كيف صنع نجم منتخب سوريا الفرح لسوريا في أشهر | ثأر ل الكرامة وتحدى القادسية على الهواء
HTML-код
- Опубликовано: 28 авг 2024
- خلال أشهر معدودة فقط من تسلمه إدارة ناديه وصل محمد عفش قائد منتخب سوريا الأسبق بناديه الاتحاد إلى المباراة النهائية ل كأس الاتحاد الأسيوي 2010.
وكان الفرح السوري الذي شارك فيه كل السوريين من كل الأندية في اكبر ملاعب الكرة في البلد.
قبل الوصول للمباراة النهائية كان يقال لي دق المي وهي مي , ولا تحلم أن نحقق انجازاً كروياً للبلد , عبث خليك عم تحلم.
وخرج يومها من قال لي على الهواء بعد ساعات من الوصول للنهائي : ستبحثون بعد مواجهة القادسية في النهائي على ألف عذر للخسارة القادمة.
حلقة الفرح والأمل وسط التشاؤم والتحبيط.
#الرياضة_بتحكي_فرح
#لطفي_برس
#Loutfi_Press
محمد عفش مثال لكل رؤساء الأندية ماحدا بيسبقو بالحرفية والذكاء في إدارة النادي خلا الفريق يلعب بانتظام وجدية وبدون واسطات ولا تهاون والله كبير يامحمد عفش ويلي ساويتو أكبر علوا لو ترجع تحستلم الفريق لأنو فعلا بحاجة إلك أكتر من الأول ياريت بتمنى من كل قلبي ترجع للإتحاد بالأحرا للأهلي
الكابتن محمد عفش افضل مدير لنادي الاتحاد والكل بحبو والو سمعتو الطيبة بحلب شكرآ من القلب ياكابتن
اخ يا استاذ لطفي رجعتنا للزمن الجميل حلب ام الانتصارات وبتمنى منك يا استاذ لطفي توصل المعلومة هاد الملعب من اجمل الملاعب بالوطن العربي ياريت يكون في اهتمام بالملعب اكتر كرمال يرجع الملعب افضل
أهلي حلب وكرامة حمص فخر الكرة السورية 💙❤🇸🇾🇸🇾🇸🇾🇸🇾🇸🇾🇸🇾🇸🇾🇸🇾🇸🇾
الله على تلك الأيام..وكأننا كنا نودع الفرح في سوريا
ايام ذهب والله منتخبنا سابقا كان افضل من هلق رغم كل المحترفين بس منتخبنا كان رقم صعب❤❤ان شاء الله ترجع ايام العز لسوريا الحبيبه ❤❤
دمعت عيوني لما شفت جمهور الكرامة يهتف أهلاوية اهلاوية
سورية أهل الراية والغيرة ياحيف تدمرت بلدنا وإنحرمنا من الوطن 😭😭😭😭
يارب ترجع حلب الشهباء واهلي حلب لعام 2010 ابناء حلب بيستاهلو الفرح ❤️❤️🌹🌹
تسلم متابعتك
بالحلم
الله لا يقدر ..
