。
依個病其實並唔算太罕見,美國每一年就有5000個人確診,響美國每90分鐘就有一個人死於漸凍症,而大家覺得呢個病係好罕有,其實係一個錯覺,原因係患上呢一個病嘅人,平均壽命由確診到死嘅一刻,大概只有三年。死得快,問題就變得冇存在感。唔似癌症,以現今嘅科技有好多生存者可以講自己嘅故事。
而呢一個病係我認知以黎一個最絕望嘅病。例如乳癌,五年嘅生存率有成98%,而且好多癌症都係有得醫。但係漸凍症嘅死亡率係100%。
呢個病咁絕望嘅原因係
原因一, 90%有呢個病嘅人都唔知點解會發生,唔知因為乜嘢原因。只有10%係遺傳。(肺癌嘅可以怪自己食煙,肝癌可以怪自己飲食唔健康)所以就會出現好似Kenny嘅情況一樣,每日都問點解會向自己身上發生。
原因二,呢個病冇直接嘅測試可以直接測試到,(例如癌症可以做biopsy, 心臟病可以照到出嚟,愛滋病可以驗血)如Kenny所講,「暫時以我所知,係肌肉萎縮症」,其實佢都唔係好清楚。確診主要係基於所有病都唔係,咁唯一最後剩返嘅可能性就係漸凍症。所以一般嘅人經過好多波折,見咗好多唔同類型嘅專科,最後先至得到一個最後嘅確診結果,好多時都花上幾年嘅時間,而呢幾年嘅時間係一個折磨
原因三,冇藥可以醫治,暫時美國只批准四隻藥,而呢四隻藥全部都只可以延遲症狀,對於病情本身基本上係冇任何治療作用,大概食咗係比多兩至三個月命你咁樣,一般嘅人只係得三年命,比多兩三個月命你,其實係好可悲
原因五,有一部份漸凍症嘅人會開始有記憶衰退,但係大部份嘅人個腦係好清晰,依個病就好似一個靈魂比一個枯乾緊嘅身體困住一樣,而且每一日都要面對窒息,或者會被哽死嘅恐懼
好希望多啲人認識呢個病,從而令到多啲人關注呢個病,令到多啲科研可以喺呢個病度搵到原因,從而搵到可以醫治呢個病嘅方法
因為差唔多10年前既冰桶挑戰開始留意ALS,當時認為最得人驚都係防不勝防&無藥醫&不可逆轉嘅惡化。
不過五年死亡率又未絕望到100%嘅,舉霍金例子可能太極端,但有部份個案都有十年八載,留言都有位人士話發病差不多10年。
可惜嘅係好似你所講, 0:37 提及萬多名患者應該講緊歷史累計,太少人(相對上, 可能一千/幾百?)喺同一時段內患病,
而目前又無得醫,政府自然唔想投放咁多資源 (更何況現今啲資源分配...)
好希望各個地方/國家都擺多啲資源喺醫學研究,盡量減少不治之症。
唔識點去安慰人,願你倆順心❤
其實昵個病,最恐怖唔係死亡,是身體移動能力一日一日差,亦都唔止三年壽命,你睇Steve hawking ,成世人都行唔到,佢大學時代已經發病,好早期已經全身肌肉旭唔到,幾十年了,仲要全球都有人發病,一定是遺傳的,仲要是由父系社會遺傳機會率大D
仲有肌病萎縮症,都分好多種類,mnd als….
我中同都有呢個病 我諗大概10年前同佢食飯得知 當時佢仲可以用拐杖行路 講野好似中左風咁 但最可怕係佢思想完全好正常冇退化
之後都有聯絡一排但冇再見過
然後呢7 8年 搵佢都冇覆過
😢其實都知應該係咩事 我只希望佢唔再係好清醒咁困係一個完全動彈不得既身體入面就好
@@Veron_hk 冇希望,米幻想,是行動不便,拗痕都冇力,轉身都要靠人,不能亦轉,有呢個病,比死更難受,同植物人冇分別,植物人只係西醫話佢冇思想,西醫夠叫你打針啦,而家晤會信
每次睇phoebe 既片都覺得好溫暖好有愛,係香港呢個咁負面社會下有種帶到光明感覺❤
祝福每個係鏡頭中主角❤
睇到好感動, 好佩服Kenny有咁大勇氣同正能量.
