خطوات ونصائح مجانية لتوفير استهلاك الكهرباء في المكيفات وسحب ٢ أمبير فقط في الساعة
HTML-код
- Опубликовано: 14 окт 2024
- اهم خطوات لتوفير الكهربا مع تشغيل المكيفات في فصل الصيف
اولا كده لازم نعرف ان كفاءة اي جهاز وخلوه من الاعطال، اهم سبب لتقليل استهلاك الطاقة
يعني لما اي جهاز يكون مفيش فيه اعطال
وشغال كويس، هيستهلك اقل طاقة ممكنة، اللي ممكن تكون اقل من المكتوبة على بطاقه الطاقه بتاعته.
اول خطوه هي اننا نخلي الوحده الخارجيه اقل عرضه لاشعه الشمس والحراره
يعني نحطها في بلكونه ليها سقف وقدامها براح علشان تطرد الهوا الساخن اللي بيطلع منها بشكل كامل وما يردش لها ثاني، وكمان ما يكونش في شمس ضاربه عليها بشكل مباشر والمواسير بتاعتها تكون معزوله بالكامل
ثاني حاجه ضمان نظافه الكويل بتاع الوحده الداخليه وسربنتينه الوحده الخارجيه، وده ممكن يتم عن طريق تنظيفها بالبلور او بالغسيل او بالاتنين مع بعض
وعموما لازم تكون متاكد من كفاءه المكيف وانه ما فيش فيه اي تسريب لغاز الفريون او خفس في اي مكان في مواسير التوصيل
تالت نقطة، توفير تيار كهربائي مناسب للمكيف لان لو ما وصلتش له القدره الكهربيه الكافيه لتشغيله بكفاءه هيشتغل فترات اطول ومش هيقدر يحقق النتيجه المطلوبه منه وبالتالي هيسحب كهرباء اكثر ده غير انك مش هتاخد منه فايده كافيه
ثاني خطوة بعد ما اتأكدنا ان المكيف هيشتغل بكفاءه، هي تهيئة الغرفة بحيث انها تكون مناسبه له
اول نقطة فيها اننا نتاكد ان الاوضه متقفله كويس وما فيش فراغات كبيره حوالين الابواب والشبابيك، ولو افترضنا لقينا فراغات ممكن نقفلها باي قطع ابلكاش او باي مشمع سميك ودبابيس او مسامير
ثاني نقطة تختار مكان مناسب لوضع المكيف بحيث انه ما يرميش الهواء قريب من باب الغرفة لانك لما بتفتح الباب وكانت البروده الاكبر وراه في الاوضه هتفقد مجهود كبير من اللي عمله التكيف
تالت نقطة يفضل انه يتحط بقدر الامكان في منتصف الجدار الاقصر لو الاوضه مستطيله
رابعة نقطة بخصوص وضع المكيف داخل الغرفه انه ما يكونش محطوط على جدار بتضرب فيه الشمس
ثالث خطوة بقى وهي طريقه التعامل مع المكيف داخل الغرفه
انك متقللش درجه الحراره كثير عن الدرجه اللي كانت موجوده في الغرفة قبل وقت التشغيل
يعني ما تبقاش درجه الحراره بره 40 وجوه ٣٨ وانت تظبط التكييف على 20
ممكن تخليها 25 26 علشان ما تبعدش قوي عن الدرجه اللي موجوده خارج الغرفه في بقية الشقة ده حتى علشان صحتك لما تخرج وترجع تدخل تاني متاخدش صدمة من البرد
اما لو درجه الحراره بره ٣٠ عادي ممكن تظبطه على 23 24 لكن برده حاول ما تنزلش درجه الحراره بقدر الامكان لدرجه اقل من اللي انت محتاجها لان درجه واحده فرق بتخليه يستهلك طاقه اكبر ويشتغل فتره اطول لو كان مكيف عادي ويشتغل بقدره وسرعة اعلى لو كان مكيف انفرتر
قلنا في بداية الفيديو انك تقفل الابواب والشبابيك كويس، والفراغات اللي موجوده بينهم ما تكونش كبيره.
