Um eg var ein drongur - Smíl

Orð og lag: Steintór Rasmussen
Um eg var ein drongur, eg tann sterki var
Men bardaga og klandur dámar ikki mær
Eg skal syrgja fyri, at ongin ger fortreð
Og um nakar argar, sig tað so við meg
Um eg var ein drongur, eg tann góði var
Eg hjálpa vil teim veiku, fylg tú bara mær
Tað eru børn í Føroyum, sum sita einsamøll
Eg vil vera drongurin, sum hugsa vil um øll
Tí eg eri drongurin, eg geri mína lóg, øll í míni ríki skulu vera fitt og góð
Tí eg eri kongurin í míni barnaverð, kærleiki og friður í landi mínum er
Um eg var ein drongur, eg tann fitti var
Eg eri væl við genturnar, og eg skilji tær
Eg lurti eftir øllum, eg spæla vil við teg
Og eg vil so fegin, at tú kennir meg
Um eg var ein drongur, eg tann rætti var
Tað góða gløgga eygað, sum tað vakra sær
Tí í mínum hjarta er eitt pláss til tín
Innast inni veit eg, at tú ert vinur mín
Tí eg eri drongurin, eg geri mína lóg, øll í míni ríki skulu vera fitt og góð
Tí eg eri kongurin í míni barnaverð, kærleiki og friður í landi mínum er
Sang & kór: Paula Jákupsdóttir Høj, Uheynya Lukama, Helena Sundsskarð, Debora Hvannastein & Maja Ólavsdóttir Lamhauge
Trummur, bass, keyboard, el og akustisk guitar: Alvin Ellebye
Sologuitar: Hans Edward Andreasen
Upptikið og ljóðblandað í Ellebye Studio
Video-leikarar: Smíl
Video-guitaristur: Nóa Mcleod Andreasen
Videoupptøkur og viðgerð: eydbii myndir/ Eyðbjørn Jacobsen