روتيني الصباحي اليومي+تجربتي مع جهاز التتبيل من كنز + دردشة عن الصديق المقرب
HTML-код
- Опубликовано: 13 сен 2024
- لينك موقع
Kenzz | كنز
kenzz.com/cate...
اللينك الخاص بجهاز التتبيل:
kenzz.com/prod...
سعر جهاز التتبيل: ٢١٠ جنية
لو حتشتريه لوحدك سعره: ١٧٥ جنية
لو مع حد من اصحابك: ١٣٩ جنية
/ kenzzegypt
/ kenzzegypt
/ kenzzegypt
والله يا مني انا من راي ان الصداقه دي اصلا خيال علمي و البعد عن الناس افضل نخلي علاقتنا فيها حدود
لقد رزقنى ربى عز وجل بصوتاً جميل فوهبته لتلاوة آيات الله عز وجل أدعوكم أخوتى فى الله بزيارتكم الكريمه لنا وجزاكم الله خير الجزاء
اه والله مشوفتش اذى في حياتي غير من الناس اللي عرفتهم تحت مسمى الصداقة
صح وعن تجربه والله مفيش حاجه اسمها صداقه
الله ينور عليكى
اه والله بجد الحدود بتريح 😅
فيديوهاتك تحفة وبسيطة
عارفه ليه لما بنكبر شويه شويه بنبعد عن الأشخاص عموما لأننا بنفهم النفسيات والتصرفات والأشخاص عموما بنعرف نقيمهم فبنتعب وف الاخر بنريح دماغنا بالبعد ده وانا عن نفسي بتعامل كده
تسلم ايدك منوره الدنيا كلها
جزاكي الله خيرا انا بجد بحبك جدا وبحترم رأيك
كل ما اتخنق اتفرج على فيديو ليكى وخصوص اللى من 4سنوات بداياتك فى اليوتيوب
منى عندي ليكي اقتراح .. بالنسبه لغرفة الاولاد .. ماتخليش كل الالعاب موجوده في الغرفه في متناول ايديهم اعملي زي الروضه او جدول اليوم اجمعي الالعاب مثلا ب3 بوكسات اليوم الاول خرجي بوكس واحد فقط يلعبو فيه .. وبعد مايخلصو يكون البوكس قدامهم فاضي ويرجعوا اللعب .. عشان بكره لو عايزين البوكس الثاني لازم يلتزموا بالترتيب .. صدقيني دي فكره سهله وتمشي مع الاولاد ماتخرجيش اللعب ليهم كلهم مره وحده اولاً عشان ترتيب ونظافة الغرفه ثانيا اولادكم هيتعلمو الترتيب وانهم لو عايزين البوكس الثاني اليوم الثاني لازم يرتبو عشان ماتبوضش اللعب .. كل يوم خرجي لهم بوكس مختلف عن اليوم الي قبله طبقي الفكره وقوللي حصل ايه😍♥️.. وبالتوفيق👍🏻
انا لمه عديت الثلاثين فهمت ان الاصدقاء الحقيقيين همه امي واخواتي غير كده مافيش
💕💕💕💕💕💕💕💕💕
انتي حاجه كده خيال
منى الجميله ما تغيبيش عننا انتى راقيه وهاديه انا رأيى ان الصداقه فى حدود يعنى ما فيش حاجه اسمها هى عارفه سرى وانا عارفه سرها بحس ان ده فى الافلام اكتر وانا بشوف ان بالاش عتاب لو حد بعد خلاص مع السلامه براحتها
ممكن يا منمون طريقة الستيك ..كأنك حطيتي عليه ميه؟؟ ..وشو التوابل اللي تبلتيه فيها
صباح الخير
اهو ده بقى من مسببات السعاده الاشعار بتاع الفيديو بتاعك بيفرح القلب ربنا يسعدك يا رب
