СУХАНРОНИИ УСТОД ДАЛЕР НАЗАРОВ ХАНГОМИ ГУЗОШТАНИ ПАЙКАРАИ ЗИНДАЁД МУБОРАКШО МИРЗОШОЕВ

МАРОСИМИ ГУЗОШТАНИ ПАЙКАРАИ СИТОРАИ ЭСТРАДАИ ТОҶИК, ЗИНДАЁД МУБОРАКШО МИРЗОШОЕВ ДАР ШАҲРАКИ ВАМАР
19 июли соли равон дар боғи фарҳангии ноҳияи Рӯшон, маросими ифтитоҳи муҷассамаи яке аз ситораҳои пурҷилои осмони санъати эстрадаи тоҷик, ҳунарманди маҳбуби кишварамон, шодравон Муборакшо Мирзошоев доир гардид. Маросими фарҳангӣ бо садо додани суруди “Эй модак лай-лай” оғоз гардида, бо дафзании ҳунармандони санъати ноҳия намояндагони мақомоти иҷроияи ҳокимияти давлатӣ, масъулони чорабинӣ, ҳунармандон, аҳли пайвандон ва бошандагони ноҳия ба Боғи фарҳангӣ даромада, дар ҳавои мусиқиву кафкубӣ муҷассамаи зиндаёд Муборакшо Мирзошоев аз ҷониби фарзандаш Имомалишо Мирзошоев ва раиси ноҳияи Рӯшон ифтитоҳ гардид. Сипас, узви Маҷлиси миллии Маҷлиси Олии Ҷумҳурии Тоҷикистон, раиси ноҳияи Рушон муҳтарам Додхудо Фаррух Муборакшо оиди фаъолият ва корнамоиҳои шодравон дар ҷодаи санъати эстрадаи тоҷик ҳарф зада, қайд карданд, ки Муборакшо дар муҳиту фазои фарҳангӣ тарбия ва камол ёфтааст. Падараш шодравон Абдулваҳҳоб Мирзошоев ва амакаш Хоркаш Мирзошоев узви ансамбли этнографии «Помир», иштирокчии Даҳаи санъати Тоҷикистон дар шаҳри Маскав дар соли1941 буданд. Аксарияти аҳли ин хонавода санъатдўст, санъатшинос ва санъаткор буда, дар рушду ривоҷи фарҳанги кишварамон саҳмгузор мебошанд.
Пас он, маэстрои эстрадаи тоҷик устод Далер Назар, ки дар ташаккули Муборакшо ҳамчун чеҳраи ҳунарӣ саҳми арзанда гузоштааст, сухан намуданд. Роҳбари гуруҳи машҳуру номдори эстрадии «Шамс», овозхони маҳбуби ҳамагон Нобовар Чаноров, солисткаи номдори гуруҳи эстрадии «Авесто» Таҳмина Рамазонова, ҳамнишин ва ҳамсӯҳбати Муборакшо Мирзошоев - устод Ҷонбоз Душанбиев, роҳбари гуруҳи ташаббускорони “Равшандилон”, доктори илмҳои фалсафа Назархудо Дастамбуев, фарзандаш Имомалишо ва хоҳараш Гулсара Мирзошоева низ баромад карда, дар бораи ҳунари боистеъдод ва нотакрори ситораи пурҷиллои эстрадаи тоҷик, шодравон Муборакшо Мирзошоев ибрози андеша намуданд.
Дар фарҷоми маросим бо садои сурудҳои лаҳну ширини Муборакшо, ҳозирин ва ташабускорон дар назди муҷассамаи ҳунарманди нотакрор аксҳои хотиравӣ гирифта, дар фазои дустиву ҳунар, муҳаббату эҳтиром ҳамдигарро табрик мекарданд, ки ба ормонҳои чандинсолаи худ мушарраф гардиданд.
Ба хотири ёдбуди Муборакшо, соати панҷи бегоҳӣ дар майдони варзишии Муассисаи таҳсилоти миёнаи умумии рақами 9-и шаҳраки Вамар бо иштироки маэстро Далер Назаров, гуруҳҳои эстрадии «Шамс», «Ҷирай», «Авесто», санъаткорони соҳибистеъдоди мусиқии эстрадии шаҳрҳои Душанбе ва Хоруғ Гала - консерт баргузор мегардад. Ҳамаи бошандагон ва меҳмонони ноҳияро ба ин фестивали бошукуҳи муксиқии эстрадӣ даъват мекунем.

[@ФаридунБахтдавлатов-з7ж]

Лап башанд суханен ака Далер фук вахт обод вав ☝👊💪💪