كريستيانو رونالدو - قصة حياته التى لا تعرفها
HTML-код
- Опубликовано: 26 июл 2022
- فى السبعينات.. كان فى جندى برتغالى من ضمن القوات اللى بتشارك فى محاولة السيطرة على ثورة الشعب الانغولى فى افريقيا.. انغولا كانت مستعمرة برتغاليه لحد السبعينات.. المهم الجندى البرتغالى ده واللى كان اسمه دينيس افيرو.. اتأثر جدا بالحرب ومشاهدها المرعبة.. زمايله بيموتوا قدام عنيه.. والجيش اللى هو بينتمى له.. عمال يموت فى الشعب الانغولى المسكين.. مشاهد مرعبة قسمته نصين.. ومقدرش ينساها اللى باقى من حياته.. مبقاش قادر يعيش بذنب الناس اللى ماتت ولا منظر زمايله المصابين واللى راجعين البرتغال بعاهات مستديمة..
يعمل ايه يعمل ايه؟.. قرر انه يلجأ للخمر.. يسكر علشان ينسى.. وفضل يشرب ويشرب لكن مبينساش.. بل على العكس.. مشاكله كانت بتزيد كل يوم عن اللى قبله.. لأن مع ادمانه للخمور.. بقى يحتاج فلوس اكتر يشترى بيها الخمره.. وهو اصلا عاطل مبيشتغلش.. يتصرف ازاى؟.. بدأ يدور على أى حاجه يبيعها علشان يشترى خمره بتمنها.. هيبيع ايه طيب؟.. شاف ابنه اللى كان مهووس بالكورة.. كل يوم والتانى يجمع تيشرتات أصلية ممضيه من لاعيبة كرة القدم.. فبدأ كل يوم ورا التانى ياخد تيشرت يبيعه.. وبتمنه يشترى خمره علشان يسكر وينسى.. لكن للأسف سيدى المواطن.. لا قدرت الخمرة تنسيه.. ولا قدر يبطل الخمره.. ولا بقى عند ابنه أى تيشرتات علشان يبيعها..
تحصل المشكلة التانية امتى؟.. لما ابنه يعرف ان ابوه باع التيشرتات الممضية من لاعيبته المفضلين.. الولد انهار.. الكورة هى كل حياته.. والتيشرتات الممضية دى كانت الحاجه الوحيدة اللى بتهون عليه الفقر اللى عايشه.. وادمان بوه.. والمستقبل اللى مش باينله ملامح..
وسيدى المواطن أنا مش عايزك تظلم الأب.. لأنه باختصار عمل المستحيل علشان يوفر لابنه الحياة اللى بيتمناها.. كان بيشتغل أى حاجه وفى أى وقت علشان يلاقى فلوس يصرفها على ابنه ويوفر له احتياجاته.. لكن للأسف بعد إدمانه على شرب الخمر كان أى فلوس يكسبها من شغله.. يصرفها على شرب الخمر قبل ما يروح.. وطبيعى ان احتياجهم للفلوس كان ينعكس على حياتهم.. فكان الولد هو واخواته البنات.. كلهم بيناموا فى أوضة واحده.. وأمهم طول النهار بتطبخ وتبيع الأكل للناس علشان تقدر توفر تمن الأكل والعلاج اللى أبوهم مش قادر يوفره..
وفى وسط انشغال الأب بالإدمان.. والأم بالشغل علشان توفر احتياجات ولادها.. كان الولد بيقضى أغلب يومه فى الشارع.. لا حد بيقوله انت فين ولا بتعمل ايه؟.. ومن كتر حبه فى الكوره.. انضم لفريق النادى المحلى الموجود فى بلدهم.. حاجه كده زى مركز شباب عندنا.. كان وقتها عنده 6 سنين بس.. بتحكى أمه وبتقول كان موهوب جدا.. رجليه كانت بتحب الكورة والكورة بتحب رجليه.. لكن كانت عنده مشكله.. كان يرقص الفريق كله ويباصيها لزميله علشان يدخلها جون.. لكن لما زميله كان يطلعها بره أو تتصد منه.. كان يفضل يعيط زى اللى الطفل الصغير اللى تاه من أمه.. كان يعيط لمجرد ان الكورة اللى تعب علشان يرقص كل اللى قدامه ويقدر يوصلها لـ 18.. زميله مقدرش يدخلها جون.. للدرجة دى كان حاسس ان الكورة هى أمله الوحيد اللى مينفعش يخسره.. كان عايش على أمل ان الكورة هى اللى تنقذه من حياة الفقر اللى عايشها.. كان حاسس انه موهوب وموهبته دى هى اللى هتغير حياة اخواته وتريح امه من شغل البيوت وتنقذ ابوه من الادمان..