Shima Shim رسالة لكل واحد نفسيته زي الزفت... لو ليك نصيب في حاجة حتى لو كل السكك ليها مقفوله، ربنا هيرتبلك كل الاسباب لحد ما تبقى في إيدك، ولو ملكش نصيب ربنا هيراضيك بحاجات احسن مما تتخيل.. ربك قال " لكيلا تأسوا على ما فاتكم.. ولا تفرحوا بما آتاكم " فما أصابك لم يكن ليخطئك، و ما أخطأك لم يكن ليصيبك.. وان لله عباد اذا اشتدت المصائب ازداد يقينهم في الله، هؤلاء لا يعرفون الشقاء ابد، فخليك منهم واصبر واستعين بالصبر والصلاة عشان ربنا يرضى عنك ويراضيك.❤
البوست ده لكل حد زعلان ومش لاقي حد جنبه .. ربنا يفرح قلبك ويراضيك قرّيب.. ويغنيك عن اللي خذلوك . 💙
واسمعوا #الفيديو دا جميل بجد وبالذات اخر خمس دقايق
ruclips.net/video/pT4X_7UqUFk/видео.html
حتي انا والله بس للاسف مش جالي الاشعار انا برا مصر 😢
اولا الفيديو جميل و احلى حاجة انو منوع و فيه كذا موضوع 😊 بالنسبة لمسألة الصداقة... متهيألي كل ما بنكبر بتوصلنا نقطة انو اللي انا مش قريبة بالنسباله مش المفروض يكون قريب مني.. او ان الناس بوجه عام لازم يكونو متوزعين على دواير مختلفة من حيث القرب و البعد في حياتنا.. بس المشكلة الحقيقية بتكون بين اتنين عشرة عمر و طول عمرهم زي الاخوات و فجأة واحدة تقرر انها تبعد بدون حتى ما تقول سبب.. دي بتبقا في وجهة نظري خيانة.. لأنه حق العشرة و الصداقة اللي دامت سنين طويلة دي اني اصارح و اقول لو انا عاوزة ابعد. و ربنا يعيننا جميعا لأن قيمة الصداقة مش واحدة عند كل الناس و توقعاتها كمان مش واحدة.. فا انا معاكي قوي انو العلاقات بقت صعبة و معقدة
مستنياكى انتي كمان بالفيديوهات بتاعتك الجميلة
مني اولا اشكرك علي رقي المحتوي ثانيا ماشاءالله تبارك الله الملايات جميلة ممكن اعرف اشتريتي الملايات للاطفال منين
من محل اسمه سيرا مابين المنشية والعطارين
الصداقة دي اكبر اكذوبة في الحياة الحالية ،يمكن زمان الوضع كان مختلف ،وانا كل ما بتصطدم في الناس بحس اني بكبر اوي بعجز بمعنى اصح وبكره التعاملات والصداقة والتعارف وبقيت بميل للوحدة اكتر ودايرة معارفي الصغيرة جدا .وربنا يعينا على الحياة والناس.
ما تغيبيش عننا يا منمن😊
Shima Shim رسالة لكل واحد نفسيته زي الزفت... لو ليك نصيب في حاجة حتى لو كل السكك ليها مقفوله، ربنا هيرتبلك كل الاسباب لحد ما تبقى في إيدك، ولو ملكش نصيب ربنا هيراضيك بحاجات احسن مما تتخيل.. ربك قال " لكيلا تأسوا على ما فاتكم.. ولا تفرحوا بما آتاكم " فما أصابك لم يكن ليخطئك، و ما أخطأك لم يكن ليصيبك.. وان لله عباد اذا اشتدت المصائب ازداد يقينهم في الله، هؤلاء لا يعرفون الشقاء ابد، فخليك منهم واصبر واستعين بالصبر والصلاة عشان ربنا يرضى عنك ويراضيك.❤
البوست ده لكل حد زعلان ومش لاقي حد جنبه .. ربنا يفرح قلبك ويراضيك قرّيب.. ويغنيك عن اللي خذلوك . 💙
واسمعوا #الفيديو دا جميل بجد وبالذات اخر خمس دقايق
ruclips.net/video/pT4X_7UqUFk/видео.html
