اخيرا قانون الاسرة الجديد 2024 والشرح كامل بالتفصيل
HTML-код
- Опубликовано: 15 сен 2024
- قانون الاسره الجديد قانون الأحوال الشخصيه
قانون الأحوال الشخصية
كشف وزير العدل ملامح مشروع القانون الذى يتكون من 183 مادة وبصدوره سيتم إلغاء 6 قوانين مرتبطة بالأحوال الشخصية ومنها ملامحه:
1- إنشاء صندوق لرعاية الأسرة ووثيقة تأمين لدعم الاسرة ماديا في مواجهة النفقات والتحديات ذات الصلة بمسائل الأحوال الشخصية
2- منح صلاحيات جديدة للقاضي للتعامل مع الحالات العاجلة من أجل دعم الأسرة
3- السماح للقاضى بمخاطبة جهة عمل المطلق لمعرفة دخله وتقدير النفقة
4- وضع نظام جديد يجمع منازعات كل أسرة أمام محكمة واحدة
5- تقصير مدد الفصل فى دعاوى الأسرة
6- استحداث إجراءات للحد من الطلاق
7- توثيق الطلاق كما هو الحال في توثيق الزواج، وعدم ترتيب أي التزامات على الزوجة إلا من تاريخ علمها به
8- الحفاظ على الذمة المالية لكل زوج ونصيب كلٍ منهم في الثروة المشتركة التي تكونت أثناء الزواج
9- إعادة صياغة وثيقتي الزواج والطلاق بما يضمن اشتمالهما على ما اتفق عليه الطرفان عند حالتي الزواج والطلاق
10- ضرورة أن يخطر الزوج زوجته الأولي بزواجه من ثانية
11- عدم السماح لمن يرفض دفع النفقة لابنائه من رؤيتهم
12- استحداث ماده متعلقه بتنظيم الاستضافه لمدة يومين او ثلاثة ايام فى الشهر
13- استحداث الرؤية الكترونية لغير الحاضن المتواجد فى الخارج من رؤية الأطفال أونلاين
14- استحداث عقوبة جنائية رادعة لكل من يرفض اعادة الاطفال بعد الاستضافة او من يمنع الطرف الاخر من حق الرؤية
15- تم تنظيم معالجة الأمور المتعلقة بمصاريف التعليم وضمان استمرار تعليم الاطفال فى المستوى التعليمى الذي كانوا عليه قبل الطلاق مع منح النيابه العامه سلطة التحقق من دخل الطرفين لضمان توفير التغطيه الماليه للنفقات التعليمية
16- استحداث مواد قانونية تتعامل مع مشكلات الزواج العرفي فيما يخص إثبات النسب مع التاكيد على عدم وجود نفقة للزواجه في حال الزواج العرفي
17- إعادة الصياغة فيما يتعلق بمسائل الولاية على المال
صندوق دعم الأسرة المصرية:
ويوجد صندوق قائم بالفعل يسمي بـ "صندق نظام تأمين الأسرة المصرية" المنصوص عليه فى القانون 11 لسنة 2004 ولكن القانون الجديد تضمن إنشاء صندوق لرعاية الأسرة برسوم رمزية لن تحمل أعباء إضافية على راغبي الزواج.
حول نسبة الطلاق الحقيقية في مصر أكد الوزير أن هناك رقما سلبيا مشاعا عن نسب الطلاق السنوية، حيث قيل إن متوسط نسب هو 34% رغم أن النسبة لم تتجاوز 3%، بسبب عدم تنسيق الجهات.
وتتضمن أهم محاور مشروع قانون الأحوال الشخصية الجديد أن يكون توثيق الطلاق كما هو الحال في توثيق الزواج، وعدم ترتيب أي التزامات على الزوجة إلا من تاريخ علمها به، ومنح صلاحيات جديدة للقاضي للتعامل مع الحالات العاجلة من أجل دعم الأسرة والسماح للقاضى بمخاطبة جهة عمل المطلق لمعرفة دخله وتقدير النفقة، مع وضع نظام جديد يجمع منازعات كل أسرة أمام محكمة واحدة.
كما يضمن مشروع القانون تقصير مدد الفصل فى دعاوى الأسرة، واستحداث إجراءات للحد من الطلاق، والحفاظ على الذمة المالية لكل زوج ونصيب كلٍ منهم في الثروة المشتركة التي تكونت أثناء الزواج، كما يعمل القانون على إعادة صياغة وثيقتي الزواج والطلاق بما يضمن اشتمالهما على ما اتفق عليه الطرفان عند حالتي الزواج والطلاق.
كما يلزم مشروع القانون اخطار الزوج لزوجته الأولي بزواجه من الثانية، وعدم السماح لمن يرفض دفع النفقة لأبنائه من رؤيتهم، كما استحداث مادة متعلقة بتنظيم الاستضافة لمدة يومين أو ثلاثة أيام فى الشهر، فضلا عن استحداث الرؤية الإلكترونية لغير الحاضن المتواجد فى الخارج من رؤية الأطفال أونلاين، واستحداث عقوبة جنائية رادعة لكل من يرفض إعادة الأطفال بعد الاستضافة أو من يمنع الطرف الآخر من حق الرؤية.
وعالج مشروع القانون الأمور المتعلقة بمصاريف التعليم وضمان استمرار تعليم الأطفال فى المستوى التعليمى الذي كانوا عليه قبل الطلاق، مع منح النيابة العامة سلطة التحقق من دخل الطرفين لضمان توفير التغطية المالية للنفقات التعليمية، وتناول مسائل الولاية على المال.
#قانون #الاسره #الاحوال #الجديد #الشخصية_الجديده
بندفع النفقة بإنتظام ومع ذلك محرومين من رؤية أولادنا حسبي الله ونعم الوكيل في من شرع قوانين محكمة الأسرة وجعل النساء تتطاول علينا وتحرمنا من أولادنا
متدفعش وهيبعتوهم غصب عنهم
@@omarmohamed-n7c ازي ممكن للتوضيح
انا بدفع كل شهر ١٧٠٠ حضانه ومسكن للبنت وستها حرمانى منها ينتقم منها ربنا
@@علاءالكينج-ذ6ج ارفع قضيه رؤيه
ارفع دعوي رويه
البعد عن الله وسنه رسول الله صلى الله عليه وسلم
هو فشل كل اسره في مصر..
