الولادة فى البرازيل والجنسية البرازيلية - الجزء الثاني
HTML-код
- Опубликовано: 12 сен 2024
- "الولادة فى البرازيل والحصول على الجنسية"
ده الفيديو التاني من موضوع الولادة فى البرازيل
اتكلمت قبل كده عن
- ايه مزايا الولادة فى البرازيل
- ايه مزايا إن يكون عندك او عند أطفالك جنسيتين
- التحضير المبدئي للموضوع
وده اللينك ممكن تشوف الفيديو الأول من هنا: • الولادة فى البرازيل وا...
تنويه مهم جداً دايماً هحب أوضحه، وهو إن دولة زي البرازيل هي دولة غير مسلمة فى الأساس فرأيي الشخصي مع كل المزايا اللي فيها هي متصلحش تماماً تكون دولة تستقر فيها وده حفاظاً على أطفال تحديداً وعلى نفسك من الفتن وإنحدار المعتقدات، فدي نصيحة لله فعلياً لو بتفكر تستقر هناك فكر كويس جداً لإنك مستحيل فى دولة منفتحه أوي لأي عادات وتقاليد زي دي تقدر تنأى بنفسك وبأهل بيتك بمعتقداتك الدينية، فاللهم بلغت واللهم اشهد.
- ايه عيوب الولادة فى البرازيل؟
- مرحلة التأشيرة
- مرحلة توثيق الأوراق خارجية وسفارة البرازيل
- مرحلة حجز الطيران
- مرحلة حجز الشقة من airbnb وطلب address declaration
- مرحلة تحضير الشنط للسفر
- مرحلة السفر
- مرحلة تأجير عربية
- مرحلة متابعة العيادة
هكمل ان شاء الله الموضوع ده على اكتر من فيديو على حسب ما اكون متاح بشكل عام وفى الفيديوهات الجاية هتكلم عن الحاجات دي ان شاء الله:
- مرحلة الولادة
- مرحلة شهادة الميلاد
- مرحلة التطعيم
- مرحلة ال RG للأطفال
- مرحلة الباسبور للأطفال
- مرحلة اماكن الاكل
- مرحلة شراء العربية
- مرحلة البحث عن شقة ايجار سنوي
- مرحلة ادخال الانترنت
- مرحلة تغيير اسم وصل الكهرباء
- مرحلة التقديم على الإقامة الدائمة
- مرحلة فتح حساب بنكي
- مرحلة الحصول على رخصة
- مرحلة التقديم على الجنسية
مشكور على المجهود يا محترم ... سؤال بسيط هل المدارس والجامعات مجانيه و هل بتدرس بالانجليزى
بالتوفيق والنجاح .الله يحفظك ويحفظ لك الاهل ويجعل ماتقدم في ميزان حسناتكم
السلام عليكم هو لازم السفر مع الزوجة ولا ممكن تسافر مع اختها او والدتها منتظر ردك
ما هي افضل مدينة واسهل مدينة للسفر اليها للولادة في البرازيل
يعني وانا بقدم للفيزا اول مرة لازم اجيب شهادات الميلاد و عقد الجواز المترجمين دول ولا دى أوراق علشان بعد ما اوصل هناك
هل في فيديوهات تانيه بعد ده؟
هتنزل الجزء التالت يا باشمهندس؟
جزاك اللَّه خيرا 😊
السلام عليكم يا هندسة ممكن تكملة باقي التفاصيل والخطوات وحضرتك في اي مدينة والمستشفيات وكافة التفاصيل انا بحضر للخطوة وكنت حابب اعرف اكتر
شكرا جدا على المعلومات القيمه جدا دى. لو سمحت عندي سؤال .هل فى ولاده قيصريه فى المستشفيات الحكومية ؟
بيكون حسب الاحتياج الطبي مش بالاختيار
حياك الله بشمهندس محمد شكرا على الموضوع ... ارسلت لحضرتك ايميل
شكرا جدا على المجهود هل في رقم او وسيلة اتصال لحضرتك ؟
لو تقدر تبعت استفسارك هنا يكون أفضل، ولو متقدرش لسبب ما فممكن تبعتلي على الأيميل ده eng.aldmohy@gmail.com
@@aldmohy انا بعت لحضرتك ميل بخصوص استفساراتي واسف جدا على ازعاجك
الصوت ضعيف في هوا
ممكن تتأكد انك معلي الصوت كويس لإن اكتر من شخص شايف الصوت كويس .. بشكل عام لو في استفسار ما اكتبه هنا ان شاء الله اقدر اردلك عليه
بارك الله فيك باشمهندس ..