الله الله كنتي وحشانا يااول واحده في الوطن العربي عرفنا منها يعني ايه فلوج الله عليكي بجد شكراااااا يا فاكهة اليوتيوب
السلام عليكم انا اول مرة اشوف فيديوهاتك وعرفتك عن طريق سالى غانم... متتخيريش عنها بصراحه حتتين سكر... ممكن تفيدينى ف المكنسه الكهربائيه عاوزة اشترى وحده ومحتارة هل هى مفيده فعلا هتنجز معايا ولا لا واى الانواع اللى ينفع اجيبها ومندمش عليها
❤️❤️❤️❤️
منين علب الشاي والسكر
وحشتنا فديوهاتك يا منى❤
بالنسبه لموضوع الصداقه انا شايفه انه سواء كنا best friends أو لا المفروض يكون فيه خصوصيه لكل طرف ومش صح أبدا اننا نحكي كل حاجه
نتشارك اهتماماتنا اه ننبسط بالاوقات اللي بتجمعنا لكن منعتبرش نفسنا اننا واحد والكلام دا
بعد تحارب كتير العشم بيزعل الناس من بعضها و عدم وضع الحدود
وبلاش القرب الزايد أوي منعاً للمقارنات ومشاكل كتير ممكن تحصل
بالضبططط
خير الأمور الوسط لاننسحب ولا نقرب
انا كان ليا صاحبة عايزة تعيش معايا ٢٤ ساعة في اليوم وتحكي كل تفاصيلها وبالتالي انا كمان احكي كل حاجة بالتفصيل بصراحة تعبت مين يتحمل كلام ٢٤ ساعة وعن ادق التفاصيل وتختاريلها هدومها وصورة بروفايلها وتظبطيلها شغلها وهكذا حسيت انها بتستنزفني وتمص طاقتي ولازم طول الوقت اقولها كلام حلو وتشجيع ولو مقولتش تزعل وتتقمص
جميلة يامني كالعاده ببساطتك وتلقائيتك ❤❤❤
بفرح آوى لما تنزلي فيديو عارفه يامني أحلي تعامل بحدود وبالمثل اه مفيش راحة نفسية في العلاقات دى بس الخذلان صعب آوى
وحشتينى يامنى❤
نفس الشئ بالنسبة لى .كل لمه اكبر بحس انى مش قادره اكون علاقات صداقه زى زمان بس احس ان ده بسبب انى اتجوزت وعيشت فتره بره مصر و انقطعت علاقاتى و لمه رجعت استقر بمصر خلاص مش حابه ان يكون فى صديقه فى حياتى بشكل قوى زى ايام ما كنت بنت يمكن بسبب كثرة المسؤوليات و يمكن بسبب النضج وتغير الاهتمامات مش عارفه .
مدام منى عايزه احكيلك حاجه ياريت تقراى الكومنت بتاعى ... انا بنت عندى ٣٤ سنه ومن ٤سنين جالى مرض نفسي اكتئاب ووسواس قهرى وكانت حالتى صعبه واضطريت ادخل مستشفى لان كنت فى عالم تانى ... المهم ان الدكتور سالنى ايه اللى تفتكريه من ايامك اللى فاتت كانت بتبسطك... اول حاجه جت فى بالى كانت حضرتك ...وعدت الايام والسنين وانا منفصله عن العالم ودلوقتي بتفرج عليكى وانا دموعى نازله لان افتكرت ايام ما كنت بريئه وسليمه ... بالله عليكى ادعيلى مدام منى ادعيلى جامد لانى فعلا حاسه ان هيجيلى انتكاسة الايام دي..عشان كده دخلت على قناتك وحبيت اتفرج على الفيديوهات القديمه عشان خايفه اتعب تانى ... ربنا يسعدك زى ما كنتى بتسعدينى زمان ..يارب يبارك في ايامك وولادك وجوزك ويبعد عنهم العين وولاد الحرام يارب يا رب العالمين..