لكن دلوقتي هنقول انك ما تفتحهمش كل شويه الا لضروره ويكون فتح سريع وقفل سريع، وباضيئ درجه، يعني يا دوب تفتح الباب فتحه صغيره كده تعديك وترجعك علشان الغرفه ما تفقدش جزء كبير من الهوا البارد اللي جواها
اما لو عندك طفل في الاوضه وعايز يخرج وهيرجع تاني بعد شويه يبقى تخلي التكييف على اعلى درجه ممكنه، سواء كانت 28 او 30 وتخلي ريشه الهوا ترفع لفوق خالص بحيث انها ما ترميش هوا لتحت علشان لما الطفل يرجع ما ياخدش دور برد
ولما الطفل يستقر في الغرفة ممكن ترجع ثاني تنزل درجه الحراره على الدرجه اللي انت عايزها، افضل من انك تطفيه وترجع تشغله من جديد
في بقى عندنا في كل المكيفات وضع اقتصادي ووضع دراي وفي وضع للنوم في ريموت التكييف
جربهم اللي تلاقي نفسك مرتاح عليه شغله لان الاوضاع دي كلها بتوفر في الكهرباء اكثر من وضع التبريد العادي لكن مش هتدي لك نفس الكفاءه لان وضع التبريد العادي تقدر تظبطه على درجه الحراره اللي انت عايزها وتقدر تظبط المروحه والهوا بتاع التكييف زي ما انت عايز.
بالنسبة بقى لتشغيل المروحه السقف مع المكيف انا عملت تجربه وشغلتها مره معاه وحسبت الكهرباء والاستهلاك وكمان قريت درجه الحراره والتكييف بيحقق كام ومره ثانيه عملت نفس الاجراءات دي مع طفي المروحه
والنتيجه كانت بدون المروحه افضل من مع تشغيلها لكن في خطا صغير في التجربه خلاني افكر من جديد اني اعيد الفيديو او اضيف تجربه ثالثه علشان اتاكد من النتيجه
بس مبدئيا انت مش محتاج تشغل حاجه مع المكيف في الغرفه لحد ما اعمل التجربه من اول وجديد او اتممها واتاكد منها
لو الغرفه كبيره على المكيف وبياخد مثلا ساعه ونص او ساعتين علشان يحقق درجه الحراره اللي انت طالبها منه
يبقى الافضل انك تخليه ينزل تدريجي يعني لو انت عايز درجه حراره 24 ممكن تظبطه الاول على 26 ل ٢٨ ولما يفصل مره ويرجع يشتغل تاني تقوم مخليها 25 ل ٢٧ وهكذا يعني تنزل خطوه بخطوه علشان تخليه يرتاح اكتر وقت ممكن وما يفضلش شغال متواصل
وممكن تتبع نفس الاسلوب مع التكييف الانفرتر علشان ما يشتغلش بكامل قدرته فتره طويله وينزل من سرعه الكومبريسور في اقرب وقت
بعد كده هنتكلم عن الاحمال الحراريه في الغرفه.