بسأل عن أفضل مدن للولاده من حيث الأمان وجودة المستشفيات وكمان سرعة الإجراءات واستخراج جواز سفر المولود ؟
لقيتي اجابه عن الاستفسارات دي؟
ياريت نلاقي رد على السؤال ده
معلش ممكن اعرف الولادة اتكلفت كام بالظبط لاني قرأت البوست في المدونة ومقدرتش اوصل للمعلومة دي؟ ومعلش بالتقريب كده اقامه بالاكل كام لمدة شهر
هل لو الأب ضابط بالجيش المصري هل مسموح للزوجة الولادة في البرازيل وحصول الابن علي الجنسية ولا لاء؟
ممكن تجوبني انا ابغى اروح بفيزه سياحيه ومااغى يشك فيني اني ناوي اولد هناك وكيف اطلع هد الارواق
بتقدم سياحة عادي مفيهاش مشكلة وبمجرد استخراجك التأشيرة عادي بتخلي اي حد يروح يعملك الأوراق بدون اي مشاكل
لو سمحت استاذ محمد المفروض اقدم على الفيزا قبل السفر بوقت اد ايه علشان انا فى الشهر الخامس وهجرب لو فى نصيب
مفيش وقت محدد، تقدري تقدمي اي وقت .. ان شاء الله تقومي بالسلامة
صوتك ضيف مش واضح بالعافيه ينسمع
ممكن تتأكد انك معلي الصوت كويس لإن اكتر من شخص شايف الصوت كويس .. بشكل عام لو في استفسار ما اكتبه هنا ان شاء الله اقدر اردلك عليه
@@aldmohy هو اخوات الءبن الي اتولد في البرازيل وخد الجنسيه هل بياخدوا اقامه
عاوزة اتواصل مع حضرتك بخصوص الموضوع ده عشان قلقانه جداااا,ممكن ؟
ابعتيلي على الايميل eng.aldmohy@gmail.com
انا مسافر البرازيل انا ومراتى ممكن رقم حضرتك عايز اسال عن كذا حاجة
في اي اوراق محتاجين ناخدها معنا قبل السفر ؟ غير عقد الزواج و بوليس كليرنس مترجمين ومصدقين لاخراج الاقامة ؟ وهل ممكن اخراج اقامة لاخ المولود ؟ وهل محتاجين اوراق اضافية؟ شكرا
نعم يمكن استخراج لأخ المولود ويمكن استخراج جنسية فى حالة كان اقل من ١٠ سنوات.
بخصوص الاوراق شهادات الميلاد ايضاً بتحتاجوها
الشهادات والوثائق اللي هنطلعها من العباسيه مترجمه باي لغه انجليزي او برتغالي
هل عرفت بأي لغة لأنه نفس سؤالي
برتغالي، عذراً على التأخير فى الرد
@@aldmohy ولا يهمك يا بشمهندس يا ريت لو اقدر اتواصل مع حضرتك ينوبك ثواب انا في الامارات وزوجتي حامل هل ينفع نروح البرازيل وتولد وبعد ما نطلع الاقامة ارجع الامارات ؟ لان ظروف شغلي مش هتسمح اني ابقي سنة كاملة خارج الدولة ارجوك لو فيه طريقة للتواصل ضروري
@@aldmohy ازاي اترجمهم لبرتغالي من مصر؟ انا من اسكندرية
ايه الورق الضروري جدا للرفع ع الموقع احضره وابقى احضر الباقي في الفترة اللي قبل المقابلة
للحصول على التأشيرة؟
السلام عليكم
مشترك جديد معكم شكرا على كل المعلومات المفيدة التي تقدمها
سؤالي بخصوص الأطفال اخو الطفل البرازيلي يحتاجون إلى اوراق اخدها معي عند السفر للبرازيل
حتي يتم تقديمها من أجل الإقامة الدايمة بعد ولادة الطفل ان شاء الله
الرجاء الإفادة في الموضوع شكرا جزيلا
وعليكم السلام ورحمة الله وبركاته
أهلاً بيك .. بيحتاج إلى شهادة ميلاد مترجمة وموثقة خارجية وموثقة بسفارة البرازيل
وممكن للاحتياط تطلع قيد عائلي نفس الأمر مترجم وموثق خارجية وموثق بالسفارة البرازيلية
عندي سؤالين لو سمحت انا مصري مقيم في السعوديه اجيب الفيش الجنائى من الأحوال المدنية في السعودية صحيفتي في السعوديه اقصد تمشي ولا لازم من البلد الام أو من سفارتي في السعوديه
بالنسبة للطيران انا لقيت اسعار الطيران مولعة في طرق البحث العادية لما كتبت شركات طيران للبرازيل طلع مواقع بتحجز طيران بس من شركات مختلفة وملهاش علاقة ببعضها يعني لو ضاعت عليك رحلة أو تأخرت اللي بعدها ملهاش دعوة فنحجز ازاي وياترى فيه طريقة افضل من كده يعني مثلا ننزل مطار ارخص وبعدين نركب مواصلات داخلية مش عارف شكرا مقدما على الافاده
أهلاً بحضرتك.
