١٤ عادة هتخليك مهندس برمجيات محترف ( الكتاب الأكثر مبيعًا علي أمازون )
HTML-код
- Опубликовано: 21 ноя 2022
- انا حرفيا شغال علي المحتوي دا من شهور .. من فترة ومن حسن حظي وقعت في كتاب اسمه "14 Habits of Highly Productive Developers" .. الكتاب دا شارك فيه مبرمجين من كل الشركات الكبيرة تقريبا .. امازون .. جوجل .. ياهو .. ميكروسوفت .. ميتا .. جيت هاب .. شوبيفاي .. سبوتيفاي .. الخ.
الكتاب بيتكلم عن عادات لازم تكون جزء من شخصيتك .. عادات جبارة فعلا وبتجاوب علي كل الاسئلة اللي هي من فصيلة كيف بدا الخلق بس في البرمجة .. الكتاب دا الاكثر مبيعا علي امازون .. انا قريت الكتاب واستمتعت بيه جدا واستفدت منه كتير وشكل افكار واراء كتيرة في طريقة تفكيري .. اراء مبنية علي علم وخبرة كبيرة من ناس كتيرة مختلفة .. العادات او الاسئلة اللي الكتاب جاوب عليها وكمان سابلك ملاحظات تساعدك فيها عبارة عن:
الجزء الاول - عادات عشان تقدر تتعلم صح
١- اختار مجال ايه .. هل اي مجال جديد لازم اكون ملم بيه ولا لا ؟
٢- هل لازم تكون ملم بالاساسيات عشان تشتغل .. طب ايه اهميتها في شغلك ؟
٣- هل الشرح ليه لازم وانت بتتعلم ؟
الجزء التاني - عادات يومية
٤- خليك ممل!
٥- اعمل حساب النسخة المستقبلية منك!
٦- هل كفاية اني اشتغل من ٩ ل ٥ عشان ابقا شاطر ؟
الجزء التالت - عادات تخص حياتك المهنية
٧- اتقن الجانب المظلم!
٨- هل المشاريع الجانبية مهمة لكل المستويات ؟
٩- تتنطط بين الشركات ولا تفضل وقت اطول في الشركة ؟
الجزء الرابع - عادات تخص طريقة شغلك مع الفريق
١٠- اسمع عشان تفهم مش عشان تتكلم
١١- تدي وقت او Estimation للتاسكات ازاي ؟
١٢- تختار مجال واحد تتخصص فيه ولا تكون ملم بمجالات مختلفة ؟
الجزء الخامس - عادات تخص حياتك الشخصية
١٣- دور علي الحاجات اللي تقدر تتحكم فيها!
١٤- كفاية انتظار / خد اكشن!
بعد ما خلصت الكتاب .. كتبت اسكربت ملخص للكتاب وسجلته فيديو لاني مقتنع تماما باهمية المحتوي دا لاي مبرمج عايز يبقا شاطر بجد لان الشطارة مش بس مهارات تقنية .. في مهارات وعادات تانية كتيرة اهم من المهارات التقنية كمان.
كمان فكرت في حاجة حلوة للناس اللي عايز تدعمني او عايزة تتابع معايا:
www.buymeacoffee.com/essamFahmi
تقدر من اللينك اللي فوق دا تعزمني علي قهوة او تدخل عضوية شهريا .. العضوية دي بتبدا من ٣ دولار بس لغاية ١٠ دولار .. لكل عضوية امتيارات خاصة .. زي تظبيط السي في او لينكدان او رد علي الاستفسارات علي الواتساب .. لو لسه مشتغلتش ومش معاك فلوس .. ولا يهمك وفوق راسي والله .. ابعتلي علي لينكدان ولو كنت بعتلي قبل كده .. بعد اذنك بس ابعتلي رسالة فكرني.
مستني رأيكم في الفيديو .. Peace. 
Наука
اخوك الصغير في سنه تالته حاسبات عايزين road map عظيمه كدا منك لل back end ❤
مستنيهتا منك انت بذات عشان متاكد انها هتكون عظمه ❤❤❤
شغل عالي ومجهود واضح
ربنا يبارك فيك و يجزيك خير
متميز بجد في المحتوى والتدرج في الخطوات
بالتوفيق لك وللجميع
استمر ....
