ازاي الناس الأغنياء عملوا ثروة من لا شئ وازاي تبقي واحد منهم
HTML-код
- Опубликовано: 17 мар 2024
- يا تري فكرت قبل كدة ازاي اصحاب الملاين بقوا اصحاب ملاين وازاي عملوا ثرواتهم دي ولية انت متكونش واحد منهم
في دراسة اتعملت في امريكا علي مجموعة من الناس في الفترة ما بين ١٩٩٦ الي ٢٠٠٢
الدراسة دي وضحت ازاي اصحاب الملاين بيعملوا ثرواتهم
وبيبنوها ازاي واية مصادر دخلهم
الدراسة دي طلعت بنتائج مهمة جدا بتوضح ان الاغنياء بتخش لهم الفلوس من ٧ مصادر وهما كالاتي :
١-ارباح الاسهم الي بيمتلكوها
٢- الدخل من الراتب
٣- الدخل من ايجار العقارات
٤- الدخل من بيع العقارات
٥- مكاسب بيع الاصول
٦- ارباح الشركات الشهرية التي يمتلكونها
٧ - الفوائد من حسابات التوفير
دي كدة تقريبا كل مصادر الدخل الي بتدخل فلوس للاعنياء
بس لو تلاحط فية حاجة مشتركة بين المصادر دي كلها وهي
الدخل السلبي او ال Passive Income
طيب يعني ايه دخل سلبي ؟ واية الفرق بينة وبين مصادر الدخل الأخرى ؟
طيب ليه انت النهاردة كمان لازم يبقى عندك دخل سلبي
ازاي تعمل لنفسك مصدر دخل سلبي واية هي مصادرة
دي كدة بعض الاسئلة الي هيجاوب عليها في حلقتنا النهاردة
وان شاء الله لو ركزت معايا في الحلقة هتعرف تمشي في الطريق
الى اصحاب الملايين مشيوا فيه
يلا بينا نبدأ حلقتنا
بس قبل ما نبدا متنساش الاشتراك في قناتنا على الفيس بوك و اليوتيوب عشان تتابع معنا كل جديد رابط الاشتراك هتلاقيه في صندوق الوصف
و في اول تعليق مثبت في الفيسبوك و اليوتيوب
*****
علشان تتجنب الضغط المالي وتحقق شكل من الحرية المالية،
لازم تعيد ظبط دخلك المالي بالشكل الي ميكونش دخلك الاكبر معتمد علي وظيفتك الحالية
لانك ببساطة طول ما انت معتمد علي داخل وحيد من وظيفية وحيدة
هتفضل ديما تحت ضغط عدم الاستقرار … لية لانك ببساطة
ممكن تفقد الوظيفة دي لاي سبب فية ناس كثيرة كانت مستقرة في شغلها
ولسنوات طويلة و فجاة خسروا وظايفهم لاسباب هايفة
و في ناس تانية وصلوا لمناصب رفيعة في عملهم ولاخطاء غير مقصودة
فقدوا عملهم ايضا واصبحوا بلا عمل
سوق العمل في كثير من الاحيان غير مستقر لاسباب كثيرة زي الركود والتضخم و حتي الخلافات داخل الشركة نفسها والي في الاخر ممكن تعرضك افقد وظيفتك
وعلشان كدة لازم تامن نفسك وتامن مستقبلك ومن اهم الطرق دي هي
انك يبقي عندك دخل سلبي … اية بقي الدخل السلبي دة ؟
الدخل السلبي دة يا ريس هو الدخل الي بيخش ليك من اي استثمار او نشاط تجاري مش محتاج منك اي مجهود اطلاقا يعني دخل جاي لك من غير ما تبذل فية اي مجهود وانت قاعد باشا كدا وبالشكل دة انت مش مظطر انك
تشتغل او تتعب علشان تيجي لك الفلوس دي
طيب تعالي اوضح لك الدنيا بشكل اسهل
فية نوعين من الدخل هما
الدخل السلبي والدخل النشط
الدخل النشط هو الدخل الي بيخش لك مقابل مجهود منك او عمل بتقوم بة علشان تحصل علية يعني لو مشتغلتش او مرحتش الشغل مش هتاخد فلوس
