爆鮑姐奉獻酬勞萬歲劇組 阿驄不捨乖女郭栢姸羅毓儀
HTML-код
- Опубликовано: 6 авг 2022
- 爆鮑姐奉獻酬勞萬歲劇組 阿驄不捨乖女郭栢姸羅毓儀
#林敏驄 #江美儀 #鮑起靜 #丁子朗 #郭栢姸 #羅毓儀 #鄧智堅 #關曜儁 同 #林穎彤 等呢日出席劇集《下流上車族》嘅拜神儀式。
喺劇入面林敏驄同江美儀飾演夫妻，仲有Rosita同羅毓儀扮飾佢哋嘅囡囡，第一次拍劇嘅阿驄，話呢個劇組成日都好歡樂，仲爆阿媽鮑姐將今次拍劇份人工奉獻晒出嚟：「佢日日都萬歲請大家食嘢，初初都仲有同佢話爭吓，但後來都費事爭。」
講到今次同美儀演夫妻，雖然大家合作得好開心，但阿驄話因為大家都係專業演員，所以一拍完就會抽離返個角色，不過雖然阿驄把口咁樣講，但其實佢同美儀都好唔捨得劇入面一對囡囡Rosita同羅毓儀，阿驄仲爆有場戲本身只係佢一個要喊，但因為佢哋已經有晒感情，所以就同導演提議不如將場戲改成全家一齊喊，結果導演接納建議，場戲出嚟嘅效果仲好好。
劇入面丁丁同Rosita有感情線，佢就話自己戲裏戲外都好欣賞對於方，仲讚Rosita係個好勤力嘅演員：「佢成日都會抽戲外嘅時間去練習，好似佢戲內要踩板，佢真係會抽好多時間去練。」而Rosita就好多謝鮑姐、林敏驄同江美儀喺演出上畀咗唔少意見自己。
而劇入面另一個家庭，就由鄧智堅飾演關曜儁嘅爸爸、Bella林穎彤嘅老爺，關曜儁同Bella都笑言阿堅嘅年齡同自己相近，所以睇劇本見到寫係佢做阿爸嘅時候都有啲擔心，Bella仲話：「但係之後見到有份淡定，又唔係好睬我哋就知OK。」
點知喺一旁嘅阿堅，就講返唔睬Bella嘅真正原因出嚟：「唔通私底下Bella成日叫我哋幫手買外賣又同你哋講咩？當個老爺係工人嗰啲唔通我又開咪講咩！」搞到Bella同關曜儁笑唔停。
#下流上車族 #林敏驄 #江美儀 #鮑起靜 #丁子朗 #Rosita #郭栢姸 #羅毓儀 #鄧智堅 #關曜儁
#林穎彤 #Bella
#TVB #娛樂新聞 #TVB娛樂新聞台 #ENews #HK E News #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0 
Развлечения
哈比人一家都好出色👍👍👍
我喜歡聴這首歌,很温暖。劇中的演員發展很好
鄧智堅好戲之人，值得一讚。平凡中唔搶戲，但好出色👍👍👍👍👍👍
絕對同意，鄧智堅的戲是教課書般的演譯，
好綠葉
林敏聰👍
郭柏妍演技👍💪👏
好喜歡這兩小花，特別是郭柏妍，又靚女青春，連踩滑板都型到痺 🔥
兩個都好可愛好靚. tvb 要力捧
好好笑🤣🤣🤣
下次郭柏妍可以試下唱主題曲
越来越欣賞鄧智堅 😃😃😃
細看一下，林敏聰竟然有點木村的影子。。痳甩版本村。。哈哈
😂😂😂😂
我没想到阿聪如此会做戏
丁子朗 👎👎👎👎👎