اسلوبك في عرض الكتب جميل جدًا ومبين من الكومنتات انك مشهور في مصر من اساس وهذي قناتك الثانية، ياريت تستمر في هذي القناة وبنسبة لكتاب جدد حياتك للغزالي قرأته من سنتين في يومين من كثر عجبني الاسلوب اعتقد انك راح تقرأ أسرع مع الوقت بس المهم انك ما تتحبط بسبب السرعة وتحاول تكمل الكتب هذا اللي كنت اسويه لما بديت اقرا لين ما زادت سرعتي وتركيزي وقرأت أنبياء الله وكان جميل وايد راح تسمتع فيه ان شاء الله ❤
مبسوط جدا بتعليقك لإنه جاي من حد ميعرفنيش قبل كده، ورغم كده عجبك الفيديو، وده شيء مبشر ومشجع جدا، فشكرا لاهتمامك وشكرا لكلامك المشجع بالنسبة لكتاب جدد حياتك، فبالتأكيد هستكمل قراءته إن شاء الله ومتفهم إني في البداية بتكون سرعة القراءة بطيئة زي أي مهارة وبعد كده بتتطور تحياتي
الله يبارك فيك، لكن أنا هعامل أنبياء الله معاملة الأكلة الحلوة اللي بتختار لها الوقت المناسب 😂 .. بمعني إنه فعلا أكتر كتاب أنا متحمس لقرايته، لكنه هخليه كله في شهر رمضان بإذن الله، بحيث أستمتع بيه أكتر في الأجواء الرمضاني.
@@qeesho ربنا ينفعك بيه يارب ويجعله في ميزان حسنات أحمد بهجت وحسناتك يا أبو حميد، أنبياء الله كان أحسن مفاجأة ليا في القراءة اخر كام سنة ورشحته لكل اللي اعرفهم واتبسطت جدا إنه أول كتاب في الفيديو الجميل ده
بإذن الله كل 3 شهور هعمل مراجعة اجمالية للكتب اللي قريتها في الفترة دي ده غير إني لما الاقي كتاب عجبني أوي وحابب اشارككم بيه، هعمله ملخص في فيديو لوحده زي كتاب "إغاثة الأمة بكشف الغمة" للمقريزي اللي هستعرض ملخص لأهم ما فيه في الفيديو القادم بإذن الله
أنا قسّمت الفيديو في الوصف بالفعل، يعني بالتوقيتات اللي بتكلم فيه عن الكتب ولو ده مش كفاية حاضر هكتب اسماء كل الكتب في الوصف بإذن الله بس ده هياخد مني وقت، ممكن بكره أو بعده
موسوعة الظلام مش قصص ده مقالات عن الكائنات الخيالية سيكولوجية الجماهير وعبقرية عمر وعظماء في طفولتهم والمانيفستو رائعين والمجموعة كلها مميزة ياريت تكمل في فيديوهات الكتب مع الكورة ممكن تعمل لايفات لمناقشة الكتب
متشكر لاهتمامك وبإذن الله القناة دي مخصصة بشكل أساسي لفيديوهات الكتب، لكن حابب احتفظ فيها بطابع الهواية مش المهنة، عشان مأفسدش على نفسي متعة القراءة زي ما حصل للأسف مع مشاهدة المباريات، فالفيديوهات هنا كل أسبوع أو 10 ايام بحيث اقدر احضر للفيديو بشكل أفضل، بعيدا عن العمل اليومي لكرة القدم. بالنسبة لفكرة لايفات مناقشة الكتب أظن دي هنأجلها شوية لما نجمع مجتمع جديد من محبي الكتب، لإن اللي متابعني دلوقتي مش من اهتمامهم القراءة أوي لذلك هكتفي بفيديوهات عن الكتب فقط، لكن اللايفات وكده دي خطوة مستقبلية.
كتب طه حسين الهيئة العامة لقصور الثقافة طبعت اغلبها السنة اللي فاتت والسنة دي لأنها بقت ملكية عامة بأسعار لا تتعدي ال٢٠ ج للكتاب الواحد وفعلا طبعات كويسة .
الشيخ محمد الغزالي رحمه الله، يسمي الاديب الداعية لأن أسلوبه جميل جدا و ممتع، و فكره جميل و عالي. الشيخ الغزالي و العقاد و محمود شاكر أصحاب لغه عاليه جدا،
رحمة الله على الجميع أنا مش بذم في الشيخ الغزالي، لكن كل الحكاية إن اسلوبه على الأقل مش مناسب لمستوايا حاليا، هكمل الكاتب وهشتري بقية كتبه زي "فقه السيرة" وغيره، لكن في مرحلة متقدمة، أنا بحاول ابني عادة القراءة من جديد، لأني قرأت العبقريات وأنا في الكلية (من حوالي 12 سنة) لكن لما تركت القراءة فهي زي أي مهارة بتحتاج تنبيها من الأول بالكتب الخفيفة زي كتب عمر طاهر ودكتور أحمد الله يرحمه شكرا لاهتمامك بالتعليق
شكرا لذوقك ولثقتك وكلامك الجميل ربنا يديمها نعمة، مفيش أي حاجة في الدنيا تستاهل إن الواحد يقول حاجة مش مقتنع بيها ويفقد حريته واحترامه لنفسه عشانها ربنا يوفقنا جميعا يا محترم
كتب جميله جزاك الله, انصحك للدكتور الكبير عبد الوهاب المسيري ، ممكن تبدأ كتابه رحلتي الفكريه. خلق المسلم للشيخ الغزالي، رحله بن بطوطه ، مقدمه بن خالدون، روايات ١٩٨٤، مزرعة الحيوانات لجورج ارويل، تاريخنا المفتري عليه، رياض الصالحين و الاربعين النوويه ،وكتاب سيره مثل فقه السيره الشيخ الغزالي او الصلابي ، و كتاب تفسير.
شكرا على ترشيحاتك الجميلة، بعضها موجود بالفعل على قائمة الكتب اللي ناوي اشتريها بعد قراءة المجموعة الحالية خصوصا كتاب "رحلتي الفكرية" كنت هشتريه مع المجموعة دي لكن ترددت بصراحة بسبب سعر الكتاب الحالي وتوقعي إن لغة دكتور المسيري هتكون متقدمة وعميقة شوية، فقولت اصبر لما ابدا الأول بالكتب الأبسط واتطور مع الوقت كمان مهتم بكتبه عن العلمانية الجزئية والشاملة (لإني شايف إن "الديمقراطية هي الحل" وأتمنى بلادنا تكون زي الغرب) فحابب اعرف رأي الدكتور وهشوف هغير رايي ولا لا.