وطبعا في ناس عايزة تذود دخلها فا بتشتغل اعمال اخري اضافية جنب شغلها ودي بردة اسمها دخل نشط اضافي
طبعا دة غير الدخل السلبي الي زي ما وضحنا من شوية مش محتاج منك بذل اي جهد علشان تحصل علية ,,, طبعا انت دلوقت متشوق علشان تعرف اية الدخل السلبي دة الي بيجيب فلوس من غير تعب .ههههههه
متقلقش هاقول لك كمان شوية بس الاول
لازم اوضح لك لية لازم يبقي عندك مصدر دخل سلبي
دة غير ان اما يبقي عندك مصادر دخل متنوعة بيديك استقرار نفسي ومش بتبقي خايف انك مثلا لو مشوك من وظيفتك هتقعد في الشارع
وخلينا نتذكر ايام وباء كرونا فية ملايين من الناس فقدوا وظايفهم بسبب الفيرس اللعين ده
طيب خد دي .. منظمة العمل الدولية التابعة للأمم المتحدة عملت دراسة
عن تاثير وباء كرونا علي سوق العمل ووصلوا الي ان فية ٢٥٥ مليون شخص فقدوا وظائفهم بسبب الوباء
انت متخيل الرقم ٢٥٥ مليون بني ادم بقوا في الشارع وفقدوا مصدر دخلهم
ودة بياكد لنا اهمية ان الواحد يبقي عندة دخل سلبي علشان يقدر يواجة اي ظروف دة غير ان الدخل السلبي بيجي لك وانت قاعد مستريح وبدون مجهود وبيخليك مستقر نفسيا تقدر تتفسح و تسافر وتعمل الي انت عايزة
كل الكلام الي فات دة كوم و الي جاي كوم تاني … مفكرتش انك في يوم من الايام هتطلع معاش و مش هيكون عندك القدرة علي الشغل ؟؟
في التوقيت دة هتعرف انك لولا الدخل السلبي الي عندك كنت
هتقضي نهاية عمرك بشكل انت متحبهوش
لان لو معندكش دخل سلبي ومعكش في التوقيت دة غير المعاش بتاعك
مع التضخم وارتفاع الاسعار هتكون حالتك المالية ميعلمش بيها غير ربنا
هنا بقي اكيد انت عايز تسالني وتقول إيه هي مصادر أو استراتيجيات بناء الدخل السلبي؟
بص يا ريس
انا هاوضح شوية افكار للدخل السلبي طبعا مصادر الدخل السلبي الي هتكلم عنها كل واحد يشوف يقدر يشوف اية الي ممكن يعملة منها او تفكر في فكرة شبية تقدر تعملها بما يتناسب مع قدراتك و امكنياتك
اول شكل من اشكال الدخل السلبي هنتكلم عنة النهاردة … هو الدخل الي بيجي لك من تاجير العقارات … هتقولي انا معنديش عقار ااجرة
هاقول لك اصبر يا باشا ان قولت لك من شوية هاقول لك علي اشكال للدخل السلبي شوف منها الي تقدر تعملة منها اصبر شوية هههههه
طبعا كونك النهاردة تمتلك عقار سواء بيت او شقة او فيلا وتاجرة اكيد الكلام دة هيحتاج منك في الاول تكاليف مالية علشان تشتري بها الاصول دي وتفرشها وتجهزها لايجار
طيب لو معكش فلوس تشتري عقار وتاجرة معني كدة انك متقدرش تعمل دخل سلبي من العقارات ؟؟؟؟
لا طبعا القصة كلها تشغيل دماغ يعني مثلا فية ناس النهاردة بياجروا
غرف في شقتهم الي هما اصلا ساكنين فيها عن طريق شركات عالمية
متخصصة في هذا النوع من الايجارات وبتدخل لهم دخل كبير انت لا تتخيلة … يعني انت لو عندك غرفة او اكثر في المنزل غير مستغلة واجرتها بالشكل دة هتلاقي عندك علي طول دخل ثابت داخل لك بدون اي مجهود … وعلي فكرة من اشهر الشركات الي شغالة في الموضوع
