شيلة سفر الدغيلبي & خالد البريك || ليل العناء راحته ماهيب في سباته - مرحليات || بطيء 2024

جديد الشاعر : سفر الدغيلبي
العمل السادس 6 من البوم مرحليات " ليل العنا "
المنشد : خالد ال بريك
الكلمات :
قال الذي مانوى يشرح معاناته
الا بسينة خبر ورموز مدفونه
همومه يكنها من ذاته لذاته
واكبر خطر للهموم تصير مكنونه
لكن وش حيلته والناس شماته
يكبت ويثبت وكان الله في عونه
اخير من بردهم حر التنهاته
والونه الي عن الاسماع مصيونه
جروحه الموغله فالصدر اهاته
محصورتن بين براده وكانونه
ماوده ان البشر تدري بغاياته
من علم الناس بالغايه يحقرونه
دقق وحقق قليل من طموحاته
والباقيه في رجا التوفيق مقرونه
كثير .. من واجباته وأولوياته
عفى عليها الزمن فالرف مركونه
ساري بليل غدر شبهن مجراته
وسدوله السود بالاشباح مشحونه
ممنوع فيها التراجع والتلفاته
مفازتن موحشه ماهيب مامونه
ليل العناء راحته ماهيب فسباته
والرحله النازحه تقضي على المونه
الطرقي امسى يماري بانتصاراته
واصبح ذلوله على السرجوف مطعونه
والناس للناس ظلامه وبهاته
مهما يبرر سواته مايعذرونه
والجو ملغوم من كل اتجاهاته
تخصيب يورانيوم في حقل ديمومه
ماعاد يستنفع العاقل من سكاته
لابد ينجن و الاوضاع مجنونه
والي يدور لحق ماتوا قضاته
يدفن وهو مايحق الحق بعيونه
وان كان عود حصيله صيد كشاته
لاعاد احد ينشد المطراش وشلونه؟
من الفرص تسعة الاعشار فواته
لو بين اصابع يدك ماهيب مضمونه
اما انزل الله كرامة من كراماته
ولا ترا شاعر الكون انتهى كونه
عقيلتن من قطيعه ربع مشهاته
في لحظتن بين صيروره وكينونه
ربطت قلبي بنور الله ومشكاته
ملقح الصيب الثجاج فمزونه
ألوذبه واذكره بأسماه وصفاته
لاشي من فوقه ولاشي من دونه
-
#شعر_شعبي #شعر #قصايد #قصيد #طاروق #محاورات #تركي_الميزاني #سفر_الدغيلبي #شيلات #حماسية #حماس #حصريات #شعر #شيلة #حبيب_العازمي #خالد_ال_بريك #عبدالله_بن_شايق #سعد_جدلان #ضيدان_بن_قضعان #سلطان_الهاجري

[@فارسالعتيبي-ف5س]

والناس للناس ظلّامه وبهّاته
مهما يبرر سواته مايعذرونه
عز الله جابها سفر 👌👌

[@user-ti4ci3kq6i]

دايماً في الصداره سفر😍

[@AbodAlmutairi-my1mx]

😢

[@kingramyking2538]

🌹🌷🌹ذوووووووووق يا منبع الذووووووووووووووق 🌷🌹🌷

[@املامل-ت8ت]

الشعراء يتابعهم الغاوووون

[@alHajre209]

ابداع في ذمتيي ):