希望佢可以做自己想做既野, 分享自己既經歷去幫助其他人, 加油~💪
睇到鼻酸眼濕濕
為kenny 開心有一班好兄弟
MM好有心
特別為kenny 申請安排輪椅人士專用場
人間有愛
Uncle份人超好,祝你地大家友誼永固
唔好讚我 我會怕醜
@@jasonc462 記得多d捉佢去玩
@@why-dh5fy 已經成日玩😂
@@jasonc462 希望佢開開心心
@@jasonc462 你超好人
Kenny, 你好犀利! 有好多人四肢健全,牛高馬大都唔識照顧自己, 亦都冇顧及人哋感受, 你嘅積極同埋樂觀嘅態度,向呢條片裏面令人感受到你對生活嘅熱情,完全冇浪費每日嘅生活!
MM 呢年作品越嚟越出色,已不止一次讚你地。睇得出搜集資料,拍攝,故事講述等,全是花了不少心機。希望你地繼續同香港人走下去,努力💪🏻
多謝MM 介紹Kenny 我哋識,呢位年輕人嘅生活態度實在令人敬佩!願政府能早日資助罕見病患者医藥費,讓你們早日獲得治療。願主保守🙏🙏
政府近年不斷cut醫療預算,仲點會資助罕見病,不如求下個多天中六合彩好過
🙏🙏🙏
看完都覺得很心痛,但係同時間又覺得Kenny好勇敢,好樂觀。希望你接下來的日子可以過得愈快樂!
我覺得佢啲friend真係好夠雷,女朋友又忠心,比我真係死而無憾
Kenny聽到你喺面對呢個病嘅時候,雖然行動不便,但係你都會盡力去嘗試,仲會去諗搵一啲自己能力範圍內可以做到嘅工作,去上堂學習,我覺得真係好感動🥹你嘅故事令更加多有相同困境嘅人得到動力,活出自己人生!
我上個月骨折,到而家仲要靠拐杖行路,邊度都去唔到,喺屋企乜都唔做淨係食玩瞓🥲成日因為唔可以正常行路所以好傷心 依家聽到你嘅故事 覺得你咁積極面對 我都唔可以放棄!
唔知你會唔會睇到comment 不過都想同你講聲 多謝你🤍
你都加油呀 其實座輪椅唔得人驚 得人驚係出街其他人既眼光🥲
我都試過骨折,大概4至5個月後,完全可以正常行路。加油!
@@KeNNY-10 Kenny 你真是一個積極, 有愛心又正能量的好人!你自己正經歷艱難, 也會用愛心去鼓勵別人!
你的見證讓我相信人間有愛有正能量!
願神祝福您每天過得平安喜樂, 克服每一個生命的挑戰!🙏🙏🙏
看見有些留言有點酸 要是身體狀況可以 Kenny 一定會想工作 享受想做的事 生命有限 Kenny你只是比我們更早知道自己的限期 你很堅強也希望你享受當下
超欣賞MM, 唔單單訪問kenny, 當中仲推動佢achieve平時想做但未做到既事。
超欣賞kenny好堅強, 身邊好多天使support, 祝福你同女朋友一直幸福快樂!
