✨現場實況：👩🏻🎤鄭秀文被個唱嘉賓🎙️張敬軒稱做「恩人」🥰兼爆Seed🗣️讀書已睇👀《大頭綠衣鬥殭屍》🧟重溫影壇歷程超感觸🎬失控爆喊😭｜Viu1 現場實況
HTML-код
- Опубликовано: 28 авг 2024
- ✨現場實況：👩🏻🎤鄭秀文被個唱嘉賓🎙️張敬軒稱做「恩人」🥰兼爆Seed🗣️讀書已睇👀《大頭綠衣鬥殭屍》🧟重溫影壇歷程超感觸🎬失控爆喊😭｜Viu1 現場實況
Sammi鄭秀文紅館騷噚晚迎來第三場，嘉賓係軒公張敬軒，二人合唱《笑忘書》，全場尖叫。Sammi講笑話：「好多年前你做過我演唱會嘉賓，嗰陣時你叫做軒仔，依家就叫軒公，即係升咗呢，仲要幾何級咁升添！」Sammi再話之前兩場嘉賓都係新一代歌手，包括Serrini同林家謙，軒公就爆Seed話：「其實我讀緊書嗰陣都有睇《大頭綠衣鬥殭屍》⋯⋯依家我開騷，有時啲後輩嚟到，例如噚晚嗰個後輩歌手（林家謙），佢話九歲聽我首《酷愛》！今晚輪到我，山水有相逢。」全場爆笑。軒公又話Sammi係佢恩人，曾帶佢去馬來西亞做演唱會嘉賓，然後Sammi落台換衫，軒公再獨唱《隱形遊樂場》。
第一、二場都淚崩嘅Sammi噚晚繼續感性，當唱出過去十次提名金像獎影后嘅電影主題曲時，非常感觸：「唔知係咪人老咗就容易感觸，頭先睇返一啲自己電影嘅歷程，嘩，原來我嘅青春、我嘅少艾、我畢生嘅努力都放咗喺工作裏面，一眨眼就已經過咗三十幾年。好多謝由我蛋白質少女，嚟到今天已經係中年婦人，你哋都仲咁支持我。」然後再唱《萬物有時》更失控爆喊，幾乎唱唔到落去。
唔知係咪今日放一日假，Sammi噚晚開騷前後喺後台都勁風騷，玩夾扭蛋，又同自己新碟《SOUND OF MI》嘅一比一人形紙板合照。佢完騷後拆緊頭飾時，都拍片Po IG多謝觀眾，仲話換件衫會出去見大家，So Sweet！而噚晚嚟睇騷嘅藝人就有《九龍城寨之圍城》監製莊澄同邱禮濤導演，歌手鄭融、周勵淇、胡蓓蔚、胡定欣、黃智雯同DJ主持朱薰等。Sammi繼續Good Show呀，大家快啲睇片啦！
#Sammi鄭秀文 #張敬軒 #紅館騷第三場 #笑忘書 #軒公 #軒仔 #恩人 #爆Seed #讀書 #大頭綠衣鬥殭屍 #失控爆喊 #Viu1娛樂新聞 #Viu煲劇平台 #Viu1 #Viu #現場實況
記得Subscribe Viu1HK嘅RUclips Channel，Follow埋IG同Facebook page呀👇🏻
___________
►訂閱 Viu1HK RUclips Channel: bit.ly/3lYFNLW
►追蹤 Viu1HK Instagram: / viu1hk
►讚好 Viu1HK Facebook page: / viu1hk
►觀看更多精彩內容：www.viu.com
多謝分享，剛剛睇琴日鄭秀文演唱會的片段，聽到鄭秀文對現場的觀眾一路支持的锐話，之後鄭秀文請嘉賓是張敬軒出埸的時候，另全埸氣氛好好，俩人一齊合唱《笑忘書》首歌，另氣氛推到至高❤❤❤
Samml 天后 多謝你嘅歌陪我一齊成長 ❤❤good show
我小學嘅時候就鍾意你
為咗要買你嘅唱片努力讀書 屋企人先買比我
Sammi同軒公合唱笑忘書好好聴❤❤
正