مطالب الاب بتخفيض سن الحضانه للولد ٧سنوات وللبنت ٩ سنوات غير كده يبقي متغيرشي القانون وفوائد الست زادت
فايدة اي حضرتك ..الست بيطلع عينها علشان تربيهم لية مفكرين الحضانة مع الام دة حاجة سهلة دي مسؤولية ..وحضرتك قبل سن ١٥سنة تقدر تلبي احتياجات اولادك من رعاية واكل واهتمام ..الاطفال مش ديكور حضرتك ..والقانون دة لصالح الاطفال مش اب ولا ام ..اتقوا اللة
@@SalemYoyo كلام فارغ بيطلع الولد منسون السعوديين بيبعته أبناءهم الصحراء لقبايل عشان يطلع رجل.
@@SalemYoyoيعني القانون هيعرف اكتر من الدين يا روح امك وبتقولي اتقوا الله اتقي انتي الله مفيش ولا مذهب قال ١٥ سنه دي خالص جتك القرف
@@SalemYoyo خلاص طلاما متعبه اووى كده الحضانه بالنسبه للام تتنازل عن الحضانه للاب 🤷🤷😎
@@SalemYoyo ولية حضرتك فاهمة أن التربية اكل وشرب وخلص الموضوع لا الموضوع أعمق من كدة بكتير هو لو كان كدة وبس يبقى ناجر لهم مربية أطفال وعلى الأقل مش هتسود قلب الأطفال من ناحية ابوهم وتعيشهم في سواد وتقلب كيانهم وبدل مايطلعوا اسويا يطلعوا عندهم حقد وغل من الدنيا كلها وغير نافعين باالمرة لا ليهم ولا للمجتمع يعني يطلعوا أشرار
تقسيم نصف ثروته عند الطلاق، ده مثل قوانين الغرب اللي ادي الي عزوف الشباب عن الزواج واقامتهم علاقات خاصة زنا يعني مخافة تيجي سيدة تاخد نصف ثروته ..
على خيبة اية تاخد نصف ثروتة!!؟ يعني هل وهي كانت معاة كانت تستحق لقب الزوجة اصلا
اقسم بالله تهريج كل ده ولسه القانون مطلعش بجد حرام احنا مش بنشوف احفادنا بال ٣ سنوات وفي ناس اكتر حطوا نفسكم مكنا بجد تعبنا بنطالب كل المسئولين سن البنت ٧ سنين والولد ٩ ٠٠كفايه قهر للرجال الستات معظههم اتمرعوا ولا خايفين من اي حاجه طالما القانون في صفهم تتجوز وتاخد مؤخر ونفقه متعه وقايمه منقولات ونفقه للأولاد شهريه ٠٠طب ده يرضى مين تتجوز وتتطلق عادي هي الكسبانه لو ست بتعرف ربنا كان يبقا بالتراضي مش بالمحاكم عشان ربنا يكرمها في امهات كتير بتعمل بما يرضي الله عشان ربنا يبارك لها في ولادها يحبوها وهي ضامنه انها هتعيش ليهم العمر كله مش محتاجين لابوهم يارب يهديهم ٠
@@fatmaalgamil219 كتير جدا من الستات مش عايزة محاكم ،لكن بتلجأ لها لما يبقى الزوج ظالم لأولاده ولها وطبعا أهله في صفه.
لو متفاهم وبيتعامل بما يرضي الله مش هتروح تبهدل نفسها في محاكم
لكن كتير من الأزواج بيظهروا روح الانتقام من الزوجة بعد الطلاق ،إذا يعني تتطلقي وترتاحي مني!! وكتير من الرجالة المنصفة وبتعدل عارفة إن ده الواقع.
@@fatmaalgamil219 هتلاقيكي انتي سبب خراب البيت ياوليه زي الشيطانه حماتي
طيب امتي هيصدروا قانون الست تتجوز اتنين وثلاثه والراجل يبيع شرابات قدام المحطه ...هو الفقر حل علينا من شويه ..حسبي الله ونعمه الوكيل .حرام الضرب فى الميت
جواز وطلاق مصر كله حرام في حرام
عشان كده اغلب المطلقين ومتزوجين مره أخري ده زنا ولا زواج ولا نيله
في ستات متجوزه هربانه من جوزه تجوز عرفي وحد متجوز وبيبقي عارف وناس شيل اريل الي سكنه معهم دول ربنا يولع فيهم وفي اهليهم
ايه الهبل ده موضوع الطلاق الشفوي اللي لا يقع مخالف للشرع والدين موضوع الوثيقه والشروط ايه الهبل ده طول ما احنا معطلين الشرع في حياتنا هنشوف ايام سوداء
كثرة القوانين المنظمة للزواج والطلاق (سواء نوافق عليها أو نعترض)بتعقد الموضوع وتصعب الزواج وتفتح باب الزنى، والعياذ بالله.