生命無常, 可能某時某刻會突然終結。願我地都好好過每一日,凡事看輕點,珍惜同愛既人相處的時間
Kenny, 你雖然患病,但你有一班對你好好既朋友同一個支持你愛你既女朋友,你不是不幸而係幸福,因為在你逆境中仍然有人愛你不離不棄與你同行,祝福你❤
Kenny好堅強,是父母不肖,靠自己爭氣
結婚生仔真係要考牌~
配,漸凍人,冇依靠🥺
好佩服, 他好堅強, 好彩他有女友, 和一班老死陪伴佢, 其實他都算生得五官端正, 斯斯文文, 都幾靚仔, 就可惜他忠了這病, 希望他堅強地生活落去
睇到好感動,Kenny真係好叻仔,加油!一班有情有義的朋友,女友的支持,弟弟默默付出,每一位都令人感動!祝福Kenny平安喜樂!
提供器材,教識技能,真正長遠嘅協助
MM 👍👍 無論概念、策劃 以致當事人感受,觀眾嘅讀後感,想分享嘅正面,真係好好。
Kenny, 請加油做你想做的事 好多香港人會支持你!
多謝MM 睇完呢條片我真係好感動 好想喊
主要係比Kenny感動到
會覺得比起我呢種所謂冇痛冇痛嘅人 Kenny勇敢正面得多
如果我面對同一狀況,一定對生活有好多埋怨 唔會可以好似Kenny咁去面對每一日
或者我睇完段片 對於自己而家嘅生活態度有所反思嘅諗法 只係三分鐘熱度
但係呢段生活故事帶比我嘅感動 會一直存留 唔會忘記
感謝MM你地拍出呢一段生活故事
感謝你地去努力 照亮不同人嘅生活
呢班綱友用行動話咗比人知,喜歡打Game 唔一定係費青,個個都好好人好有善心及愛心,呢份関懷及愛心真值得大家學習。
看完小編留言,原來有位指路人Gary,謝謝他、製作團隊、Kenny和身邊所有人,MM片好睇之處唔係要賣慘,而係啟發好多人,自己健健康康活著唔係必然,善待自己,多關心身邊事身邊人,在有能力範圍下幫助有需要既人,才能不枉此生。大家都加油 💪🍀
多謝Phoebe 帶給我們Kenny的故事,非常感動,正面能量簡直爆燈。Kenny正面的人生態度教我們要學習,努力做自己想做而又做到的事。希望政府能提供多點資源給予這群被遺忘的人,令他們可活得更精彩。
Kenny 加油!
MM好有愛,唔係單純為拍片或者所謂既記錄片,而係真心由受訪者角度出發,用3日了解佢地真正需要再幫助佢,少少器材相信唔值幾多錢,but it meant a lot to Kenny❤
同時間相比隔離既林x, 呢d先係真真正正既同理心。
真係好欣賞Kenny呀!我老公有病時40歲,視力得幾乘,佢收埋咗自己9年了,希望Kenny繼續享受人生,吉人自有天相
香港正正就需要呢啲大家去了解唔同人既故事。
好人好事,予其咒駡世界上的荒謬不公義,不如為世界發光發亮。
感謝MM 團隊 帶出社會故事,
而唔係娛樂到死的無謂劇集
Kenny 嘅死黨真係唔話得,以正常人對待佢,維護返佢嘅尊嚴。
我把整個影片都看完了,這是很感動的一集,我的親戚也是在退休的時候才罹患,後來又過了好幾年,就離開人士了,雖然台灣有很好的健保制度,醫療保險也很好,但是家人照顧起來也是相當辛苦,一個人要照顧自己真的不簡單,上帝保佑你,醫治你的身體,平安!