سيدى المواطن هى دى باختصار قصة حياة أسطورة كرة القدم كريستيانو رونالدو.. قبل ما يتحول لأغلى لاعب فى العالم.. أفضل لاعب كرة قدم على كوكب الأرض.. الولد الصغير اللى كان بينام مع اخواته فى اوضه ضيقه.. وابوه مدمن كحوليات.. وامه شقيانه علشان توفر لهم تمن العشا.. بقى أغلى لاعب كرة قدم على وجه الأرض..
المهم معداش وقت طويل على رونالدو فى الملاعب.. لحد ما الأندية بدأت تتخانق عليه.. وكان أهم ناديين طلبوا التعاقد معاه.. هما ناسيونال ماديرا المحلى وماريتيمو.. الكلام ده كان سنة 1995.. أبوه كان عاوزه يتعاقد مع ماريتيمو.. لكن اليوم اللى اتحدد فيه معاد قعدته مع الناديين.. محضرش غير نادى واحد وهو نادى ناسيونال ماديرا المحلى.. وبالتالى انضم له كريستيانو رونالدو.. لكن اللطيف هنا ان المقابل اللى دفعه النادى للتعاقد مع رونالدو مكنش فلوس.. كان شويه كور وشوية تيشرتات.. ووافق رونالدو ولعب للنادى.. بعدها بشوية وقت.. وقع مع نادى سبورتينغ لشبونه.. وكان المقابل ألف ونص جنيه استرلينى.. سيدى المواطن انت عارف المبلغ ده يعملو كام بالمصرى.. 34 ألف جنيه.. فلك أن تتخيل ان كريستيانو رونالدو أسطورة كرة القدم على كوكب الأرض.. أغلى لاعب فى العالم.. كان قيمة التعاقد معاه 34 ألف جنيه مصرى.. ربك لما يريد.. لذلك دايما أقولك اوعى تيأس.. معركتك الحقيقية مش فى الوصول.. معركتك الحقيقية فى الاستمرارية.. اوعى تصدق اللى يقولك ان الفرصة مبتجيش غير مرة واحده.. بالعكس.. انت اللى بتصنع فرصتك.. طول ما انت مستمر وبتحاول.. طول ما ربنا بيخلق لك فرص جديدة.. تفشل امتى.. فى نفس اللحظة اللى تقول فيها لنفسك خلاص أنا مش قادر.. انما غير كده شكليات..
المهم.. وبرغم انضمام كريستيانو للنادى الجديد وخلاص نقدر نقول انه احترف كرة القدم.. إلا إن أمه كانت حريصه جدا على تعليمه.. لازم كريستيانو يكمل تعليمه حتى ولو هيكلفنا فلوس احنا اصلا مش بنمتلكها.. هشتغل اكتر وهتعب اكتر علشان اوفر له فلوس تعليمه.. مفيش مشكلة.. فما كان من الولد إلا انه استجاب لأمه وكمل دراسته.. لكن فى يوم من الأيام.. تفاجئ أمه بالمدرسة بعتالها استدعاء ولى أمر.. تعالى بسرعه.. ..