فيديو رائع .. الله يبارك فيك يا باشمهندس
جميل جداً جزاكم الله خيراً ♥
منتهي الروعه يا كبير ❤❤❤
شكراجدا ي عصام علي الفيديو الجميل ده
شوفت ناس وسمعت ناس كتير في المجال بس انت بصراحه مختلف وشاطر جدا جدا .نفسي ابقي زيك
ان شاء الله تبقا احسن مني كمان .. شكرا علي كلامك 💙
والله افضل فيديو أنا سمعته خلال الفترة الأخيرة
تسلم ياباشمهندس
جزاكم الله خيراً
جزاك الله خير فيديو رائع جدا ما شاء الله ❤
جميلة ما شاء الله .. نفع الله بك
جميل جدا يا عصام حقيقي انا استفدت حاجات كتير برغم ان مجالي مختلف 👌🏻
keep going 🙏🏻
اختي الكبيرة ♥️♥️♥️
حبيبي يا بشمهندس عصام حضرتك من الناس الملهمة الل بتابعها
شرف لي ❤️
فيديوهاتك ومحتواكtop level. بالتوفيق دايماً
Thanks for sharing and really appreciate the effort behind this awesome video ❤
نصائح من ذهب فعلاً شكراً على المجهود الرائع
العفو 💙
مشكور يا هندسه ع المجهود
عصام فهمي عالمي♥️
شكرا علي مجهودك وتعبك
ربنا يبارك فيك حبيبي الغالي ويحفظك
ربنا يخليك لي يا كوتش ❤️
الله ينور يا هندسة بسم الله ما شاء الله الفيديو اكثر من رائع
حبيبي يا مؤمن 💙
الفيديو دا عظيم
دا حل لمشكلة keep playing عشان بعاني منها حقيقي
شكرا تاني
هي البرمجة كده فعلا .. اتعامل معاها بالاسلوب دا .. كل حاجة هتظبط مع الوقت 🙏
مجهود خرافى
عاش جدا
عظمه ❤
المحتوى دا حاجه عظيمه
جااااااامد جداااا ما شاء الله عااااااااااااااااااااااااااااااااش
شكرا لك عصام
انا مبسوط عشان الفديو هادي و كلام واضح
فيديو جميل جدا 💚💚
من اقوى فيديوهات النصائح اللي حضرتا بحياتي
اييييه يا هندساااااه اخيرا فديو يا كبييير 😂🤍
باخد وقت كبير والله في التحضير 😂💙
@@essam_fahmi عاش يا كبير كمل 😘
Great content 💙👏
الفيديو عظيم
شكرا ليك استفدت من الفديو
بجد عظمه ومبسوط بالفيديو جداا واستفدت منه كفرونت اند معظم اللي اتقال في الفيديو أنا كنت بعمل عكسه أو بمعني اصح مش بقدر اسيطر علي نفسي في قبوله وتنفيذه لكن أن شاء الله الفيديو ده يكون حافز ليا أن ابدا بدراسه كل عاده كويس واكتسبها شكرا ليك يا هندسه
❤️👏
ربنا معاك يا عمر .. شد حيلك 💙
عاش يا عصام 💪
ربنا يبارك فى حضرتك يا هندسه ياريت يابشمهندس تعمل فيديو عن كتب نتعلم منها الاساسيات
حاضر .. في الخطة ان شاء الله 💙
عاش اصديقي جزاك الله خيرا عاش كتاب ونصايح في الجون بس اعتقد الكتاب او الفيديو محتاج يتفرد شويه ف بودكاست زي اللي عملته مع بشمهندس عمر ويبقي مدعم بمواقف شخصيه ليك هيبقي حاجه جامده لانه لامس مشاكل فايتل
