Azat Türkmen #71. Garaýyş #14: Şiraly - Türkmeniň şir ogly.

6-njy dekabrda belli türkmen dissident şahyry, merhum Şiraly Nurmyradowyň (1945-2016) doglan gününe 75 ýyl boldy. Şahyr Şiraly Nurmyradow öz döwründe türkmen poeziýasyna "Şiralynyň stili" diýlip at berlen özboluşly bir syýasy garşy duruş žanryny getiripdi. 1990-njy ýyllaryň başlarynda ony "türkmeniň Wysockisi" diýip atlandyranlar-da kän bolupdy. Mundan daşary, SSSR Ýazyjylar Soýuzynyň, Orsýetiň we Şwesiýanyň PEN-klublarynyň agzasy Şiraly Nurmyradow özüniň diktator režime garşy ýiti poetiki dili bilen alyp baran gaýduwsyz göreşi üçin Şwesiýanyň PEN-kluby tarapyndan Kurt Tuholskiý adyndaky baýrak bilen-de sylaglandy. Gynansak-da, Şiraly Nurmyradowyň ömri we döredijiligi barada türkmenistanly soňky nesiller tas hiç zat bilmeýar diýen ýaly. "Garaýyş" gepleşiginiň bu gezekki sany türkmeniň şir ogly Şiraly Nurmyradowyň ömrüne we döredijiligine bagyşlanylýar.
***
Şiraly Nurmyradowyň ölen güni (2016-njy ýylyn 11-nji oktyabrynda) onuň ýagty ýadigärligine bagyşlap, taryh ylymlarynyň doktory Şöhrat Kadyrowyň ýazan yatlamasy (rus dilinde): shirali.ucoz.com/
***
Orsýetde neşir edilýän "Družby narodow" žurnalynda Şiraly Nurmyradowyň "Detstwo, kotorogo ne bylo" ("Ýaşalmadyk çagalyk") atly romanyndan çap edilen bölegi şu ýerde okap bilersiňiz (rus dilinde): www.intelros.ru...
***
Şiraly Nurmyradowyň Azatlyk Radiosynyň Rus gullugyna beren göwrümli interwýusynyň tekstini şu ýerde okap bilersiňiz (rus dilinde): www.svoboda.or...
-------------------------------------------
Habarlaşmak üçin elektron adresi: [e-mail]