من المصادر
bit.ly/3OzYPUq
bit.ly/3z9hReD
bit.ly/3ozre2h
#المواطن_سعيد #كريستيانو_رونالدو #جورجينا
هتفتكرنى سيدى المواطن ؟ 🤓
انتا راجل محترم والله وتستاهل كل خير حجيبلك شقة فى الجيزة على النيل ان شاء الله
انا بتابع حضرتك من أولى ما فتخت القناة وبفتكر لما التلفون ضاع وجبت تلفون جديد اول حاجه عملتها بحثت على قناتك. 😂ياريت بقى تكمل حلقة الظاهر بيبرس بالله. 🙂
عليا النعمه مكانك مش هنا والله انا نفسي اقابلك ياعم
ادعيلي انت بس وليك الحلاوه
وربنا يا شيخ
حلفتك بالغالي
اعمل حلقات بالتسلسل ده
١- ليونيل ميسي
٢- محمد صلاح
٣- الحرب العالمية الثانية بالتسلسل والترتيب
٤- تاريخ مصر من اول ادم حتي الآن
ادي افكار حلقات جديدة
الشخص صاحب الإرادة القوية قد تؤلمه وتكسر روحه أحيانا المواقف الصعبة لكنها مع الوقت تجعله شخص أقوى بفضل الله
اي كلام حلو ده سميره من اشد متابعين لمراجعاتك جميله
انا بعشق رونالدو وتقريبا شفت كل الافلام والحلقات المصورة عن قصة حياة رونالدو بس بصراحه دي اجمل حلقه انا شفتها عن قصة حياته أحسنت اخويا مواطن سعيد وطبعا عمرنا ما ننساك يا راجل يا محترم ❤👍🌹
كرستيانو كل يوم جهد لسنوااات وتعب ونظام غذائي قاسي وتدريب ساعات اكثر من المطلوب ووو، كلها اسباب المفروض تخلي اي شخص يحب الكرة يحترم ويقدر كرستيانو بعيدا عن الانتماء 👍❤️🙏
الأسطوره ❤بحبه من قبل ما أعرف قصته ،،بطل كبيييير قوي وأنسان جميل بمعنى الكلمه ،،حيفضل أسطورة الرياضه والانسانيه
قصة تحدي ....يرزق من يشاء بغير حساب....تحية تقدير لك من الجزائر
نعم يا ساده إنهو افضل لاعب في تاريخ كرة القدم❤️👏🏼
اقسم بالله تاثرت فعلا ف كلامك حقيقي دائما الي يسعى يلاقي هدفه ❤️❤️
وربنا يا شيخ
حلفتك بالغالي
اعمل حلقات بالتسلسل ده
١- ليونيل ميسي
٢- محمد صلاح
٣- الحرب العالمية الثانية بالتسلسل والترتيب
٤- تاريخ مصر من اول ادم حتي الآن
ادي افكار حلقات جديدة
الافضل في التاريخ 🐐
الفيديو ده أنا بحييك عليه من كل قلبي لأنك بتوصل فيه رسالة كبيرة و عظيمة جدا لكل واحد عنده حلم عاوز يحققه شكرا ليك بجد
كريستيانو قدوة متحركة الطموح و الأحلام لا حدود لها
ياريت تزود عدد الحلقات يا استاذ احمد
وممكن تعمل حلقه عن رافت الهجان
وشكرا لحضرتك
سعيد استمر بتقديم قصص عن الناجحين في العالم وربي الحلقه ناااااار وفيها كميه اصرار ونجاح ومشاعر
طب وربنا انا فرحت جدا بوصول الاشعار ده بجد والله ❤♥
اللاعب المفضل بالنسبه لي ، هذا الشخص مثال على الاصرار والطموح 👏🏻 في مقطع انتشر له وهو صغير ولسى في بداية طريقه سألوه مين افضل لاعب بالعالم قال انا ، طبعاً المذيع واللاعبين اللي جنبه ضحكوا على جوابه، هذا المقطع خلاني اكتشف بأنه الثقه بالنفس وقبلها الثقه بالله هي اللي حتوصلك لحلمك
يو يو يو المواطن سعيد يا رباه الاسطوره التي لن تتكرر ثانيا يجب أنا ندعمو شكلي عامل زي المعلق صح 😂😂😂
لا
لا اي بس
