38 секунд (38 seconds)

Монгол Улсын Хөдөлмөрийн баатар, Олимпын хүрэл медальт, Дэлхийн аварга, Азийн аварга Мөнхбатын Уранцэцэгийн дээд амжилтуудын нэг-38 секунд. Тэрбээр 2016 оны Токиогийн "Их дуулга"-ын хэсгийн аваргын барилдаанд БНСУ-ын Кан Юужинг гарт өчих мэхээр цэвэр ялж, энэ амжилтыг тогтоосон юм.
Энэ "Их дуулга"-д тэрбээр Олимпийн мөнгө, Дэлхийн аваргын хүрэл медальт БНСУ-ын Жон Бокёонг (Jeong Bokyeong), Дэлхийн аварга Японы Фуна Тонаки (Tonaki Funa) зэрэг шилдэг өрсөлдөгчдөө ялж түрүүлсэн билээ.
Мөнхбатын Уранцэцэг олимп, дэлхийн болон тивийн аваргын 6 медалиасаа гадна Олон улсын Жудогийн холбооны World Tour-ууд болох Мастерс, Их дуулга, Гран При тэмцээнүүдээс 13 алт, 11 мөнгө, 15 хүрэл медаль хүртсэн, 48 кг-ын жиндээ дэлхийд тэргүүлдэг, үеийн эзэлсэн гарамгай тамирчдын нэг хэмээн зүй ёсоор үнэлэгддэг.