支持你地個小願望新系列,香港人加油,MM 加油
多謝kevin支持!🫶🏻
呢d就係作為傳媒嘅影響力 傳播愛、關懷弱小嘅信息 互相成就 多謝MilkMilk ~加油呀Kenny
多謝phoebe 拍左個好勵志的故事, 睇完Kenny的故事好鼓勵到我! 我大學之後眼睛的遺傳病開始發作, 視力退化到兩成。 雖然生活無問題, 但有時候都會因為自己的病好唔開心,特別是最近呢半年。 昨晚睇到Kenny 個故事, 發覺拒真系好堅強。 我真系被拒的故事鼓勵左,吾再覺得自己無用。 Kenny , 多謝你
@@Cie548 兩成視力 未符合資格
加油💪💪
身同感受,同一種病,同一種諗法,我23歲發病,比較幸運的是差不多10年 仍然可以步行,但步姿古怪,生病唔緊要,辛苦既反而係旁人既目光
🫂🫂❤❤ 祝福你啊
別人未必係歧視,可能見你行得辛苦,所以留意下你需唔需幫忙,祝福你❤
希望你個病唔會惡化咁犀利,加油
我明白你感受😢
@@leungkayeeiris4227 可能係但可惜感覺好主觀,不停望足10幾秒 正常人都會覺得唔舒服
生命影響生命 多謝MM一直用心做好作品
多謝Iaam
好好的題材,Kenny 加油,香港嘅醫療制度、設施幫唔到你,但相信會有好多香港人願意關心你、協助你、支持你!
我都係30歲左右,10年前我媽咪確診左漸凍人症,當年中醫、針灸、腦神經專科、物理治療乜都試過。由對腳無力,到對手,之後食嘢無力,講嘢無力,臥床1年左右,到最後呼吸無力,肺炎感染死。當時佢插胃喉,尿喉,抽痰機,呼吸機,好痛苦,要2個人先夠力照顧佢,醫療用品連工人開支每個月差不多10萬。由確診到最後經歷3年左右,當年我都係全職貼身照顧佢。好彩我後來讀返書,做返嘢,創埋業。我想同Kenny講,有咩想做好去做,有得去旅行就去,留多d回憶。諗下搵d被動收入,政府津貼少得可憐,有時唔好怪屋企人,因為呢個病好痛苦,好燒錢。你可以搵下香港肌健協會,唔知仲有冇基金申請,我見過有病友堅持左10年。最後希望你繼續堅強同開心💪🏻💪🏻
呢集好感動,多謝Phoebe同製作團隊,遺愛香港,唯愛香港
多謝MM主動去帶大家認識同了解多少少社會上唔同有需要嘅人,真真正正盡到一個媒介嘅社會責任🫶🏽
KENNY,同埋其他素未謀面嘅大家,希望透過呢個comment可以同到你哋講聲加油💪🏽 你哋嘅努力同堅持,亦會鼓舞到好多人,多謝你哋👍🏽
令人感動,Kenny無怨無恨,只淡淡地道出他的經歷。
希望他和女友的愛情開花結果,朋友的友情永固,未來生活幸福快樂。
佢自己悲觀係一回事,但係你唔可以俾佢悲觀。
聽到呢句好感動
有班咁ge朋友 很幸福
今集睇到好感動,聽到Kenny講自己係一個好悲觀嘅人,但都希望俾到正能量其他人,我相信好多人睇完呢條片,無論係佢哋有類似嘅情況又好,或者正身處人生嘅低谷又好,或多或少都會被你感染到,而呢一份影響力相信都會繼續傳播,亦都希望Kenny加油,拍多啲片,繼續以生命影響生命 💪🏻
有冇得捐錢想俾啲支持佢,加油唔好放棄,做自己鍾意嘅嘢開心活在當下就可以了👏🏼
我都想幫忙下
我都想
與其直接金錢援助,不如支持下佢做緊既野,佢用自己一雙手賺返黎既錢相信對佢既意義會更大
如果要幫忙Kenny打針醫療費用,我好樂意幫忙盡少少力🙏🙏🙏
好有愛,充滿正能量的一條片,Kenny加油呀,繼續做你想做的事,亦多謝Mill MILK用心的製作。
好想同Kenny講一聲:加油!💪🏻只要一日仲未死都仲有希望!衷心祝福你有機會接受到治療❤
1.首先佢真係非常非常好彩,我諗應該超過9成殘疾人士冇可能發病後係識到正常朋友多過輪椅朋友,更枉論識到正常女朋友,正常朋友重要甘接納佢
(提提位朋友仔唔好踩甘多佢部輪椅,好易壞車)
2.15:35 建議更正講清楚番應該係關愛基金既支援項目+綜援 (因為傷殘津貼同綜援冇得一齊拎)
3.14:50 其實如果領緊綜援,可以向社署申請資助請工人
多謝Kenny 願意分享自己嘅生活讓大眾明白多一啲啲!