انا مش عارف احتياج حضرتك للفيش الجنائي سببه ايه، لو تقصد علشان الأقامة فلأ هو من مصر وبيتوثق خارجية وبعدها يتوثق من سفارة البرازيل مترجم.
بخصوص الطيران بصراحه بتعامل بشكل مباشر مع شركات الطيران نفسها تحسباً ان يحصل اي مشكلة للأسف الشركات الوسيطة مبتحلهاش وقتها، فدي هتحتاج تستفسر فيها اكتر من ناس تانيه يكونوا اكتر دراية مني بالأمر.
للأسف البرازيل كده كده ملهاش غير طيران مباشر ليها فمفيش حاجه داخلية على حسب هتروح الجنوب او الشمال فلو الشمال هتنزل فى ساوباولو لو الجنوب هتنزل فلوريانوبليس والاتنين مفيش توفير فيهم كده كده.
استاذ محمد انا بقدم عل سافرالبرزيل بخصوص تولد بلبرزيل ممكن تساعدني انا مقدم ورق عن طريق مكتب سياحه بي مدينه نصر لي علم انا سوري
أهلاً بحضرتك، الفيديو معمول للمساعدة لو حاجه محتاجه بشكل معين بلغني بيها لو أقدر اشرحلك تفاصيلها مفيش مشكلة ان شاء الله
ربنا يوفقك ياريت تقولنا للوقت المناسب لسفر الحامل يعني كانت في الشهر الكام وياريت اسم المستشفي
وقت السفر مسموح بيه صحياً لبداية الشهر التاسع فى بعض الحالات لكن مبنصحش تماماً السفر بأي معاد بدون استشارة طبيب (وممكن أكتر من طبيب كمان) للإطمئنان
انا فى حالتي سافرت مره فى أول التاسع ومره فى الثامن
المستشفى فى فلوريبا تقدر تشوفها من هنا goo.gl/maps/h8yDTccqUBSiRfZe8
@@aldmohy تسلم الله يبارك لك
@@aldmohy مش كدا ممكن الاوفيسر بتاع جوازات المطار يرفض ختم الدخول لو لاحظ الحمل ؟
هو انت من بورسعيد من السلام تمليك؟
لأ
شكرا لمعلومات حضرتك واسف على الازعاج
ممكن لو سمحت حضرتك ، بعد كام شهر من ولاده الطفل بالبرازيل ممكن للاب والام يقدموا ع الجنسيه البرازيليه ؟ وايه الورق المطلوب والشروط ليهم اثناء التقديم ؟
سنة من حصولهم على الأقامة الدائمة.
الشروط: شهادة حصولهم على كورس للغة ومعرفة اللغة وتواجدهم لمدة سنة داخل البرازيل
@@aldmohy بس سنة في ناس بتقول لمدة 5 سنوات
السلام عليكم
مشترك جديد
وعليكم السلام ورحمة الله وبركاته
أهلاً بحضرتك
القناة بس عن الولادة ولا في مواضيع تانية
هضيف فيها محتوى مختلف ان شاء الله
لو سمحت فين افضل وأأمن حي في ساوباولو خصوصاً انو جاي انا وزوجتي لموضوع الولادة
الحقيقة مقدرش احدد أأمن حي معنديش معرفة بأفضل الأماكن لكن ممكن تختار اي مكان قريب من مول كبير.
أخي لو سمحت ، هل الاطفال الي تحت سن ال ١٠ سنين اذا حصلو على جواز سفر مؤقت كمان الاب و الام بعد سنه بيحصلو على الجنسيه؟ و هل هالجنسيه للاب و الام بتكون مؤقته كمان او دائمه ، أو الاب و الام رح ينطرو ٤ سنين ليحصلو عليها ؟ هي بحال الاطفال كانو ولدانين خارج البرازيل و عمرهم اقل من ١٠ سنين، شكرا جزيلا
مفيش جواز سفر مؤقت .. هو جنسية عادية وبتاخد الجواز العادي
وبدال فيه مولود برازيلي الأب والأم بياخدوا الجنسية بعد سنة من تواجدهم بالبرازيل واستخراج الاقامة والأخوات أقل من ١٠ سنوات بيحق ليهم التقديم على طول.
بالتوفيق ان شاء الله
@@aldmohy يعطيك العافية أخي ، أنا سؤالي كان عن الأطفال الي اتولدو خارج البرازيل لو سمحت ، يعني الاطفال عمرهم اقل من ١٠ سنين و حيجو للبرازيل ان شاء الله ، شكرا جزيلا
@@manaralmufti5211 لو في ليهم أخ أو أخت أتولدوا فى البرازيل هيكون ليهم الأحقية فى التقديم مباشرة على الأقامة وبعدها بيقدموا برضه مباشرةً على الجنسية ان شاء الله لكن الأمر بياخد وقت على ما يترد على الجنسية لكن مفيش ليها اي شروط
ايه الاستفادة من جنسيه برازيلي
هل يمكن لبرزيلي بالميلاد اخذ قرض من البنك
القروض حرام .. معنديش تفاصيل.
