ال ٧ حاجات دول تجنبيهم تماما مع النرجسي
HTML-код
- Опубликовано: 13 окт 2024
- رقم واتس اب الحجز وشراء كتاب التشافي من العلاقة النرجسية 00971568496791
لينك الواتس اب wa.me/message/...
حجز الاستشارات : kawtharsanad.com/
ما عليك سوى الانتساب إلى هذه القناة للاستفادة من المزايا:
/ @user-id-kawthers-sanad
حقول لك النهاردة ٧ حاجات لازم تتجنبيهم في التعامل مع النرجسي تماما
١- عايزة اعرفه نفسه واعريه وافهمه انه ولا حاجة : دة لانك حاسة طول الوقت ان اللي بيحصل دة مش عدل انه عايش حياته بالشكل دة وعمال يؤذيكي ويؤذي اولادك وقادر يؤذي اي حد حواليه ومعندوش اي تعاطف وشغال عليكم غضب نرجسي وصمت عقابي وتلاعب وانتي متعذبة في الحياة دي ، اللي انتي متعرفيهوش انه اصلا هو عايش حياة فارغة وعنده خواء داخلي انتي متخيلة انه سعيد وهو ممكن يحاول يبين لك انه سعيد لكن هو حقيقي ميعرفش السعادة اصلا ولا عمره حسها هو حاسس انه مش كفاية ومش محبوب ومش بيحب نفسه ومش راضي عن نفسه ، هو حياته مفهاش سعادة ومفهاش حب هو عايش في اكتئاب دائم وعد رضا ، هو مش عايش الحياة زي ما انتي فاكرة هو عامل زي الغني اللي عنده كل حاجة الا الصحة هل بيستفيد بأي حاجة عنده؟ حياته عبارة عن حسد وكره وغضب و مفهاش حب ولا تعاطف ولا حياة اصلا
٢- انتي عندك امل تكوني مُدرسة للنرجسي او معالج ودة مش حيحصل لانه اصلا مش بيسمعك ، انتي بتعلميه ولا حاجة مفيش حاجة بتدخل ودنه عشان توصل لعقله، انتي كل اللي بتعمليه انك بتنشطي احساسه بالعار لانك بتقولي له بص جواك وشوف ضعفك وهشاشتك لما بتحاولي تفهميه وضعه او تعرفيه انه عنده مشاكل سواء سميتيها او لا ، فيعمل لك غضب نرجسي والمشكلة تتصعد وفي الاخر انتي اللي بتخسري اعصابك وبتخسري الموقف ، عشان تعلمي اي حد اي حاجة لازم يكون الحد دة مهتم وعايز يسمع ويكون عقله منفتح وعايز المعلومة وهو اصلا لا مهتم ولا بيسمع ولا عقله منفتح يبقى ليه توجعي قلبك ؟ انتي عايزة تفهميه انه بيؤذي الاولاداو اي حد وهو مش مهتم بيهم اصلا هو مهتم بنفسه فقط .خدي بالك فيه غلطة بتعمليها كتير لما تحبي تفهميه مشاكله ، تلاقي نفسك بتقولي له حط نفسك مكاني وشوف حتحس بإيه او لو انت مكان فلان كنت حتحس بإيه ، انتي كدة بتحاولي تستخرجي منه التعاطف اللي هو مش موجود خالص فبتحطي ايدك ع الجرح يعني بتنشطي احساسه بالعار اللي هو عايش فيه ، هو عارف انه مش متعاطف ومش بيحس بحد ودة من ضمن اسباب احساسه الدائم بالعار ولو كان بشكل غير واعي ، المهم انك لما بتنشطي الاحساس بالعار دة بيعصل طبعا غضب نرجسي وانتي تبقي مش فاهمة ليه غضب انا مقلتش حاجة تزعل ، لكن الواقع انك فعلا حطيتي ملح ع الجرح ، كمان لو قلتي له انا شفت فيديو عن النرجسية بيتكلم عن حالتك بالظبط وتصرفاتك وبيقول انك عندك مشكلة ممكن لو شفته تقدر تعرف حالتك وتعالجها ، للاسف فيه ناس عملت كدة وفعلا كأنها نزعت فتيل قنبلة وانفجرت في وشها ، امسكي نفسك وبلاش تتكلمي في الموضوع دة