في انتظار ملخصات هذه المجموعة القيمة .. ورجاء شخصي أن يأخذ كل كتاب حقه في العرض والتحليل واستخراج الفوائد من غير أن يكون اعتبار طول الفيديو عائقاً لذلك .. وجزاك الله خيراً 🌹
جزانا واياكم كل خير متشكر لاهتمامك بالتعليق، ومبسوط إنك أول واحد يهتم بالرد على سؤالي بخصوص طول فيديوهات التلخيص ومراجعة الكتب مبسوط لإن رأيك يوافق رأيي في فكرة إن الهدف هنا هو القيمة، وإن الفائدة من الكتاب توصل كاملة بغض النظر عن طول الفيديو وبالتأكيد أنا مش هدفي أعمل فيديو طويل، أنا كنت متصور إن الفيديو ده مثلا مش هيتجاوز الربع ساعة، لكن فوجئت بإنه ساعة إلا تلت! لكن حسيت إن كل كلمة فيه حاببها توصل، حتي لو لمشاهدين أقل، لكن هكون مبسوط وأنا بشاركهم أفكاري كاملة من غير قيود الاختصار تحياتي لك
متشكر لاهتمامك بالتعليق وترشيحك بالفعل عامل حسابي في المعرض الجاي بإذن الله على شراء كتب دكتور عبد الوهاب المسيري (رحلتي الفكرية - العلمانية) لكن علي عزت بيجوفيتش مفيش عنوان له حاليا في قائمة الكتب اللي ناوي اشتريها ترشحي اية من كتبه اقراها بإذن الله؟
@@qeesho لازم البداية مع الإعلان الإسلامي لأنه الأصغر والأخف وبعدين بقى تقدر تقرأ الإسلام بين الشرق والغرب وهروبي إلى الحرية ومش عارف فيه اصدار جديد اسمه عوائق النهضة أو حاجة كده مش فاكر اسمه بس إصداراته بقت موجودة في دار نشر (تنوير) وهي دار نشر مصرية ومختلفة عن دار التنوير
الإعلان الإسلامي وهروبي إلي الحرية مع دار مدارات وهي دار مصرية أعمالها قيمة جدا جدا ... أما الإسلام بين الشرب والغرب مع دار الشروق ... عوائق النهضة أظن مع دار تنوير وبالنسبة للإعلان الإسلامي فهو كتاب سلس وبسيط ويتفهم بسهولة هروبي الي الحرية عبارة عن مذكراته في السجن الإسلام بين الشرق والغرب هو خلاصة أفكار علي عزت ببجوفيتش حتى دكتور عبد الوهاب المسيري كان بيحكي أنه الكتاب اللي أنقذه من شتاته فعشان كده يفضل انه يكون آخر كتاب يُقرأ له
مجموعة جميلة مبارك عليك 🙏🏻 كتاب ما لا يسع المسلم جهله هو كتاب تأسيسي بيعطيك الحاجات اللي مينفعش اي مسلم يبقا مسلم بدون ما يعرفها عن العقيدة والفقه والتزكية ف عشان كدة هو صغير الحجم فيه الخلاصة وبدون ما تتوه، ولو حابب تستزيد انت عرفت ايه الموضوع اللي حابب تقرأ عنه اكتر، جرب تقرأه من هذا المنظور هتستفيد منه جدا. نصيحة صغيرة بس حاول تاخد كتب طه حسين في التاريخ بحذر وتفكير ناقد. كتاب اغاثة الامة واضح انه جميل ننتظر ملخصك له في فيديو ربع ساعة كدة سريع 😀
معظم الكتب أنا اشتريتها من "دار الشروق"، مش عارف إذا كانوا بيوصلوا لخارج مصر ولا لا ممكن تسألهم على رسائل صفحتهم على فيسبوك، وهيفيدوك بإذن الله المعرض مش جهة واحدة، المعرض عبارة عن مجموعة كبيرة من دور النشر المصرية والعربية بتتجمع في مكان واحد، وكل دار لها موقع أون لاين تقدر تشتري منه دي صفحة دار الشروق، تواصل معاهم وبالتوفيق إن شاء الله: facebook.com/Darelshorouk
اختيارات أكثر من رائعة في منها كتير علي قائمة قراءاتي ومستنين مراجعات الكتب خصوصا كتاب إغاثة الأمة بكشف الغمة بس بلاش مراجعة كتاب عبدالرحمن الكواكبي وبلاش كلام عن يناير والنبي عشان بس نشوف باقي مراجعات الكتب😂💔
ما شاء الله حصيلة جميلة جدا و أتمنى لك قراءة ممتعة و نافعة و لكن أريد أن أنبهك لنقطة مهمة جدا (قلت عبقرية الإمام 'عليه السلام ' !!؟ و ثم قلت 'عبقرية عثمان رضي الله عنه ' ) أقول لك بأنه لايجوز ان تقول على الامام علي (عليه السلام ) لانه ليس نبي بل هو صحابي مثله مثل عثمان و ابوبكر رضي الله عنهم جميعا و كذلك الحسين لا يجوز ان نقول عليه السلام الانبياء فقط يقال عليهم السلام ❤ تقبل نقدي و اذا حاب تتأكد من كلامي شوف فتاوي العثيمين و ابن باز على اليوتيوب مع كل احترامي لك ❤
شكرا لذوقك، واهتمامك بالرد والنصيحة بذوق، وده نادر بين المختلفين في الآراء الأيام دي لكن أنا مازلت عند موقفي في السلام علي سيدنا علي وسيدنا الحسين بالذات وآه أنا متعمد تماما التفريق بينهم وبين أي صحابي آخر من غير آل بيت النبي ليه؟ لإنهم أكتر من ظلموا من الصحابة، رغم إنهم هم "آل البيت" وده طبقا لتصرف ودعاء النبي لهم (في حديث الكساء) لما تلى وهم في حضنه " إنما يريد الله ليذهب عنكم الرجس أهل البيت ويطهركم تطهيرا" واحنا في كل صلاة بندعو لآل البيت مقرونين باسم سيدنا النبي في النصف الثاني من التشهد! ولو إن مفيش كلام بعد كلام سيدنا النبي نفسه لكن الإمام البخاري (شيخ مشايخ ابن عثيمين وابن باز!) ذكر اسم الأمام الحسين متبوعا بدعاء "عليه السلام" لما ذكر تمثيل عبيد الله بن زياد -لعنه الله- برأس سيدنا الحسين عليه السلام وتقدري تتأكدي من كلامي بنفسك والحقيقة حتى لو مفيش أئمة وعلماء قدامى ذكروا الإمام والحسين بعليهم السلام، فأنا هقول ده تمييزا لهم عن باقي الصحابة، لمنزلتهم من النبي وإنهم آل بيته اللي محافظناش عليهم ولا اتقينا ربنا فيهم، رغم وصايا الرسول في عدة احاديث، فأقل شيء إني أميزهم لمكانتهم في الدين ولمصابهم في الدنيا، الحقيقة مش بقرا اللي حصل لسيدنا الحسين عليه السلام إلا ومش بقدر اتمالك دموعي حزنا عليه.
الحقيقة أول مرة أعرف اسماء الكتب من خلالك، فواضح إنها كتب حديثة لكن ببحث سريع واضح إنها روايات، وأنا مش بفضل الروايات كتير في المرحلة دي من القراءة شكرا لاهتمامك بالتعليق والترشيح على كل حال
علي نص الشهر كده، هعمل فيديو علي القناة الأساسية أعلن فيه عن (القناتين الجداد): القناة دي واللي بتكلم فيها عن الكتب والدين وخواطري الشخصية القناة الرياضية الجديدة اللي هكمل فيها كلام عن الاهلي والكورة المصرية (وفي المستقبل العالمية) لكن عشان مشتتش الناس كل شوية بفيديو تنويه لقناة فقولت اصبر لما ابدأ في القناتين بالفعل عشان يبقي فيديو واحد يشمل الاتنين وشكرا لاهتمامك ومنورني هنا، اتمني القناة دي تعجبك
كتاب ماذا حدث للمصريين كان من أفضل الكتب اللي قرأتها السنة اللي فاتت ومقدمة مهمة جدا لعلم الاجتماع ... واشتريت السنادي لنفس الكاتب كتاب ماذا حدث للثورة المصرية ... الصراحة عائلة جلال أمين لذيذة اوي خصوصا والده المفكر أحمد أمين اشتريت له السنادي بردو كتاب فجر الاسلام كان كتاب مهم اوي بيحكي عن العرب قبل الاسلام ثم بداية الاسلام في عصر الخلفاء الراشدين والدولة الاموية وتناول تأثير حضارتي فارس والروم علي الاسلام وعلومه ونبذة بسيطة عن أشهر الصحابه وكمان اتكلم عن أشهر الفرق في الاسلام بشئ من التفصيل (الخوارج والمعتزلة والشيعة )ولكن هو مش سرد تاريخي بس هو سرد تاريخي لمظاهر تطور الحياة الفكرية والعقلية للمسلمين وبالمناسبة الكتاب جزء من سلسلة الجزء التاني منه ضحي الاسلام اظن بيتكلم عن الدول العباسية والجزء التالت ظهر الاسلام.