بقدر الامكان حاول تخرج اي جهاز بيطلع حراره في الاوضه زي الثلاجة والديب فريزر وفرن الكهربا والقلاية الهوائية وبلاش تشتغل بالمكواه والتكييف شغال، لكن طبعا لو التلاجة ما لهاش مكان خارج الغرفه مش هي اللي هتاثر قوي
اما لو هتخرج من الاوضه وهتسيبها فاضيه لكن هترجع لها خلال نص ساعه او ساعه ممكن ترفع درجه حراره المكيف لاعلى درجه، ٢٨ مثلا بس ما تطفيهوش علشان يفضل محافظ على درجه قريبه من اللي انت محتاجها وتقفل الباب وتخرج ووقت ما ترجع تبقى تظبطه على الدرجه اللي انت بتشتغل بيها
واخيرا لازم تتابع استهلاك الكهرباء عندك قبل وبعد تشغيل المكيف خاصه للفترات الطويله علشان تقدر تعرف انت بتستهلك قد ايه وتجرب طرق واوضاع كثيره ومختلفه وتختار الافضل ليك وللمكيف ولفاتوره الكهرباء، لو عندك بقى اي سؤال اكتبولي في التعليقات وشكرا لمتابعتكم لايك بقى الفيديو والسلام عليكم ورحمه الله وبركاته
معلومات قيمة من شخص محترم وفاهم، جزاك الله خيراً
تسلم يا غالي
@@HanyMoh2017yt ساشترك في قناتك ان شاء الله
شكرا ليكى ممتاز
شكرا علي المعلومات الجميله
نصائح فعلا قيمة اعانك الله
شكرا جزيلا لكلماتك الطيبة
مساء الخير حضرتك. أنا بشغل التكييف 1.5 ميديا ميشن علي درجة 27 مع وضعية الاقتصادي هل ده كويس بيديني برودة كويسة بشغله تقريبا من 12 مساء ل 9 صباحا هل ده كويس للجهاز ككفاءة ويستهلك كهرباء قليلة
اكيد الوضع الاقتصادي بيكون الافضل في استهلاك الكهربا
وطالما البرودة كويسة مفيش مشكلة
تمام التمام ياريت الناس تفهم
لو سمحت بيسحب كهربا كم تقريبا بالشهر
اسمه اي الوضع الاقتصادي😊
لو سمحت انا بشغل التكيف مثلا ساعتين وافصله حبه يعني علشان اوفر كهرباء وارجع اشغل تاني كده ياثر علي الجهاز ولا عادي ارجو الرد
مع كامل إحترامي لحضرتك أستاذتا ..المروحة بتفرق كثير لما تشتغل مع للتكييف . لكن تعتمد كفاءتها على وضعية المروحة وإتجاهها .. بصراحة بتوزع الهواء بشكل أفضل وتساعد بشكل كبير في عملية فصل الكباس وقت أكثر .. وأيضاُ تساعدك في عدم تقليل درجات التكييف .. مثلاً نعطيك إحساس درجة 28 على إنها 26 .
انا جربت تجربة عملية
وان كانت غير دقيقة ١٠٠٪ لكن مؤشراتها ان المروحة مع التكييف غير مفيدة ولا مضرة للتكييف
لو احساسك بالبرودة معاها افضل، شغلها
اما لو مش حاببها، متشغلهاش
ruclips.net/video/lPIgN1Tb3bs/видео.html
انا عندي السكن في دور أخير
مساحة الغرفة
طول الغرفة ٣.٧٥ وعرضها ٣.٧٥
هل يكفي مكيف ١ طن
درجة الحرارة القصوى ٣٩ درجة
طيب انا هكلمك عن تجربة عملية مع اتنين تكييف تورنيدو ركبتهم في الصالة عندي بنفس مواصفاتك الغرفة عندك
الاول كان انفرتر، وكان بيشتغل فترة طويلة عن تكييف تاني شارب في غرفة اصغر ومعزولة، وكان اقل درجة حرارة قدر يوصل لها كانت تقريب ٢٥ درجة
نقلت التكييف ده لغرفة تانية وجبت تكييف تورنيدو بس مش إنفرتر، بيشتغل تقريبا بنفس الكفاءة بس مبيعرفش يوصل ل٢٥ درجة، ممكن ٢٦ او ٢٧ يشتغل ويفصل، انما ٢٥ مستحيل يفصل.
معنى عندك الوضع يكون افضل، لان الصالة مفيش فيها عفش زي الأوضة.