الحالة الوحيدة اللي ممكن تتكلمي فيها لو انتي أصلا ناوية تعالجيه ومعاكي معالج بيرشدك تعملي ايه ، او انك قوية من الأول او اصبحتي قوية جدا ومستبيعة وقدرتي توصليه انه يخاف منك او يخاف يفقدك ساعتها بس حيضطر يسمع لك عشان مايفقدكيش
٣- انتي عايزة تعلميه درس وخصوصا لو لقيتي نفسك في وسط اهلك او اي ناس انتي ضامنة مساندتهم لكي فانتي كدة بتعرضي نفسك لحاجة من اتنين ، اما الناس حيغلطوكي عشان بتناقشي مشاكلكم على الملأ وهو حيعمل نفسه ضحية وممكن يعيط لهم عشان يبقى قضى عليكي قضاء مبرم ، او انهم يساندوكي ويعاتبوه وبعد كدة هو حينتقم منك اسوأ انتقام بقى من غضب نرجسي كل شوية ، لصمت عقابي لاساءة ادب والفاظ عليكي وعلى الناس اللي ساندوكي ، يعني حيعيشك في جحيم ، الحكمة بتقول انك ابدا متواجهيش النرجسي ادام حد الا اذا انتي مقررة انفصال ، اوعي تفضحيه اذا انتي مش ناوية تسيبيه ، وبعدين انتبهي النرجسي حساس جدا للنقد خصوصا الخفي هو حساس للنقد ادامك ادام شخص واحد فما بالك بالنقد ادام اكتر من حد ولا ادام تجمع عائلي ، انتي بتبقي بتفتحي على نفسك النار ، مينفعش تعلمي النرجسي درس ادام الناس ابدا
٤- انتي فاكره ممكن يتغير لو فهم انه عنده مشكلة ودة مش حيحصل ، انتي مهما شرحتي وفهمتي وحاولتي تعالجي من غير مساعدة طبيب مش حتستفيدي غير انه حيفهم منك الحكاية كلها بتاعة النرجسية دي وبعدين في اول خناقة حيقول لك انتي نرجسية
٥- بعض الحالات بتحاول تتنصح وتسحب منه العواطف والمشاعر برضه بطريقة ذكية زي انها تقول له انا شايفة جواك حاجات حلوة لكن انت بتصرفاتك الغريبة دي بتضيعها ، طبعا انتي متخيلة انه عشان عنده شوية مشاعر ضئيلة فانتي حتقدري تسحبيها وتطلعيها ع السطح عشان تفهميه نفسه على اساس انه يفهم بقى وييجي يقولك انا اسف اني ظلمتك وعذبتك وخنتك ، للاسف كل دة مش بيحصل ومش حيحصل ، اللي انتي بتعمليه دة بيعرضك للخطر لان اللي مفروض يعمله الطبيب النفسي هو عارف بيعمله ازاي وبيوصل ازاي لموضع العار اللي جواه من غير مايحصل انفجار وان كان احيانا يحصل انفجار مع الطبيب نفسه لكن هو بيعرف يسيطر عليه ، انتي ماينفعش تعملي دة لان الانفجارات دي ممكن تكون فعلا خطر عليكي ، اذا عايزة تعالجيه وعندك امل لازم يكون بمساعدة دكتور يقول لك تتصرفي ازاي وتعملي ايه
٦- لو عايزة تحمي اطفالك برضه مينفعش الطريقة دي لانك حتعرفيه نقطة ضعف لكي اللي هي الاطفال وحيبدأ يؤذيهم عمدا نكاية فيكي ، هو مش بيهتم بيهم ولا فارقين معاه هو ممكن يستغلهم زي مابيستغلك بالظبط ، ياريت تبعدي الاولاد عن اي حوار بينك وبينه ولا تلفتي نظره لهم ابدا وافصلي بينه وبينهم ومتحاوليش تسحب منه العواطف عشانهم ، لكن ممكن بس تحطي حدود قوية بينه وبينهم وتمنعيه انه يؤذيهم
