Ristrukturimi i Ushtrisë Shqiptare - (15 Dhjetor 1999)
HTML-код
- Опубликовано: 16 окт 2024
- Arkiva Lajme - Tv KLan 1999
Zbulohet për herë të parë në media strategjia e sigurimit kombëtar të Republikës së Shqipërisë. Sipas kësaj strategjie sasia e forcave të armatosura në kohë lufte do jetë 120 mijë vetë ndërsa në kohë paqe 31 mijë vetë të përbërë nga 4 mijë oficerë, 4500 nënoficerë, 2500 punonjës civilë, 19 mijë ushtarë dhe një mijë studentë ushtarakë e rezervistë në stërvitje.
Për Ushtrinë Shqiptare ky dokument themeltar përbën Kushtetutën e funksionimit të saj në lidhje me institucionet e tjera të shtetit për mbrojtjen e Atdheut. Kërcënimet e jashtme sipas kësaj strategjie për vendin tonë mund të vijnë si rezultat i destabilizimit të rajonit nga ethet e nacionalizmit, ndërsa kërcënimet e brendshme nga destabilizimi politik, krizat financiare dhe shkaqe të tjera.
Në planin afatgjatë synohet antarësimi në NATO dhe në Bashkimin Evropian si objektiv prioritar i kësaj strategjie, e cila kundërshton ndryshimet e kufijve me dhunë. Në varësi të Shtabit të Përgjithshëm do të jetë Komanda e Forcave tokësore, detare, ajrore e brigadat komando.
Në 5-vjeçarin 2000-2004 do përmirësohen pagat e kushtet e jetesës së ushtarakëve. Në 2005-2009 do përmirësohet teknologjia e armëve. Parashikohet që plani i ristrukturimit të Ushtrisë Shqiptare të zgjasë 10 vjet. Trupa e oficerëve tanë është e plakur theksohet në këtë strategji dhe mosha mesatare e tyre është rreth 43-vjeç, ndërkohë që më shumë se 25 vjet ushtria shqiptare nuk është furnizuar me teknologji të re bashkëkohore./tvklan.al
Gazetar - Vladimir Lame
SUBSCRIBE to “RTV KLAN” on RUclips for more videos!
Për më shumë informacione vizitoni faqen tonë web tvklan.al/
Videot e fundit nga Tv Klan i gjeni në faqen tvklan.al/video/
Follow Tvklan on Facebook: / tvklan
Follow rtvklan on Instagram: / rtvklan
Programet e Tv Klan mund t’i ndiqni edhe në faqen tvklan.al/prog...
Krenaria shqiptare