لون بيتك بنظريات الألوان المختلفة !!

قلنا إن من أفضل الطرق في تلوين البيت هو إننا نرجع لعجلة الألوان ونظرياتها
عشان نقدر نختار الألوان الصح في كل مكان مناسب ليها
واتكلمنا عن نظرية الألوان المتضادة والألوان التكميلية
فلو لسه مشوفتش الفيديوهات بتاعتهم ارجع بص عليهم الأول..
دلوقتي هكلمك عن النظرية الثلاثية في عجلة الألوان - Triadic Colors
وهنا بنستخدم مجموعة الألوان اللي على شكل مثلث في عجلة الألوان
يعني على سبيل المثال
أزرق وأصفر وأحمر
تقدر مثلا تختار لون منهم أو لونين للحيطة والتالت للديكور
ده بيدي تباين في ألوان الأوض ويخليك تحس إن الأوضة عايشة وصاحية
والنظرية دي مكان مناسب ليها جدا أوضة الليفينج
النظرية الرابعة والأخيرة من نظريات الألوان هي نظرية اللون الأحادي - Monochromatic Colors
وهنا بتستخدم درجات مختلفة من نفس اللون
تختار لون زي اللون الأزرق مثلا وتعمل بيه لون البيت وألوان الديكورات
فيبقى عندك درجات كتير تنوع فيها زي الأزرق السماوي والأزرق الزهري والأزرق الفاتح والغامق
ودي من أكتر النظريات اللي بتخلق جو هادي في البيت وتخليك مرتاح وعينك مرتاحة
خصوصا لو الألوان اللي مختارها ألوان هادية بتدي احساس وسع
وتقدر تستخدم النظرية دي في أوضة النوم الماستر أو أوضة الأطفال
تقدر بنفسك عن طريق أكتر من موقع الكتروني تشوف عجلة الألوان
ومنها تختبر النظريات كلها وتختار الألوان اللي حابب تجربها
وخلي بالك الموضوع مش هيبقى متوقف على ال 6 ألوان اللي قلنا عليهم بس
في درجات كتير من الألوان جوا العجلة
وكل لون بدرجاته المختلفة تقدر تختار منه وتعمل مجموعات وتشكيلات مختلفة
قولي ألوان بيتك معمولة بناءً على نظرية إيه ؟
#عجلة_الألوان #ألوان #الألوان #دهانات #محمود_مختار #Mahmoud_Mokhtar