٧- لو انتي عايزاه يحس بالسوء زي ماانتي حاسة فمش بالطريقة دي خالص مش بانك تعرفيه انه عنده مشكلة لانه مش حيعرف غير انك بتنتقديه لكن انتي ممكن تحسسيه بالسوء لما يشوفك احسن منه .... الباقي في اول تعليق
#صحةـنفسية #القوة #الاكتئاب #النرجسي #النرجسية
3:20 حتى لو تحسن مع المعالج النفسي حيختار "معالجة" وحيتحسن مع كل العالم إلا زوجته وأولاده
ايوة عشان البرستيج اودام الناس وعشان يبان ياعيني انه اشتغل على نفسه والناس تسقف له😂
😅😅😅😅😅@@nunu9428
حضرتك اسمك كوثر سند . وانت فعلا سند لنا . ❤
فعلا مش بيسمع، او يحسسك انه بيسمع و بعدين يتريق على الكلام
تكلمي كيف أتعامل معه في موضوع الأطفال بشرح أكثر هذا ما يهمني كيف أنقذ الاولاد من هذه المتاهة والمهلكة
العيال نفسيتها بتتعب وبتتمني الموت له ويكونوا ايتام احسن لهم هو السبب اقعدي مع العيال فهيم يبتعدوا عنه خالص ولو كبار ينزلوا يشوفوا شغل حسبي الله ونعم الوكيل في كل اب دمر عياله
جاحد معندوش اى مشاعر وبارد ومع نفسه انا مليش اى لازمه فى حياته انا بكرهه بس مليش مكان اروحه معنديش مورد رزق ماسكنى من ايدى ال بتوجعنى ربنا يصبرنى عل البلوه دى
والله وانا مثلك بالظبط
مش هو الرزاق.. ليش مايكون لك رزق مثله مش شرط انك تطلعي من البيت علشان الرزق يجيك.. ادعي الله بكل اصرار انه يوهب لك مال تنسندي فيه يوهب لك صحه وعافيه وسكينه وراحه بال يعجز النرجسي يهدها.. جربي وبتشوفي
حسبنا الله ونعم الوكيل فيهم كلهم
انا زيك بالظبط ما ليش مصدر دخل ومعايا اربع اولاد ورفض يصرف وحتطلق .. حعمل ايه نصيبى انا واولادى .. حسبنا الله ونعم الوكيل فيه
اعمى البصر والبصيرة
حقيقه فعلاً 😢
ازاي حضرتك مافضحوش... لما يضغط عليا وكان عورني اتنازل عن كل حاجه... بالعكس لما دخلت اهلي خاف و اتلم... قبل ما ادخل اهلي حذرته كفايه كده... لكن زاد عليا الضغط... لدرجه اني كنت هاموت ونفسيتي ادمرت
واووووووو شنو هل الشرح العميق والتفاصيل انتي يادكتوره المفروض تكوني بروفيسوره النراجسه نمبر ون في كل أنحاء العالم شكرااا جزيلا وربي يوفقك ويحفضك وينور دربك مثل ما داتنورين بصيرتنها
اغير مين هو بيقول انا كده ومش هتغير وانا عجبني نفسي كده واللي مش عجبه يمشي علشان عارف اني مليش مكان تاني ولا معيه حتي فلوس لانه اخذ دهبي وكل حاجه
كل عام وانتي بخير وصحه وسلامه يارب ..بفضل الله بعد م عرفت قناتك اصبحت الطرف الاقوي والحمدلله ولك مني كل الشكر والتقدير والاحترام جزاك الله خير
مجرد اسم القناه ان زوجه تحس ان زوجها ال هوالمفروض اقرب حد ليها يكون عدوها وتكون بتفكر الف مره قبل ما تتعامل معاه وتكون كل حياتها حرب . بجد موضوع صعب اوي . طيب نفترض اننا عيشنا كده هنقدر نكمل كده هيعشوا ازاي ك زوجين و هيتعاملوا ازاي ويربوا اولاد اصحاء نفسيا !
