«Үздік аула клубы» қалалық онлайн байқауы

Ағымдағы жылдың 24 қазан күні Ақтау қаласы бойынша “Оқу-әдістемелік орталығы” коммуналдық мемлекеттік мекемесінің іс-шаралар жоспарына сәйкес «Үздік аула клубы» қалалық (онлайн) байқауы болып өтті.
Мақсаты - шығармашылықпен жұмыс жасайтын аула клубтарын қолдау және дамыту.
Байқау шарттары:
1. Таныстыру. Аула клубтың ұйымдастырушы педагогы 3 жылды салыстыра отырып 3Д форматта бейнесюжетте диаграмма және статистикалық деректерді көрсету арқылы өз аула клубын таныстырады.
2. «Жаңашыл ұтқыр идеялар» бейнеролик (оқушыларды қосымша білімге тарту, қосымша білім берудің маңыздылығы мен тәрбие процесін ұйымдастырудағы өзінің педагогикалық шеберлік қазынасы, «Біртұтас тәрбие» бағдарламасының орындалысы, ата-аналармен жұмысы.
Байқау шарттары бойынша ең жоғары бағалауға ие болған, яғни І орынды - №10 жалпы білім беретін мектепте орналасқан «Тұлпар» аула клубы,
ІІ орын - №5 жалпы білім беретін мектепте орналасқан «Cамғау» аула клубы мен №8 жалпы білім беретін мектепте орналасқан «Ұлан» аула клубы,
ІІІ орынды - №16 жалпы білім беретін мектепте орналасқан «Балдаурен» және «Өрлеу» аула клубтары иеленді.
Жеңімпаздар Ақтау қаласы бойынша білім бөлімінің дипломдарымен марапатталды.
Құттықтаймыз💐💐💐