ربنا يسعد ايامك يارب ويفك كربك ويريح قلبك❤️❤️❤️❤️
ربنا يسعد قلبك وأيامك يارب ويصلح حالنا جميعا يارب فعلآ منى كانت فى فتره كانت صديقتى فى وحداتى ربنا يسعدها يارب من احسن الشخصيات اللى عندها قناه
قوللنا رايك فى المكنسه بعد فتره من الاستخدام ياقمر لسه حباها ولا ظهر عيوب
هي جميلة ماشاء الله حكلمكم عنها تاني قريب
@@MonaMEg ياريت ياقمر خصوصا جزئية الوقت هل بتكفى الشقه ولا بتفصل بسرعه
طب تقولى ايه للصديقات اللى بتحكيلك بس عن المشاكل ولما بيحصل حاجة حلوة فى حياتها تخبيها ومتحكيش طب ليه بتيجى تحكيلى المشاكل والمصايب بس ولو مفضتش نفسى ليكى و مسمعتكيش تزعلى واول ما يحصل حاجة حلوة تخبيها ده نسميه ايه
❤️❤️❤️❤️❤️❤️❤️❤️❤️❤️
انا مريت بالتجربه دى يامنى وككلامك وجعنى لانى صديقه عمرى قعدنا 20 سنه تؤام بالظبط شكلا وطباعا وكل حاجه وفاجاه ومع ظروف الجوزا والحياه حياتنا مابقتش شبهه بعض فبدل ماتقاوم معايا الظروف ونحاول نتقابل ونكون قريبين اكتشفت انها صاحبت ناس تانيه وكمان ساوتنى بيهم
يمكن كلامك صح ويمكن انا اوفر بس مقدرتش وبعدت وهى ماحولتش تعرفىسبب بعدى وكانها ماصدقت
مني معلش اعملي فيديو فيدنا دخلتي ابنك تجريبي لغات ولا انترناشونال ولا ازهر تجريبي وايه الافضل اكيد مريتي بآلمرحلة
انا زمان كنت اجتماعيه جدا و بعرف اكون علاقات صداقه بمنتهى السهوله و دلوقتى زيك بالظبط يا منى والله الموضوع بقى صعب جدا و حتى لو تمام بتبقى حاجات سطحيه من ناحيتى ما بقتش احب اتعمق فى اى صداقه او معرفه لان فى موضوع الصداقه ده بالذات وصلت لقناعة ان مفيش حاجه اسمها صداقه بين الستات بمجرد ما بتقربوا من بعض زياده بتبدأ الغيره و المقارنات او نتحول و نبقى كوبى من بعض غير أعباء انك ضيفتى حد للدايره بتاعتك و بقى ليه عليكى التزامات و الدنيا بجد بعد الخلفه بالذات بتبقى مش مستحمله اى ضغوط زياده و كلها حاجات مش لطيفه و طبعا مش قاعده بس الغالبيه العظمى كدا
منورة فيديو جميل ماتغيبي علينا 🌹🌹
فى ليله ويوم الجمعه أكثرو من الصلاه على الحبيب المصطفى اللهم صل على سيدنا محمد وعلى ال سيدنا محمد كما صليت على سيدنا ابراهيم وعلى ال سيدنا ابراهيم فى العالمين انك حميد مجيد واللهم بارك على سيدنا محمد وعلى ال سيدنا محمد كما باركت على سيدنا ابراهيم وعلى ال سيدنا ابراهيم فى العالمين انك حميد مجيد
بتوحشينا
ممكن اعرف منين جايبه جهاز بيتك الغرف يعني عشان يجهز ابني ياريت تجوبيني
ربنا يخليكي ليهم
مش جايبه من مكان محدد يعني في من العامرية وفي من محل اسمه سيرا وكذا مكان تاني
تسلم ايدك محتاجه نتواصل لو امكن
فعلا مافيش صداقة دلوقت زي زمان الواحد مصدوم للأسف لأن اكتشف ان الواقع الناس اتغيرت سواء اصدقاء او حتي اخوات 💔😓
اناماعندي صديقات ابدا انتهت علاقاتي لماخلصت دراسة واوقات كثير احس اني مستمتعة بوحدتي
طيب لو فيه فعلا بيست فريند و ال٢ قريبين فعلا وعارفين كدا و زي الاخوات بالظبط وجدعين مع بعض وصاحب صاحبه بس بتحس ان سعادتها مع اللي برا اكتر وبتصور معاهم وبتبقي فرحانه وكلها حيويه ف الوقت ده والله صرحه مع بعض بس فيه واحده صريحه بزياده اوي مع التانيه يبقي العتاب او الغيره تبقي من حق الشخص التاني ولا لأ ؟
والله أبتسمت اول مشوفت الإشعار طاقتي الايجابية ربي يحفظك يأاحلى منمن
هانى سجاد سادة لغرفة الاولاد يا منى افضل ومتتأخرس علينا ثانى🌹