ماشاءالله عليك 💜🤍الله يحفظك ويسعدك دنيا واخره🤲🏻
فعلا اهم شئ نبعده عن الاولاد حقيبه بيدمروا بيستغلهم عشان يشفنى حزينه ودايما كان يدخلهم بينا في مشاكلنا ليشهدهم عليا
بس انا وقفتله ونبهت عليه لو شاركهم في مشاكلنا هخلعه
الحاجات دول كلهم عملتهم مع النرجسي 😅 ماكنتش عارفه إنو نرجسي وخلصت معي إني رفعت دعوة تطليق للضرر
كيف كان رد فعله
حسبنا الله ونعم الوكيل فيهم كلهم
❤❤❤❤شكرا حبيبتي قلبي وجزاك الله كل خير وكل عام وانتي بخير وصحه وعافيه يارب
بشكرك شكراً جزيلاً على كلامك العلمي الصحيح ❤
والله بتقولى حكم . حصل فعلا
بينتقم منك لو كشفتيه امام الناس
عاوزه اقول لحضرتك انى بحبك جدا حضرتك بعد ربنا ليكى عليا فضل كبير لانك نورتى حياتى بسبب قنانتك انا طول عمرى بشتغل وانا اللى بصرف على البيت وعلى الولاد وعليه لاكن كنت متعلقه بيه تعلق مرضى عاوزه اقول ان كنت حرفيا كانى عابده بشتغل عندو لحد معرفت شخصيتو عن طريق فيديوهات حضرتك ربنا يجزيكى خير عنى وعن كل زوجة نرجسى كانت عائشه تايهه انا دلوقت بتعامل معاه ذى رقم 7 بالظبط فى الحلقه دى اشكرك من كل قلبى
ممكن اعرف بتشتغلى ايه
اللهم لك الحمد
ربنا يبارك فيك يا دكتور نصائح ثمينه ❤️
بارك الله فيكي وزادك ربي الخير والسعادة وكل عام وانتي بالف الف خير احترامي الشديد وتقديري لحضرتك تسلمين على كل النصائح القيمة شكرا
بورك فيك أستاذة
ماكنتش بانصحه.... كنت باعاقبه بنفس أسلوبه.... كان بيتعمد يصحينى كل ما انام.. وانا عندى ارق .. فماكنتش باعرف انام تانى ... مهما أوضح أن ده متعب.. مفيش.. بقيت اصحيه كل ما ينام... لحد ما انهار ... قلت له احسن عادى... زى ما بتعمل معايا
وانا كمان بيجي على غرفة وقت النوم وبنبهو انو بدي انام تعبانه ،بس مابعرف اذا بيعمل هيك قصدآ ولا من غير وعي
بقا يستفزني بشكل مش طبيعي لدرجه ضغطتني جدا وضغطت اعصاابي اجازه 8ايام من اسوء الايام بجد مافيش فيهم اي راحه مش بنبقي عايزين نقوم من النوم انا وولادي حسبنا الله ونعم الوكيل
شكرا أ. كوثر ❤❤ أحبك
بارك الله فيك وفي جهودك
من فضلك نرجو توضحي لنا كيف نتعامل مع الابناء الكبار الذي تعدوا العشرين والذين ابوهم نرجسي
هل نحكي لهم حقيقة ابوهم ام نخبي عنهم وكيف نخليهم يقدروا يتعاملوا مع الاب النرجسي؟
اولادي من سنة ١٢ سنة لل١٦ سنه حكيتلن انو ابوهم نرجسي لانو دخلو بمتاهة انو دائما هم الغلط بغلطهم بكلشي الحمدلله خلص تفهم الموضوع ولكن عندي طفل بسن ٨ سنوات بحاول اوؤجيها ابوها منيح بتقلي لا مو منيح
المصيبة أنه فاكر نفسه أفهم واحد في العالم وكل الناس أغبياء وهو بس اللي بيفهم ومابيغلط😢
الله يعطيك الصحة والعافية حببتي ❤❤❤❤
ولو هو واجهني اودام حد؟ وفضح اسراري؟
عندي سؤال هل الاستاذه كوثر دكتوره في مجال علم النفس؟؟احد يجاوبني
طيب يااستاذة كوثر عاوزة اسألك
انا من شهر انتقدت اسلوبه وقلتله انت صاير لاتطاق وعصبي ولاتسمع احد ماكنت كذا زمان كنت حنين شوي على العيال عارفه رد علي ايش قال ؟؟
قال كله منك انتي السبب جلستي تغيريني اعمل دا وذا لا لحد ماتغيرت وصرت مااعجبكم 😢
كلمته مأثرة فيني من فترة بس هو فيه الصفات من زمان من طفولته من وفاة امه وهو ابن ٥سنوات وحياته القاسية مع والده النرجسي الكبير .
