Góða mamma eg vil sova

Góða mamma, eg vil sova,
eygu míni møðast brátt;
Jesuspápi hevur lovað
meg at verja væl í nátt.
Góða mamma, legg meg niður;
góða mamma, signa meg.
Lítla barnið mammu biður
Faðirvár at læra seg.
Góða mamma, far ei frá mær,
far ei út um stovugátt;
bið Guðs einglar standa hjá mær,
vera vernd hjá mær í nátt.
Góða mamma, alt eg gloymi,
alt tað, sum eg sá í dag;
langt, langt burtur eg meg droymi
til ein fagran, fríðan stað.
Har man Jesuspápi búgva,
vakrar blómur vaksa har;
hagar hvítir einglar flúgva,
flúgva eina ferð við mær.
Sov í friði, søti skattur,
sov tín sæla náttarblund.
Gævi Guð, tú vakni aftur
lívsins frísku morgunstund.
Orð: Jacob Hansen
Lag: L.M. Lindemann
Sang: Naomi
Klaver: Laila Rajani Færø
Upptøka og sett saman: Árni Øregaard