ولما تلاقي حرارة الغرفة ٣٩ كده، يكفي تظبط التكييف على ٢٧ درجة
أما لو طموحك تشغل التكييف على ٢٣ و ٢٤ درجة في جو الصيف الحار، يبقى لازم تعزل السقف على الاقل، او تركب تكييف اكبر ٢.٢٥ حصان مثلا
1 طن مكيف يكفي غرفة مساحة 12 متر مربع،
لو سمحت ياهندسه انا عندي الباب ديما بيتفتح عندي كتير او والعيال بينسو الباب ده غلط ع التكييف
شرح وافى شكرا لك
أحسنت يا باشمهندس
تسلم يا غالي
عندى تكييف شغال 24 ساعة ومظبوط على 28 درجة .وبدفع زيادة 1500ج فاتورة الكهرباء ..ما الحل ..للعلم كنت معارض لفكرة التكييف ولاكن اخواتى هما الجابوا التكييف
مقولتش اي معلومة
مساحة الغرفة كام متر مربع
قدرة التكييف كام حصان
عزل السقف ولا دور مش اخير
قوة برودة التكييف الهوا بتاعه
احكام قفل الغرفة
واي ملاحظات تانية
وجودة غلط من الاساس متركب فى صالة وابواب الغرف مفتوحة ولاكن النوافز مغلقة غير انة بجوار شباك الصالة وانا فى اخر دور ..التكييف الصحراوى هو الحل ولاكن عندما تصل درجة الحرارة فوق 30 يمكن استخدام تكييف الفيريون @@HanyMoh2017yt
عندي مكيف هايسنس جديد عندما تكون الكهرباء ضعيفة تفصل الوحدة الخارجية والداخلية شغالة ..هل هذا راجع للكهرباء الضعيفة او المكيف فيه خلل..لاني قمت بارجاع مكيف قبله للبائع ولما اشتريت هيسنس وجدت نفس المشكل يعني تفصل الوحدة الخارجية .من فضلك اخي وجزاك الله خيرا ..اخوك من الجزائر
غالبا المكيفات العادية تفصل مع انخفاض الجهد عن ١٨٠ فولت
اما الانفرتر يمكنه العمل تحت فولت ١٥٠ ولكن بكفاءة اقل
لوسمحت غرفه صغيره جدا ع شكل مكعب فيها مكيف ٢.٢٥ كده استهلاك الكهرباء هيبقي كتير المكيف مش انفرتر
المكيف هيوصل بسرعة للدرجة المطلوبة
وهيفصل اكتر ما يشتغل
وبالتالي الاستهلاك هيبقى معتدل
بس التجربة خير وسيلة
انا كنت اراقب العداد وجربت اوضاع لتقليل الاستهلاك وضع الايكو ممتار فالمكيف لي عندي تستطيع تشغيل وضع يخلي الجهاز يشتغل بنصف الطاقة والاستهلاك نزل كثيييير
اي هو وضع الايكو ده الي هو النقطه بتاعت الرتوبه دي
وضع الايكو ممتاز في الاجواء شديدة الحرارة
اما الأجواء المتوسطة هيزود الرطوبة وريحة الكمكمة
@@HanyMoh2017yt هل وضع الرتوبه افضل
@@HanyMoh2017yt لا فالبداية اشغل وضع التبريد ولما الغرفة تبرد اشغل الوضع الاقتصادي تبقى الغرفة باردة حتى الصبح
رجاءا رد على تعليقي انا اشتريت مكيف نوع بيسان وكان يصرف بالساعه اقل من كيلو كهربا على درجة ٢٥
وبعد فترة صار يصرف بالساعه كيلو ونص كهربا على نفس الدرجه شو السبب أرجو الرد
ممكن محتاج نضاف خفيفة
وكمان الجو حرارته زادت
سؤال هل عندما الغرفة تاخذ البرودة بتاع الغرفة ويفصل المكيف هل يكون في استهلاك كهربا