بخصوص المزايا موجود فالجزء الأول من الفيديو
القروض حرام .. معنديش تفاصيل.
بخصوص المزايا موجود فالجزء الأول
محتاج ضروري اتواصل مع حضرتك
eng.aldmohy@gmail.com
معلومات خطأ للاسف قول المعلومة كاملة لا يمكنك فعل شيء بدون سبف
انا قلت انك لازم تعمل cpf فى فيديوهات تانية
هو لازم الزوجه والزوجة ماينفعش الزوجه تروح تولد من غير الزوج لانهم بيرفضوا الفيزا ليهم لانهم بيتوقعوا انها جايه للولادة
بينفع لكن بتحتاجي توكيل مترجم ومختوم خارجية ومن السفارة البرازيليه
اولا شكرا لمعلوماتك و للافادة الناس
لو سمحت كم المدة تقريبا من بعد الولادة لحد الحصول على موعد للإقامة الدائمة .
و هل ينفع اوكل شخص يستلمها بدلا مني لارتباطس للسفر
بختلف من ولاية لاخرى ولكن متوسط شهر، وأيضًا استلامها بتوكيل بتختلف من ولاية لاخرى حسب قوانين كل ولاية
كيف اتعلمت اللغة ولاقيت شغل
شغلي اون لاين فمكنتش مسافر لغرض الشغل، بالنسبة للغة فى المعتاد ممكن تمشي بالترجمة على الموبايل بدون مشاكل لكن مع الوقت والاستخدام والاحتكاك بالناس بتبدأي تتعلمي بعض الكلمات والجمل اللي بتخلي حياتك أسهل
كلام كتير ادخال في موضوع بسرعة
لو مش مناسبك بلاش تتفرج عليه
السلام عليكم بش مهندس محمد
شكرا علئ كافة المعلومات، راسلتك عبر الاميل تبعك ان امكن ترد علي لو تكرمت
رديت لحضرتك من وقتها .. بالتوفيق ان شاء الله
للاسف البرازيل معظم الاشخاص والازواج خصوصا عم يرفضوا الموافقه ع الفيزا السياحيه بهدف منع الولاده انا قدمت ورفضوني من الخليج علما اني مسافر لدول كتير كتير من قبل واصحابي قدومي لنفس الهدف من بلد تاني ورفضوهم .
الحمدلله قدمت ع المكسيك وخلصت الموضوع واخذت اقامه دائمة تنتهي بالجنسيه للوالدين والست والجد … المكسيك افضل من البرازيل من ناحية الدول المفتوحه ومنها كندا
اشكركً ع الفيديو
أول مره اعرف عن المكسيك من ناحية الجنسية بالولادة .. هل ممكن تفاصيل أكتر عن الموضوع؟
@@aldmohy في المكسيك زي كندا واميركا بس الفرق انو المولود يعطيه الاب والام والست والجد الاقامه الدائمة مباشرة والاقامه لو عدة عليها عشرين سنه وانت خارج المكسيك مش لح تنتهي ولا تتطلب دخوالك كل سنتين ، الحلو في الموضوع لو قعدت سنه ونص متواصلين في المكسيك تقدر تتجنس. بعد تقديم الامتحان الخاص في اللغه الاسبانيه طبعا فقط لحاملين الاقامه الدائمة .. المكسيك بلد جميل جدا جدا وفيها مناطق امنه وفيها سياحه اكثر من البرازيل والجنسية قويه جدا تقدر تدخل كندا بدون فيزا وجميع دول العالم تقريبا باستنثاء. اميركا …. انا شخصيا ولدت زوجتي هونيك والحمدلله معاي الاقامه الدائمة وسعيد جدا بتجربتي …. برأي الشخصي البرازيل كويسه لكن نحنا. كعرب افضل المكسيك
@@moodydarwich8 ممكن وسيلة نتواصل فيها معك
@@moodydarwich8 ممكن نتواصل معاك اخي عندي استفسار
من فظلك حاب اتصل بك انستغرام او فيس بتاعك .لاني حاب اهاجر هناك اذا اراد ربنا .جزاك الله خيرا .
أهلاً بحضرتك .. بعتذر عن التأخير فى الرد
تقدري تبعتيلي اي استفسار هنا وهردلك بشكل سريع ان شاء الله ،او ممكن تبعتيلي على الأيميل ده eng.aldmohy@gmail.com
جزاك الله خيرا .الله يحفظك ويطول فعمرك
@@aldmohy ممكن الاميل ؟