ياجماعه في واحده في التيك توك اسمها انا الخالدي انا بنفسي الاستاذه كوثر تسمع اوتادها اساليب لانقاذ البيوت من الخراب وتكلمت عن النرجسي وطريقه التعامل معاه
طيب كيف ادافع عن نفسي
هوا عطول بيحكي عليي
حتى كره اهلي واولادي فيا😢
يعطيك الف عافيه
فعلا ده بيحصل بشكل ما
هل اللجوء يكون إلى طبيب نفسي او معالج او لكل حالة وضع مختلف
على أساس بيروح بيخليك تروحي بدالو
مش مشكل بروح وانا الكسبانة
انا اتطلقت منه هو حاول يرجعني قبل ما اتطلق بس رجوع بطرق وحشه وقذره وتبلي عليا ما طقتش وما رضتش هي مره لما لاقني ما رضتش خالص ما حاولش وراح اتجوز عليا قبل القرار النهائي من المحكمة للطلاق ومعايا منه بنتين بيجي للعيال في الرؤيه يشوفهم وبيجيبلهم لعب وحلويات كل فتره وكل ما اروح اقعد في حته يروح ورايا واحنا في الرؤيه بس عمايلي بلوكات في كل حاجه هو نرجسي وامه واخواته البنات النرجسين ممكن يكون ايه الا في دماغه وخطب واتجوز ع طول وما خفش من قايمه ولا من اي حاجه
لو هو نرجسي فعلا هو خايف لتمشي وتسيبيله العيال مش أكتر
خايف لتمشي وتسيبيله العيال
طنشيه وانسيه وخليك صاخبه بناتك وقبل مايشوفوه العبي معاهم طلعيهم وجيبي لهم حلويات المهم ركزي في نفسك مش في الشيطان وجماعته الاباليس.. والدعاء والقران انسندي بالله الحي القيوم وبتشوفي ربي بيدبر لك امورك كلها ومش بتخافي بعدها ابدا
حاسه بكلامك انك لسه فى شيء من التعلق ليه على فكره انتى صح ولو كنتى رجعتيله كان هيذلك اكتر وافظع كملى التشافى واشغلى نفسك ولو قدرتى تبعتي حد تانى غيرك مع الاولاد الرؤيه عشان يشوفهم احسن
1:16 هو نفسه عقابه
حسبي الله ونعم الوكيل
شكرا جزيلا ❤❤❤
لو سمحتى يا دكتوره حضرتك بتقولى ان النرجسي بيغضب من اي نقد طب لما بيظلم زوجته واولاده وغصب عنها تنفجر وتقوله على أخطائه وكم مره قالتله بلاش الاسلوب ده معاهم وبردو مصمم بردو بيغضب وبيعتبره نقد نعمل ايه اذا سكتنا بيزيد واذا تكلمنا بيغضب حسبنا الله ونعم الوكيل فيهم ربنا ياخدهم
ازاي فعلا نربي الاولاد في وجود شخصيه زي دا عشان مياثرش عليهم
ارجوك يا دكتورة جاوبيني انا زوجي النرجسي لايصلي سبع سنين مرت وانا احاول معاه بس مافيش تجاوب والموضوع ده مأثر فيا نفسيا وانا مجبرة أتعايش معاه
مجبرة ليه ؟ من ترك شيئا لله أبدله الله خير منه
مايغور في نار جهنم انتي مالك... صلي واتعبدي وانسي انه يصلي لانهم ذكرهم الله في القران طبع ع قلوبهم قلوبهم سوداء مقفله خلاص من كثر الشر واصرارهم ع التكبر والظلم