多謝MM & Phoebe 開展小小願望系列!
支持支持!
Thanks,mm Kenny & Gary, 同上次訪問呀Max嘅內容一樣令人感動😭好感謝您地主動去投入Kenny嘅生活,由thumbnail開始已經好positive,仲短時間內幫Kenny踏出第一步添。當然最抵讚係張永久會藉同拍片工具,令呢個訪問嘅「效力」延長。我感覺到Kenny enjoy呢個訪問,個人亦向上積極咗。well done
每個人都有需要同被需要嘅時候,Kenny您內心溫熱堅強,希望你同身邊人加埋坦克aka烈火戰車繼續為我地發掘多啲世界嘅美好,多啲令我地見到你內心嘅陽光☀️活係呢個世界我地其實都係戰友,怕咩麻煩尷尬
多謝MM 又做出一個咁出色嘅故事。世界好冰冷同灰暗,需要多啲有溫度有彩色嘅故事。
Kenny 嘅朋友好有愛,睇到好感動。我相信Kenny 一定有其過人之處,先可以交到咁好嘅朋友同女朋友。 希望Kenny同其他朋友、女友 一切安好。期待MM 更多出色嘅故事。
面對不可抗力的困難,Kenny還是選擇餘下可能性,700萬種生活 ,就係選擇和可以
睇完成條片,覺得Kenny真係好西利,沒有自暴自棄,反而仲開page教大家可以點樣去繼續享受生活。 睇到好感觸 多謝Kenny,多謝MM
感謝Kenny亦感謝MM原汁原味嘅分享 無煽情 無修飾生活嘅難處 就係呢份真令到我都被影響到 想自己向Kenny學習係逆境情況下 一步一步嚟 接受自己負面情緒 亦盡力嘗試正面咁生活 加油!
多謝Kenny分享自己經歷,面對逆境仍然樂觀面對,隨遇而安!又有一班好友支持,不要放棄,信有奇蹟出現,祝你早日康復,每日過得好,做到你鍾意做嘅事,加油💪
Kenny 你好叻仔呀要加油😊!多謝MM,多謝你女朋友同D朋友仔咁有愛同義氣🫶🏻
努力💪加油,我知道你前面條路唔易行!但是好多人都在為你打氣,希望你和你女朋友開心過每一天,願主保佑🙏你。
Kenny,好欣賞你面對這個病,真係唔易容。同埋好彩你自己肯同啲game友講自己嘅嘢,識到啲真正嘅朋友,恭喜你!加油!
好感動❤當你失去好多,但同時你又獲得其他更多!
希望佢細佬多D陪伴哥哥 兄弟有今生冇來世 生命冇常珍惜哥哥唔好後悔
有D慚愧, 佢既生活仲精彩充實過健康既自己
片入面Uncle 提到「佢自己悲觀係一回事,但係你唔可以俾佢悲觀」,大家抱住尼個心態,多D關心同支持身邊嘅人
佢堅樂觀, 我唔夠膽叫佢加油, 每天都要開開心心呀.
呢集好好睇,好感動!感謝MM團隊製作咁有heart咁有溫度嘅訪問!繼續支持你哋拍嘅片,將愛感染身邊每一位!
仲有,Kenny要加油呀!啱啱follow咗你ig page🤗好正呀!