حبس الزوج هوضرر للطفل وليس عقاب للزوج لاني في حالةحبس الاب ضمارمستقبل الابناء نفسيا اجتماعيا سياسيا أمنيا هيكون أطفال غير سويين
كلامك مضبوط ١٠٠ في ١٠٠
قانون الاحوال الشخصيه ده اول دليل على وجود الفساد والفاسدين داخل الدوله المصريه
طبعا فى حالة زواج الام لازم الحضانة تكون للاب مينفعش الاولاد يكونوا مع زوج الام خاصة لو بنات
بتتجوز عرفي وبتاخد نفقه يعني بتصرف عليها وعلي الزوج الجديد ههههه عجبي
طب لو الاب متجوز هايروحوا لمرات اب
بصراحه الحالتين زفت للعيال
طيب لو الاب معسر ماديا عشان ربنا مش باعت له رزق فترة من الزمن على الرغم من سعية يبقى مالوش حق يشوف ابنائة ده ايه الرحمة دى
لو كانوا معاه كان هيصرف منين وقتها ولا ساعتها هياكلهم طوب لكن طبعا الرحمه تطلب من آلام أنها تصرف وهو ملك زمانه هى تصرف وتعول وتربى وتهتم وهو معلش الرحمه حلوه ...القانون ده كويس جدا لاى حد متقاعس عن الالتزامات اللى عليه يشتغل فى الفاعل يعتبر أنهم لسه تحت سقف بيته هيقولهم معلش وقفوا حياتكوا علشان متعسر والرحمه ...واجب الانفاق من أساسيات الراجل على زوجته وأولاده ولو فى طلاق يبقى أولاده ....لكن معظم الآباء لا بيصرف ولو بيصرف بيصرف بشي لا يذكر طبعا اعتماد على طليقته واهلها اللى بينفقوا على أولاده
نرجو ان حضانة الطفل ٧سنوات للولد و٩ للبنت ١٥ سنه كتيره قوي قوي مش لمصلحة الا ولاد
احسن حاجه الزام الطرفين بشروط مكتوبه في وثيقه الزواج وذلك لضمان حقوق الطرفين كويس جدا
بجانب جهل الشباب بمدى خطووة الأضرار القانونية التي ستقع عليهم بيتم المساومة على الشروط ويتم عدم ذكرها أساسا والا بيتم عدم الموافقة على الزواجة نفسها
وللأسف ده بيجي بعد ما يكون الشاااب اتعشم بالعروسة وجهز حاله وماله وصرف كتير
بتيجي بعد كده مسئلة المأذون بقسيمة الزواج وبتخرج القسيمة بدون أي شروط وقت الفرحة بالزواج
المفروض الحضانه تروح إلى الأب بعد الام
ما هو ده اللي اتقال في الفيديو 🤗
@@AboHsnAndHossam هو ده بس كلام مافيش تنفيذ حسبى الله ونعم الوكيل
ومن لم يحكم بما أنزل الله فأولئك هم الكافرون
بدفع النفقه ومش بشوف ابني والقانون مبهدلني القانون لصالح المرأة
يا عم غور بتدفع نفقة علشان ده حق اولادك في الدين كا كنت راجل قوام علي اهل بيتك وفركشتو عادي يعني وفي الشرع ما اتذكرش حق الرؤية للشخص اللي مالهوش حضانة الاطفال والاطفال بالشرع في حضانة امهم مش ابوهم يعني موضوع الرؤية ده جديد علينا وحق زيادة انت ما استحقوش فالمفروض تحمد ربنا ان ليك حق رؤية يعني ماشيبن بالشرع والدين اللي بتقول انو في صالح المراة وبعدين خلينا واقعيين محاكم الاسرة اصلا مليانة علشان الاباء مش بيقوموا بدورهم كارجالة ويؤدي التزاماتو تجاه اطفالو وزوجتو الذكور في مصر بيبفي عندهم استعداد يرموا زوجاتهم بعيالهم ومايسألوش فيهم علشان يروحوا يبنوا لهم بيت تاني انت عايز حضانة الاطفال دي علشان تبقي كارت تلوي بيه دراع مراتك مش اكتر لكن لا انتوا عايزين حصانة اولادكم ولا يهموكم اصلا ولو كانوا يهموكم مكناش شوفنا الارقام والاعداد دي في محاكم الاسرة علشان اب مابيصرفش علي بيتو وعيالو او علشان مطلق مش عايز يدفع نفقة مراتو وعيالو لو بيلتزموا مكناش شوفنا الاعداد دي وغالبيتها علشان الفلوس ماكناش شوفناهم في محاكم الاسرة وبعدين انت تسعين في المائة من شغل البيت حاطينو علي زوجاتكم بما فيهم تربية العيال كباية مياه ما بتجيبها لنفسك بحكم بقي انك اسد البيت وقوام البيت ومراتك هي اللي تعمل كل حاجة انت لما تاخد العيال هاتبقي قادر علي رعايتهم ولا جنابك اخرك تجيب لهم بيبي ستر علشان تخلي بالها من اطفالك اللي شلتهم من امهم و جبت لهم واحده غريبة تربيهم ولا نقول من معجزات الارض ومن علامات الساعة انك لاقدر الله هاتقوم بكل مسؤلياتهم اللي كانت بتقوم بيها امهم تجاههم ماتبقوش بق علي الفاضي المحكمة بتسمح للام بحضانة طفلها الرضيع علشان لو ماكانتش تملك الحق ده كنت انت اللي هاتفتح صدرك في الاخر وليه الام تقوم بالتزاماتها من الاول تجاه أطفالها وانت عايز قانون يدي لك حضانة الاطفال اللي ماتعبتش فيهم ولا هاتتعب فيهم الفترات الجاية رضاعة وغيار ليه هي تقوم بدورها انت مش عامل فيها دكر خلاص ابقي رضعهم انت من الاول ماتنستناش لما طليقتك ترضعهم وتجهزهم وتخليهم عشرة علي عشرة وجناب ا م ك في الاخر تاخدهم علي الجاهز ياخي اح مد
طول مالقانون بيخالف الشرع هايبقى فيه ظلم لكل الاطراف وفيه تحايل عليه
الحضانة في المرتبه الثانيه ليس مخالف للشرع
لأن أصلا لا قران ولا احاديث تكلموا عن ترتيب الأب في الحضانة وكلها اجتهادات بشرية يجوز تعديلها بالإضافة إن شيخ الإسلام ابن تيمية قال إن الأب في المرتبه الثانيه في الحضانة وده يدل إنه مش مخالف للشرع
بس منه لله النسوي احمد الطيب
@@ahmedayman3696 تمام تخيل كده يكون ابنك لا قدر الله يعني . في الغالب مبيخلكش تشوفه اصلا و في الاخر ممكن يطلعلك منسون وده الي هيحصل عشان هي دي تربيه الستات وبعدين انا استحاله اتجوز فمصر بالتفكير الي موجود ده يعني مثلا انا عندي استعداد اشتري العفش كامل وادهولها لو لقدر الله محصلش نصيب بس ليه تشتريه هي وبعدين تكتبلك رقم في قايمه تداين في
@@ahmedayman3696 فعلا منه لله لانه شيوعى ملعون بيكرة الاسلام
@@ahmedayman3696 لا مخالف للشرع اذا سقطت الحضانة عن الام المفروض بتروح لوالدتها وبعدين لوالدة الاب وبعدين بنشوف الاعمام والخلان بعد موت امهات الزوج والزوجة يعني انت بعيد خالص علي ما تبقي الحضانة في ايدك دورك مش هنا يا فوزي 😅😅انت جيت غلط لسي شويه عليك مش دلوقتي
@@user-tx5co5wu6u
هو انتي بتقراي بوست تاني بقولك اجتهادات بشرية مافيش حديث ولا قرآن اتكلم عن ترتيب الحضانة
وأصلا ده تشريع ظالم الله يلعن اللي وضعه
التخيير جريمه ف حق الطفل و الانسانيه
لابد من تعديل سن الحضانه سبعه للولد تسعه للبنت ودا اهم مطلب للتعديل
لو ما اتعدلش سن الحضانة ،الرجاله هتنزل مظاهرات في الشوارع
اسمها لو متخفضش سن الحضانه إلى ٧ و٩ سنوات
إن شاء الله باذن الله مش هيتغير وهيبقي للابد الحضانة مع الام
@@DoaaMohammed-k5d الله يلعنك انتى وامثالك الولد من عصب وصلب ابوة ومن حق الاب حضانه ولادة يا كافرة
غل مبالغ فيه وانتقام من الأطفال 😂
@@mylifeilove9589 لا مش غل ولا انتقام من الأطفال بس لو حد باقي على ابنة وبنتة مش يطلق اصلا وبعدين بطالبوا بالحضانة عشان متدفعش فلوس النفقة صح ولا لا ؟
نحن نتحول خطوة بخطوة لتدمير قدسية الزواج و سيؤدي ذلك في النهاية للعلاقات الغير شرعية .. و إضافة إلي إرتفاع تكاليف الزواج ستجد نفور للشباب من الزواج و ما يرتبط به من علاقات سرية.