بالفعل كتاب "ماذا حدث للمصريين" مهم في معرفة ازاي تطور مجتمعنا، وبإذن الله هقراه مرة تانية وأعمله تلخيص هنا نظرا لأهمية الكتاب أما كتب الوالد "أحمد أمين" فكان نفسي اشتريها، بس سعر المجموعة من "الدار المصرية اللبنانية" كان حوالي 800 ج، ده غير الدليفري 😂 فقولت مش ضروري السنة دي بس أظنك مشتريتهمش من نفس الدار، يا ترى اشتريتهم من أي دار نشر وسعرهم كان كام؟ بالنسبة لكتاب "ماذا حدث للثورة المصرية" فهو كعادة كل كتب الثورة مبقتش متوفرة علي دار الشروق، فهل اشتريتي نسخة قديمة؟ ده كمان من الكتب اللي كان نفسي اشتريها وبشدة السنة دي، لكن مكنش متاح على موقع دار الشروق للأسف
اشتريتم من دار الشروق من المعرض بردو في طبعات قديمة بتبقي مستخبية كده وسط الإصدارات الجديدة وبتبقي حاجات قيمة وبسعر وهمي والطبعة اللي قديمة مش الكتاب الكتب جديدة مفيش فيها حاجة ... علي سبيل المثال فجر الإسلام دار الشروق كان ب ٨٠ وماذا حدث للثورة المصرية ب ٤٠ تقريبا وكمان جبت من عندهم المفاوضات السرية بين العرب وإسرائيل الجزء الأول لهيكل ب ٣٠ ج والكتاب هارد كافر وورق شمواه وحاجة آخر حلاوة طبعة ٢٠٠٩... بس الحاجات دي للأسف مش ع الويبسايت لأني دخلت أشوف باقي أجزاء المفاوضات السرية ملقتهاش😓
بس للأسف فجر الإسلام بس اللي عند دار الشروق باقي السلسلة مش موجودة بس بردو في دور تانية غير المصرية اللبنانية منزلاها حاول تدور وتقارن الطبعات والأسعار وحتي لو هتشتري طبعة المصرية اللبنانية حاول تجيبها وقت المعرض افضل لأنهم بيبقي عليهم أوفر أكيد غير الايام العادية
حبيبي يا أحمد متشكر لذوقك أنا كنت عايز اشتري كل روايات نجيب محفوظ بالفعل، لكن لإن أعماله مع دار "ديوان" للنشر بشكل حصري، فالاسعار بقت خرافية، المجموعة كاملة ب8500 ج!! وده رقم مبالغ فيه جدا جدا بصراحة، وأنا كده كده مهتم أكتر بالكتب حاليا، لذلك قررت توجيه المبلغ ده للكتب اللي اشتريتها مش عارف إذا كانت اعماله مازالت بتنزل من دور النشر المدعمة زي هيئة الكتاب ودار المعارف وكده ولا لا وعلي كل حال هشتري علي الأقل أشهر رواياته في المعرض الجاي إن شاء الله انا قريت له بالفعل أكتر من عمل، لكن معظم قراءاتي في الفترة من 2010 لـ 2014 ، لذلك نسيت كل اللي قريته بالفعل ودي فرصة عشان اعيد اكتشاف عالم نجيب محفوظ من البداية.
@@qeesho 8500 ياساتر يارب 😅 انا من سعداء الحظ اللي أشتروا كل كتب نجيب محفوظ من دار الشروق قبل ما يروح لديوان بصراحة عالم تاني حتى رواياته عظيمة بيغوص في أعماق أعماق النفس البشرية حرفيا، أرشح لك الحرافيش وأولاد حارتنا ، ليالي ألف ليلة وليلة، قلب الليل، السراب، وبما إنك بتحب التاريخ ممكن أمام العرش ورادوبيس... عالم نجيب محفوظ شبيه لعالم دوستوفيسكي من حيث شدة واقعية الأشخاص اللي بيطرحهم في رواياته وكمان السوداوية الموجودة في الأحداث
ما لا يسع المسلم جهله للشيخ أنس السلطان ده ف الأصل دورة من شيخ العمود هو بقدمها بردو، ممكن تسمعها تلاقيها أفضل والله أعلم أنا مقرأتش الكتاب. أما عن كتب طه حسين، ف كانت في معرض الكتاب رخيصة جدا جدا في الهيئة العامة لقصور الثقافة. الحقيقة دور النشر المدعمة عظيمة جدا في نشرها رخيصة وجودة الكتب كويسة، الهيئة العامة للكتاب الهيئة العامة لقصور الثقافة المركز القومي للترجمة وتقريبا الهيئة العامة للثقافة، مش قادرة اتذكر اسمها بالظبط.
فعلا في دورة بنفس الاسم، لكن أنا بفضل القراءة على الاستماع خصوصا لمحاضرات طويلة (معلش بقي أنا مخلص كلية من 11 سنة دلوقتي فمعنديش صبر على المحاضرات أوي) متشكر جدا لترشيحاتك لدور النشر المدعمة وبإذن الله اتغلب على رهاب الأماكن المزدحمة واروح للمعرض السنة الجاية 😅 هل عندك فكرة إذا كانت روايات نجيب محفوظ موجودة بأسعار رخيصة؟ لإنها في دار ديوان بقيمة 8500 ج!! ومتشكر لذوقك
@@qeesho عن نجيب محفوظ شفت ناس كتير بيجبوه من سور الازبكية بغلاف الطبعة القديمة لكن الكتاب نفسه حالته بتبقى كويسة، كان موجود السنة دي والسنة اللي فاتت. سمعت من حد ان مكتبة ديوان أغلى في أسعارها، كان نفس الكتاب في مكتبة تنمية أرخص. ربنا ينفع حضرتك بما تتعلم وينفع بك إن شاء الله.
@@qeesho وبردو في معرض الكتاب فيه دار نشر اسمها المركز الوطني للثقافة والفنون والآداب الكويت، دي بتقدم سلاسل منها المسرح العالمي ومنها عالم المعرفة ودي سلسلة لطيفة ورخيصة بردو بتنزل كتب مترجمة وغير مترجمة في مجالات مختلفة ودي بتكون عند بائعين الجرايد كل شهر بردو بالمناسبة، وفيه مؤسسة الكويت للتقدم العلمي دي كتبها كويسة بردو عن العلوم.
@@rahmabhbh طبعا يبدو انك قارئة مخضرمة لأنك عارفة دور النشر كويس والافضل منها وأظن انك قادرة تشترى كمية كبيرة من الكتب بسعر مناسب جدا لكن مع تنوع دور النشر والكتب والمؤلفين اصبح دلوقتى ممكن تلاقى كتب كتير من اللى محتاجة تشتريها موجودة فى دور نشر مرتفعة الثمن جدا بالمقارنة بالهيئة العامة وقصور الثقافة يعنى اصبح شراء الكتب محتاج تخصيص ميزانية عشان تنزلى المعرض السنوى عموما الكتب اصبحت متاحة بصيغة pdf صحيح مش كلها لكن اللى حابب القراءة مش هيفرق معاه المهم يوفر الكتب اللى بيحبها
أرشحلك الكتب دية في عام 2025 ان شاء الله تاريخ الخلفاء للسيوطي التاريخ الإسلامي: الوجيز (مكتبة رسوخ) تهذيب قصص الأنبياء للإمام ابن كثير (مركز تبصير) أو قصص الانبياء لابن كثير - طبعة مخرجة الأحاديث (دار السلام) صور من حياة التابعين (مكتبة عين أو دار المعالي) صور من حياة الصحابة (مكتبة عين أو دار المعالي) صور من حياة الصحابيات (مكتبة عين أو دار المعالي) خلفاء الرسول (مكتبة المقطم للنشر والتوزيع أو دار المعارف) رجال حول الرسول (مكتبة المقطم للنشر والتوزيع أو دار المعارف) اضمحلال الإمبراطورية الرومانية وسقوطها (الهيئة المصرية العامة للكتاب) التاريخ الشعبي للولايات المتحدة (المركز القومي للترجمة أو foxbookstores)
أنا كنت بحبه من أيام جريدة الدستور أيام مبارك، وقت ما كان معارض محترم واتعلقت بيه اكتر لما عمل قناة التحرير لو تفتكر، وكنت مش بفوت له حلقة تقريبا لكن سقط من نظري لما هو اللي انقلب على مبادئه بعد 2013 دي كانت سقطة سياسية أما السقطة الإنسانية فكانت موقفه الأخير من المقاومة، واللي كان واخد صف الاحتلال تماما، لدرجة إن إعلامهم استشهد بكلامه!! ده ميغيرش من حقيقة كونه مثقف، وقارئ موسوعي، وإعلامي مفوه وملم بمفردات لغوية كتير بيستخدمها بشطارة لكن لما يكون عنده كل الملكات والمواهب دي ويستغلها في الباطل، فدي شهادة ضده مش له
@@qeesho انا متفق في موضوع المقاومة بس مش فاهم تقصد ايه انه انقلب على مبادئه بعد ٢٠١٣ ..... هو على حسب علمي بعد ٢٠١١ كان ضد الاخوان و مغيرش موقفه أثناء حكمهم و لا بعد سقوطهم
بالنسبة للإخوان فهو كان بيدافع عنهم قبل 2011 .. ثم إنقلب عليهم بعد كده، ولغاية هنا مفيش مشكلة المشكلة إنه ينقلب علي مبادئه كلها، وبدل ما هو كان معارض محترم، سواء ضد مبارك أو مرسي، فيبقي هو جزء أساسي من إعلام السيسي فلو هي مسألة مبدأ، يبقي كان لازم موقفه واحد من التلاتة.