@@TIGER_Mx0 شكلك مش عامل زى المعلق
كريستيانو افضل لاعب في التاريخ
رائع رائع رائع اسلوب شيق ممزوج بروح الدعابة المعروفة عن اخواننا اامصرين…
شيء يعجبني في شخصية هدا الاعب هو انه غير ناكر للجميل مزال متفكر ناس لي وصلته وفتحتله الطريق ربنا يبارك له 🤲
احلى ما في الموضوع المحتوى وطريقة شرحك 😍😍 والطاقة الايجابية
الCr7 لاعبي المفضل وافضل لاعب في التاريخ 🇵🇹❤️
اهم حاجه ان الانسان يتقن شغله مهما كان بسيط
قد ايه الحلقه دي فرقت معايا .. جات لي وقت كان اليأس بدأ يدخل جوا قلبي في هدف بقالي سنين بجري وراه .. أن شاءالله هقف على رجلي من تاني وان شاءالله ربنا يكرم كل مكروب ومشتاق للفرج .. أحسنت
انا اول مره اسمع قصه حياته بجد
اللي بيتعب يستاهل يبقي افضل
افضل لاعب في تاريخ كرة القدم
مبدع وعبقري فى سرد القصص العظيمه والمفيده👌👌💚💚
المتألق دائما تحياتي 🤍🤍❤️
أخوك من أسيوط
الحلقه دية جايه في وقتها 💔😔
شكرا ليك 💙
أنا نفسي تعمل حلقة عن أسطورة من أساطير الصعيد
وبسم الله ماشاءالله الصعيد مليانااا أساطير
الحقيقه موش قادره اوصف لك احساسي وانا باستمتع بحلقاتك شااااااابوه
حضرتك انسان محترم جدا وانا شخصيا يستمتع جدا وبستفيد لما بشوف البرنامج بتاعك ربنا يوفقك للاستمرار❤
و بيستغربوا ليه بنحب الدون🥺💔
بتحبيه ليه 😂😂
انا طبعا بوجه اعجاب. الشديد ليك وكل الشباب المحترم المتعلم اللى بيوجه محتواه محترم وسط زمن التسيب اللى عايشين فيه ربنا يحفظكو ويحفظ مصر جميعا
من جد مستوى رائع وجميل في الأداء مع خفة دم زي العسل الله يوفقك ويوصلك للمليون
حلقة للتاريخ😍
برافو عليك انا بجد بعشق حلقاتك كلها ممتازة انا بدخل اعمل لايك و شير الاول وبعد كدا اسمع الحلقة
بجد انت ممتاز وشابوووو ليك واستمر وبرافو عليك .
مسيرة اسطورية مستحيل تتكرر لأي لاعب فعلاً هذة افضل لاعب على مر العصور
بجد حضرتك شخصية محترمة ..وانا بحب حلقات حضرتك جدا والموضوعات اللى بتقدمها جدا
احبك فى قصص الصعود / استمر فى النوع دة يا مبدع
ف اوروبا بيساعدو الفاشل علشان ينجح وفي العرب بيكسرو الناجح علشان يفشل
شكرا ابني الغالي المواطن سعيد على الدرس التحفيز لأصحاب المواهب
ربنا يوفقنا جميعا اللهم آمين آمين آمين يارب العالمين والصلاة والسلام على رسول الله صلى الله عليه وسلم.
شكرا لك
رونالدو اسطورة في اللعب و في الاخلاق و الانسانية
من افضل مقدمين محتوي
ممتاز جدااا طريقتك و المحتوي حلو اووي ومفيد ومحايد
اتمني شركات الانتاج المحترمة تعملك برنامج كبير
اتمنالك المزيد من النجاح و التوفيق
حلقه تحفيزيه من طراز رفيع وأداءك دائما مبدع يا أخى المواطن وبإذن الله افتكرك
أحسنت يا كابتن
حلقة بمكانها👏👏
شكرا جزيلا أستاذ احمد ربنا يسعد قلبك ويبارك فيك زي مابتسعد قلوبنا بكلامك واسلوبك المحترم الراقي .... مع ان كريسيتانو اللاعب المفضل عند ابني ودائما يكلمني عنه لكن الحلقه فيها رسائل كثيره مهمه للشباب .