الخلع دي اكبر خطأ في القانون معظم ستات مصر اتخلع وتظلم الراجل وتاخد حقها
وازاي والواحدة طالما رفعت قضية خلع مش بتعرف تاخد اي حاجه من مهرها غير جهازها اللي جابته واللي اصبح متهالك بالفعل
فكر قبل ما تتجوز هما عايزينا بدون زواج
ربنا يبارك في بيوت المسلمين ويهديهم لبعض ويصلح حالهم ويريح بالهم.. ويجعلها بيوت أمنه مستقره ..يا جدعان طول عمرنا بناخد التشريع من الدين اي الحصل ... اللهم انصر دين الإسلام
لازم سن الحضانة يبقى 7 للولد و 9 للبنت غير كده يبقى مفيش جديد
او الحاضن بقى يتكفل بالطفل و ساعتها حتلاقى ستات البلد رجعت الاولاد لابوهم عشان السبوبة راحت
وهو حضرتك بتسمي الفلوس بتاعة النفقة دى فلوس. ....
هى النفقه اللى بتدفع عن طريق محكمه عندك سبوبه 😂😂😂
حضرتك لما الاولاد بيكونوا مع الأب بيدفعوا اكتر وساعه القضيه النفقه على الأولاد ليقدموا اوراق مزوه تثبت أقل من مرتباتهم بكتير
النفقات ٥٠٠ جنيه واخرها ٢٠٠٠ فى ظل الظروف الصعبه دى حسب بقى شطاره المحامى
الولاد يقعدوا مع الأب ليه هياكل ويشرب ويذاكر ويمرض ويودى مدرسه ويجيب !!!! والبنت ٩ سنوات باى منطق بتقول الكلام ده هتقعد معاها تتكلم فى أمور البنات وحالتها النفسيه ولا هتسرح شعرها ولا هتمرضها وهى بنت مكتمله الانوثه دانا بنتى بتتكسف منى اومال لو البنت مع راجل حتى ولو كان ابوها هيتعامل معاها ازاى ولا هترميها مرات ابوها تعمل معاها وتتصرف بديل عن أمها اللى عائشه على وش الدنيا هو انتوا بتحاربوا على حساب الاولاد
@@MonaSarya ايوه النفقة فى نظرى سبوبة ....ليه
لما اكون موظف قطاع خاص و مرتبى على قدى بالنسبة للظروف والغلا اللى احنا فيه والاقى طليقتى راحت للمباحث و ظبطت معاهم تحريات الدخل بتاعتى وفجأة ألاقى عندى شادر خشب و مصنع اعلاف وانا على باب الله والقاضى يقوللى انا ليا اوراق بحكم بيها و ادفع اكتر من نص مرتبى نفقة لعيل واحد و كل سنة قضية ذيادة جديدة دى مش تبقى سبوبة
هو عمتا كلام حضرتك مقنع بس انا بكلمك عن تجربتى فى محكمة الاسرة والنفقات و عن ابنى اللى مشفتوش من ٨ سنين ولا اعرف عنه حاجة و تقريبا نسيت شكله كمان
@@user-vy8jo2rf6r
عذرا لتطفلى ممكن اعرف النفقه كام وابنك كام سنه ؟!!
امتة الاستضافة وحشنى ابنى كفاية كدة
وهي الاستضافة هاتكون بالساهل
لازم هايكونلها شروط أقلها تكون صحيفة أحوالك الجنائية بيضة وخالية من أي سوابق
طب لو عليه حكم نفقه ست شهور ده يمنع الاستضافة ويسقط حق الرؤيه عن الاب
ونفذت ولا لسه يعنى بيجولك البيت عشان يخدوك
المطالبات الاساسية اللي المفروض الشعب يطالب بيها عشان حالة العداء داهل مجتمع الشعب المصري تكون
١) الغاء قانون ومحاكم الاسرة لمخالفاتها وتجاوزاتها عن شرع الله وسنة رسول الله (ص)
٢) ترك الامور الشخصية والعائلية للشيوخ الفقهاء فكلها امور دينية يصاغ القضاء فيها حسب شرع ربنا وتكون مبنية على اساس قوامة الرجل على اهل بيته ودعم ولايته الشرعية على نسائه وابتائه
٣) لانفة لنساء او ألاولاد الا برضى من الرجل احتراما لولايته الشرعية عليهم واحتراما لملكيته الخاصة في بيته وماله
٤) بعد خروج الزوجة او الاولاد عن طاعة الرجل غو خروجهم من بيته دون رضى منه فلا نفقة لهم عليه الا برضاه
[ فمن حكم في ماله ماظلم ]
ولا نفقة لمتمرد على وليه الشرعي
٣) لا حضانة لامرأة على اي ولد دون موافقة وليه الشرعي
٤) لا توجد ولاية لاي امرأة على نفسها او على اولادها طالما انها لا تنفق على نفسها او على اولادها
٥) القوامة تكون لمن هو الافضل ولمن ينفق من الرجال حسب شرع الله
٦) للولي الشرعي حق تأديب اولاده ونسائه اصلاحا وتهذيبا لهم.
٧) الغاء قرارات التمكين من مسكن الزوجية لعدم شرعيتها او دستوريتها الا في حدود شهور عدة المطلقة وبحد اقصى عند انتهاء سن رضاعة وليدها.