دة شركة اسمها airbnb
#خمسة_اقتصاد 
Авто/Мото
يامهندس ..انت هتغير نشاط معاليك..خلينا في تخصصنا وهو السيارات...تحياتي
استمر يا باشمهندس
قوي في السيارات والاقتصاد والسياسة
جزاك الله خيرا على هذا الموضوع المفيد
برجاء قراءة كتب الاقتصاد في كل الفروع مع دراسة المحاسبة المالية حتي تشرح للناس الاقتصاد .الصناعه والزراعة والتصدير تعطي صاحبها ميزة كبيرة جدا وهي أنه قد يصبح مليونير
ما شاء الله كلام صح وربنا احسنت التوضيح استاذ ياسر🥰
أنا بحترمك وبثق فى كلامك جدا يا دكتور ياسر ونفسي أعرض على مشروع نفسي أعمله
السلام عليكم ورحمه الله وبركاته ازي حضرتك وكل عام وانتم بخير
ممكن تعملنا حلقا عن اسعار BMW وصلت لفين مديلات التسعينات
موضوع مهم جدا جدا ، الله يبارگ فيگ فتحت دماغي ❤
معلومات مفيدة ربنا يوفقك
تسلم أستاذ ياسر
حضرتك راجل محترم
جزاك الله كل خير
احسنت يابشمهندس 😊
بعزك جدا يا استاذ ياسر والله
جزاك الله خيرا
الله ينور
الله يباركلك
فيديو أكثر من رائع يا باشمهندس ، بس ياريت تحط اللينك بتاع شرح المضاربه والاستثمار في البورصه علشان نسمعه ، وبالنسبه لأنواع مصادر الدخل السلبي القويه جدا والمربحه هو الاستثمار في التداول وعن تجربه من أصدقاء ولكن يلزمه تعليم في الأول حتى تكتسب الخبره ولا تتعرض للخساره .
انا اقوم بالتداول في البورصة و ممكن اساعدك... تواصل معايا
شكرا
ارزاق ومجازفات
ممكن اعرف فين صناديق الاستثمار العقارى
السلام عليكم ورحمه الله وبركاته
ممكن اسم شركه سمسره
ترشحه ليه ابدا اتعامل معها
أنا لسه عايز أتعلم التجاره فى البورصه
ويكون لكم جزيل الشكر
السلام عليكم
امتا اشتري ذهب؟
انت جايب حلقه اشرف المخبر
الاقتصادى بظبط وقولتها
كن لو حطيت فلوس في البنك ويجيلك ارباح كل سنه
او ممكن تعمل صفحه علنت بيع وشراء اون لاين زيرو مخزون
دول مثال
عندى ورشه حداد مغلقه لأن أبي كان حداد ومات وأنا أحتاج إلى المال لٱعيد تشغيل الورشه
العنوان المنصوره مركز منية النصر قرية النزل
انا بشتغل في سوق الفوركس المضاربه
عوزين اخبار عن العربيات
هو حضرتك من المليونيرات برضه والا بتعرف الناس الطريقه بس
انا عملت شهادة ومبسوط منها اوى
ممكن توضح ازاي؟
منقول بالحرف من قناة المخبر الإقتصادي بعنوان "ما هي ال 7 مصادر لكسب المال كالأغنياء؟! كيف تصبح ثريًا؟!"، ليه كدا؟!
سبوبه.ماتنساش الاشتراك والللايك
لأ ، هو المصدر واحد ،
وهو كتاب ( الأب الغني والأب الفقير)
للمؤلف الأمريكي/ روبرت كيوساكي
،، مش عيب أبدا اني اقول المصادر بدقة .. زي ما بيعمل الدحيح ، اللي بيتقدم افضل محتوي عربي عاليوتيوب
@@ahmednada9494 هو مكتبش أو قال المصدر منين
سوق السيارات باظ و خرب و بطل يأكل عيش 😂😂😂😂😂😂😂😂😂😂😂😂😂
انا متابع كل فديوهات حضرتك ونفسي تساعدني في التداول في البورصة وسوق المال وازاي أتواصل مع حضرتك ع الواتس اب لاني حاليا خارج مصر
انا باقوم بالتداول في البورصة و ممكن اساعدك... تواصل معايا