كرهتو من الصابلي؟😵كعيكعات روشي 😍محال ما تعجبكمش هذه الوصفة بنتها رايحة تخلي ضيوفك يطلبو منك الوصفة

المقادير :
4بياص بيض
ثلث كاس سكر
كاس الا اصبع فرينة
كأس مكسرات محمصة و مرحية
ملعقة و نصف عسل
3ملاعق كبار زبدة نذوبوهم
ملعقتين كاكاو بني

[@remroumpoisson6048]

اختكم من تبسة ❤لي دارتلي ابوني في هذا العواشر وسيدنا رمضان روحي ياختي ربي يخلي شملك مجموع وراسك مرفوع ويبقي عليك الستر ويخليلك صحتك ويقويك ياااارب 🤲❤

[@رونقريحان]

امين

[@AdemYazen-ps5hx]

شكونا لي جات من رمضان 2024 سيتها العام ليفات جات تهبل وسنة رح نعودها🫠😍

[@hamzayasmin5341]

سلام أختي تعيشي المارڨرين قستي 3. مغارف قبل ماذوب ولا حتى ذابت

[@reinareina978]

الزبدة نقيسو ثلاث مغارف كبار من بعد نذوبو ولا العكس

[@FaresFares-nx6bc]

خرجت تحفة ماشاء الله
تعيشي انا عندي ليمول حديد ممكن نجرب فيهم ولا لا؟؟ فضلا جاوبيني

[@reinareina978]

يعطيك الصحة على الوصفة .... بالنسبة للزبدة الذايبة ...اسكو ندير ثلاث مغارف ذايبين ولا نكيلو ثلاث مغارف زبدة قبل ما نذوبو ؟!

[@bassetbasset-kv2wi]

قيسي ثلاث مغارف منبعد ذوبيهم

[@nournima9311]

حتى انا ماحبش يدخل راسي صابلي النوارة والريشة وشكون زي تحي تخبط جام

[@نبضاتمقدسیة]

اني معااك

[@lifesmotiv987]

#تدبر_الآية
قال تعالى "فَلَا تَعْلَمُ نَفْسٌ مَّا أُخْفِيَ لَهُم مِّن قُرَّةِ أَعْيُنٍ جَزَاءً بِمَا كَانُوا يَعْمَلُونَ "
يا رب بلغنا ليلة القدر و اجعلنا دعواتنا كلها مجابة يا رب🤲
أحسنوا الظن بالله💯

[@WasafatFatimaOmNadir]

الله يحفظك ويحفظ عيالك يا رب والله بحبهم زي اولادي ربنا يباركلك فيهم .. في طلب عندي ورجايا فيك بعد ربنا اختك من المغرب ليا اربع سنوات في اليوتوب محتوى طبخ ومفيش تفاعل خالص لو حطيتني عندك بالمنتدى هاكون ممنونة ليك او دعمتني او دكرت قناتي هفضل ممنونة ليك طول حياتي الله يجازيك ويرزقك من حيت لا تحتسب 💔🇲🇦

[@oumoma5121]

يعطيك الصحة نقدر نديرهم في مول نتاع الكعيكعات حديد لي كيما نتاع الموسكوتشو يصلحو؟ جاوبيني بليييييز ❤

[@nadiazazoua2979]

درك نديرها ان شاء الله ونوزن بياض البيض ونكتبهولكم😊😊😊😊بصح كثرولي لي جام😅😂😂😂😂

[@mimimima1035]

كيفاش جاتك ؟

[@lindaminette4255]

Rana nesenew hhhh

[@nourelhoudachaieb9850]

نقدر ندير بليمول تع الحديد مشي سيليكون؟

[@nadiazazoua2979]

مزال مدرتهاش راني عيانة 🥴🥴🥴🥴

[@khaoulabouteraa8304]

عيشك الكراميل حتديري المخدوم فالدار ول لازم توفيا

[@cuisine_om_ranime]

أختكم من تلمسان ❤️الأخت لي دارتلي أبوني ☝️روحي ياختي ربي يخلي شملك مجموع وكلامك مسموع🤲 وراسك مرفوع🥰وين مارحتي🤲في هذا لعواشر وسيدنا رمضان..يارب🤲....😢 يارب

[@cuisine_om_ranime]

مشكورين

[@candycrush2827]

