Autism - Аутизм (2-р хэсэг)

БШУЯ болон ҮСХ-ноос гаргасан судалгааны дүнгээр Улсын хэмжээнд Ерөнхий боловсролын сургуульд 6189 хөгжлийн бэрхшээлтэй хүүхэд суралцаж байгаагаас:
● Сэтгэцийн бэрхшээлтэй - 1190
● Хавсарсан бэрхшээлтэй - 2001
● Оюуны бэрхшээлтэй - 47 хүүхэд байна.
Манай улс боловсролд хамрагдаж байгаа хөгжлийн бэрхшээлтэй хүүхдүүд тэр дундаа оюуны бэрхшээлийн төрлийг Аутизм, Дауны синдром гэж нарийн ангилдаггүй байсан бол 2023 оны 1 дүгээр сараас эхлэн энэ ажлыг сайжруулж, шинээр бүртгэж эхлэх юм.
Монгол Улсад Аутизмын хүрээний эмгэгийг оношилгоог Сэтгэцийн Эрүүл Мэндийн Үндэсний Төв (СЭМҮТ), Эх хүүхдийн эрүүл мэндийн үндэсний төв болон аймаг дүүргийн Хөгжлийн бэрхшээлтэй хүүхдийн эрүүл мэнд, боловсрол, нийгмийн хамгааллын салбар комиссуудад албан ёсоор хийж эхлээд байна.
НҮБ-ын Хүүхдийн Сангийн (UNICEF Mongolia) дэмжлэгтэйгээр “ОҮБТС+ болон хүүхэд, өрх гэр бүлд зориулсан статистик мэдээлэл"-ийг цувралаар хүргэж байна.
#ҮндэснийСтатистикийнХороо | #UNICEF | #Статистик | #NSO | #Statistics