(( الرِّجَالُ قَوَّامُونَ عَلَى النِّسَاءِ بِمَا فَضَّلَ اللَّهُ بَعْضَهُمْ عَلَىٰ بَعْضٍ وَبِمَا أَنفَقُوا مِنْ أَمْوَالِهِمْ ۚ فَالصَّالِحَاتُ قَانِتَاتٌ حَافِظَاتٌ لِّلْغَيْبِ بِمَا حَفِظَ اللَّهُ ۚ وَاللَّاتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ ۖ فَإِنْ أَطَعْنَكُمْ فَلَا تَبْغُوا عَلَيْهِنَّ سَبِيلًا ۗ إِنَّ اللَّهَ كَانَ عَلِيًّا كَبِيرًا (34) ))
(( ولهن مثل الذي عليهن بالعروف وللرجال عليهن درجة ))
(( ولا تضار والدة بولدها ولا لمولود له بولده ))
فلم يشرع الله سبحانه وتعالى الطلاق الا لان تنتهي العلاقة الزوجية التكافلية نهائيا بين الرجل والمرأة لانه بالطلاق سقطت ولاية الرجل عن زوجته وبالتالي سقطت نفقتها وسكنتها عنده الا في حدود شهور العدة الشرعية للرجعية. او للبائنة بينونة كبرى الحامل حتى تضع حملها .
فهي من بعد نهاية عدتها كالأجيرة يدفع لها اجور حسب مقدرته حتى تنهي رضاعة صغيرها فهي أحق به في ذلك طالما التزمت حدود الادب واللياقة وحرمة بيت الرجل ومن فيهم من أهله ولا خروج لها من بيته الا بإذنه فإن خرجت سقطت كل حقوقها
وان تثببت للرجل في مشاكل وفي مشاحنات وعناد ونشوز معه او مع اهله.
يحق للرجل استرضاع ابنه بام لابنائه من الرضاعة بامرأة اخرى تكون ام من الرضاعة له مثل امه التي ولدته تماما ولكن لا يرث فيها ولا ترث فيه )
(( ولا تخرجوهن من بيوتهن - (ولا يخرجن)- الا ان يأتين بفاحشة مبينة ))
((تلك حدود الله ومن يتعدى حدود الله فأولئك هم الظالمون))
هو المفروض النزاع في اول مرحلةيكون بين الأهل نفس الاتفاق علي الزواج عن طريق الاهل وليس عن طريق المحكمة
لابد من تغير سنالحضانه الي السابعه الولد والبنت
انت بتفتي طب يا استاذ لا يوجد شي اسمه لا ينفق علي أولاده ويعطيهم حقوقهم انا راجل وبقولك لو انا مكان الحاكم اعدم كل من لاينفق علي أولاده دا انت عره
تخفيض سن الحضانه .. وأقتسامه بحيث يكون 7للولد 9للبنت
الحل الوحيد والامثل للجميع هو الالتزام بشرع الله
هو في اسر حاليا بمصر
انتم بغيبوبه
قريبا جدا مصر بلا اسر
الخراب حل بسببك ياحكومه
للأسف الشديد سن ألحضانه لازم يتلغي فورا لان السن ١٥ سنة ظلم بين للحاضن ان لم يتغير هذا البند في هذا القانون
في مخالفات للشريعة الإسلاميه ومخالف للدستور في بعض البنود هتتغير مثل الثروه المشتركه
يجب أن تكون هناك تحقيق قبل وقوع جريمه الرؤيه من قبل أطباء نفسيين يشوفوا مدي سلامتها علي الطفل اشتكي الطفل من الاب متحرش بتاع العيب شتم الام والشاهد الطفل مراكز للشباب والمحاضر مبتعملش حاجةتمنع فورا الاب هدد الطفل وشتمه بامه لو اشتكي الطفل تمنع حرام تدمير الاطفال وواحدة طفحة الدم يجي شيطان يرميه لمرات ابوه وإخوته الظلمه الي ممكن يموتوه فقط الكيد والانتقام في اب بيقعد بطفل يعني هتدمرا الطفل نفسياً وعلمياً عشان عنتريه وبلطجة اب
القناه مبتديش حريه الرئ وبتمسح التعليق
استمرارً وتأكيدًا للقضاء على الوضع الاسري الشرعي السوي وصل الحال لتطبيق قانون الاحوال الشخصيه الغربي على مجتمعنا الشرقي الاسلامي ..
مناصفة الحقوق بين الزوج والزوجه عند الطلاق ليس من الشرع
وده اكبر اسباب الطلاق المنتشر في الغرب
لان طمع احد الطرفين يغلب تفضيل المال على الاولاد فتهدم الاسره تلو الاسره بهذه الطريقه.
ويستمر الاب والام في العمل طوال الليل والنهار لهثاً لدفع النفقه والا تعرض للمسائلة القانونيه والحبس.
وكيف لاي اب تطبيق حد الحبس عليه لمجرد ان اولاده يقيمون معه بإراداتهم حتى لو كانت الحضانه مع الام او العكس !!!
اللهم استرها علينا يارب ونجنا مما نحن فيه 🤲
مشاركه الثروة..القانون ده مطبق علشان الست تفضل شغالة متقعدش في البيت تهتم بالأولاد زى ما بيحصل فى تركيا
قانون ظالم بكل اشكاله لا جديد بال واد الظلم فى اكتير للرجاله
حسبنا الله ونعم الوكيل في كل ظالم او ظالمه
كتيرا جدا 15 سنه حضانه حرام. لابد ترجع زي زمان الولد 7سنه والبنت 9سنه. دا العدل اي تعديل لايشمل تقليل سن الحضانه ملوش لزمه
ياريت ينزل سن الحضانه الي 7 سنين
15 سنة يكون الطفل بقى شاب واترسخت عنده كل المبادئ والقيم...لا يمكن تغييرها
يعني الواحد يستلم ابنه أو بنته قنبلة موقوتة ميقدرش يعلمه حاجة مفيدة ولا يصحح له مفهوم خاطئ
لله الأمر من قبل ومن بعد.
