【全場精華】港超聯-傑志 0:0 冠忠南區
HTML-код
- Опубликовано: 23 ноя 2023
- 港超聯 迪美路夫地標 傑志冠忠南區窿對窿
「中銀人壽香港超級聯賽」周五（24日）上演獨腳戲，傑志坐鎮旺角大球場主場火併冠忠南區。「藍鳥」今場有鳥茲別克前鋒迪美路夫上演地標戰，但仍無法攻破對手大門，最終以0比0悶和南區，今季聯賽第二度失分。
「藍鳥」今仗由保羅把關，陳晉一、羅拔圖分任左右閘，兩翼明加索夫、伊高沙托尼，連同恩查負責支援，首次上陣的前鋒迪美路夫。至於冠忠南區由古安奴、川瀨浩太扼守中路，鞠盈智坐鎮中場，入球重任落在艾華、史提芬彭利拿身上。
傑志甫開賽先有埋門機會，8分鐘新兵迪美路夫接應恩查傳送，窄位起腳省中人後，未造成太大威脅。5分鐘後南區後場解圍不遠，伊高沙托尼截到再攻門，惟未能考驗門將伍瑋謙。南區之後站穩陣腳，22分鐘艾華推順後來一腳冷箭，門將保羅撲出，史提芬彭利拿補射又無功而還。4分鐘後艾華左路傳中，「肥彭」撞射亦被保羅沒收。迪美路夫之後再有一腳勁射，被門將伍瑋謙飛身撲出，半場雙方暫時互交白卷。
易邊後傑志繼續搶攻，但明加索夫插水式頭槌，以及迪美路夫勁射同樣未能射破伍瑋謙十指關。形勢被動的南區，之後換入陳傲軒加強攻力，71分鐘艾華殺入禁區起腳角度太正。「藍鳥」尾段有門將保羅傷出，換入王振鵬，迪美路夫亦被收起，但繼續搶攻，82分鐘恩查交橫，明加索夫射門高出。6分鐘後羅拔圖斬入禁區，恩查撞射無功而還。補時階段出現小插曲，川瀨浩太接應罰球頭槌頂入，但旁證指他犯規在先，引起南區職球員不滿，最終兩隊踢成0比0，雙方各得1分。
#本地足球 #傑志 #冠忠南區 #我撐本地波 #港超聯 #中銀人壽香港超級聯賽 #睇體
------------------
支持香港運動員，快啲follow埋《睇體》個 IG： / ontv_sports
再再訂閱《睇體》個RUclips頻道：bit.ly/2lD6cD7 
Спорт
係球證方面 港超終於有樣野係追得上英超
最後個球若調轉一定係判傑志入!!
睇VAR睇左成十分鐘!顯然易見若foul 一早就foul 左冼乜睇咁耐，判决根本就唔成立!
似係守門員出迎接波撞埋去對方球員到，對方球員冇犯規，所以入球應該成立。
😂😂😂
王振鵬撞杜馬斯，罰杜馬斯
幫到出晒面😤😠😡！咩道理呢？因為自己入唔到波，所以人哋入波就作廢😤？
VAR 證實咗呢球沒有越位。
川瀬浩太升得好高跳頂入網，而嘜佢嘅傑志球員冇跳到，呢球入得好清脆。球證應該去場邊睇機，覆檢自己是否錯判川瀨浩太，但佢完全冇去睇機，係令冠忠南區球員不能接受。喺外國賽事，球證睇機後推翻自已決定係時常發生，但佢完全冇去睇機再作判決。
王振鵬出迎接球撞向杜馬思，如果咁都判杜馬思犯規，咁守門員根本毋須接高空波，只須要出迎接球時，撞向對方球員，然後跌倒在地，便可以獲判對手犯規，輕易化解對方攻勢。
黑哨!
最後果球點樣犯規
阿鵬撞落杜馬思喎……
明幫傑志，球迷怎會入場看比賽？
原來咁重要嘅判決，球證完全冇去場邊睇機，佢好似唔知佢自己係主裁判，係有最終決定權，相信佢嗰六、七分鐘係聽緊指示，唔敢自己判決。
小學生都識改咗答案，交卷之前穩陣啲要check多次la, 點知球證連小學生都不如
毫無爭議嘅波 可以睇VAR十分鐘咁耐 假都唔好假到咁出樣😮
黑哨
建議即時送隻港超聯賽冠軍盃比傑志，洗乜野踢吖，浪費時間！
又係咁上年傑志對流浪硬盤人哋流浪輸了，十二碼都有，今次又係咁球証冠忠南區入球無效，球証偏袒大球會🤨🧐
所以香港足球冇得救.
傑志又踢12個
邊止😂17個啊😂
香港球證得淡笑
係王振鵬撞杜馬斯㗎喎
應該1-0啦
楊正光是個好教練👍👍
好好㗎，有教成人班
球證又發揮作用！傑志真心唔掂
傑志玩 L哂！
支持南區，下次零封杰志
球証,又攪韭菜,小禁區企人就係要食住你個位..
無需看英超，高腳大棍，不好看，昨晚南區是一埸好波，支持港波，
慢鏡看來, 川瀬雙手推及查理史葛。球證看來看得清楚.
玻璃龍門+自炒龍門
比50幾蚊睇幾條盲毛謀殺比賽，仲叫人入場支持😂支你條毛咩🙄明顯門將自己判斷失誤撞埋人地到🙄咁都有得吹進攻方犯規😂又唔埋去睇機，就算你明撐傑志，你都做下樣埋去睇下機增加你判斷說服力丫。
傑志真糸好L屎
dklm 我條7X1就欠南區入球
呢集節目個旁述, 講到最尾個球唔計入, 佢自己都講到口疾疾
嘉諾sir嚟, 全場其實佢真係講得超好, 最後嗰球其實全部人嗰陣都有啲亂, 佢又唔係全職講波, 都正常嘅😅