دا حقيقي .. ممكن اعمل كده فعلا قريب ❤
انا قريت 26 صفحة من الكتاب دة ، الكتاب اسلوبة سهل و كلماتة واضحة ف مش بحتاج اترجم كتير ، لو مش فاضى تعمل فيديوهات فى المستقبل زى دة على الأقل قول أسامى الكتب اللى انت قريتها
حاضر .. اكيد
عاش لو قسمت الفيديو لشابترز هيكون افضل .. بالتوفيق
مش مستاهل .. مجرد ٢٠ دقيقة سهلة
عصام انت هتتجوز أمتا وبتفكر في الموضوع ده ولا لا محتاجين نعرف وجهه نظرك في الموضوع ده لأنك تفكيرك يحترم جدا 😃
بص متخدش الخطوة دي بدري .. ابني نفسك كويس الاول .. يعني هي الخطوة دي مهمة جدا ومفيدة وصحية عشان تعيش حياة كاملة مستقرة .. لكن اوعي تاخدها بدري وانت لسه معملتش حاجة في حياتك .. يعني علي الاقل اعمل الحاجات الاساسية قبل متفكر في الخطوة دي
👏👏👏
كلام مفيد ومهم جدا. نادرا بجد لما الاقي شاب صغير في السن في المجال ده بيدي نصائح كويسة, وواضح جدا تأثرك بالفلسفة الرواقية. انا فعلا طاحن نفسي بقالي فترة ومحتاج اهدي شوية واظبط الاولويات. انا نزلت الكتاب وتصفحته ولقيته ممتع وفيه خبرة كويسة الواحد يستفاد منعا. شكرا يا بشمهندس.
انا فعلا بحب القراءة جدا جدا .. استمتع
@@essam_fahmi وانا كمان بحب القراءة جدا وكنت متأثر بالفلسفة الرواقية وماركوس أوريليوس لغاية ما جيه نيتشه وبوظلي الدنيا كلها ربنا يسامحه
❤🧡💙
ياريت ي هندسه لو تلخصلنا كتب زي دي كتير 🖤🖤🖤🖤
حاضر 💙
@@essam_fahmi اتفق
❤❤❤
متيجي نعمل بودكاست سوا يا هندسه 🤔❤️؟!
كلمني يا غالي ونظبطها سوا ❤
@@essam_fahmi بعتلك علي فيسبوك♥️
❤🔥❤🔥
حضرتك قلت هتعمل فيديوهات عن التعامل مع اي كود موجود ادامي فعلا و ال effective ways لده هل هنشوفه فعلا قريب
والله انا بحاول بس الوقت صعب ❤️
@@essam_fahmi اتفق
الفيديو جميل جدًا 😊
كنت عاوزة اسأل حضرتك ازاي اعرف ان البرمجة مناسبة ليا؟ انا لسه ٣ ثانوي ف معرفش حاجة عنها اوي ف ازاي اعرف؟ و هل هي تنفع لحد انطوائي و معندوش communication skills كويسة بس هو hard working person?
.. هو عشان تكون شاطر هتحتاج تحتك بالناس شوية وتتكلم معاهم .. انت هتتعلم دا مع الوقت .. جرب مش هتخسر حاجة .. لسه بدري والمجال كويس جدا
خذ أكشن.
هل متاح فرص عمل في مصر للموبايل باستخدام لغه سوفت واني اكون native ios mobile developer؟
طبعا .. في فرص لكل المجالات
مساء الخير ..
