COLECCIÓNS PÚBLICAS A DEBATE: A COLECCIÓN CGAC (I) | Mesa redonda 2

O esforzo dedicado polos museos de arte contemporánea á construción e presentación das súas coleccións converteuse nunha prioridade e nun eixe discursivo fundamental dos debates artísticos. A exposición Implosion: arte conceptual na Colección CGAC (1965-1975), entendida como un caso de estudo e como un primeiro paso cara a unha serie de exposicións que desenvolvan os discursos correspondentes a distintos períodos dentro da Colección CGAC, abre o debate sobre a dita colección, o seu futuro, a súa importancia e as súas necesidades, e asemade explora as súas posibilidades como a principal colección pública de arte contemporánea en Galicia.
30 DE NOVEMBRO - Facultade de Xeografía e Historia
Mesa redonda coa participación de Sara Donoso, David Barro e Juan de Nieves.
Moderan: Pedro de Llano (comisario da exposición) e Santiago Olmo (director do CGAC)