ان شالله بترجع احسن بمية مرة من ما كانت عليه الثورة .. الاتحاد هديك الايام كان يخرج من الدور الأول دائما في دوري ابطال آسيا بعدين تم حرمانه من المشاركة في دوري الابطال و تحول الى المسابقة الأضعف والاقل مستوى دوري الاتحاد الآسيوي فحصل عليها كما حصل عليها اندية ضعيفة من اردن و لبنان والبحرين
أكتر شي لفت إنتباهي هالمبادرة الحلوة من جمهور الكرامة و الطليعة و كل رابطة أجت من بقية المحافظات ❣️
عفوشة الغالي قدوتنا وحبيبنا
الأسطورة السورية بدون منازع الكابتن محمد عفش مع كامل احترامي لكل اللاعبين الكبار الجدد والقدامى رسالة لحضرتك أنا بعرف أن الظروف بسوريا غير ملائمة للعمل الرياضي لكن رجاء ثم رجاء أن تساعد الإتحاد الكروي الحالي بكل ماتستطيع ليفرح الشعب المسكين ولو فرحة بسيطة وشكرا إلك استاذ لطفي لهذا التقرير الجميل ✌⚽️⚽️✌
شكرا لتواصلك ياطيب
الله على هديك الايام والله اتفتقت الجروح وهالكم سنة شو تغيرت فينا الدني لو كانت الامور طبيعية للوقت الحالي لكان لجمهور الاتحاد واستاده الدولي عبر لمن يريد ان يعتبر
تحيه للجمهور السوري الشعب السوري هذا هو الشعب السوري المحترم
هلا بالاشقاء
احلا ذكرى في تاريخ سوريا. منذ ١٣ سنة
والله العظيم دمعت عيوني وقت يلي شفت الفيديو ان شاء الله رح ترجع امجاد نادي الإتحاد قريباً بإذن الله
تسلم عيونك يا اصلان
تسلملي هالضحكة الحلوة أستاذنا الكبير لطفي والله العظيم فيديو تاريخي. ..شكراً إلك من كل قلبي لتذكيرك إلنا نحن جماهير أهلي حلب 💟 بالإنتصار التاريخي بالملعب التاريخي ويوم انا كنت حضران اللعبة والجماهير من كل سوريا اجت وصارت تهتف وتشجعنا والله ماخجلنا
شكرا لمحبتك
ليس هناك داعي. لمشاهدة فاروق سرية؟.... وتبقى النجاحات والذكريات الجميلة للكرة السورية ***🌹 💐... تحياتي*
هلا بابو جاسم
اي والله هذا الانسان. مظلوم.
شكرا الك استاذ لطفي خليك هيك عم تفرح الناس لوكان بذكريات احسن من لا شي
تسلم يا أحمد الطيب
يا محلا ايام زمان صدق لازم الكابتن محمد عفش لازم يستلم المنتخب الوطني
احلى كابتن محمد عفش وتحية لنادي اهلي حلب
لما بكون الرجل المناسب بالمكان المناسب بتكون هيك النتائج تحية لاسطورة الكرة السورية الكابتن محمد عفش وتحية الك استاذ لطفي لتذكيرنا بهل الذكريات الحلوة.
اااخ على هذيك الأيام ياريت ترجع هذيك الأيام
جمهور حلب مرعب الجميع المارد الذي لا يقهر
كانت سوريا بالملعب بفضل الله
نتمنى عودة الإتحاد مع الكرامة إلى منصات التتويج .. مكانهما الطبيعي دائما بين الأربعة الكبار ...
محمد عفش محبوب الأهلي اسم كبير كتير والله يسعده أبو توفيق الغالي ولاتنسو الدكتور تيتا فاليريو أبدع مع أهلينا وبتمناله كل الخير..وعبد القادر دكة كمان ماأروعه كان صخرة بالأهلي وباقي الشباب الأهلاوية مامننساهن طول العمر وسنة 2010 كانت ولا أحلى😢
هلا بمتابعتك
ياستاذ لطفي لازم هذا الانسان يكون مع منتخب وربي من افضل الناس ومن افضل الرياضين في بلد.
