Rekall - Jahresabschluss 2022

written by Rekall
Riddims: High Fashion & Stalag (played by Rebel Musig Crew)
Lyrics
Rico from rihanna herst i dua mi nimma wundern.
Jeda feud nur ummadum vo di oidn und de jungan.
Owa es duad jo kana wos oiso bin i quasi zwungan.
Und wonns ma wieda reicht wird auf deitsch weita gsungan
Wos mochn de mit uns herst do greifst da jo am Schädel.
Des kau jo nua a scherz sei so wie vom Dorfer Fredl.
Es hobts a schens Lebn auf Kosten vo de Hackla.
I sich im Parlament lauta hurnkinda und Wappla.
Warum sitzt da Kurz ned scho long amoi auf Schmoiz
Weu Göd regiert di Wöd und sicha ned Justiggewoit.
Jez renn zu deine Freind von da He und zag mi au.
Owa vurher kumm noch Floridsdorf und sei a echta Mann.
I dats eich a ins Gsicht sogn gonz frei und ungeniert.
Owa es vasteckts eich olle weus wissts wos passiert.
Bist du aus´n Kindawagl gfoin bei deina Taufe.
bei dir do foat da lift jo scho long nimma bis auffe!
De Oaschlecha hom ois owa griagn in hois ned voi.
hom Konten in da Schweiz und schmuggeln durchn Zoi.
Und unsa ana was scho nimma wira wos dazoid.
Owa i kämpf fia meine leid sowie da DIZZY aus Tiroi.
Danke oida Berglöwe gerne Jederzeit.
Weu in Wirklichkeit do brauchat ma vü mehr vo soiche Leit.
Die söbsternannten gscheidn homs no imma ned kapiert.
Dass kana vo eich voitrotteln die Szene do rasiert.
An olle life Coaches und Teilzeit - Aktivisten.
Sog hod eich irgendwann amoi da Blitz irgendwo striffen?
Und waunn du scho a Fuchs bist donn ziag bitte in woid.
Wos soi der gonze bledsinn wos host´n du ned gschnoit?
Sexismus Debatte in da großen Mädelsrunde.
Oba Tanzfläche voi waun a singt nimm er in Mund he.
I frog mi jo gonz ehrlich bei monche vo de Offn.
Sog konn a eich no höfn oda dearf ma do scho lochn?
Wielangs as a probierts mists wissn ans is kloa.
Dass des gonz sicha no ned des letzte vo mir woa.
Weu vo di gonz gscheidn do gibts jo mea ois no a poa.
Des hast mia hean uns wieda und zwoa ende nächstes Joa.
Ausglocht bin i wuadn und verspotet vo eich Kibln.
Rotz und Wossa hob i great. dassd ma glaubt hod i schneid Zwüfn. De an hom gsogt loss bleim a poa ondare kumm gib erm.
und jetzt spü i am reggaejam mainslots mit House of Riddim!
Zerscht de Mama da Rentho und da Jahman.
Danoch da liebe Kijo mitn Doerde somtn Adam.
Es warat ned es söbe ohne Cloe und da Hitchy.
Und wann da teo kummt, dann kann wiakli nix mehr schief geh.
Plenty more to come - bis zum Hoizpyjama.
Danke Sam Gilly many big ups an mein Drummer.
und wieda amoi geht a gonz joa jetzt zu Ende.
Fia anige es letzte. KARL MERKATZ du LEGENDE!