Kenny,你能做到殘而不廢,而且還有一顆正能量的心,希望能做點事能鼓勵別人,真係好善良,我覺得能活多久無重要,重要系你能勇敢生存下去,活得開心,把你的正能量留下,鼓勵在患病中的人,鼓勵那些未能走出負面情緒的人,鼓勵還未找到方向的人,我建議你可以做個RUclipsr,其實你拍的片也是在鼓勵別人,例如日常生活如何自理?怎樣自學想學的事?怎樣煮出好味的菜色?怎樣做家務?等等都可以分享。謝謝你的分享,我們支持你,期待你出的新片。努力!加油!
好犀利 雖然自己會放負 但欣賞你想帶正能量給別人
MM,希望你們可以長做長有,這系列真是很有意義!!加油!!
phoebe 既片有種好特別既感覺
其他人都有時會柴娃娃嘻嘻哈哈
phoebe永遠都好嚴肅認真咁做
比like 工作狂
睇完Kenny既故事真係好勵志,多謝MM既訪問,令我地可以睇到咁勵志既故事
加油~終有地方可以讓你再次發光發亮,見到佢打既遊戲有Tarkov、R6我自己都好中意😂同埋佢又係好中意打War Game,我以前都係住佢住果頭😂
加油👍🏻少少意見,我覺得Kenny可以開台係Twitch直播打機,唔難架~上網有教學教點Set OBS去開台,如日後真係再打Game,試下拍片,唔洗一定對住鏡頭講好多野,我相信你一定會成功!👍🏻
今年MM最高質既片,沒有之一
第一次留言,真係好感動,反思返自己每日自己煩既野,原來係幾咁細微。Kenny要加油,唔好放棄!多謝phoebe, 多謝MM!
加油 kenny !見到你仍樂觀努力面對真係自慚不如,你比好多人叻好多感謝你以生命感動生命!願南無藥師琉璃光如來保佑你🙏🏻
Kenny真係好堅強 希望你一直愛自己 發放正能量感染世界 ❤
睇到我流晒眼淚 加油 你令到我重新為自己加油 我會為你更加比心機 唔好放棄
Kenny 你真係好叻!我被你感動到喊到收唔到聲🙈🙈🙈 眼淚不停流,係感動,係溫暖,係佩服!更大力嘅掌聲俾你身邊嘅朋友,女友!你哋嘅愛係最珍貴嘅禮物,好喜歡你哋所有人樂觀同好玩嘅性格❤
Kenny 俾心機拍片呀!一定會越做越好!
真愛, 佢女朋友真係Kenny一個天使, 希望佢屋企人可以接受Kenny
最感動係有班咁既朋友,竟然仲係網上識
樓主既朋友好有愛, 上網識有時先真心, 好人有好報, 大家加油❤
原來緣份唔係有血源可以拉得更近,而係冇血緣仲近,人生可以陪你走到最後可能就只有朋友而唔係親人
MM條片拍得好好,好感動,kenny 的故事俾好多正能量大家,佢的親人、朋友令人覺得世界好有❤加油,等住kenny 的佳作💪
Kenny 有一班好友,女友,弟弟錫佢,係好感動。祝Kenny 繼續positive 開心發掘人生美事。加油!
一直都有睇開MM,不過估唔到就係⋯⋯竟然MM都做呢個題材。當我睇到標題係「漸凍症」,我有一刻猶疑,到底睇唔睇好!?因為畢竟而家我哋屋企就正正面對緊Kenny咁嘅情況,因為我太太上年年尾就確診咗呢個病,一開始由飲水易「逐」親,手無力,到講嘢唔清晰,再到而家吞嚥困難同要用呼吸機嘅過程,只係歷時左一年多少少~所以見到Kenny仲可以自理,真係凳佢高興,希望佢可以喺能力以內做到嘅時候,盡量做得幾多得幾多~因為呢個病真係好折磨人,患者嘅感受外人係無法理解,身邊嘅照顧者同樣唔容易,尤其見住心愛嘅人身體基能一日比一日衰退,果種痛真係無法用言語表達~另外我都想講下就係社會對呢個病嘅支援真係好少,好似我哋係澳門嘅,最後都要去咗香港先可以確定到係呢個病,而呢個病現今醫學上真係不治之症,就算有藥同吊針都好,但效果非常唔明顯之餘又貴,但又無理由唔食,社會上對呢個病支援又少,呢方面台灣真係做得好好,不論對患者或家屬支援都好多同好細緻,但最可惜都係未有有效藥物去治療呢個病。不過睇到MM同Phoebe做呢個題材,真係好多謝你哋可以俾其他人了解呢個疾病🙏🏼
🫂🫂🫂
🫂🫂🫂
“We cannot change the cards we are dealt, just how we play the hand.” ― Randy Pausch
“我們不能改變發給我們的牌,只能改變我們玩牌的方式。” --蘭迪·波施
Kenny 加油!