ربنا يوفق كل شبابنا لما فيه الخير
بصراحه لا نملك الا ان نضغط اعجاب حلقة ورا حلقة تدهشنا وتستاهل الخير
انت انسان جميل جدا وأسلوبك رائع وطريقة سردك للأحداث لذيذة
والله كلامك جميل جدا وربنا يوفقك نجاح الى نجاح ان شاء الله 🤲
بس ياريت لو تطفي موسيقى الخلفية لما تقرأ ايات القرآن ويبقى احسن لو تطفيها تماماً.
وشكراً
عظمة على عظمة يابو حميد انت اللي اسطوره والله
جزاكم الله كل خير على هذا المجهود الرائع و المميز
مش هنساك انت عظيم بجد❤
أحسنت.. حقيقي. شكراً لمجهودك
ربنا يخليك و منتحرمش من نصايحك و يارب كلنا نبقى كرستيانو بشكرك جدا على مجهودك فى القناه
لما ربنا يريد ينجحنا يبعث لنا واحد مثلك.. اسعدك الله دنيا واخره اخوك من اليمن ... عدن ابين
ههه حقا افظل مواطن سعيد
بارك الله فيك اخي
تحية خالصة لك ولاخواننا المصريين 🇪🇬 من المغرب 🇲🇦
شكرن على التحفيز
عاش والله ❤️ كل الدعم ❤ من الزملكويه ❤❤
انا بحبك قوي و متابعك بشكل كبير😍😍😍
بصراحة حضرتك رائع وطريقة سرد مرتبة وجميلة والاجمل تركيزك علي الهدف من المحتوي حضرتك نموذج رائع لأي صانع محتوي جزاك الله خيرا ً على مجهودك
الدون اسطوره كره القدم افضل لعب في تاريخ كرة القدم
مُبدع كالعادة أستاذ أحمد .. إنسان جميل وخلوق .. كل التمنيات بالتوفيق والنجاح.
حلقة عظيمة وملهمة. شكرا لك 🌷
جزاك الله خيرا
الله يكتب إلي فيه الخير
بالتوفيق
حلقه جميله جدا بجد احييك علي اسلوبك الرائع
والله يا استاذ احمد الواحد بيتمنى من ربنا ان يكون فى اعلام محترم فى بلدنا
وعشان احنا عشمنا فى ربنا كبير اوى ومتاكدين من كرمه .
ان شاء الله بسعه الرزق
اوعدك انى هفتحلك مشروع اعلامى محترم يفيد البلد دى وأهلها
لأنك مثال مشرف بجد .
بحب اتفرج على حلقاتك جدا ربنا يبارك فيك و يجعل أعمالك فى ميزان حسناتك .. تحياتي لحضرتك و اعرف ان بإذن الله مش هنساك 😉🥰💐
انت انسان موهوب واسلوبك شيق اتمنى لك التوفيق
تستاهل كل خير ❤❤❤❤
والله العظيم والله العظيم تاني انا داخل علي مشرؤع وكنت خايف جدا وصليت وقولت يارب اديني اي علامه اكمل ولا واول مدخل علي اليوتيوب القيك في وشي واسمع منك الكلام دا حفزتني جدا جدا وقولت اكيد دي علامه من ربنا اني اكمل شكرا 🌹جدا جدا جدا
سبحان الله وبحمده سبحان الله العظيم
مبدع مشاء الله 🌹🌹
ماشاء الله عليك اسلوبك روعه ربنا يحفظك ويجعلك في كل خطوه فلاح
حلقه جميلة تسلم ايدك 👍
حلقة أكتر من ممتازة
سيدي المواطن انت جميل وبتدي طاقة إيجابية حلوة 💐💐 ربنا يوفقك
بجد طريقه إلقاء جميله جدا
ربنا يباركلك حلقه عسل يا أبو حميد
ايه أكتر حاجه استغربت لها فى حياة كريستيانو ؟
صراحه ما تصورت انك تسوي حلقه عن هيك شخصيه تافهة💔💔💔💔
بصراحه مش فاهم ايه غرضك في الكلام عن مارلين مونرو وفاتن حمامه وعمرو الشريف وبطاطس و الفاست فودز
فين المحتوى الهادف سيدي المواطن
إنه مخلف أربع اطفال ولسه مش حاسس أنه لجوجينا😂
@@Amjad-by7ij 🤣🤣🤣
@@Amjad-by7ij فعلا كوره القدم شيءٍ تافهه اصلا
انا من أشد المعجبين بالمادة الي حضرتك بتقدمها بالتوفيق دايما ...