استاذ لطفي أتمنى منك ورجاء ان تسلط الضوء على حالة صلاح شحرور الصحية. لايك يا شباب
ان شاء الله يا محمد
سلامتوا شوفي اخي صلاح شحرور
@@loutfipress أي والله ياريت
ااااخ يا عفوشة الي خلاني اعشق الاهلي ❤❤
محمد شهادتي فيه مجروحة
سوريا تكبر بكم وانت منهم استاذ لطفي
هي كبيرة برجالها الصابرين
انا حضرت المباراة والالعاب النارية ماوقفت الله على هديك الايام ومباراة كاظمة كنت حضرانة
كلها أيام حلوة للبلد
شكرآ أستاذ لطفي أتمنى أن نرى هذه المحبة بين الأندية تعود من جديد ارجو منك السعى إلى هذا الموضوع ..اهلاوي أصيل,
كلام حق ومطلب صحيح بين اهل البلد
أستاذ لطفي الله يطول عمرك ويفرح قلبك على هيك فيدو انا برة سورية حليان قال بسلونا ليش بتزعلو على سورية اه اه اه ياسورية يارب تفرجها على سورية وأهل سورية
هلا بكل مغتربي البلد وانت يا محمد
والله زمان شتقنا لا أهلي وللكرامة
ياحيف يا سوريا شو صار فيكي
استاذ لطفي نطالب ب محمد عفش يرءس الاتحاد الرياضي أو اتحاد كرة القدم
اذا حلب بخير والرياضه بحلب بخير سوريا كلها بخير.💔
ألف تحية للأستاذ لطفي المحترم كل الحب للأهلي السوري رافع راس سوريا النادي العريق تشريني ❤💛
ليش الكابتن خالد الأسيوي بأسمو الكببر مابيلخدوه علمنتخب وهوه صاحب خبرة كبيرو لازم يكون بلمنتخب ويكون القائد كل الأحترام للكابتن العالمة
هلا بمحمد ومتابعته
أيام الذهب 💯👌❤🇸🇾❤
بالفعل
ريت الزمان يعود
هكذا نحن دائما نعيش في الماضي
ياريت استاذلطفي بما انك مقرب من اتحاد الكرة تخلينا نفهم شوعم يصير بالاتحاد حاليا .وعود كتيره وعدها العميد حاتم ومن ورائه معلول افندي هاد يلي بيهمنا.اما نادي الاتحاد يبقى شيخ الانديه السورية وله كل المحبه
وسط ما يجري في كرتنا هذا الفيديو مهم
يالله جميعكم رائعون يسلم محمد عفش يسلموا كلن بكيييت بكيييت لشبعت
شكرا الك استاذ لطفي ع هالفيديو الرائع
ورجعتنا لايام العز وايام نادي الاتحاد
❤️❤️
هي ايام حلوة لكل البلد
أااااخ على هديك الأيام
أحلى أيام حياتي
الفرحة عبت حلب كلا وصرنا ماننام من الفرحة ونقضيها للصبح بلشوارع عم نحتفل بفريقنا البطل بوقت للتتويج وبعد التتويج لما رحنا أستقبلنا الفريق من المطار كان المنظر بيقشعر البدن ع أوتوستراد المطار اللي كان مليان بلناس والسيارات والعلام الحمر اللي بتفرفح القلب من جوا
للأسف هي الأيام مابقا ترجع
شي بخلي قلبك يبكي قبل عيونك غصب عنك
ماتوقعت ملعب حلب بهالجمال هاد
كانت سوريا بالملعب
اااااخ يااستاذ لطفي لو ترجع الايام الحلوه
بدها صبر كتير
راجعه ايامك يا اهلي💔😔
عودته قوة لكرتنا والمنتخب
اه يا استاذ لطفي فتحتي الجروح الله كريم يرجع الاهلي دمع وعيون على هذا المقطع ما ينسى طول حياتنا تمني الشفاء لصلاح شحرور
يسلم دعمكم عملنا عشاق كرتنا السورية
وين كنا وين صرنا يرحم ايام زمان ايام محمد عفش ومحمود كركر ومحمود امنه وعبدالفتاح الاغا ويوسف شيخ العشرة وانس الصاري واسامه حداد ووائل عيان 😥
أيام للكرة السورية
@@loutfipress اي والله 😥
عندما يكون الرجل المناسب في المكان المناسب
هدا حال سوريا
سقى الله تلك الليلة 😢😢😢
ياريتك ترجع عالتلفزيون يااستاذ لطفي عاكل الله لايحرمنا طلتك
شكرا يا عبير
عم ترجعنا لاحلى ايامنا ..الاتحاد بطل كاس الاتحاد الاسيوي....منقول يارب للمنتخب والتأهل والفرحة الكبيرة....الدعم كل الدعم للمنتخب فرحة الوطن
كما قلت فرحة وطن
يسلمو كتير الك على هيك فيديو أستاذ لطفي ولله رجعتنا لايام الزمن الجميل وبكيتنا😥
تسلم دمعة عشاق كرتنا , أهل البلد
استاذ الكبير لطفي ❤❤
حيااك
ايام الاهلي الكبير ي استاذ لطفي ❤️
كانت سوريا كلها بالملعب
@@loutfipress يارب تجينا ايام احلى منها ي استاذ لطفي
اصيل اصيل يا استاذ لطفي على كافة الاصعده.. اتمنى القناة الرياضية المزعومه تكون انت من يستحق ان يكون على رأسها.. أرسل تحيات جدا خاصه للكبتن عفش.
