《Hi MIRO! 見面祭》June 8 - Anson Lo (Break x30)

角度: S1*2 / Row H
撈豬場真係好驚喜! 0730 準時開場, 0152 曲終人散~ 攞左御守影左相嘅神徒繼續留低陪撈豬, 未攞御守未影相嘅神徒留位耐心等待~ 目測有超過 90% 神徒陪撈豬陪到 2am, 懷疑破左九展紀錄! 我終於都明點解咁早期連牛牛都已冇撈飛放 (12 子獨欠撈), 一班 die-hard fans, 搶唔倒飛嘅即撲, 搶倒嘅死攬住唔放 (有人用高價引誘我, 我都絲毫冇動搖!)
我估撈豬會唱 KING KONG (因為 June 8 係兩週年) + 特別約會儀式 + 深閏, 點知錯晒~ 估唔到唔多舒服又冇 dancers 都要唱三首快歌!
喺深情對話環節, 撈豬提到未能好詳盡咁講我哋知 d medical reports 有咩問題 - 即係真係有問題, 唔知係咩問題, 好擔心!!!
到左萬眾期待嘅御守 + 小組合照環節, 大家好驚訝每人都可以有咁多時間同撈豬對話, 而且一 group 只得 28 人, 點解會咁好嘅? 知道自己冇企撈豬旁邊嘅運氣, 但求企前排正中 d, 有個 full body 影大合照, 點知係後排側~ 不過原來企後排都有著數, 因為可以見撈豬耐 d - 特別係當佢派緊俾前排時, 拍片個角度一流, 又可以眼定定望, 真係暈晒大浪~
大約 0145, 終於都影埋最後一張小組合照喇~ 盧瀚霆終於都可以收工喇~! 諗住撈豬講兩句, 做個大心心就 ByeBye, 估唔到旁白君會幫神徒留多佢一陣喺台, 俾我哋唱幾句不可愛再示愛 (唔知喺唔喺 rundown 入面呢?!); 跟住又估唔到撈豬會再 selfie, 喑叫我哋示多次愛, hahaha; 點知旁白君話 ByeBye 時, 未捨得離開神徒嘅撈豬要求再 selfie 不可愛, 撈豬真係好 cute 呀! 唱完就堅 Bye lu~ 6h22m 嘅 FM, 真係好匪夷所思呀! Thank you so much 盧瀚霆! I had an unforgettable experience! Love you! 跟你一世!
FM 後感: 撈豬個完場彩蛋真係 sweet 爆, 當刻梗係開心; 但完場冷靜過後, 開始有 d 憂心 - 撈豬今次顯然特別不捨, 再加上 d 唔知有咩問題嘅 reports, 令我覺得好不安, 直覺覺得佢完成手頭上工作後就會小休。向來報喜不報憂嘅撈豬, 今次喺未出晒報告就已經同我哋講佢身體出現狀況, 似係俾定個心理準備我哋, 有可能要停工休息。如果真係咁, 冇問題架, 你放心休息吓, 叉叉電啦~ 幾耐都好, 神徒都會等你! 我哋 hand in hand, 跟你步伐, 一起開心走下去!
*** *** ***
開頭撈豬隔幾個 break 先同台下嘅神徒互動, 大約 2300 開始, 每個 break 都會同台下神徒嚟 d 小互動~ 哩條片係串連左 30 個 break 嘅一氣呵成版 (終於喺每條片加左 caption 串起左喇~ 唔知點解串起後 4K 會變 HD, 雖然冇咁清, 但都可以接受)。睇得出撈豬已經好攰, 但佢都唔休息吓, 選擇用每個 break 嗰廿秒時間, 去氹陪伴佢 OT 嘅神徒開心, sweet 到呢~

[@PhanGiang-lw6yk]

多謝分享！LoLo派大心心，好窩心，教主同神徒們大家都超開心！❤

[@shirleyleung8478]

好掛住呢晚，好難得可以望住教主6個半鐘，教主就同大家互動6個半鐘，寵粉霆非浪得虚名。

[@linko3620]

Hello-Grace,又有片睇啦,多謝你呀！撈撈豬對神徒真係好得太過份啦,仲超窩心添呀！🥰💖每個break都唔捨得未上台嘅神徒會悶,做好多古靈精怪但又超sweet嘅動作氹神徒開心,你話咁甜咁窩心嘅偶像係咪真係要跟佢一世吖？盧瀚霆當晚好乖乖啊真係聽話飲好多水,John哥都好盡責頻頻遞支水俾佢飲,不過支水好似飲唔完咁嘅.😆睇到啲工作人員都好照顧同好錫佢撈豬係值得㗎！🥰🥰聽講撈豬今日（16号）飛巴黎時裝週是嗎？多謝你share嘅片啊,辛苦啦！🙏