@@qeesho شوف انا هقولك رأيي انا في العادة مش بتفرج عليه لاني من ٢٠١٤ مثلا مبقتش بتفرج على اي برامج سياسية او بعدها لكن اعتقد انه تحسبه على اعلام السيسي ظلم ليه. لكن انا اتفرجت على حلقة له في ذكرى وفاة عبد الناصر في ٢٨ سبتمبر ٢٠١٧ مش هنكر انحيازاتي الناصرية بسبب ميلي للاشتراكية عشان كدة بحثت في اليوتيوب على ذكرى وفاته لقيت حلقة ابراهيم عيسى دي ..... اول حاجة لازم تاخد بالك منها الفترة الزمنية ٢٠١٧ حيث الغضب الشعبي اقل جدا من دلوقتي في السياق ده مختصر الحلقة بيقولك عبد الناصر عمل إنجازات كبيرة تأميم القناة السد العالي عدالة اجتماعية الخ لكن بسبب حكم الفرد و القائد الملهم اللي مبيغلطش كل ده منفعناش و حكم الفرد أدى للنكسة في الاخر ..... و قال مادام النهاية مع إنجازات كبيرة اي حاجة تتعمل دلوقتي (٢٠١٧) لا تقارن بيها كانت أكبر مصيبة في تاريخنا (٦٧) ليه مصممين نكرر نفس السيناريو حكم الفرد الملهم و متوقعين نتيجة مختلفة غير حاجة شبه نكسة ٦٧
وقد كان الفيديو صورته ونشرته بالفعل اليوم وكان 30 دقيقة حبيت إني اقول كل اللي عندي بخصوص الكتاب عشان احس إني أفدت اللي معندوش وقت يقراه فحبيت التلخيص يكون شامل وفي نفس الوقت بدون أي تعمد للإطالة
عموما في مقولة معروفة "إذا كنت تصدق كل ما تقرأ فلا تقرأ" فبالتأكيد "كلُ يؤخذ منه ويرد" لكن كده كده أنا موقفي الشخصي من الدولة العثمانية إنها احتلال، فهو مش محتاج يشوه صورة "الخلافة" بالنسبة لي. لكن على كل حال أنا مش شاري الكتاب من باب "الانحياز التأكيدي" لكن هقرأ من المهاجمين والمدافعين ولي عقل كما لهم عقول، فهقدر اوزن الكلام واخد صورة حقيقية لا هي ملائكية ولا شيطانية. وكل ده هكتشفه في رحلتي مع الكتب اللي هوثقها من خلال القناة دي ومعنديش مانع إني اغير قناعاتي لو ثبت لي إني غلطان في رأي كوّنته بناء على معلومات مغلوطة سابقة.
لازم تقرأ للمعاصرين للدولة العثمانية في غضونها زي الجبرتي وغيره من المؤرخين العرب وفي أواخرها زي شكيب أرسلان ومحمد فريد بك وتشوف الفرق قبل ما تحكم عليها حكم نهائي.
الدولة العثمانية فترة كبيرة جدا في تاريخ المسلمين والدولة في أولها غير الدولة قبيل سقوطها .. وصراحة أنا شايفة نفسي غير مؤهلة أني أصدر حكم بخصوصها وبالمناسبة وليد فكري كمان غير مؤهل 😅 المهم لو حابب تقرأ بقي تاريخ بحق من مصادر موثوقة ففي ترشيحات المهندس أيمن عبدالرحيم لكل حقب التاريخ المختلفة وطبعا دوراته الرائعة ربنا يفك أسره ... بس الكتب دي ممكن يكون مستواها للقارئ المتوسط وكمان أغلبها طبعات دور نشر عربية مش مصرية فعايزة قارئ ارستقراطي 😅
أظن اني نسيت استعرض معاكم كتاب "صك المؤامرة" لصلاح عيسى وجميل عطية إبراهيم
بيتكلم عن وعد بلفور
وده من الكتب المهمة طبعا
اسلوبك في عرض الكتب جميل جدًا ومبين من الكومنتات انك مشهور في مصر من اساس وهذي قناتك الثانية، ياريت تستمر في هذي القناة وبنسبة لكتاب جدد حياتك للغزالي قرأته من سنتين في يومين من كثر عجبني الاسلوب اعتقد انك راح تقرأ أسرع مع الوقت بس المهم انك ما تتحبط بسبب السرعة وتحاول تكمل الكتب هذا اللي كنت اسويه لما بديت اقرا لين ما زادت سرعتي وتركيزي وقرأت أنبياء الله وكان جميل وايد راح تسمتع فيه ان شاء الله ❤
مبسوط جدا بتعليقك لإنه جاي من حد ميعرفنيش قبل كده، ورغم كده عجبك الفيديو، وده شيء مبشر ومشجع جدا، فشكرا لاهتمامك وشكرا لكلامك المشجع
بالنسبة لكتاب جدد حياتك، فبالتأكيد هستكمل قراءته إن شاء الله
ومتفهم إني في البداية بتكون سرعة القراءة بطيئة زي أي مهارة وبعد كده بتتطور
تحياتي
اختيارات رائعة قراءة ممتعة. في انتظار المراجعات
متشكر لذوقك واهتمامك بالتعليق
أول مراجعة بالفعل نشرتها اليوم لكتاب "إغاثة الأمة بكشف الغمة" للمقريزي
الكتب رائعة واختياراتك موفقة وانا حابتدي متابعه سلسله المراجعات معاك ان شاء الله.
متشكر لذوقك واهتمامك بالتعليق والمتابعة
نشرت اليوم مراجعة وتلخيص كتاب "إغاثة الأمة بكشف الغمة"
بإذن الله يعجبك
حبيتك تستحق اللايك والمتابعة
انا لقيت القناة بالصدفة والله عاش يا قيشو انك تشارك معانا حاجة زي كده بعيدا عن الكورة
اتبسطت بتعليقك يا عمر
ومنورني في القناة هنا، وأتمنى تعجبك أكتر من قناة الكورة كمان
حلو اختيارات كتب التاريخ
متشكر لاهتمامك بالتعليق ومبسوط إن الاختيارات عجبتك
بالتوفيق
وفي انتظار ريفيو هات عن كل كتاب
متشكر لاهتمامك بالتعليق
وبالفعل هعمل مراجعات للكتب على القناة هنا والبداية من الفيديو القادم عن كتاب "إغاثة الأمة بكشف الغمة" للمقريزي
أنبياء الله كنز بجد انصحك تبدأ بيه وتكمل معاه في رمضان ان شاء الله... مبروك عليك كل الكتب
الله يبارك فيك، لكن أنا هعامل أنبياء الله معاملة الأكلة الحلوة اللي بتختار لها الوقت المناسب 😂 .. بمعني إنه فعلا أكتر كتاب أنا متحمس لقرايته، لكنه هخليه كله في شهر رمضان بإذن الله، بحيث أستمتع بيه أكتر في الأجواء الرمضاني.