معلش يا استاذ كوثر عندى استفسار ازاى مادخلش اهلى يعنى لما يكون استفزازة وصل لدرجة لا تحتمل او خناقة كبيرة او عايز ياخد منى اولادى وهما لسة صغيرين يسافر بيهم فى العيد عند اهله فى الصعيد سفر ١٠ ساعات عشان يتمنظر بيهم وانا مش قادرة اوقفة غير لما رحت على بيت ابويا وبابا وقف لة عشان احمى نفسة منة ومواقف كتير كل شوية اكلم بابا عشان يجى يوقف لة
بس خليكي بعدها قويه ماترجعي تكلميه بهدو وتضحكي هو كده هياكلك خليك ساكته وصارمه وماتخليه يناقشك في اللي حصل من ابوك انصحك بالدعااااااااااااء
يعني من الأخر متتعاملوش معاه من الاساس😂
فعلا كلامك. جدآ مفيد. انا. حولت اعمل. عدت مرات. معاه. إن يفهم اخطائه. وفعلا كانت. قنبله. بس. لو. تتكلمين. عن. النرجسي. الذي. يمنع. اولاده. من المدرسه. انا. عندي اطفال. ومش معي غيره. النرجسي حد يصرف عليا وكل اهلي. والاقارب. محد يسندني. وواصل. ظاقت عليا في المنزل. ومعايا. حد. من اهله. يعني قرد طائر. يخدمنا يجيب الاشياء. من السوق. الي محتاجينه. منعني. من. الروحه والجياه. لكن. هوا مانع. الاولاد. من المدرسه. لسا هم في. البدايه. قولوا لي. اعمل. ايه. مثل هاذي الحاله. واذا كسرت كلمته. ودخلت الأولاد. المدرسه. هل ينتقم مني. ارجوكم. ردو عليا. 😢😢
طيب اناامتص طاقته واسوي نفس تصرفاتهةلاإرادي مني
هو اللي حولك لشبه منه.. انتي كركزه في تصرفاته كثير.. ركزي في نفسك كيف تطوري من نفسك من اولادك وبترجعي احسن من الاول
شكرآ سيدتي
للاسف انا من فضحت النرجسي امام اولاده واما الجميع لانه تزوج عليه وقال في ما ليس في وخيرته انه يعيش معانا ويطلقها او يروح ليها كله طبعا اختارها وكل ما ييجي يعمل هوفر انه هيطلقها علشان يرجع لينا اصدقه وبعد كدا يقول مش هطلق اكرشه بره البيت
بس قلبي متقطع ونفسي ان ربنا يهديه ويرجعه لينا تاني ويصلح اللي عمله ولكن لا فائده خلاص زي محضرتك قولتي هو دلوقتي بينتقم مني
وسمعت اهيرا انه هيطلقها ويروح يتجوز واحده تانيه
وولادي كبار وحاكمين عليه ان ه لو طلق ميرجعشي البيت تاني
بس انا نفسي يرجع لاني مش متخيله انه يبقى عايش ومع حد تاني واني اولى بيه انا وولادي وعشمي ف ربنا انه ينور بصيرته ويهديه ويرجعه تاني😢😢
حرام تقوليله طلقها واستفتي الشيوخ
ترا ممكن يكون مجننها اكثر منك بس يبينك انه يحبها
انا اشوف لو فعلا نرجسي بترتاحي لمن يبعد انا كنت اقله اتزوج عشان ارتاح منه وينشغل عني بس ماكان راضي وجلس يطفشني الى ان طلبت الطلاق ومستمر في التطفيش اكثر وقدمت فسخ نكاح قام قالي انا اطلقك مش انت الي تسيبيني قلت له تمام قالي اذا بترجعي اي وقت قوليلي وخلاص الان لي ٦ شهور متطلقه