لا طبعا مفيش غير استهلاك ضعيف جدا للوحدة الداخلية، اقل من استهلاك مروحة
عندي تكييف الصاله كبيره ومفتوحه علي المطبخ. لسه جديد شغلته. امبارح تمان ساعات علي درجه حراره 24 , ده غلط ولا صح
حسب مساجة المكان، وكمان قدرة التكييف
ولو تم وضع مكيف الاسبلت على وضع المروحه فكم أمبير حتكون صرفيته ؟
معرفش بالظبط
لكن قليل جدا
ممكن ٥٠ او ٧٠ وات
حضرتك الغرفة بتاعتنا اكبر بكتير من قدرة تشغيل المكيف وكمان اخر دور بيوصلها شمس ولكن اضطريت اجيبه الشهرين دول عشان حاليا في 3ث ، المهم انه مش بيوصل لدرجة التبريد نهائي ، لو شغلته معظم اليوم على اقل قدرة تشغيل ممكنة هيستهلك كهربا كتير؟ والاهم هل هياثر بالسلب على المكيف نفسه ولا عادي المكيف انفرتر 1.5، مفيش تسريب ولاعزل ابعاد الغرفة ممكن 3.5*6 ، زي مقلت هيفضل شهرين على الحال ده --- شكرا
المساحة قريبة لضعف المساحة المطلوبة للتكييف
لو شغال متواصل اكيد هيقل عمره، يعني مثلا، بدل ما يعيش مثلا ١٠ سنين هيعيش ٥ بس
وكمان استهلاك الكهربا هيبقى اضعاف
لازم تعزل السقف حتى، او على الاقل تشغله اوقات وتفصله اوقات
جبت تكييف وكنت اخر دور. فضل سخن وهتكره باقي الشقه. الحل. بتجيب حد يغسلك سطح شقتك يرش ميه وتجيب ٧شكاير اسمنت ابيض و٤بودره بلاط وتقلبهم. سوا. وتحطهم ع السطح بالمساحه. طبقه ولا طبقتين هيهون شويه.
هل صحيح المكيف يستهلك كثير من الكهرباء اول تشغيله؟
وكيف نحسب الفاتورة ماذا يستهلك المكيف؟
مش اول التشغيل هو الازمة
لكن ميزة الانفرتر انه مبيسمحش برجوع الحرارة
وبيشتغل بطاقة بسيطة للمحافظة
اما حساب الاستهلاك فإن شاء الله هعمل فيديو توضيحي قريب
عندي تكيف شارب وتكيف Grffet
انهي احسن ومبيسحبش كهربا
معرفش التاني ده
بس التجربة خير وسيلة للحكم
خد قراية عداد الكهربا يوم في ساعة محددة
وشغل مرة التكييف الاولاني ١٠ ساعات على درجة حرارة ثابتة، ممكن ٢٦ او ٢٥
وتاني يوم اعمل نفس التجربة بس مع التكييف الاخر
وشوف مين فيهم سحب قراية اكبر
قراية كيلو وات مش فلوس
عندى كارير شباكع
وضع الدراي عندي بيكون ساقع اوي
هل تكيفات ٥ حصان محتاج عداد كهرباء معين
معتقدش
بس الاكيد مش هيشتغل مع العداد القديم ابو قرص
@@HanyMoh2017yt عدعدا كهرباء بالكارت
هل قفل المكيف اكتر من مره في اليوم خطأ
لا خالص
بس لو هتقفله نص ساعة او ساعة
يبقى يفضل شغال احسن
لانه بعد الساعة دي هياخد وقت طويل شغل متواصل لتحقيق الدرجة المطلوبة
بعملوا دراي ومش بيفصل
الدراي بيشتغل يجمع تلج، ويفصل يسيح التلج
وهكذا
يعني اي افضل درجة لية وموفرة للكهربا
انا بعمله من ٢٥ ل ٢٧ غالبا
حسب الجو
في الحر الشديد ٢٧
والجو المتوسط ٢٥
@@HanyMoh2017yt هل وضع الدراسة أو الجاف اوفر كهرباء