يعطيك الصحة، عندي ليكي طلب حبيبتي ممكن تعدلي صندوق الوصق وتكتبيلنا شحا كلاتلك من مكسرات وشحال من شوكولاطة تاع ڨلاصاج وشكرا

[@بسملةباللموشي]

من فضلكم السكر بانلي سكر عادي مش سكر ڨلاسي وش ما رايكم

[@biboubibou8796]

مشاء الله جاو يشهو و بزاف شابين يعطيك الصحة على هاد الوصفة هايلة و باينة بلي بزاف بزاف بنينة و هنيتينا من بياض البيض دايما يقعد و مانصيبوش واش نديرو بيه 👍👍👍

[@amellezghad7510]

نقدر نطيبهم في لي مول تاع لحديد شكل كعيكعات جاوبني من فضلك

[@nafahateimaniaa]

يعطيك الصحة تسلم ايدك
الأخت لي دارتلي ابوني💞في هذا الشهر الفضيل🌙 روحي ياختي🤲 ربي يخلي شملك مجموع وراسك مرفوع ويبقى عليك الستر ويخليلك صحتك❤️🌷قولو امييين

[@tlbsarah261]

هذا وين كملتو و جا بزاف بزاف بنين و طري و يشبه في الطعم ل لي براوني .. براك الله فيك على الوصفة

[@aomayuobayuob3912]

تعيشي قداه خرجتلك حبة

[@nouratahri8164]

عاااا😊اااجل الاميرة ممكن طلب صغير يو راني حليت قناة. و أنا من المتتبعين تاوعك ممكن أنو نطلق الفيديوهات لي راكي ديري فيهم بليييييييييييييييييييييييز😂❤

[@sabrinabendiaf1823]

الله يبارك ما شاء الله عليك وصفاتك رائعة و هذي الوصفة واو يسلمواديكي ممكن بياض البيض بالغرام بقالي بصح ما شفيتش تاع قداه بيض من فظلك ردي عليا

[@استغفروالله-ز7ط]

تعيشو لبنات ادعولي لعلها ساعة الاستجابة راني في ذيقة مايعلم بيها غير ربي ماتبخلونيش الله يفرجها عليكم 😢😢😢😢😢😢

[@chamameghlaoui4523]

من فضلك ديريلنا قاطو تاع مزيود يطول شوية من فضلك 😘😘 .

[@souhir6572]

قاطو مزيود لي يطول هو لقاطو محشي كراميل شوكولة الطلي. قاطو مهراس درتو في زياده نتعي

[@chamameghlaoui4523]

@@souhir6572 شكرا نحوس على شحال من نوع 😁😁 .

[@yacinemanal8111]

Allah ybarek abonné jdida 3andak tu fais du bon travail ya3tik saha ❤️

[@nouraboucekkine6023]

جربتو فالعيد بنة خيالية ننصحكم تجربوه يعطيك الصحة الأميرة

[@LaTty_eva]

مجاكش شايح؟

[@9___m702]

للمول درتي في تاع الحديد

[@MoMo.A.Paris.75]

‏‎‏‎‏‎‏‎‏‎‏‎يا:ربي إرزقني زوجة صالحة عاقلة *وحنينة وتحشم ومتربية وتفهمني امين يارب تحياتي لكم من الغربة*

[@Crochet-19]

ان شاء الله يارب العالمين

[@zwinataki4576]

اختي سكر عادي ولا قلاص؟

[@imaneamale7531]

درتها في العيد بالكوكاو ونواتكوكو جات تحفة بنة ولا اروع يعطيك الصحة

[@dilmiamina7523]

كاوكاو درتيه بالقشور ولا

[@imaneamale7531]

لا بدون قشور

[@yalizkozay4318]

ختي سكر قلاص ولا سكر عادي

[@rafiklaimeche5499]

Khti svp puisque suyitiha fahmini ch'hal les blancs d'oeufs ndir WE ch'hal m'en margarin

[@samirboulafa8335]

ختي شحال الزبدة الذائبة جوبيني تعيشي

[@Yousef-w9b]

جربتو وبعتو لناس داري علابالكم واحد البنة وحاجة شابة تحمري بيها وجهك بقاو غير يدعولي واسقسو على لاغوسات 😊😊😊😊وراجلي هبل عليه ادعول لزوجي براحة البال من ضغوطات الشغل الله يحفضكم مارقدش فليل من تخمام

[@NadyaBezai]

اختي قداش درتي زبدة مقلتش قداش

[@maleksima9528]