سبب زيادة الطلاق الحضانه
مهما عايزينها تاخد الجمل بما حمل
رفع سن الحضانة المبالغ فيه اكبر ظلم للرجل
وكذلك تمكين من شقة الزوج ورمي الزوج في الشارع أكبر عنصرية
الشرع بيقول الشقة من حق الزوجة لحد فترة العدة وكذلك النفقة
اما سكن الطفل الأفضل إنه يلزم الزوج بايجار وليس اخذ شقته التمليك اللي دفع فيها دم قلبه بالقوة
لو الاب في بيت عيله وطلقها ونهب منقولاتها وخدت حقوقها عن طريق المحكمة العيلة مبلطجين اذاي تأمن على طفل مبيشوفهوش بالسنين
هو ده اللى أنا بقوله الناس دى لو فيها خير مكنتش الواحدة اتطلقت منهم يبقي لازم يتحرموا من شوفة ابن الست اللى ظلموها وحطموها
تقسيم الثروة ده نفس اللى موجود في تركيا، ولو الستات حيفرحوا به دلوقتي حيعرفوا عيوبه بعدين
اهم حاجه لازم تتعدل هي سن الحضانة لازم ميزيدش عن ١٠ سنين وبدون تخيير ..ازاي يتم تخيير الطفل بين أمه اللي عايش معاها طول عمره وبين أبوه اللي لو شافه بيشوفه ساعتين في مركز شباب ما هو طبعا هيختار أمه اللي بتكرهه في أبوه طول الوقت .. انتو بتضحكوا علي مين ولا فاكرينا هبل وعبط ومختوم علي قفانا.. أقسم بالله لو سن الحضانة منزلش والتخيير متلغاش احنا مش هنسكت عشان ده حقنا في عيالنا
الأب رقم 2 في ترتيب الحضانه لأن الأم بتنقل الحضانه لأمها بعد زواجها من اجنبي عن الصغير على الورق ويكونوا بنات وتاخدهم يعيشوا مع راجل غريب ودا مخالف للقانون وللدين وبنزود حالات التحرش والأغتصاب لأطفالنا ويكبروا يكونوا غير اسوياء نفسيآ
وكتير الاب هو اللى بيكون متحرش بسبب تعاطى المخدرات وذهاب العقل يتأمن ازاى عليهم اما الام مهما كانت بتخاف على اولادها وتراقبهم
تعديلات زي الزفت مخالفه للشرع والدين.... بحس ان مصر محتاجه فتوحات اسلاميه
❤الحمدلله يارب لطفك بالاطفال الابرياء الحمدلله الشكر لله
قانون ظالم للراجل يعني آيه عند الطلاق ولم يستطع ان يدفع النفقه لا يرى اولاده ده في شرع مين !! هو احنا بنشرع بماذجنا ولا بشرع الاسلام !!! ثانيا اي شرع يقول ان ثروة الرجل تنصف مع الزوجة ده ضد الشريعه وده شغل الغرب!!!! فين الازهر من المغالطات الجسيمة وكم اجتماعات عقدتموها وقوانين كلها مخالفه للدين والشريعه !!!! ده شغل مجلس القومي للمرأة اللي من ساعه ما انشئ وهو خرب بيوت واسر المسلمين والمجتمع
ماشاء الله ....جعلتم العلاقه بين الزوج والزوجه والأطفال..حرب عالميه ...منكم لله
أكرملهم يلغوا الزواج، الراجل اللي يتجوز في ظل هذه القوانين راجل دلدول وحاجات تانية كثير ما ينفعش اقولها
الرؤية للاباء المحترمين الاسوياء لكن لو الطفل اشتكي من السب للام تلغي الرؤيه لكن النرجسي ملوش رؤية حرام تبهدلوا العيال علي بلاطة
تعديلات لتنفير الشباب من الزواج ومن ثم تنتشر الرزيله والفواحش
ههههه بناقص الجواز من مصريه وقوانين محكمة الاسره ليها حساب مع الله ده غير حساب ربنا للست المصريه بتاعة الجيل ده من 1980 بدايه فشل البيت المصري
الزواج العرفي لازم يطبق بأسرع وقت لأسباب عدة وهم إثبات النسب وعدم التحايل علي القانون مثلا واحدةليهامعاش من وفاةابوها ولاجوزها تتجوز عرفي ثانيا معظم النساء المطلقات بتتجوز عرفي علشان حضانةالاولاد
الطلاق في مصر سببه الرئيسي الفقر و مفيش مصاريف و تقصير الرجالة مع زوجاتهم بسبب البخل او مفيش فلوس والله اعلم
نرجو تطبيق الشرع وما أقره الدين الإسلامي في كل القوانين الصادرة بحق الأسرة سواء الأب أو الأم أي الزوج أو الزوجة حتي لا يغضب علينا ربنا ولخلق مجتمعات أولادها حالتهم النفسية جيدة وليست سيئة
كل ما يخالف الشرع باطل ..وهما مالهم يتدخلوا ليه في قانون الاسرة والاراضي في العقود العرفيه كانه زى اي عقد مدنى ..فرجينا هطبقوه ازاي وتلات ارباع مصر ماجوز عرفي لسبب او لاخر وهو فيه حد اشكالكم..خايفين علينا قوى ..ارفع المرتبات واحترموا ادمية الناس وبعدين اتدخلوا في شؤونهم الخاصة
بلاش موضوع استضافة الطفل لأن ف ستات كتير بتتطلق بناء على عدم الأمان مع الشخص ده وأهله يبقي ازاى تبعت ضناها وسطهم ممكن يؤذها وممكن يشوه صورة أمه ف نظره بعد ما اتظلمت عندهم واتطلقت وممكن تعيش باقي عمرها بدون زواج عشان خاطر طفلها فازاى يكون للزواج وأهله حق الاستضافة كده تشتيت للطفل وظلم للام لازم قبل ما ينزل حق زى ده شو فوا الناس مصدر امان أو لا ده غير غلط حق وجود الطفل مع أبوه مباشر مع أبوه يعنى كمان تظلموا الأم أن يفضل أبوه يشرط عليها تشوفوا ازاى وجائز جوزها التانى يمنعها الاحتكاك بالاول خالص وبكده تبقي ف حيرة على ابنها
دول ناس بتشرع على مزاجها مش مقدرين ان الام هى احن بشر على وجه الارض
ولا له لزمه شغل بص العصفورة وان الزوج رقم اتنين دا شئ طبيعي وكان المفروض من زمان ولو سن الحضانة متعدلش وبدون تخير ولا كأن اي حاجه حصلت الاطفال عبارة عن سبوبة بتضمن للزوجه شقه ونفقة مدي الحياه
ما نراه من نتائج كارثية ...سببه هذه التشريعات العبثيه ....إعطاء المراه اكثر من حقها للظهور بمظهر العالم المتمدن لن يفيد ...لان مثل هذه التشريعات الغير مسؤله تؤدى إلى تعفن المجتمع تدريجيا وانهيار معايير اجتماعيه وأخلاقية وتدمير الاسره التى تعتبر نواة المجتمع ......فياريت نبص للصالح العام ...وميكونش همنا إرضاء النزعات النسويه للظهور بمظهر المثاليه ....فهذه جريمه فى حق المجتمع
قوانين عبيطة كلها لمصالح شخصية ومخالفة للشرع
يعني اليي ليدفع النفقه وكل حقوقها ومحروم برضه من أنه يشوف أولاده ديه جريمه ....ضد الشرع والدين ....والله احنا في مجتمع مشلول
و الحضانة سن 15 سنة البنت او الولد ها تكون الام سممت افكارهم تجاه الاب بما يكفى لكرهه
