【
HTML-код
- Опубликовано: 10 сен 2024
- #選秀 #TVB #綜藝
中國電視巿場龐大,邊樣興就一窩蜂拍邊樣,但邊樣拍得多拍得膩就禁,穿越、宮鬥、抗日、復仇、星二代唔拍得,加上為咗文風純潔,同性戀、煙酒、警察犯法、鬼魂、波罅等又唔拍得,剩下來好似得返選秀類的拍得,由好聲音、有嘻哈,到單口喜劇、打籃球都有得比賽,有現場評判評頭品足一番,又有獨特的比分系統。前年年尾,浙江衛視、優酷、TVB三間跨地跨媒體機構合作,搞鬥演戲,可能遲啲有得鬥作曲,讓莫扎特大戰薩利埃利,然後由周啟生、伍仲衡同楊千嬅三位老師評審,到時不知誰隨意喺紙上面寫的音符,將嘔心瀝血的作品變得一文不值,或者會有參賽者表示希望喺創作音樂時,可以聽到你的聲音。
比賽形式的電視節目古知有之,選美、歌唱比賽、運動比賽、打牌、大胃王、煮食,甚至連鍛把刀出嚟都有,除了揀選演藝從業員,其他都是借素人的努力,在競爭下令觀眾熱血沸騰,換取收視。而由成龍召集,由曾志偉、爾冬陞、惠英紅等香港仲係被稱為「東方荷里活」時的實力派演員和導演共同帶領製作出一個演戲選秀節目,竟然有神奇的火化,雖然大家都是北上離港,但都證明了八九十年代香港演藝的力量,只是今日香港的流行藝術土壤再也盛載不了他們,唯有求之神州。一個好節目,哪怕家教幾嚴,即使25歲都仲畀媽媽鬧,都要追埋呢套「無限超越班」先瞓覺。早抖媽咪。
一眾新生代演員,以為在爭取脫穎而出,想成為節目中的紅咭,但大家都變了白咭,亦成了配菜一碟,真正留在專業的一眾,仍是群老戲骨,即使是中生代的高海寧和佘詩曼,都在年輕「演員」的陪襯下,為觀眾上一課,話你知咩係做戲的極致,唔係扯高把聲叫「初哥哥」就係做戲,唔係撐大對鼻哥窿就係做戲,咁你只會親耳聽到,你想成為演員的慾望有幾羞家。你以為曾志偉只係識傻笑同打和,苑瓊丹淨係識扮醜(或真醜),但行家一出手,便知有沒有,咩叫表情咩叫節奏,咩叫戲劇的高峰。
中國電視競爭激烈,收視不到五六點不是奇聞,成績亦不賴,但弱點還是被展覽,而選秀節目就寵壞觀眾變導演,不知是好是壞。而新演員在節目基本上是被輾壓的,真的有亮光都不閃。富二代星二代,怎可能不知你是誰,你見過我未見過我,都不會相當依稀記不清楚,你被父母罵時,全國都知了,不想囂張連成名也太懶惰嗎?你控制不了。猶如莫扎特都不想英年早逝,都想當下評判鬧下人,「就算轟動幾秒有用麼?」莫先生,有用㗎,今日有RUclips,可以留芳百世,21世紀20年代,多了很多中國人認識莫扎等之死,都是古典音樂能推廣的入門,好似Netflix版《三體》咁。如果演戲不好,可以做武打明星,忍者姿勢都不錯。
傾密計去Discord~: / discord
_
加入天文學會,你唔會後悔。⬇️
RUclips會員:bit.ly/3u85q1L
Podcast會員:apple.co/3AVfRqD
一週工作尾聲,讓我們微醺一點。
眾人皆醉我更醉,微醺中更清楚面對自己、看見世界。
逢星期三、五晚上,使我們在死前多一點品味。
節目類型:一個坦誠尖酸的社會觀察、文化研究過程
主持:陳四、VVN
支援小平台,敬希打賞,少少無拘:shorturl.at/cfyHZ
半夜微醺Drunkirk RUclips: bit.ly/3zzZ6PE
➤歡迎分享影片連結
➤➤本頻道合作提案請洽:team@drunkirk.com 會有專人回覆你!
_
RUclips視像版及各大Podcast :
Apple Podcast • Google Podcast • KKBOX • Firstory • Spotify
Linktree:linktr.ee/drun...
#podcast #半夜微醺Drunkirk #Drunkirk #半夜微醺 #廣東話Podcast
望住內地D明星,都可以反映返香港地既各行各業前景︰香港地只要虛心學返上一輩好既野(技藝、工作態度),都好肯定可以搵到啖飯食。發唔發到圍,就睇運。
真係唔懶、唔求其、態度好就夠做。
好憎睇到所有小粉紅藍絲藝人同大陸合作節目,最好戒睇