حيبان عليه البهدلة انا مش بحب السجاد السادة خالص🤦♀️
ازاي بتلمعي الرخام عندك اللهم بارك جميله عندي زيها وباهته اعمل ايه
بصي بعد ما تغسلي الرخامة كويس وتنشفيها من الماية هاتي فوطة ناشفة ملمع الازاز وامسحي الرخامة وممكن برضه نقطة زيت جونسون
هييييييه وأخيراً حمدلله على السلامه وحشتينا ❤️
انتى بتغيبى فين معرفش، حاولى تعملى روتينات يوميا و تتكلمى ازاى بتعيشى مع اولادك فى الزمن الرهيب ده و بترفهى عنهم ازاى بتخرجى معاهم ازاى و بتعتنى بنفسك ازاى اعملى روتينات يومية حتى لو من غير صوت حبة تنضيف علة طبخ على لعب مع الولاد بجد انتى خسارة جدا انك تغيبى عن اليوتيوب احنا بنشوف اشكال غريبة معرفش ليه الناس النضيفة بتسيب اليوتيوب و بتكسل فيه 😢 ارجعى بقى
انا لا مش هقول وهتعامل بالمثل حتى لو مش ده اللى جوايا لان محدش ابدا يستاهل انى اتجرح بسببه او ابنيله مكان عالى عندى وهو يكون مش ف باله
وصلت لكدة لما كبرت لكن ف سن ثانوى وجامعه كنت هبلة واقول واعتب وعيشت ضغط نفسي بسبب حوار الصداقة ده
وحشتيني جدا ي منمن اول واحده اتابعها علي اليوتيوب مبسوطه جدا انك كنتي من أولوياتي نصائح بقا اهتمام بالنفس كل حاجه حتي صوتك ماشاء الله اللهم بارك فيه كميه راحه تبارك الله ❤️ ربنا يبارك فولادك ويفرحك بيهم ياقلبي بفرح جدا اول ما يجيللي منك اشعار 🥰
حبيبتي منمن ربنا يقويكي و نشوف فيديوهات جديدة ليكي كل يوم 😍
حبيبتى يا منى ممكن اعرف جيبه سجاده غرفه الاطفال دى منين او اقدر اجيبها منين
من ماك فرع الابراهيمية وعندهم موقع بيوصل لاي مكان اكتبي في جوجل ماك للسجاد
@@MonaMEg شكرا ليكى ياحبيبتى هشوفهم
مش ممكن يا منى اد ايه بتوحشينا والله بقالي كام يوم مشغلة فيديوهاتك القديمة وبقول فينها ماصدقتش لما لاقيت اشعار الفيديو الجديد
مبسوطة بالفيديو من قبل ماتفرج والله
ياالله بقالك يومين منازله الفيديو 😢
اللهم بارك رقي ونظافه وشياكه ربنا يحفظك امين
اوافقك الرئي الاول بينك وبين نفسك اصل الحب والصداقه مش غصب اكيد🥺 🌺🌺
بكام جهاز التدبيل
أنا مش عارفه احمله او اوصله أصلاً لو في لينك
الاير فراير نوعها ايه يا مني؟
فيليبس
شكرا♥️♥️
يااحلى اشعار وحشتيني يامنمن ❤️❤️❤️
ماشاءالله ربنا يبارك
استمرى كل فترة نزلى فديوهات من النوع دا و بتوفيق ليكى فى كل امور حياتك يارب
بظن برأيي أنه العشرة بين الاصدقاء هي لبتخلق هي الموانة عليه وبتجي ظروف بتتغير هالصداقة كمان حتى الصديق القريب والمقرب مابتقدري تفضفضيله أو تعرفي عنه شي هو مو حابب يحكيه فلا بحب لوم ولا بحب انلام بصراحة
ممكن اعرف نوع السندوتش ميكر يامني
ماركة كينوود كويس طبعا مش وحش بس في ارخص وكويسين اوي
وحشتينا اوووووووى ياريت مش تغيبى تانى انا بحب جدا اسلوبك وفيديوهاتك الهاديه الجميله
بحبك جدا متبعاكي من ٢٠١٨
ربنا يسعدك 🦋♥️
فيديو جميل حبيبتي ربنا يسعدك ويحفظك ويهنيكي ياااااارب
مميزة دائما ربنا يبارك لك 🌷
المكنسه نوعها ايه؟
بلاك اند ديكر
الحدود افضل يعنى مرفعش سقف توقعاتى مع الناس وفى نفس الوقت مش معنى الصداقه الامتلاك يعنى مش عشان صديقتى يبقى لازم تعرف كل تفاصيل حياتى
مفيش حاجة اسمها بيست فريند صاحب نفسك ومن صغرك تعمل كدا عشان لما توصل لمرحله معينه من حياتك بتتطلب منك مرواح ومجي متقفش تعيط وتقول انا لوحدي انا محدش معايا لا دانت تكون متعود وعارف يعني ايه نفسك.
