كم كلمةٍ في خاطري ما هرجتها
HTML-код
- Опубликовано: 8 сен 2024
- ابيات جديدة على البحر الهلالي
انا قريحة خاطري ما يشوقها
الا الامور الكايدة في طروقها
.
شعري ثمين و خالدٍ كنّه الذّهب
لونه شعاع الشمس ساعة شروقها
.
كم كلمةٍ في خاطري ما هرجتها
لا جيت ابشرحها حصل ما يعوقها
.
واليا تحدّثنا نقلّل و نختصر
كُثر الحكا للي وساعٍ حلوقها
.
واجهت في دنياي خلقٍ مشكّله
وميّزت من كثر التجارب فروقها
.
اعرف وجيه الصدق و الكذب بالنظر
كن البشر يكشف لي الله عموقها
.
الانذال ما يثمر بها الجود والتعب
الا ثمارٍ توجع اللي يذوقها
.
الحنظلة مُرٍ ثمرها ليا اثمرت
مهما السحاب العذب يروي عروقها
.
الاجواد تجلي همّك اليا نصيتهم
حتى لو انْك امقصّرٍ في حقوقها
.
النخلة الخضرا لو الملح تشربه
تلقى جناها حاليٍ في عذوقها
•
•
#صالح_حسن_الكيرعاني