Oziq-ovqatdan, kiyim-kechakkacha. Turkiyaga yordam yig‘ilmoqda

Guliston shahridagi «Tadbirkorlar va hunarmandlar markazi»da qardosh turk xalqiga gumanitar yordam jo‘natish uchun ko‘ngillilar topganlarini bir joyga jamlayapti.
Aholidan mahsulot qabul qilish 9-fevral kuni, soat 09:00 dan boshlangan. O‘tgan bir kun ichida ko‘plab insonlar o‘z hissasini qo‘shishga ulgurdi. Hozir ham yordam qilish istagida bo‘lgan insonlar oqimi to‘xtamayapti.
«Ko‘pchilik o‘z kechinmalari va ta’ziyalarini yozib bizga beryapti, biz ularni yig‘ib mahsulotlar orasiga solib qo‘yamiz. Hayriya qilayotgan mahsulotlarlarni barchasi ro‘yxatga olinyapti. Ularni maxsus yuk mashinasi yordamida Toshkent shahriga jo‘natishni rejalashtirib turibmiz», - deydi viloyat Savdo-sanoat palatasi xodimi.