صح عيدكم جربتها و عجبتني مشاء الله

[@hlimahlima2957]

الصابلي واحد ما يكره منو يبقى سلطان المائدة العيدية

[@moufiminouche818]

ديريلنا حبيبتى وصفات من متناول الجميع راكي بزااف بريستيج لكن وصفاتك شابين لكن نقصيلنا اكي عارفة😊

[@thepower5844]

راني معاك

[@haythamyaakoub-9269]

حطيلنا رابط الوصفة تاع مول طويل حوست عليها ملقيتهاش من فضلك

[@rakenraken5890]

جربتو قبيل جا طري يهبل و البنة الله يبارك روعة مرسي بزااف

[@hakimaaloui7638]

واش درت سكر عادي والا ناعم

[@نونةالسمراء]

عندي مول هاك بصح تاع حديد كيفاش ندير فيه باش ما يلصقش ليا وزيد قولي شحال نحسبهم هاكا يعني ثمن البيع

[@sahraouihanane7981]

دعولي في هاد لعواشير ربي يحققلي واش متمنية و لكم بالمثل ❤❤

[@khawlaguendouz3624]

اميرة تعيشي اعملينا تشاراك لمسكر بطرقتك

[@samirabenchaoui916]

اختي ممكن نديرها في الكونجيلاتور

[@fairouz7764]

سكر ڨلاص ولا حبيبات؟؟؟

[@KarimaTazin]

الحلويات الجزائرية تحفة فنية ماشاء الله

[@dalilanourelyakine4046]

الله يبارك . ممكن تقولينا كل وصفة شحال تخرج من حبة

[@kheirasiaghi8986]

Galt 20

[@thepower5844]

من فضلك فالاخير رشيتيهم بالكاكاو من فوق؟؟؟

[@maccapalestine1833]

من فضلك الزبدة نذوبوها و نكيلو ثلث ملاعق

[@babarnabil4973]

يعطيك صحيحتك فعلا وصفة تهبل راني جربتها اليوم قعدلي لبياض نتاع لمشوك وجربتها روعة روعة وياويلي على ريحتها في الدار تهبل

[@houdahind3277]

تعيشي زبدةة كيلتها قبل متدوب ولا تادوب وين تدي 3 مغارف

[@AmiraElif-eg3df]

ماشاء الله عليك اميرة خفة وشطارة وصفات راءعة 😋💎💎💎💜💜💜👍👍👍💙💙💙👑👑👑❤❤❤

[@radhiadj432]

السلام عليكم، من فضلك شحال البيض بالميزان؟؟؟

[@kamelboldoum6895]

الله يعطيك صحة ممكن مقادير بميزان راني جربت صابلي تع معجون روعة وصفة حلوة نواد كوكو تع عام لي فات درت بها حاله

[@نسماتالخريف-ج6ع]

من فضلك ابعثيلي اسم الصفة لو تكرمتي

[@kamelboldoum6895]

حلوة نواد كوكو الامير تخرج علامة

[@kamelboldoum6895]

منعرفش لوكان صور تلك شكلها نشاله تصبها

[@maissrmyousef2739]

من فضلك ياك سكر عادي ماشي سكر رطب

[@yassmine317]

السلام عليكم اخواني عندي دين و تحليلات ودواء مقدرتش عليهم الله غالب بدليل وثيقة طيبة وثيقة تحليلات لي يقدر يعاوني وبدون تجريح جزاكم الله خيرا دعواتكم في هذه الأيام

[@daikhhadil6762]

تهبل يعطيك الصحة ❤
شحال المدة يبقى طري؟!

[@bagbela5317]

ڨاطو راقي صح❤ يستر الوجه في الضيافة يعطيك الصحة

[@ZahratlgoronfolZahratlgoronfol]

مقلتيش على بياض البيض شحال نديرو

[@Creations_chaine]

مرحبا بيكم لبنات عندي 🫲🌺يارب لي تدخل وتدعمني يرزقها ربي فرحة تسجد باكية في هذا الشهر المبارك

[@wissaltv598]

حبيت برك نسقسيك اميرة هذي الوصفة تتخبى نورمال ؟ يعني نديرها ضرك عادي ولا نخلي لأخر يوم قبل العيد

[@mimacouture]

ماشاء الله وصفة هايلة يعطيك الصحة ❤

[@ghaniaazzaz6262]