@@نورالاسلام-ذ3ث حرام اقوله طلقها ومش حرام تخرب بيتي اللي بقالي
٢٥ سنه صبر واستحمال على عشرة واحد محدش يقدر يستحملو
كلامك حقيقي
انا هتجنن الدكتورة النفسيه بتاعتي المفروض انها علي علم وواخدة اتنين دكتوراه وكل مااحكي كل القرف اللي بعاني منه تقنعني أنه عادي وان الرجاله كلها كده اصلا والرجاله كلها بتعمل صمت عقابي empty books ومهما تسمع مني مش بتديني حلول غير أنها طلبت مني ابطل اسمع القنوات للتوعيه النرجسية وانهم عالم فاشلة اصلا ومعقدين وزواجهم فاشل وكلهم مطلقين انا تعبت جدا يعني انا امي نرجسيه وجوزي نرجسي حتي الدكتورة نرجسيه بقيت اشك في نفسي وان انا اللي غلط
اختي في الله اتركي هذه الطبيبة اللغير واعية وتابعي ا كوثر سند محترمة ومتمكنه لما تابعتها حياتي اتغيرت للأحسن وبقيت اكثر وعيا ودراية ربنا ينور طريقك
@@mahaalbetar3572 تركتها فعلا لان كنت بتعب وبتعرض لاذي نفسي اكتر منه لما كنت اسمع كلامها والله شكيت أنها اصلا عندها سمات نرجسيه اللهم ثبت علينا نعمه العقل والدين يارب وأستاذة كوثر انا بقالي اربع سنين بسمعها وكنت سبب في وعي وتخطيت مرحلة كبيرة جداااااا كفايه أن جبت قطه وبربيها وانا كنت بترعب منهم اصلا ولكن قلت الجلسات مع حد هتكون افضل واتعافي احسن لاقيت العكس تماما الحمدلله
لان الدكتوره تبعك نرجسيه اصلا
@@امسما-ع8ك شكت في كده فعلا
الطبيبة نرجسية
كنت احكي موقف شفته عادي عالتوك تك رد عليا مستفز قرفني ياااااااارب رحمتك يارب
كنتي تضحكي ع كلامه وتقولي انت امته هتكبر ده رد اطفال
@@امسما-ع8ك ولا رد أطفال ولا رد كبار رد مجانين ونا كنت احكي لاولادي٠هو نط زي الشنبانزي🤣😂
ازاى نتعامل مع الزوج النرجسي ❤❤❤❤
هو حضرتك في نرجسين بيجو يتعلجو عند حضرتك
حبيبتي
أنا قررت الانفصال ورتبت لكل حاجة واتفقنا نجيب شقة للايجار وانقل انا والولادوقبل مانلاقى الشقة جاله جلطة رءوية مش عارفه اعمل ايه دلوقتي استنى شويه لما يخف وانا خلاص كنت بدور على شغل وبدأت استعيد حياتى وإلا استنى معه
لوكان بيعملك كويس استني لما يخف أما لوعاملك وحش سيبه يموت😂😂😂
ممكن يكون بيتمارض علشان متسيبيهوش
👍👍👍
❤❤
عفوا شنو يعني النرجسي
اكتب في اليوتيوب هذا السؤال او في هذي القناة وبتعرف ايش نرجسي.
@UCvNxfpQlcsw3KE6uRTvH9ng كليلي انني شنو النرجسي
اضراب الشخصية النرجسية
معناه مريض نفسي
النرجسي اقرب صورة له هو المنافق يكون معك موذي ومع الاخرين الحنون البريء الملاك@@G.S.R-z7k
تعب نفسك شوية وابحث بنفسك او تابع القناه
❤❤❤❤❤❤❤❤❤❤❤
❤❤❤❤❤❤❤❤❤
❤❤❤