منوره يامني فيديوهاتك جميله انا بحبها اوي بالذات لما بتكوني بتعملي طبخ مليووون لايك ليكي
الصداقه بالنسبالي أهم حاجه تبقي بحدود
ممكن اعرف ملايات الطفال دي منين
من محل اسمه سيرا مابين العطارين والمنشية قرب هانو
احلى يوتيوبر ف مصر 🥰🥰🥰
مساء الخير عليكى يا أحلى يوتيوبر منوره دائماً وياريت تعملى فيديوهات كتير عشان الناس تتعود عليكى
لو انتي تعبانة ومضغوطة تعبتي من المشاكل وكثرة المهام الي مش بتخلص وكمان من الناس السلبيه عاملة لك سلسلة فيديوهات اسمها (اكتبي سعادتك) هتتعلمي ازاي تخصصي وقت لنفسك وسعادتك وتتقبلي نفسك بأخطائك وازاي نستمتع بالنعم البسيطة ❤
منى اشعار السعاده ❤ يارب يجى كل يوم
اللهم أعنا على ذكرك وشكرك وحسن عبادتك 🤲🤲🤲🤲🤲🤲
دلكه الكركم والترمس المطحون للعروس الهنديه وماسك الفحم للرؤوس السوداء بالانف والوجه وأسرار الوصفه
كان نفسي اقابلك اوي أيام ماكنت ف جده
بس للاسف مفيش نصيب
ممكن تتكلمي عن سفر الزوج والبعد عن البيت فترات طويلة
المفروض الأم تعمل ايه مع ولادها وتعوضهم ازاي
اللهم صلى وسلم على نبينا محمد وعلى اله وصحبه أجمعين 💕
اختي الفاضله ليش الموسيقى مزعجه وحرررام المقطع حلو بدونها المقطع يكتفى بنفسه لا تجمله الموسيقى ولا تضيف له سوا التشويش وعدم التركيز
انت صح
و انا كمان بقيت زيك كل ما بكبر بحس بصعوبة التعامل مع البشر
و للاسف كنت بحط ناس كتيره فى مكانه خاصه عندى و بيقولولى انت اختنا اللى ما خلفتهاش لنا أمنا و ألاقى عكس توقعاتى تماماً
و تخبيه فى امور جوهريه و اسمعها من الناس
و الأدهى هذه الايام لما تعاتبى تطلعى انت اللى فيكى العبر
و عجبى 😢
فى مقوله ممتازه فى التطبيق
اعتزل ما يؤذيك 👍✅💯
Shima Shim رسالة لكل واحد نفسيته زي الزفت... لو ليك نصيب في حاجة حتى لو كل السكك ليها مقفوله، ربنا هيرتبلك كل الاسباب لحد ما تبقى في إيدك، ولو ملكش نصيب ربنا هيراضيك بحاجات احسن مما تتخيل.. ربك قال " لكيلا تأسوا على ما فاتكم.. ولا تفرحوا بما آتاكم " فما أصابك لم يكن ليخطئك، و ما أخطأك لم يكن ليصيبك.. وان لله عباد اذا اشتدت المصائب ازداد يقينهم في الله، هؤلاء لا يعرفون الشقاء ابد، فخليك منهم واصبر واستعين بالصبر والصلاة عشان ربنا يرضى عنك ويراضيك.❤
البوست ده لكل حد زعلان ومش لاقي حد جنبه .. ربنا يفرح قلبك ويراضيك قرّيب.. ويغنيك عن اللي خذلوك . 💙
واسمعوا #الفيديو دا جميل بجد وبالذات اخر خمس دقايق