بارك الله فيك وصفاتك روعة و قمة

[@wissem_duuva12]

يارب كل بنت دارت جام و قالت امين😍😍
تتخطب مورا رمضان و تتزوج بولد الحلال❤ ولي معندهاش الذرية ربي يرزقها❤ و لي مغبونة ربي يفرج عليها ❤ولي تقرى ربي ينجحها ربي يفرحك يالي قريتي الفال ودرتيلي أبوني

[@ilyaslab3633]

مشاء االله يعطيك الصحة نقدر نديرو في ليمول تاع المنيوم

[@reinareina978]

اسكو نقدر ندير نخلط شوكولا بالحليب مع شوكولا بيضاء ... باه نتحصل على لون باج

[@rokiaroki1235]

يا حبيبتي يعطيك الصحة ، نسقسيك كاينة طبيبة دارت منشور على هاد ليمول تاع السيليكون كي يتعرضو للحرارة خطر بزززاف على صحة الانسان نقدرو نديروه بلا مول تاع سيليكون

[@meriemmokhnane1378]

من فضلك جاوبيني درت الوصفة وخليتها يوم مقلاصيتهاش كي جيت نقلاصيها لقيتها شايحة اسمو نكمل نقلاصيها ولا فسدت !؟

[@عفراءعفراء-ر5ك]

الله يبارك انا واحد من الناس نموت عليك وعليا وصفاتك كل يوم نتفرج فيك والقاطو تاع العيد نشاء الله راح نديرو من عندك❤

[@samiakem1834]

مصلحتليش كلما نزيد الزبدة للبيض يهبط كلش مالقري خليتها حتى بردت رميت البيض زوج مرات حتى غاضني 😢

[@maneltemeraire1981]

فوصفة ڨاطو لكيندر فلڨناج قلتيلنا 400 غ شكولاطة و 280 غ كريمة سائلة عندي قرعة تاع ماغقوغيت بطوش فيها 40 سل شحال نستعمل منها ؟

[@SilaSila-g4k]

قداه كمية بياض البيض

[@nourichnourich6759]

3 ملاعق كبار من الزبدة نحطوهم يدوبو و نستعملوهم كامل مش حتى ندوبو الزبدة بش نكيلو 3 ملاعق من فضلك جاوبيني

[@ameltayani5426]

وصفة رائعة وش اسم الملمع من فضلك؟

[@broumaissa4040]

مقادير بالميزان بالنسبة للزبدة و العسل

[@abirhellal]

وصفة هايلة و باينة بنينة تعيشي ما قولتيلناش شحال حبة خرجتلك

[@souhir6572]

قتلك تجيبلك 20 حبة ب 4بياض لبيض

[@مرالمرال-ق4خ]

تعيشو جوبوني هي تبان شوكولا بالحليب ليست سوداء خايفة نديرها سوداء تجيني الحلوة بمرارة

[@remitafati3804]

اول مرة ندير قاطوا وخدة كما هو ماش مليح خلاص لاشتا حطيتوا غير شوية يطيب ويكون رطب هو يبرد يرجع يابس 😏😏

[@samsou1405]

ماحبشع يطلعلي بياض البيض و عاودت و كيف كيف ماحبش واش ندير انصحوني 😭😭

[@Noor.752]

عطيك الصحا اختي نسقسيك ❤ منين نجيبوها هاديك الورقة البراقة ولا كيفاه يخدموها نتمنى تردي عليا

[@oumnadir3355]

تسلم الايادي ربي يحفظك ويسعدك ويهنيك شكرا على الوصفة روعة ❤️❤️❤️🇩🇿🇩🇿👍👍💋💋💋

[@anfelnerdjese3542]

شحال بياض البيض

[@wassimwassimwassim1577]

يعطيك الصحة وصفه هايله

[@rozalina274]

على الاقل نحطو حاجا مختلفة على الجميع كرهنا هذاك الريشة والوردة

[@aliaziza4156]

🇩🇿🇩🇿🇩🇿💕💕 Salam Ya3tik saha kidirt une recette avec le blanc d'œuf chaaaal Wana nasana Jat f waktha yaslam alayadi w saha shourak 💕💕🇩🇿🇩🇿🇩🇿

[@nourlss6917]

راكي مبدعة مبدعة وقليل اعليك الصحة راح نديرها هيا ودليس ليمون نتاعك قمة ❤ بصح اذا تقدري تقوليلي شحال ميظان بياض البيض بسك عندي وخلطتو ومعرف شحال من بيضة ؟ واش ندير ؟

