Zomin tumanida Navro'z tantanalari nishonlandi.

"Olam nurga to'lsin sen bilan Navro'z" Ushbu shior ostida Jizzax viloyati Zomin tumanida Navro'z bayramlari nishonlanmoqda. Joriy yilning 16-mart kunida Zominsoy massivida bayram o'zgacha nishonlandi.
Navro'z - bu so’z mamlakatimiz aholisi uchun naqadar ajoyib! Ushbu go’zal bahor bayrami odatda bayramona taomlar va tadbirlar bilan nishonlanadi.
Navro‘z xalqimizning eng qadimiy, asl milliy bayramidir. Elimizning ko‘p asrlik urf-odatlari, orzu-intilishlarini ifoda etib kelayotgan Navro‘z mustaqillik yillarida yangicha mazmun-mohiyat kasb etdi, mamlakatimizda yashayotgan barcha millatlar orziqib kutadigan umumxalq bayramiga aylandi.
Falklor-etnografik jamoalarning chiqishlari, milliy o‘yinlar, odamlarning o‘yin-kulgulari barchaga zavq-shavq ulashdi.
Ona zaminimizni yam-yashil libosga burkab, o‘zining betakror ko‘rku jamoli bilan yurtimizga Navro‘zi olam kirib keldi. Vujudimizni hayotbaxsh umidlar qamrab oladi. Yangilanish fasli qalblarda aks-sado beradi. Ulug‘ bunyodkorlikning abadiy qudrati o‘ziga chorlaydi.
Mamlakatimizda sog‘lom, barkamol avlodni voyaga yetkazishning asosiy vositasi sifatida sportni rivojlantirishga alohida e’tibor qaratilmoqda. Bolalar sportini rivojlantirish borasida mamlakatimizda yaratilgan tizim va to‘plangan tajriba jahonda ko‘pchilikda qiziqish va havas uyg‘otmoqda. Bu boradagi keng ko‘lamli sa’y-harakatlar samarasi farzandlarimizning salomatligida, jismoniy ko‘rsatkichlarida ham namoyon bo‘ladi.
Sahnada yosh ijrochilarning ona yurtni, istiqlolni, yangilanish va yasharish ayyomini, muhabbatni madh etgan chiqishlari qalblarni to‘lqinlantiradi. Musiqiy ohanglar, diltortar raqslar, betakror sahna manzaralari kishiga zavq-shavq bag‘ishlaydi.
Bunday shukuhli damlarda Vatanga muhabbat va sadoqat, o‘zgalarga mehr-oqibat ko‘rsatish tuyg‘usi jonu tanimizga yanada teranroq singayotgandek tuyiladi. Dostonbek Bahromov Zomin tumanidan tayyorladi.