شرع الله فيه كل الحلول للبشر
الرفقه هى الحل. وهو ده إلى عيزينه من الناس
بعد ١٥ سنة اكيد يختار أمه ، فيه مخالفات للشرع وهو تقسيم الثروة،
اختيار المدارس لازم بموافقة الاب اعتبارا أنه رب الأسرة وحسب امكانياته
هذا الجانب بعض السيدات تكون اخلاقهم بث. المره لآبائهم وهم أطفال لذا يعتبر كثير ١٥ سنه حضانة
الحالة الوحيدة التى فى صف الرجل هى الاستتصافة
اتقوا ربنا انا بقالي 9 سنين مشوفتش عيالي قانون ظالم بكل المقاييس يعني ايه تاخد نص ثروتي ويعني ايه حضانه 15 سنه يعني بعد ما عاشوا 15 سنه كمان بتخيروهم يروحوا للاب ولا بفصلوا مع الام طبيعي أنهم اتعودوا ومستحيل يوافقوا علي أنهم يعيشوا مع الأب ده اسمه هبل اتقوا الله متخترعوش شرع علي كفكوا
التعديلات للطفل بعد الطلاق ضعيفه جداا . كرامه الطفل وحقوقه عليهم
حقوق الطفل ضعيفه جداااااااا😢😢😢😢😢😢😢😢😢😢😢😢😢😢😢😢😢😢😢😢😢😢😢😢😢😢😢😢😢😢😢😢😢😢😢
طالب بتعديل قانون الخلع في مصر غير شرعي اقسم بالله ما فيش استدعاء جاي من المحكمه وخربت بيتي واتجوزت واحد كانت لي علاقه به هو الراجل على طول هو اللي بيكون ظالم
لا للتخيير لأن الطفل بيختار الأم كطرف متساهل معاهم وغير مراقب لتصرفاتهم
الخلع الغيابي للزوج الغير شرعي بدون علم الزوج ودون رضاة ايقاعه للطلاق
حبس المراة المطلقة المتزوجة عرفي لافائها زواجها. لتستمر لها الحصانة
وجود قانون للأسرة شئ مرعب فى حد ذاته ...حياة معقدة و غير مستقرة
كل ده كلام عام . العلاقة الزوجية لا يحكمها الا قانون الحب و المودة و الرحمة . و لكن القانون وضع من أجل وثيقة التأمين . اللي في ناس تانية هاستفيد من الفلوس ديه غير أصحابها
الرجالة بقت بتعامل الست بلوي الدراع مش مدركين اننا في ٢٠٢٤ مفيش ست ضعيفة😊
مين قال ان الحضانه شر😢ا من حق الام الحضانه شرعا من حق الاب
قال تعالي وان تعاسرتم فسترضع له اخري
وهاذا بالدليل القاطع يثبت ان حضانه الاولاد للاب وليس لام عاهره
اى حاجة غير الشريعه الاسلامية اى كلام وبتبوظ مش بتصلح
وان شاء الله القانون دة بالشكل دة هيخلى الناس تبطل جواز خالص ويتجهوا للحرام والزنا
اصلا نظام الجواز بشكله الشرعى لم يعد مناسب لاسلوب حياتنا والراجل والست بيشتكوا منه من قبل القانون دة ما بالكم بقى لما يطلع قوانين زى دى
حسبنا الله ونعم الوكيل اكيد قوانين تخالف الشريعه الاسلاميه الوضع القوانين سيدات توقع المزيد من فشل الاسر المصريه والطلاق
الأب ليس مجهول لم اتزوج حماتي بعد وفاة زوجتي فالأب بعد الأم مباشرة في حالة الوفاة أو الزواج وان كان الأب حجر أعطوني بنتي مع أخواتها بقانون الشفعة عاوزين نربيهم على القيام والأخلاق والإخلاص والاستقرار للأطفال بالتربية المشتركة والحفاظ على حقوق الأطفال جعل الاستضافة للطرف الثاني والعقوبات بالمثل للأب والأم وتخفيض سن الحضانة بدون تخير وإهانة لأبنائنا وهذا هو أعظم وقت لأنقاذ أبنائكم جنود الوطن غدا فلانتماء للوطن وبالوالدين إحسانا
أبنائنا أيتام وآبائهم على قيد الحياة مؤقتا بحكم القانون اغيثونا اغثكم الله
❤
حقيقى ايتام والاباء على قيد الحياه زى ماقال الشيخ رمضان عبد الرازق
للاب الحق فى رؤية أولاده او استضافتهم مادام لا يقع عليهم اي ضرر
نقل الحضانه للاب بعد زواج الام جائز لكن لو الاب متزوج من امرأه اخري هيكون صعب وكمان الام لاتستطيع رؤية الاولاد او الاهتمام بهم
المفروض دا الكلام الصح وكمان الأب في اكتر الاوقات بيبقى مدمن مخدرات وكحولات وبيتغيب عن الوعى ازاى يكون حاضن لأطفال بذات لو كانو بنات الناس والقوانين بتظلم الأطفال بسبب الانانيه
القوانين لازم تكون مطابقة للشرع وموافقة الأزهر و ف صالح الاولاد وتوازن ف حقوق الزوج والزوجة مش طرف ع حساب طرف والعيال تضيع
أتمني وضع حد لجريمة الابتزاز بالقايمة لو كان المتضرر ست كنتم عملتوها
ياريت محاربة التزوير في المبالغ اللي في القايمه الغير حقيقية وبيزلوا بيها الزوج
أتمني اختراع ورقة قايمه جديده تنصف الزوج وتمنع ابتزازه
أتمني إلغاء قايمه البدل ده أكبر إعانة للاذي والظلم إحنا مش محتاجين موضوع تعبير علشان نثبت إن العفش ملك الزوج
اتقوا الله بلاش ظلم افتكروا إن فيه يوم قيامه وكلكم حتتحاسبوا وزنب كل الرجالة اللي اتظلمت بسبب المبالغة في حماية الستات في القوانين دي اللي خلت الستات تستغلها وتظلم الرجالة اتقوا الله
فكرةالاتفاق في استمراريةالزواج اوالانفصال ونمط الحياةالزوجيةشئ كويس انهم يكون علي درايةبالحياةالزوجيةعلشان بعد الزواج الطرفين بيتفاجؤةكل واحدباطماع الاخر
يريت يطبك في أقرب وقت ممكن علشان الواحد مش عارف يشوف عيالو
قانون ولد ميتا و لن يستمر طويلاً
تعديلات ظالمه ولا زالت الست مسيطرة للاسف والاب مقهور القانون بهذا الظلم للرجل سوف يمنع الحلال ويبيح الحرام والجيل ادمر والبلد هتنهار لان مفيش جيل هيحمى وطنه وهو منهار وضايع نفسيا واجتماعيا ولا انتماء سيكون
التعديلات ان صحت مخيبه للامال ولم تحل مشاكل الرؤيه والاستضافه وكأن الأبناء أبناء الام فقط دون الأب كيف يتم حرمان الأب من حق الرؤيه او الاستضافه لأنه تأخر فى سداد النفقه او آخر الأبناء عنده لساعات كان العصمه فى يد الام تمنع وتسمح فى اى وقت وغالبا كما قولتى ان معظم حالات الانفصال عن طريق المحكمه و التى تقوم برفع القضيه سواء طلاق للضرر او الخلع هى الزوجه وهذا زاد تمرد النساء وخرب البيوت وشرد الأبناء وفكك الاسر وزاد نسب الطلاق وايضا عزوف الشباب عن الزواج بسبب هذه القوانين والتشريعات الظالمه والغير مسؤوله . الموضوع يسير من سىء الى أسوء للاسف .