ruclips.net/video/pT4X_7UqUFk/видео.html
بعد غيبه، ❤️
لأ لو حسيت انها مش بتبادلنى نفس مشاعر الصداقة.. يبقى مش هاقولها انها بيست فريند اكيد.. لان ببساطه الصديقة الانتيم دى بتبقى من الطرفين مش طرف واحد... لو واحده بس حاسه بكده دى متبقاش اسمها صداقة او انتيم اصلا
ايه ده يامنى وحشتينا واشتقنا لطلتك
انا مع مقاطعه الناس خالص ✌️🌞
❤
وحشتينا يا منى
تسلم ايدك حبيبتى اللهم بارك
ربنا يعطيك الصحة والعافية يارب
وحشتينا يا جارتي
فعلا كان عندي صاحبة كنت معتبراها اقرب واحدة ليا وكنت عارفة اني هي مش معتبراني كده بس كنت بحبها جدا جدا لحد اما مواقف كتير عرفتني اني مينفعش احطها في المكانة دي عشان ارتاح واريحها ومبقتش بتقل عليها
ياريت تكلمينا عن غسالة الاطباق في اقرب فرصة
بصي هو حتي لو احنا اقرب اتنين لبعض مينفعش نلوم بعض أو نحكم علي بعض الصداقه ابسط من كده بكتير احنا بنبقي الفضفضه الضحكه الحلوة هي لو حكت حاجه او بتاخد رائ في موضوع اقولها بصراحه مش عشان صحبتي تبقي كل حاجه بتعملها صح او كل تفصيل حياتها تقولهالي بيبقي في مساحه من الحريه بردو
انا بشوف ان مفيش حاجه اسمها صداقه في الزمن اللي احنا فيه ده كلها علاقات سطحية
منى حبيبتي ايه نوع المكنسة اللي عندك وحلوة ولا لا
بلاك اند ديكر كويسه معايا جدا بس في جبوها مرتحولهاش حبقى اكلمكم عنها
@@MonaMEg شكراً حبيبتي ياريت بجد❤️
انا ببعد تماما لو وجدت اللي امامي لا تضعني في نفس المرتبة . لكن احب اوضح أمر انا لما اتخطبت جاء العريس زيارة والزيارة دي مش لازم نقول لاحد لانها تعارف و ممكن الموضوع ما يتم ف مش بقول . واذ فجأتا وجدتهم وهم بيتفقوا يلا نقرا الفاتحة . وقلت لصحابي كلهم زعلوا . مع إني انا شخصيا كنت لا اعلم . فممكن تكون الصديقة تظن وهي مش مصدقة الحقيقة . عموما الحياة .ليس لها قاعدة واحدة نمشي عليها .
وحشتينييييييييي❤❤❤❤❤❤❤❤❤❤❤❤❤❤❤❤❤❤❤❤❤
برافووو حبيبتي
مني فين فيديو المدارس ياريت تعمليلنا فيديو عن الموضوع ده ضروررري لانه مهم جدا وامهات كتير تايهة خصوصا في اسكندرية
حاضر قريب باذن الله
متغبيش يامنمن بتوحشينا
طب يا منى الواحد يعمل ايه مع الاهل الى بتعمل كده لما يبقو قرايبنى بنات قريبين جدا وبنتقابل وبنخرج وادق اسرار حياتى كانو بيدخلو عشان يعرفو ومن كتر تمثيل كنت فاكرة انهم بيبادلونى نفس الشعور لحد ما اتصدمت وموقف بسيط بينهم ع حقيقتهم وف الاخر طلعت انا الى وحشه بعد ما كنت بعتبرهم اكتر من اخواتى