@@qeesho ربنا ينفعك بيه يارب ويجعله في ميزان حسنات أحمد بهجت وحسناتك يا أبو حميد، أنبياء الله كان أحسن مفاجأة ليا في القراءة اخر كام سنة ورشحته لكل اللي اعرفهم واتبسطت جدا إنه أول كتاب في الفيديو الجميل ده
اللهم انصر اهل عزة و فلسطين على أعدائهم
اللهم اغفر وارحم الاستاذ العامري فاروق وأسكنه فسيح جناتك يارب العالمين
شكرا لحضرتك على فيديوهات الممتعه دي
اللهم آمين
شكرا ليك على اهتمامك بالتعليق على كل فيديو
بالتوفيق يا أستاذنا في انتظار رأيك بعد ما تنهي قرأتهم و ترشيحاتك
بإذن الله كل 3 شهور هعمل مراجعة اجمالية للكتب اللي قريتها في الفترة دي
ده غير إني لما الاقي كتاب عجبني أوي وحابب اشارككم بيه، هعمله ملخص في فيديو لوحده
زي كتاب "إغاثة الأمة بكشف الغمة" للمقريزي اللي هستعرض ملخص لأهم ما فيه في الفيديو القادم بإذن الله
حاول تكتب اسماء الكتب في صندوق الوصف
أنا قسّمت الفيديو في الوصف بالفعل، يعني بالتوقيتات اللي بتكلم فيه عن الكتب
ولو ده مش كفاية
حاضر هكتب اسماء كل الكتب في الوصف بإذن الله
بس ده هياخد مني وقت، ممكن بكره أو بعده
موسوعة الظلام مش قصص ده مقالات عن الكائنات الخيالية
سيكولوجية الجماهير وعبقرية عمر وعظماء في طفولتهم والمانيفستو رائعين والمجموعة كلها مميزة
ياريت تكمل في فيديوهات الكتب مع الكورة ممكن تعمل لايفات لمناقشة الكتب
متشكر لاهتمامك
وبإذن الله القناة دي مخصصة بشكل أساسي لفيديوهات الكتب، لكن حابب احتفظ فيها بطابع الهواية مش المهنة، عشان مأفسدش على نفسي متعة القراءة زي ما حصل للأسف مع مشاهدة المباريات، فالفيديوهات هنا كل أسبوع أو 10 ايام بحيث اقدر احضر للفيديو بشكل أفضل، بعيدا عن العمل اليومي لكرة القدم.
بالنسبة لفكرة لايفات مناقشة الكتب أظن دي هنأجلها شوية لما نجمع مجتمع جديد من محبي الكتب، لإن اللي متابعني دلوقتي مش من اهتمامهم القراءة أوي
لذلك هكتفي بفيديوهات عن الكتب فقط، لكن اللايفات وكده دي خطوة مستقبلية.
Keep going 💛💛
شكرا لاهتمامك بالتعليق والتشجيع
أول مراجعة لكتاب "إغاثة الأمة" نشرتها اليوم
كتب طه حسين الهيئة العامة لقصور الثقافة طبعت اغلبها السنة اللي فاتت والسنة دي لأنها بقت ملكية عامة بأسعار لا تتعدي ال٢٠ ج للكتاب الواحد وفعلا طبعات كويسة .
حلو ده، بإذن الله السنة الجاية أروح اشتري كل كتبه من الهيئة بقي، صحيح أنا اشتريت أهم وأشهر كتبه، لكن في كتاب بحب يكون عندي مؤلفاتهم كلها.
الف سلامة عليك ياقيشو
الله يسلمك يا نور، شكرا لاهتمامك.
الشيخ محمد الغزالي رحمه الله، يسمي الاديب الداعية لأن أسلوبه جميل جدا و ممتع، و فكره جميل و عالي. الشيخ الغزالي و العقاد و محمود شاكر أصحاب لغه عاليه جدا،
رحمة الله على الجميع
أنا مش بذم في الشيخ الغزالي، لكن كل الحكاية إن اسلوبه على الأقل مش مناسب لمستوايا حاليا، هكمل الكاتب وهشتري بقية كتبه زي "فقه السيرة" وغيره، لكن في مرحلة متقدمة، أنا بحاول ابني عادة القراءة من جديد، لأني قرأت العبقريات وأنا في الكلية (من حوالي 12 سنة) لكن لما تركت القراءة فهي زي أي مهارة بتحتاج تنبيها من الأول بالكتب الخفيفة زي كتب عمر طاهر ودكتور أحمد الله يرحمه
شكرا لاهتمامك بالتعليق
انا بحترمك يا قيشو .. و بحترم أوي إنك مش بتطبّل بحجة الإضطرار زي الأغلبية ما بيعملوا .. أتمنى لك النجاح
شكرا لذوقك ولثقتك وكلامك الجميل
ربنا يديمها نعمة، مفيش أي حاجة في الدنيا تستاهل إن الواحد يقول حاجة مش مقتنع بيها ويفقد حريته واحترامه لنفسه عشانها
ربنا يوفقنا جميعا يا محترم
دمك خفيف
كتب جميله جزاك الله, انصحك للدكتور الكبير عبد الوهاب المسيري ، ممكن تبدأ كتابه رحلتي الفكريه. خلق المسلم للشيخ الغزالي، رحله بن بطوطه ، مقدمه بن خالدون، روايات ١٩٨٤، مزرعة الحيوانات لجورج ارويل، تاريخنا المفتري عليه، رياض الصالحين و الاربعين النوويه ،وكتاب سيره مثل فقه السيره الشيخ الغزالي او الصلابي ، و كتاب تفسير.
شكرا على ترشيحاتك الجميلة، بعضها موجود بالفعل على قائمة الكتب اللي ناوي اشتريها بعد قراءة المجموعة الحالية
خصوصا كتاب "رحلتي الفكرية" كنت هشتريه مع المجموعة دي لكن ترددت بصراحة بسبب سعر الكتاب الحالي
وتوقعي إن لغة دكتور المسيري هتكون متقدمة وعميقة شوية، فقولت اصبر لما ابدا الأول بالكتب الأبسط واتطور مع الوقت
كمان مهتم بكتبه عن العلمانية الجزئية والشاملة
(لإني شايف إن "الديمقراطية هي الحل" وأتمنى بلادنا تكون زي الغرب)
فحابب اعرف رأي الدكتور وهشوف هغير رايي ولا لا.
في انتظار ملخصات هذه المجموعة القيمة .. ورجاء شخصي أن يأخذ كل كتاب حقه في العرض والتحليل واستخراج الفوائد من غير أن يكون اعتبار طول الفيديو عائقاً لذلك .. وجزاك الله خيراً 🌹
جزانا واياكم كل خير
متشكر لاهتمامك بالتعليق، ومبسوط إنك أول واحد يهتم بالرد على سؤالي بخصوص طول فيديوهات التلخيص ومراجعة الكتب
مبسوط لإن رأيك يوافق رأيي في فكرة إن الهدف هنا هو القيمة، وإن الفائدة من الكتاب توصل كاملة بغض النظر عن طول الفيديو
وبالتأكيد أنا مش هدفي أعمل فيديو طويل، أنا كنت متصور إن الفيديو ده مثلا مش هيتجاوز الربع ساعة، لكن فوجئت بإنه ساعة إلا تلت!