لو عايزين حياه كويسه يبقى ف قانون الإنسانيه،، بمعنى شاب قبل ما يتجوز وشابه يتفق في عقد موثق بشروط ومن يخالف يتعرض مسؤليه لان الأطفال هم الي بيدفع فتورت الاب َالام بدل مش قد مسؤليه الأحسن متجوز ش بدل مراجل يتجوز عرفي يصلاح من نفسه بعد كده يصلح من ام أولاده ده صح لان الراجل عمود البيت لو تسأل هيقع
أنا متفق مع ٨٠٪ وده بناءا عن تجربة حياتية
قسمة الثروه ستجعل الشباب يعزفون عن الزواج بدون شك ٠
الأب اولى ببناته لو في سن مراهقه وليس زوج الأم وأبوهم موجود وعايزهم
ادفع معاشى لطليقة ابنى الحاضنة . لانة لايعمل .. هل هذا عدل .. وضيف على ذلك اننى لااراها .. ادفع معاشى لحفيدة لااراها .. حد يفهمنى ازاى اى قانون هذا ..؟ حسبى الله ونعم الوكيل .؟
ياناس البنات اكتر من الرجالة بلاش تعقيد العنوسة حاتزيد وباى باى الجواز
قوانين وضعيه واهواء شخصيه ومؤسسات نسويه وحقوق وحريات عمرنا ماكنا نسمع عنها زي عمرنا ماكنا نسمع عن حالات الطلاق اللي اصبحت اكتر من حالات الزواج وحسبنا الله ونعم الوكيل
المفروض قبل تغير القانون يكون فيه اخصائى يعملوا اختار لزوجات المطلقات الأزواج يسألهم عن إلى هما عايزينه عشان حياتهم مايبقاش فيها ظلم ليهم عشان يبقا قانون عادل لزم إلى خاض التجربه لزم من عاش القانون فيه ظلم ولى لا الطرفين العدل اساس الكون
إزاي تروح حضانه اب نرجسي مبيصرفش علي إبنه لأن النفقه زي ما هي من 12سنه ويثبت وعايزها ودي وبقاله علي كده 12سنه ابنه يطلب يوزعه ولاعايز يشوفه وسايبه 8سنيين ميروحش رؤيه ولايخده عشان سجل 3مرات رؤيه راجل عنده 62سنه ومبيديش مبادئ لابنه ديما يكذب ويلوع ويغلوش ويقول مش لاقي اكل وهومليونير ولازم ازا ثبت أن الاب متحرش من شهادة الطفل يمنع الرؤيه و الاستضافة انتم بتدمروا العيال مع اباء معدومين الضمير والأخلاق
اتمسح 2تعليق مهمين
ازاي يعني تطلق وتاخد حقوقها وكمان يدوها فلوس من مشاريع الزوج الخاصه بيه دا يبقا هبل وظلم
لازم حضانة البنت ٩ سنوات والولد ٧ وتكون الحضانة للاب فى حالة وفاة الام او زوجها ومفيش كلام بعد كده ومحدش يتحكم فى الاولاد اصلآ مخلفهمش وبياخد نفقه يصرفها على نفسه على حس الاولاد منتهى الظلم للاولاد والاب
متى سيطبق قانون الاحوال الشخصيه الجديد هل وافق عليه مجلس النواب حتى يعتمده الرءيس ثم يعرض فى الجريده الرسميه نتمنى ان يكون المده قريبه من اجل اطفالنا الضاءعه ونحن فى امس الحاجه اليهم ليس لدينا اطفال غيرهم
قنوان مستورد من بلد اليهود
حضانة البنت ١٥ سنه وتعود لأبيها دون تخيير ٠٠٠ والولد حضانته ٧ سنوات ويرجع لابيه دون تخيير ٠٠ هذا ما أراه عدلا ٠
كفايه قهر الرجال انا نفسي اشوف ولادي وملتزم في النفقات بقالي سنتين معرفش عنهم حاجه اقسم بالله فين القانون الجديد ده حسبي الله ونعمه الوكيل في كل واحده ناشز حرمه الاولاد من ابوهم حرمت عليكي رائحه الجنه
كده خربانه كده خربانه مش هتفرق كتير البيوت بتتخرب والدنيا ماشية عادي والعيال هي اللي بتضيع المفروض المشرع يكون امام نظرة بالمقام الأول الطفل وليس الوالدين
و الله كل افراد الحكومه و مجلس الشعب و المحافظين و الاحزاب هايضيعونا في كل حاجه و هايضيعوا الريس ناس فقر و هم مافيش زرة تفكير خراب