تسلم محبتك يا رب
فيديوهاتك بتبكيني والله يا استاذ لطفي
تسلم دمعتك يا عبد الله
@@loutfipress بدنا عفوشة لاهلي حلب مرة تانية 😔😔
الله يا استاز لطفي والله دمعو عيوني لما شفت الفيديو نشالله ترجع بالدنا احسن من قبل
أمين يا عارف
@@loutfipress ياريت ان تسلط الضوء على حالة صلاح شحرور الصحية رجاء
أستاذ لطفي بتمنى تحكي عن الكابتن صلاح شحرور
ان شاء الله
اه
اه
اه
على أيامك يا اهلي
أيام لنتعلم
والله بكيتني يا استاذ لطفي وانت والكبير العفش ع محبتنا نحنا سورين لبعض يااارب نرجع نحب بعض والله حرام نحنا شعب السوري شعب مثقف وفهمان وعنا قلب ابيض ونظيف يارب ترجع المحبه لسوريه
احلى زكريات البطولة الاسيوية
بالفعل يا خالد
أنا كنت موجود بالملعب بكل مبارة لعبها الاتحاد
ذكريات لا تنسى.. ان شاء الله بترجع الأندية السورية و بتحقق فرحة جديدة.
أمين يا سامر , وشكرا لدعوتك ونيتك الطيبة لكل اندية البلد
نزلنا الحلقة كاملة الله يكرمك
الله يديم عزك يا حلب
أحلى أستاذ لطفي اشتقنا لا هديك الأيام اشتقنا نشوف أهلي حلب بلقمة اشتقنا لبرنامج الكرة بملعبك
ياترى شو صار بهل الشعب وين راح وسافر الله عليكي ياسوريا 😭😭
ايييييييييه ايامك يا اهلينا 😍❤
هلا باحمد
@@loutfipress هلا فيك تحياتي استاذ لطفي متابعك من اسطنبول 😘😘😘😘
لك الله محيى اصلك استاذ لطفي اقسم بالله دمعو عيوني
الله شقد كان في حب
كل شكرا الك أستاذ لطفي على هيك ذكريات حلوة ولله تعبنا من الغربة
يالله محمد عفش إنسان رائع
أقسم بالله عيوني دمعت حلب الشهباء مشتاق لك كير😔
احلى استاذ لطفي بتمنى المزيد عن المنتخب ونادي حطين وشكراً
ان شاء الله يا علي
انشاء الله سوريا رح ترجع احسن استاذ لطفي
هلا بهادي الطيب
بارك الله بجهودك استاذ لطفي
عمل رائع الله يسلمك عقبال مانشوفك وزير الإعلام
اشتقنا للفرح للرياضة المنتخب السوري الامل فيكم بفرحة والتاهل لكاس العالم فرحنا بتصفيات السابقة بس التصفيات القادمة منا التاهل انشا الله
لما في سوريا نقول كرة القدم يجب ان نقول الكرامه والاهلي فقط
أحلى وأغلى مباراة بحضرا بحياتي هي المباراة بإياب النصف النهائي بملعب حلب الدولي. .من دون مبالغة ياشباب الأجواء كانت هستيرية كل مانسجل كول وخاصةً بعد صافرة الحكم تخيلت حالي بالكامب نو 😃😎
والله اشتقنا اليك يا استاد لطفي
هلا بالمغترب ورفاقه الصابرين على الشوق للبلد
دمعتلنا عيونا يا استاذ لطفي بهل تقرير .. احلى ايام .. كل المباريات بهل بطولة كنا نروح عالملعب ونشجع من قلبنا .. ايام لا تنسى وتقرير ولا احلى
الله يرحم ايام زمان