لكن حسيت إن كل كلمة فيه حاببها توصل، حتي لو لمشاهدين أقل، لكن هكون مبسوط وأنا بشاركهم أفكاري كاملة من غير قيود الاختصار
تحياتي لك
ليه وقفت نشر علي القناه دي
متنساش صحيح
كتب عبدالوهاب المسيري
+ علي عزت بيجوفيتش
متشكر لاهتمامك بالتعليق وترشيحك
بالفعل عامل حسابي في المعرض الجاي بإذن الله على شراء كتب دكتور عبد الوهاب المسيري (رحلتي الفكرية - العلمانية)
لكن علي عزت بيجوفيتش مفيش عنوان له حاليا في قائمة الكتب اللي ناوي اشتريها
ترشحي اية من كتبه اقراها بإذن الله؟
@@qeesho
لازم البداية مع الإعلان الإسلامي لأنه الأصغر والأخف
وبعدين بقى تقدر تقرأ
الإسلام بين الشرق والغرب
وهروبي إلى الحرية
ومش عارف فيه اصدار جديد اسمه عوائق النهضة أو حاجة كده مش فاكر اسمه
بس إصداراته بقت موجودة في دار نشر (تنوير) وهي دار نشر مصرية ومختلفة عن دار التنوير
الإعلان الإسلامي وهروبي إلي الحرية مع دار مدارات وهي دار مصرية أعمالها قيمة جدا جدا ... أما الإسلام بين الشرب والغرب مع دار الشروق ... عوائق النهضة أظن مع دار تنوير
وبالنسبة للإعلان الإسلامي فهو كتاب سلس وبسيط ويتفهم بسهولة هروبي الي الحرية عبارة عن مذكراته في السجن
الإسلام بين الشرق والغرب هو خلاصة أفكار علي عزت ببجوفيتش حتى دكتور عبد الوهاب المسيري كان بيحكي أنه الكتاب اللي أنقذه من شتاته فعشان كده يفضل انه يكون آخر كتاب يُقرأ له
@@sohailaamr9432
كانت زمان مع مدارات والشروق
بداية من السنادي هتكون مع دار تنوير
فكرتهم مع مدارات لأني لسه شارياهم المعرض اللي فات ... شكرا علي التوضيح.
مجموعة جميلة مبارك عليك 🙏🏻
كتاب ما لا يسع المسلم جهله هو كتاب تأسيسي بيعطيك الحاجات اللي مينفعش اي مسلم يبقا مسلم بدون ما يعرفها عن العقيدة والفقه والتزكية ف عشان كدة هو صغير الحجم فيه الخلاصة وبدون ما تتوه، ولو حابب تستزيد انت عرفت ايه الموضوع اللي حابب تقرأ عنه اكتر، جرب تقرأه من هذا المنظور هتستفيد منه جدا.
نصيحة صغيرة بس حاول تاخد كتب طه حسين في التاريخ بحذر وتفكير ناقد.
كتاب اغاثة الامة واضح انه جميل ننتظر ملخصك له في فيديو ربع ساعة كدة سريع 😀
ايه العظمة دي
احنا جامدين أوي 😎
لأ وقريت 15 كتاب كمان في شهر يناير الحمد لله
حكايات من دفتر الوطن اشتريت طبعة الهيئة العامة لقصور الثقاقة ب ٢٥ وكل ما أشوف حد جايبها من دار الكرمة أحس إن أنا عملت انجاز 😂
اية يعني فرق 150 ج .. كلام فارغ 😂
ماشاء الله كمية كتب محترمة هل فيه طريقة لارسال الكتب ان لاين الى دولة اخرى مباشرة من معرض القاهرة لو ممكن واتس المعرض
معظم الكتب أنا اشتريتها من "دار الشروق"، مش عارف إذا كانوا بيوصلوا لخارج مصر ولا لا
ممكن تسألهم على رسائل صفحتهم على فيسبوك، وهيفيدوك بإذن الله
المعرض مش جهة واحدة، المعرض عبارة عن مجموعة كبيرة من دور النشر المصرية والعربية بتتجمع في مكان واحد، وكل دار لها موقع أون لاين تقدر تشتري منه
دي صفحة دار الشروق، تواصل معاهم وبالتوفيق إن شاء الله:
facebook.com/Darelshorouk
اختيارات أكثر من رائعة في منها كتير علي قائمة قراءاتي ومستنين مراجعات الكتب خصوصا كتاب إغاثة الأمة بكشف الغمة
بس بلاش مراجعة كتاب عبدالرحمن الكواكبي وبلاش كلام عن يناير والنبي عشان بس نشوف باقي مراجعات الكتب😂💔
متشكر لذوقك وحرصك على سلامتي 😅
بالنسبة لكتاب "إغاثة الأمة" فأنا نشرت فيديو تلخيصه حالا، تقدري تشوفيه على القناة حاليا
ما شاء الله حصيلة جميلة جدا و أتمنى لك قراءة ممتعة و نافعة
و لكن أريد أن أنبهك لنقطة مهمة جدا (قلت عبقرية الإمام 'عليه السلام ' !!؟ و ثم قلت 'عبقرية عثمان رضي الله عنه ' ) أقول لك بأنه لايجوز ان تقول على الامام علي (عليه السلام ) لانه ليس نبي بل هو صحابي مثله مثل عثمان و ابوبكر رضي الله عنهم جميعا
و كذلك الحسين لا يجوز ان نقول عليه السلام
الانبياء فقط يقال عليهم السلام ❤
تقبل نقدي و اذا حاب تتأكد من كلامي شوف فتاوي العثيمين و ابن باز على اليوتيوب
مع كل احترامي لك ❤
شكرا لذوقك، واهتمامك بالرد والنصيحة بذوق، وده نادر بين المختلفين في الآراء الأيام دي
لكن أنا مازلت عند موقفي في السلام علي سيدنا علي وسيدنا الحسين بالذات
وآه أنا متعمد تماما التفريق بينهم وبين أي صحابي آخر من غير آل بيت النبي
ليه؟ لإنهم أكتر من ظلموا من الصحابة، رغم إنهم هم "آل البيت" وده طبقا لتصرف ودعاء النبي لهم (في حديث الكساء) لما تلى وهم في حضنه " إنما يريد الله ليذهب عنكم الرجس أهل البيت ويطهركم تطهيرا"
واحنا في كل صلاة بندعو لآل البيت مقرونين باسم سيدنا النبي في النصف الثاني من التشهد!
ولو إن مفيش كلام بعد كلام سيدنا النبي نفسه
لكن الإمام البخاري (شيخ مشايخ ابن عثيمين وابن باز!) ذكر اسم الأمام الحسين متبوعا بدعاء "عليه السلام" لما ذكر تمثيل عبيد الله بن زياد -لعنه الله- برأس سيدنا الحسين عليه السلام
وتقدري تتأكدي من كلامي بنفسك
والحقيقة حتى لو مفيش أئمة وعلماء قدامى ذكروا الإمام والحسين بعليهم السلام، فأنا هقول ده تمييزا لهم عن باقي الصحابة، لمنزلتهم من النبي وإنهم آل بيته اللي محافظناش عليهم ولا اتقينا ربنا فيهم، رغم وصايا الرسول في عدة احاديث، فأقل شيء إني أميزهم لمكانتهم في الدين ولمصابهم في الدنيا، الحقيقة مش بقرا اللي حصل لسيدنا الحسين عليه السلام إلا ومش بقدر اتمالك دموعي حزنا عليه.
اظن انك فايتك سلسلة كتب مملكة البلاغة
وارشحلك كتاب موريستان لريهام غُريّب
الحقيقة أول مرة أعرف اسماء الكتب من خلالك، فواضح إنها كتب حديثة
لكن ببحث سريع واضح إنها روايات، وأنا مش بفضل الروايات كتير في المرحلة دي من القراءة
شكرا لاهتمامك بالتعليق والترشيح على كل حال
ليه مأعلنتش عن القناة دي علي قناتك الأساسية انا لقيت القناة دي من بوست الفيس بتاع المعرض
علي نص الشهر كده، هعمل فيديو علي القناة الأساسية أعلن فيه عن (القناتين الجداد):
القناة دي واللي بتكلم فيها عن الكتب والدين وخواطري الشخصية
القناة الرياضية الجديدة اللي هكمل فيها كلام عن الاهلي والكورة المصرية (وفي المستقبل العالمية)
لكن عشان مشتتش الناس كل شوية بفيديو تنويه لقناة
فقولت اصبر لما ابدأ في القناتين بالفعل عشان يبقي فيديو واحد يشمل الاتنين
وشكرا لاهتمامك
ومنورني هنا، اتمني القناة دي تعجبك
كتاب ماذا حدث للمصريين كان من أفضل الكتب اللي قرأتها السنة اللي فاتت ومقدمة مهمة جدا لعلم الاجتماع ... واشتريت السنادي لنفس الكاتب كتاب ماذا حدث للثورة المصرية ... الصراحة عائلة جلال أمين لذيذة اوي خصوصا والده المفكر أحمد أمين اشتريت له السنادي بردو كتاب فجر الاسلام كان كتاب مهم اوي بيحكي عن العرب قبل الاسلام ثم بداية الاسلام في عصر الخلفاء الراشدين والدولة الاموية وتناول تأثير حضارتي فارس والروم علي الاسلام وعلومه ونبذة بسيطة عن أشهر الصحابه وكمان اتكلم عن أشهر الفرق في الاسلام بشئ من التفصيل (الخوارج والمعتزلة والشيعة )ولكن هو مش سرد تاريخي بس هو سرد تاريخي لمظاهر تطور الحياة الفكرية والعقلية للمسلمين وبالمناسبة الكتاب جزء من سلسلة الجزء التاني منه ضحي الاسلام اظن بيتكلم عن الدول العباسية والجزء التالت ظهر الاسلام.