睇完呢集去kenny ig到,真係有好多好介紹!
多謝MM每次嘅高質訪問,開闊咗我對自己出生地入面嘅人事物嘅認識。祝MM繼續靈感不絕!
我找不到Kenny的IG
多謝MM同 Phoebe做尼個故仔,好感動好有愛
Kenny 身邊嘅人都好有愛,明知尼個病目前無得醫,只會愈尼愈壞嘅情況下,依然選擇陪住Kenny一齊過,可能開頭多少都係有點同情先一齊,但係一路陪住就真係唔係同情就可以,已經係好堅實嘅友情同愛情
身邊有班咁好嘅人陪住,真係好鄧 Kenny 開心❤
好感激這班朋友🫰🏻人間有愛❤謝謝你們
Phoebe 你拍嘅題材好有意義👍🏻 多謝你🫶🏻 其實MM既片好多都好高質素,透過唔同嘅角度去呈現比觀眾睇,令我知多啲身邊發生嘅人同事物🙇🏻♂️ proud of MM,你哋要繼續加油💪🏻
Kenny, 人生還有一天, 便能享受一天, 在你身上看到積極, 也看到你關心別人。無論明天如何, 也希望你能繼續沖出家門, 繼續成為其他人的祝福。🎉
謝謝Kenny 分享你既故事,你真係好堅強,珍惜每一日做自己想做嘅事,支持你!!
多謝MM一直以來專題報導不同角落的人和事!尤其喜歡 #700萬種生活 ,每條片都感受到那種有血有淚的無奈感,唯有不斷提醒自己要活在及珍惜當下,幸福及健康真的不是必然的。
多謝支持
Phoebe做得好好,好有心嘅製作!Kenny,唔使再叫你加油,你已經好叻好勁!好開心你有女友陪你一齊行,細佬都係默默支持你。Kenny打機朋友都無得頂!
好多謝MM今次既專題。睇完我反思左好多,覺得依一刻我擁有既野真係唔係必然,要好好珍惜同感恩。
另外都想同Kenny講你好叻,比起好多人都好叻,繼續加油努力!
感激MM嘅故事同愛心,就已經對Kenny黎講,係好大嘅鼓勵,加油
多謝分享KENNY故事,希望香港能夠成為殘疾人士的友好城市, 有更多支持和設施讓他們生活便利 , 獨立自信. 祝福Kenny❤
我都叫keny 真係咁岩
我兩年前因為covid疫苗針而導致淋巴癌病發
當時我以為個天真係玩完 哂左差唔多年半先確診到癌症 先敢同屋企人講
幸好家人的支持先俾到我信心去對抗疾病
但願天尚清明 在人生最後的路上亦有身邊人為你贈暖
好感動,係一個咁艱難人食人嘅香港,仲見到人性嘅善良
多謝kenny身邊的朋友,女朋友, 多謝你們🙏
很感動, 很欣賞kenny 樂觀的心態及對事物仍有想嘗試的心,不放棄自己的精神,人生在世最重要是開心, 活在當下, 祝褔你與女友一直幸褔快樂, 能做到你想做的事, 我會持續關注你的 RUclips channel 及 IG page,期待你的新 post,支持你!💪