الكابتن محمد عفش غني عن التعريف
وكل الشكر الك استاذ لطفي على كل المجهود والتعب يلي عم تتعبو
وان شاء الله المنتخب الاولمبي بفرحنا كلنا ومنشوف منتخب الرجال بأفضل حال
ليرتفع اسم سوريا بالعالي ونلاقي مكان للفرح ولو بالرياضة وربي يفرجها ع البلد واهلها
الله عليك يااستاذ لطفي ايام للذكرى وصعب ترجع والله اااخ الدم اهلاوي بس سؤال صغير بتمنا تجاوب سمعنا انو الكابتن ابو توفيق بسوريا صرلو فترة صح؟
زيارة كما اعلم يا محمود
بكيتنا يا استاذ لطفي الله يرجعنا لبلدنا و نشجع و نوقف جنب الاهلي من جديد🇸🇾❤❤
تسلم دمعتك
من اول فيديو لنهايتة بكيتني يااستاذ لطفي يعطيك العافية
والله ياستاذ لطفي متل مابكيتينا في هل فيديو ان شاءالله يبكونا المنتخب ويستلم محمد عفش رائيس الاتحاد والله نحن بجتو خاص استلم تيتا
شكران الك استاذ لطفي ان شالله ايام رح ترجع ورح يرجع الاهلي ❤
عودة الاتحاد قوة للكرة السورية
أقسم بالله العظيم من فتحت الفيديو والدمعه بعيني صارلي ٨ أعوم برات البلاد كل ماشوف فيديو قديم أحزان
وهذا الفيديو لتفرح أرسل الرابط لأصدقاءك بغربتهم ليفرحوا , صباحك خير يا صبحي
احلى شي صلاح شحرور لف الحكم من الفرحة
الله يسعدك استاذ لطفي جد عيوني دمعت كأني عم احضر الحلقة مباشر الله يسلم ايديك يارب
فرحت قلبي الله يفرح قلبك انا كنت موجودبي هل مبارة
والله اشتقنا له البرنامج كثير اشتقنا البطولات
هلا بمحمد ومحبته , كانت أيام
استاذ لطفي ثقتي فيك نهزت واسف على الصراحة طلبنا منك اكثر من مرة تسايط الضوء على الحرية وانت وعدت بس يلعب الفريق بشام ولا اعلم نسيت ام تنسيت
هناك تقرير قادم عن الحرية ان شاء الله
شكرا استاذ لطفي واسف مرة جديدة ولكن من شدة حبي بحضرتك كنت لازم كون صريح ❤️💚
مبدع من يومك يا استاذ لطفي
تسلم محبتك
شي ببكي
والله يا أستاذ لطفي كذا مرة بحضر هل فيديو بدمع عيوني و الله يرجع ايام الأهلي نادي الأتحاد اللي بحبه و ياريت يرجع الكابتن الذهب و الأسطورة محمد عفش لنادي الاتحاد ليرجع نادي الاتحاد متل زمان 😭😭😭
مافي شي قولو الدموع فقط ......الله يفرجها علينا
ذبحتني بتعليقك أكثر وأكثر
@@loutfipress ما على قلبك شر استاذ لطفي ...انت احد ورود الصحافه الرياضيه ...لكن واقعنا مؤلم ...وانشا الله الجاي احسن
عم.ترجعنا.للايام.الجميله..شكرا.الك.وبتمنى.النجاح.للمنتخب
نجاح المنتخب هو الاساس دوما
الاهلي فرحة سورية
نتمنى أن يقود ويهندس الكرة السورية الكابتن محمد عفش ويقوده للانتصارات لانه يعرف كيف يدير الكورة السورية بشكل احترافي
نشالله الأهلي رح يرجع 💪💪
هلا بمحمد