بس طلب بسيط ياريت لوحضرتك تراجع آيات القرآن الكريم وقرأتها بطريقة صحيحة
احلي لايك وده اللي اقدر عليه من طرف اخوك سعيد
الحلقه في منتي الجمال احسنت أكيد مش هنساك برجاء تكمله حلقه قطز
المواطن سعيد اشكر حضرتك على الرقي في تقديم الحلقات وايجازها في جمل تفي بالمطلوب وهو ايصال الوعي في المجتمع
بستاذن حضرتك تنزل حلقة عن الجيش وامكانياته من ناحية القوة وما تم انجازه في الحقبة الحالية. شكرا لحضرتك
تستاهل كل خير
الله يسعدك ويوفقك ويرزقك
روووووووعه بكل المقاييس هذا الفيديو
مليئ بالمعلومات الهامه التي تخص نجمي الاول الدووون
شكرا لك ايها الرجل السعيد دائما
عاشق تراب مصر
من اليمن السعيد
ثغرها الباسم عدن
والله بستفيد من حضرتك
وده لا يمنع عدم الاتفاق علي بعض ارئك
وبالنسبة الي الحلقة دي تعلقاتك
جميلة جدا جدا جدا
لدرجة اني ضحكت من قلبي
الله يفرحك
الله يفتح عليك
حضرتك أحسنت الشرح والقول والتحليل
حلقة رائعة وحضرتك رائع
اقسم بالله انا بنام ع صوتك ياريت نزود الحلقات شوايه تحياتي لحضرتك
كل من يتكلم عن الاسطورة فهو اسطورة بالفعل
شكرا لحضرتك 💝
اقسم بالله انك عسل وأسلوبك رائع ربنا يوفقك واحلي حاجه فيك مش بتنافق حد بتقول علي الصبح صح والغلط غلط واحب اشكر كل زمايلك الي بيساعدوك في ان البرنامج يطلع بالشكل الرائع دا
انت جميل يا اخي والله وكلامك طيب وسردك رائع ... الله يوسع عليك
شكرا لتحفيزك.
شخصية عظيمة فعلاَ جداً جداً جداً. مكافح. وطبعاَ هو أول ملياردير رياضي بالعالم
مايكل جوردان وليبرون جيمس سبقوه وممكن في رياضيين ثانيين ورونالدو يمكن لحد الان ماوصل للمليار
@@harithabbas7489 لا هو عدا المليار خلاص ..هو وصل للمليار وهو في اليوفي وفعلا هو اول مش رياضي عامة لكن اول لاعب كرة قدم في التاريخ يوصل للمليار وهو كمان لسه بيمارس اللعبة
@@fred0o272 يستاهل واني كلت هالكلام وبداخلي حاس انو واصل بس كلت يمكن بعده لانه راتبه قوي وحساباته قوية اقوى حساب انستغرام بالعالم وفوكاها ماركة خاصة بي ومتحف وفنادق وكلشي عنده رجل اعمال يعتبر
@@harithabbas7489 من ناحية الكورة فحصل على ٦٥٠ مليون وتكملة المليار كانت من التسويق والاعلانات والماركة بتاعتو وفنادق والسوشيال ميديا والحاجات دي
اجمل وارقي اعلامي في مصر الشكر موصول لشخصك الكريم
انت محترم
حلقة جميلة ربنا يوفقك استاذنا
أنت مش ممكن آيها المواطن سعيد تميز والقاء وشرح مبدع 🙏🏻💪💪💪🇪🇬