بالفعل كتاب "ماذا حدث للمصريين" مهم في معرفة ازاي تطور مجتمعنا، وبإذن الله هقراه مرة تانية وأعمله تلخيص هنا نظرا لأهمية الكتاب
أما كتب الوالد "أحمد أمين" فكان نفسي اشتريها، بس سعر المجموعة من "الدار المصرية اللبنانية" كان حوالي 800 ج، ده غير الدليفري 😂 فقولت مش ضروري السنة دي
بس أظنك مشتريتهمش من نفس الدار، يا ترى اشتريتهم من أي دار نشر وسعرهم كان كام؟
بالنسبة لكتاب "ماذا حدث للثورة المصرية" فهو كعادة كل كتب الثورة مبقتش متوفرة علي دار الشروق، فهل اشتريتي نسخة قديمة؟
ده كمان من الكتب اللي كان نفسي اشتريها وبشدة السنة دي، لكن مكنش متاح على موقع دار الشروق للأسف
اشتريتم من دار الشروق من المعرض بردو
في طبعات قديمة بتبقي مستخبية كده وسط الإصدارات الجديدة وبتبقي حاجات قيمة وبسعر وهمي والطبعة اللي قديمة مش الكتاب الكتب جديدة مفيش فيها حاجة ... علي سبيل المثال فجر الإسلام دار الشروق كان ب ٨٠ وماذا حدث للثورة المصرية ب ٤٠ تقريبا وكمان جبت من عندهم المفاوضات السرية بين العرب وإسرائيل الجزء الأول لهيكل ب ٣٠ ج والكتاب هارد كافر وورق شمواه وحاجة آخر حلاوة طبعة ٢٠٠٩... بس الحاجات دي للأسف مش ع الويبسايت لأني دخلت أشوف باقي أجزاء المفاوضات السرية ملقتهاش😓
بس للأسف فجر الإسلام بس اللي عند دار الشروق باقي السلسلة مش موجودة
بس بردو في دور تانية غير المصرية اللبنانية منزلاها حاول تدور وتقارن الطبعات والأسعار
وحتي لو هتشتري طبعة المصرية اللبنانية حاول تجيبها وقت المعرض افضل لأنهم بيبقي عليهم أوفر أكيد غير الايام العادية
اتمنى تقرأ في الادب الروسي القديم وتحديداً انطون تشيخوف
تمام يا صديقي، في قراءات العام القادم إن شاء الله
هوه حضرتك اخو جهاد قيشو؟
طريقه محترمه وكلامك منظم وفيك قبول
انا مونتير وسكربتر لو محتاج حد يشتغل معاك
شكرا لذوقك وكلامك الجميل
حاليا مش هقدر اشغل حد معايا في المونتاج
لكن مستقبلا ممكن إن شاء الله
بالتوفيق
وحشتنا ياقيشو
ماينفعش كده 🦅🦅🦅🦅
خلاص راجعين لفيديوهات الكورة مع عودة الأهلي يا دكتور محمد، منورني هنا
واتمني القناة دي تعجبك
👍🏼❤
ما شاء الله مجموعة جميلة كتير منهم عندي بس إزاي المجموعة دي مفيهاش حاجة لعم نجيب محفوظ او أنيس منصور، بس عموما ذوقك حلو جدا
حبيبي يا أحمد متشكر لذوقك
أنا كنت عايز اشتري كل روايات نجيب محفوظ بالفعل، لكن لإن أعماله مع دار "ديوان" للنشر بشكل حصري، فالاسعار بقت خرافية، المجموعة كاملة ب8500 ج!!
وده رقم مبالغ فيه جدا جدا بصراحة، وأنا كده كده مهتم أكتر بالكتب حاليا، لذلك قررت توجيه المبلغ ده للكتب اللي اشتريتها
مش عارف إذا كانت اعماله مازالت بتنزل من دور النشر المدعمة زي هيئة الكتاب ودار المعارف وكده ولا لا
وعلي كل حال هشتري علي الأقل أشهر رواياته في المعرض الجاي إن شاء الله
انا قريت له بالفعل أكتر من عمل، لكن معظم قراءاتي في الفترة من 2010 لـ 2014 ، لذلك نسيت كل اللي قريته بالفعل ودي فرصة عشان اعيد اكتشاف عالم نجيب محفوظ من البداية.
@@qeesho 8500 ياساتر يارب 😅 انا من سعداء الحظ اللي أشتروا كل كتب نجيب محفوظ من دار الشروق قبل ما يروح لديوان بصراحة عالم تاني حتى رواياته عظيمة بيغوص في أعماق أعماق النفس البشرية حرفيا، أرشح لك الحرافيش وأولاد حارتنا ، ليالي ألف ليلة وليلة، قلب الليل، السراب، وبما إنك بتحب التاريخ ممكن أمام العرش ورادوبيس... عالم نجيب محفوظ شبيه لعالم دوستوفيسكي من حيث شدة واقعية الأشخاص اللي بيطرحهم في رواياته وكمان السوداوية الموجودة في الأحداث
ممكن تنزل رواياته من موقع هنداوي
موقع هنداوي كويس جداً وفيه كتب كويسة@@qeesho
كلفوا حضرتك كام ؟
10.800 ج
وده بعد الخصومات كمان
الرقم ده من سنتين كان يشتري ألف كتاب مش 131 😂
@@qeesho مباركين عليك أن شاء الله
ما لا يسع المسلم جهله للشيخ أنس السلطان ده ف الأصل دورة من شيخ العمود هو بقدمها بردو، ممكن تسمعها تلاقيها أفضل والله أعلم أنا مقرأتش الكتاب.
أما عن كتب طه حسين، ف كانت في معرض الكتاب رخيصة جدا جدا في الهيئة العامة لقصور الثقافة.
الحقيقة دور النشر المدعمة عظيمة جدا في نشرها رخيصة وجودة الكتب كويسة،
الهيئة العامة للكتاب
الهيئة العامة لقصور الثقافة
المركز القومي للترجمة
وتقريبا الهيئة العامة للثقافة، مش قادرة اتذكر اسمها بالظبط.
فعلا في دورة بنفس الاسم، لكن أنا بفضل القراءة على الاستماع خصوصا لمحاضرات طويلة (معلش بقي أنا مخلص كلية من 11 سنة دلوقتي فمعنديش صبر على المحاضرات أوي)
متشكر جدا لترشيحاتك لدور النشر المدعمة
وبإذن الله اتغلب على رهاب الأماكن المزدحمة واروح للمعرض السنة الجاية 😅
هل عندك فكرة إذا كانت روايات نجيب محفوظ موجودة بأسعار رخيصة؟
لإنها في دار ديوان بقيمة 8500 ج!!
ومتشكر لذوقك
@@qeesho عن نجيب محفوظ شفت ناس كتير بيجبوه من سور الازبكية بغلاف الطبعة القديمة لكن الكتاب نفسه حالته بتبقى كويسة، كان موجود السنة دي والسنة اللي فاتت.
سمعت من حد ان مكتبة ديوان أغلى في أسعارها، كان نفس الكتاب في مكتبة تنمية أرخص.
ربنا ينفع حضرتك بما تتعلم وينفع بك إن شاء الله.
