Spitali Onkologjik në kushte të vështira (21 Mars 1999)

Arkiva - Tv Klan 1998-2012; Pamje nga Spitali Onkologjik jashtë dhe brenda. Dhomat me të sëmurët, kuzhina, flet infermierja, flet sanitarja dhe një punonjëse e kuzhinës.
Vërtet çdo ditë përurohen dhe rikonstruktohen pavione spitalore gjithmonë nga ana ndërtimore por ajo që është më e rëndësishmja që të çon drejt shërimit dhe uljes së dhimbjen mungon. Ilaçet në të shumtën e spitaleve mungojnë. Shumica e pacienteve janë të detyruar t'i blejnë vetë. Vetëm receta jepet nga mjeku.
Në Spitalin Onkologjik pikërisht në repartin e rrezatimit dhoma mjekuese mban shumë pak mjete dhe ilaçe brenda kavanozëve bosh . Infermierja tregon :
"Unë them që na mungon një aerosteril, sepse shkojmë nga një kat në tjetrin për të dezinfektuar bendet e garzat e të sëmurëve, maskë po nuk kemi, dorezat i kemi me pakicë.
Sanitarja e spitalit tregon: "Doreza nuk kemi me gjithë këto mikrobe që punojmë këtu, s'kemi doreza fare. Përparëse nuk kemi i blejmë vetë, se s'na kanë dhënë. Ilaç nuk kemi sjellim Test nga shtëpia që lajmë dhomat.
Kuzhina e këtij reparti vetëm emrin ka të tillë. Gjella e të sëmurëve vjen nga një tjetër kuzhinë dhe vetëm këtu shpërndahet. Punonjësja e kuzhinës thotë:
Kuzhina ështe përtokë, në këtë periudhë sidomos. Kërkesat i kemi nga më të ndryshmet nëpër drejtori, mirëpo thonë do i sjellin dhe ka vite që pjatë i sëmuri s'figuron fare, lugë nuk figuron fare në kuzhinë, pirunj, pjata, çfarë i nevojitet kuzhinës, me perde, me mushama, me të gjitha. Nuk ekziston fare në spital ilaçi që të lahen enët, të zihen, të dizinfektohen. Sot për drekë ka një supë me karrota, me perime. I sëmuri që bën rrezatim kobalt, më përpara, se unë kam 20 e ca vjet që punoj këtu, ka pas hëngër ushqim special, kurse tani me një qofte dhe me një gjysëm garuzhde ushqim prej 50 gramësh i sëmuri duhet të bëjë rrezatim."
Ora e drekës i mbledh përpara dyerve të dhomave me pjatë në dor duke pritur se e nesërmja do të sjellë një gjellë më të mirë për ta.
Gazetare: Holta Zhiti