[@فيصلڨطاش-ش1ي]

يعطيك صحتك جات بزاف هايلة مشاء الله اختي انا نعتمد بزاف على وصفاتك ونسييهم يخرجو روعة نحب نبعثلك في كوكباك معرفتش. الا تقدري تعاودي تفهمينا 😊😊😊😊

[@جنةالمأوى-خ8ص]

سلام أختي الكريمة شحال تجي 4بياض بالميزان لانو عندي كمية من البياض تاع البيض ولكن ماعلاباليش😢 شحال

[@aminatouir8977]

الله يحفظكم شكون جرياته تقول كيفاش جاها ني خايفة مخرجش١شباب يبان كيك

[@arigmaria6816]

مع احترامي الشديد لك سيدتي ماكرهناش من الصابلي كرهنا من الحلويات اللي رجعت كامل كاكاو او شكلالاط

[@mouhasaber5379]

واش تزيدو لشوكولا اوبتيلا باه تتطلق هكا انا مدوبليش ليكيد كيما هك تبقى تقيلة وفيها حبيبات

[@sounasouna2230]

كرهنا من الصابلي ومن الشوكولا لي راهم القاطوات اكل شوكولا ولات اسمها شوكولا محشية .انا شخصيا توحشت قاطوات زمان البسيطة لي يقدر الواحد يشرب بيها قهوة ميش شوكولا .وشكرا

[@merazkameriem9498]

سلام نسقسيك اميرة نقدر ندير قلاصاج بسكر قلاصي كي لكعيكعات ولا ماتصلحش

[@يومياتمطبخالأصيل]

شعال وزن تاع 4بياض بيض عندي بزاف بقالي م قاطو و اكثر من اربع حبات كيفاش ندير

[@Alg48000]

سلام تعيشي كثرينا من هادو ديفوا ناكلو حاجة برا ونتشها وها مام تجي غالية

[@سلمىمير]

ولفانيلا وراها لبنات مترعيوش ليها اذا حبيتو ديروه كثرو السكر وديرو فانيلا

[@alilousamah9873]

تعجبيني تجيبي غير جديد برك. بصح ياريت ودرينا بالكيلة احسن من ميزان

[@amelamell6378]

خميرة مكتبتيهاش في صندوق وصف ذكرتيها في فيديو فيها ولا مافيهاش قوليلي تعيشي

[@oumsaja9197]

اختي ربي بارك عليك كل عيد ندير قاطو تاعك ..هذا عجبني لكن خفت منو لامايطولش والا نحطو في مجمد يقعد مليح

[@narimanfaracha9808]

ورق النسيم ليدرتي بيه الديكور يتكل ولا لا.......عجبني الديكور جا مليح.....

[@HhHh-wr3mu]

ولي عهد خمهنتتههخعزكةمدددح نوت ا تتم نخخ هم صح ضيق

[@kbo1347]

40 دعوة غريب مستجابة دعولي ربي إحقق لي في بالي يااا ربي

[@ahlemdz9702]

ماشاء الله ياعطيك صحا حبيبتي هاذا عجبني نجربو للعيد ان شاءالله

[@medlesnasolove5739]

ماشاء الله يسهي ممكن عدد الحبات لي تحصلتي عليها

[@medlesnasolove5739]

راني تفرجت الفيديو كامل شفت عدد الحبات انا غير شفتو عجبني سقسيت كي كملت لفيديو ألقيت إجابة

[@djihed-story19dr7s]

راني ابونيتك بنت بلادي السطايفية

[@mimilila9131]

كفاه خدمتي هاذيك لبياسة الذهبية لي زينتي بيها ولا شريتيها تعيشي

[@يظحك]

سلام عليكم يعطيك الصحة على كل الوصفات من فضلك منين راك تشري فى الكاكاو راني دائما نطيح فيه مهوش بنين مع علم نشري فى البني راني من ولاية سطيف

[@miloumilou1021]

سلام اختي شكرا على الوصفة تبان بنينة ان امكن تقدري تمديلي المقادير بالغرام خفت ندير بالكأس ماتصلحليش،واسم الشوكولا لي قلاصيتي بيها.

[@ranoshka2813]

درتو البارح وش تعبت فيه مبعد ماعجبناش كامل🥺