@@qeesho وبردو في معرض الكتاب فيه دار نشر اسمها المركز الوطني للثقافة والفنون والآداب الكويت، دي بتقدم سلاسل منها المسرح العالمي ومنها عالم المعرفة ودي سلسلة لطيفة ورخيصة بردو بتنزل كتب مترجمة وغير مترجمة في مجالات مختلفة ودي بتكون عند بائعين الجرايد كل شهر بردو بالمناسبة، وفيه مؤسسة الكويت للتقدم العلمي دي كتبها كويسة بردو عن العلوم.
اسمه المجلس الاعلى للثقافة
@@rahmabhbh
طبعا يبدو انك قارئة مخضرمة لأنك عارفة دور النشر كويس والافضل منها وأظن انك قادرة تشترى كمية كبيرة من الكتب بسعر مناسب جدا لكن مع تنوع دور النشر والكتب والمؤلفين اصبح دلوقتى ممكن تلاقى كتب كتير من اللى محتاجة تشتريها موجودة فى دور نشر مرتفعة الثمن جدا بالمقارنة بالهيئة العامة وقصور الثقافة
يعنى اصبح شراء الكتب محتاج تخصيص ميزانية عشان تنزلى المعرض السنوى
عموما الكتب اصبحت متاحة بصيغة pdf صحيح مش كلها لكن اللى حابب القراءة مش هيفرق معاه المهم يوفر الكتب اللى بيحبها
أرشحلك الكتب دية في عام 2025 ان شاء الله
تاريخ الخلفاء للسيوطي
التاريخ الإسلامي: الوجيز (مكتبة رسوخ)
تهذيب قصص الأنبياء للإمام ابن كثير (مركز تبصير)
أو
قصص الانبياء لابن كثير - طبعة مخرجة الأحاديث (دار السلام)
صور من حياة التابعين (مكتبة عين أو دار المعالي)
صور من حياة الصحابة (مكتبة عين أو دار المعالي)
صور من حياة الصحابيات (مكتبة عين أو دار المعالي)
خلفاء الرسول (مكتبة المقطم للنشر والتوزيع أو دار المعارف)
رجال حول الرسول (مكتبة المقطم للنشر والتوزيع أو دار المعارف)
اضمحلال الإمبراطورية الرومانية وسقوطها (الهيئة المصرية العامة للكتاب)
التاريخ الشعبي للولايات المتحدة (المركز القومي للترجمة أو foxbookstores)
الدحيح يقول كلام الحادي
انهي موقف تقصده اللي مخلاكش تحب ابراهيم عيسى
أنا كنت بحبه من أيام جريدة الدستور أيام مبارك، وقت ما كان معارض محترم
واتعلقت بيه اكتر لما عمل قناة التحرير لو تفتكر، وكنت مش بفوت له حلقة تقريبا
لكن سقط من نظري لما هو اللي انقلب على مبادئه بعد 2013
دي كانت سقطة سياسية
أما السقطة الإنسانية فكانت موقفه الأخير من المقاومة، واللي كان واخد صف الاحتلال تماما، لدرجة إن إعلامهم استشهد بكلامه!!
ده ميغيرش من حقيقة كونه مثقف، وقارئ موسوعي، وإعلامي مفوه وملم بمفردات لغوية كتير بيستخدمها بشطارة
لكن لما يكون عنده كل الملكات والمواهب دي ويستغلها في الباطل، فدي شهادة ضده مش له
@@qeesho انا متفق في موضوع المقاومة بس مش فاهم تقصد ايه انه انقلب على مبادئه بعد ٢٠١٣ ..... هو على حسب علمي بعد ٢٠١١ كان ضد الاخوان و مغيرش موقفه أثناء حكمهم و لا بعد سقوطهم
@@qeesho و لا تقصد شهادته في المحكمة لصالح مبارك
بالنسبة للإخوان فهو كان بيدافع عنهم قبل 2011 .. ثم إنقلب عليهم بعد كده، ولغاية هنا مفيش مشكلة
المشكلة إنه ينقلب علي مبادئه كلها، وبدل ما هو كان معارض محترم، سواء ضد مبارك أو مرسي، فيبقي هو جزء أساسي من إعلام السيسي
فلو هي مسألة مبدأ، يبقي كان لازم موقفه واحد من التلاتة.
@@qeesho شوف انا هقولك رأيي انا في العادة مش بتفرج عليه لاني من ٢٠١٤ مثلا مبقتش بتفرج على اي برامج سياسية او بعدها لكن اعتقد انه تحسبه على اعلام السيسي ظلم ليه. لكن انا اتفرجت على حلقة له في ذكرى وفاة عبد الناصر في ٢٨ سبتمبر ٢٠١٧ مش هنكر انحيازاتي الناصرية بسبب ميلي للاشتراكية عشان كدة بحثت في اليوتيوب على ذكرى وفاته لقيت حلقة ابراهيم عيسى دي ..... اول حاجة لازم تاخد بالك منها الفترة الزمنية ٢٠١٧ حيث الغضب الشعبي اقل جدا من دلوقتي في السياق ده مختصر الحلقة بيقولك عبد الناصر عمل إنجازات كبيرة تأميم القناة السد العالي عدالة اجتماعية الخ لكن بسبب حكم الفرد و القائد الملهم اللي مبيغلطش كل ده منفعناش و حكم الفرد أدى للنكسة في الاخر ..... و قال مادام النهاية مع إنجازات كبيرة اي حاجة تتعمل دلوقتي (٢٠١٧) لا تقارن بيها كانت أكبر مصيبة في تاريخنا (٦٧) ليه مصممين نكرر نفس السيناريو حكم الفرد الملهم و متوقعين نتيجة مختلفة غير حاجة شبه نكسة ٦٧
اكتر من ربع ساعة
وقد كان
الفيديو صورته ونشرته بالفعل اليوم وكان 30 دقيقة
حبيت إني اقول كل اللي عندي بخصوص الكتاب عشان احس إني أفدت اللي معندوش وقت يقراه
فحبيت التلخيص يكون شامل وفي نفس الوقت بدون أي تعمد للإطالة
ممكن تحذر من كتب وليد فكري في التاريخ ومتاخدش معلوماته كمسلمات .. لأن متحيز جدا خصوصا في كلامه عن الدول العثمانية
عموما في مقولة معروفة "إذا كنت تصدق كل ما تقرأ فلا تقرأ" فبالتأكيد "كلُ يؤخذ منه ويرد" لكن كده كده أنا موقفي الشخصي من الدولة العثمانية إنها احتلال، فهو مش محتاج يشوه صورة "الخلافة" بالنسبة لي.
لكن على كل حال أنا مش شاري الكتاب من باب "الانحياز التأكيدي" لكن هقرأ من المهاجمين والمدافعين ولي عقل كما لهم عقول، فهقدر اوزن الكلام واخد صورة حقيقية لا هي ملائكية ولا شيطانية.
وكل ده هكتشفه في رحلتي مع الكتب اللي هوثقها من خلال القناة دي
ومعنديش مانع إني اغير قناعاتي لو ثبت لي إني غلطان في رأي كوّنته بناء على معلومات مغلوطة سابقة.
لازم تقرأ للمعاصرين للدولة العثمانية في غضونها زي الجبرتي وغيره من المؤرخين العرب وفي أواخرها زي شكيب أرسلان ومحمد فريد بك وتشوف الفرق قبل ما تحكم عليها حكم نهائي.
الدولة العثمانية فترة كبيرة جدا في تاريخ المسلمين والدولة في أولها غير الدولة قبيل سقوطها .. وصراحة أنا شايفة نفسي غير مؤهلة أني أصدر حكم بخصوصها وبالمناسبة وليد فكري كمان غير مؤهل 😅
المهم لو حابب تقرأ بقي تاريخ بحق من مصادر موثوقة ففي ترشيحات المهندس أيمن عبدالرحيم لكل حقب التاريخ المختلفة وطبعا دوراته الرائعة ربنا يفك أسره ... بس الكتب دي ممكن يكون مستواها للقارئ المتوسط وكمان أغلبها طبعات دور نشر عربية مش مصرية فعايزة قارئ ارستقراطي 😅