أنا اخترت مجال ال web
لكن عايزه ادرس الأساسيات في الاول فهل اتعلم الأساسيات بلغة javascript ولا لغة C++في الاول وبعدها اتعلم JavaScript ؟
مش هتفرق كتير .. لو لقيت شرح كويس للاساسيات بال Javascript .. دوس فيها
لو سمحت ممكن تقولي ايه رأيك فكورس angela yu للسويفت هل هو ملم بكل حاجه ولا لا؟؟ وشكرا❤️
جميل جدا بس مش ملم بكل حاجة طبعا .. شوف خريطة التعليم في الفيديو اللي قبل دا
@@essam_fahmi تمام حاضر
شكرا ليك جدا❤️❤️
ازيك ي بشمهندس عامل اي
لو سمحت حضرتك محتاج نصيحه
انا عاوز اكون back end وبدات ب python وخلصت كورسين ورا بعض ليها وبدات في التالت مع اني بطبق واكتب الكود اللي في الكورس واحاول اطبق المشاريع اللي في الكورس وبعرف اعملها الحمد لله بس لو عاوز اعمل مشروع لوحدي بحس اني تايه ومش عارف اعمل حاجه لوحدي
هل ده طبيعي ؟ وحضرتك تنصحني بايه
طبيعي .. شوف فيديوهات لشخص بيبني مشروع معاك من الصفر وهتتعود وتفهم الطريقة مع الوقت
@@essam_fahmi شكرا ي هندسه الف شكر
يا هندسة ممكن سؤال انا بتعلم برمجة من 3 شهور بس انا مجبور اشتغل بسرعة
قولت اشتغل في مجال البرمجة بس شوفت انو طويل ومحتاج تتعلم الاساسيات و التراك
هل في مجال في البرمجة اعرف اتشغل في بسرعة ولا اسيب البرمجة واشوف مجالات تاني
البرمجة ممكن تاخد وقت عشان تتعلم وتكون جاهز لكنها تستاهل .. لو انت شغال في اي حاجة تانية ممكن تذاكر برمجة جنبها لغاية ما تكون جاهز
شكرا عالمعلومات بش مهندس بدي اسالك هل خريج مهندس البرمجيات يتخرج على انه مهندس ام مبرمج ارجو الرد وشكرا
كلها مجرد مصطلحات ومسميات مفيش فرق بينهم .. ال developer هو ال software engineer هو ال programmer
@@essam_fahmi لا مهندس البرمجيات بكون ابرع وعندو خبرة اكثر من المبرمج وسمعت واحد يقول كل مهندس برمجيات مبرمج بس العكس مو صحيح
@@user-uz7vb3ud3h
مجرد مسميات نظرية فقط .. يعني مفيش شركة هتقولك احنا بنعين مبرمج مش مهندس برمجيات والعكس صحيح .. انما لو انت مش ملم بهندسة البرمجيات بشكل صحيح .. ممكن نقول عليك مش محترف كفاية ولا شاطر كفاية تشتغل في شركات كبيرة لكن في الشركات الكبيرة مفيش اصلا التقسيمات دي
@@essam_fahmi يعني حسب كلامك هسا الميكانيكي صار زي مهندس الميكانيك كلامك كله غلط بغلط مهندس البرمجيات ما بقوم فقط بالبرمجة زي المبرمج عندو وظائف ثانية اصعب واوسع وبالشركات الكبيرة بخلوا مهندسي البرمجيات يشرفوا على المبرمجين
بشمهندس لو انا معايا الاساسيات دي
C++
Oop
Data structures
Algorithms
Object oriented design
Design patterns
هل عشان اعرف اشتغل مع شركه remotely
هتفرق سواء اتعلمت web ولا Mobile ?
وهل الاساسايات اللي معايا في الاول دي
تساعدني الاقي شغل في شركه remotely
وانا لسه في اول طريقي
لان ال web مشواره طويل اوي وكمان مش بحب فرونت اند انما الموبايل خارطه الطريق بتاعته معقوله في الوقت لان اخدت وقت طويل في الاساسيات
لا مش هتفرق عادي .. اختار المجال المناسب ليك
اجيب منين مصادر كويسه للاساسيات
اسال الناس .. شوف كذا مصدر وانت هتعرف مين الاريح والافضل في الطريقة .. بس حاول تسال حد شاطر عن الموضوع وهو هيقولك علي افضل مصدر
انا سالت الناس تانية قالت testing اسهل هل ده صح
ال testing نسبيا اسهل لكن علي حسب دماغك بردو .. ممكن دا يكون بالنسبة ليك اسهل او اي مجال تاني بالنسبة ليك اسهل
فيديوهاتك وحشه معجبتنيش
مش مهم ومش مشكلة .. انا مش متوقع خالص انها تعجب كل الناس .. يكفيني واحد بس يستفاد منها والحمدلله في كتير اوي بيستفادوا منها وبيستنوها .. Peace.
❤❤❤